በሀገሪቱ የተለያዩ አካባቢዎች የሚከሰቱ #ግጭቶችና አለመግባባቶችን ለመከላከልና ይቅር መባባልን ለማጎልበት የሠላም ግንባታ ሥራዎችን እየሰራ መሆኑን በትላንትናው ዕለት የኢትዮጵያ ሃይማኖት ተቋማት ጉባኤ ገለፀ፡፡ የጉባኤው ከፍተኛ አመራሮች በሲዳማ ዞን አለታ ወንዶ ከተማና ሁላ ወረዳ ተከስቶ በነበረው ሁከት የተጎዱ ዜጎችን ጎብኝተዋል፡፡

Via #ENA
@tsegabwolde @tikvahethiopia

#ኢሬቻ2012

ከመቶ ሀምሳ ዓመታት በሀኋላ በአዲስ አበባ ከተማ ሊከበር በዝግጅት ላይ የሚገኘው የኢሬቻ በዓል እንደ ትልቅ እድል ሊታይ ይገባል እንጂ የስጋት ምንጭ መሆን እንደሌለበት የገዳ አባቶች አስገንዝበዋል፡፡

#OBN

@tsegabwolde @tikvahethiopia

የASTU/AASTU የመመዝገቢያ መስፈርት!

ለኢትዮጵያ ሳይንስና ቴክኖሎጂ ዩኒቨርሲቲዎች የ2012 ዓ.ም መግቢያ ፈተና የምዝገባ ጥሪ!

የምዝገባ ጊዜ፡- ከነሐሴ 23 - ጳጉሜ 03

የምዝገባ ቦታ፦

የምዝገባ መስፈርቱን የሚያሟሉ አመልካቾች በማንኛውም ስፍራ በኢንተርኔት (online) በ www.aastu.edu.et,  www.astu.edu.et ድህረ ገፅ በመጠቀም መመዝገብ ይችላሉ፡፡

ፈተናው የሚሰጥበት ቀን፡-

በማስታወቂያ እና በዩኒቨርሲቲዎቹ ዌብሳይት የሚገለጽ ይሆናል፡፡

ፈተናው የሚሰጥበት ቦታ፡-

በምዝገባ ወቅት በመረጡት የፈተና ጣቢያ በአካል በመቅረብ ይሆናል፡፡

ማሳሰቢያ፡-

•ለምዝገባና ለፈተና ምንም አይነት ክፍያ አይጠየቅም፣

•ከሚመዘገቡት አመልካቾች ውስጥ ለፈተና የሚቀርቡት ስም ዝርዝራቸው በሚከተሉት ድረ-ገፆች፡-

www.aastu.edu.et, www.astu.edu.et
እንደአመቺነቱም በስልክ አጭር የጽሑፍ መልዕክት የሚገለፅ ይሆናል፡፡

•አመልካቾች ከወዲሁ ፈተናው በሚሰጥባቸው የትምህርት ዓይነቶች፣ ማለትም የመሰናዶ (11ኛ እና 12ኛ ክፍል) ባዮሎጂ፣ ኬሚስትሪ፣ ፊዚክስ፣ ሂሳብና እንግሊዝኛ እንዲዘጋጁ ይመከራል፡፡

•ፈተና የሚሰጠው በቀጥታ (online) ስለሆነ አመልካቾች በፈተና ጊዜ ሊያጋጥም የሚችል ግራ መጋባትን ለማስቀረት በምዝገባ ጊዜ ከመመዝገቢያ ፎርማቱ ጋር ተያይዞ የቀረበውን የሙከራ ፈተና እንዲለማመዱ ይመከራል፡፡

•አመልካቾች ለፈተና ሲቀርቡ የ2011 ዓ/ም የ12ኛ ክፍል ሀገር አቀፍ የዩኒቨርሲቲ መግቢያ ፈተና ውጤት፣ የሀገር አቀፍ የዩኒቨርሲቲ መግቢያ ፈተና አድሚሽን ካርድ (ወይም መታወቂያ) እና የምዝገባ ማረጋገጫ ኮፒ መያዝ ይጠበቅባቸዋል፡፡

ተጨማሪ ያንብቡ👇
https://telegra.ph/ETH-08-28-4

@tsegabwolde @tikvahethiopia

የሰላም ዋጋ ስንት ነው?

#የባህርዳር_ወጣቶች ያዘጋጁት የምዕራፍ ሁለት የጎዳና ላይ የሰላም ጉባኤ ተካሂዷል። #PEACE #ሰላም #ETHIOPIA

@tsegabwolde @tikvahethiopia

አረንጓዴ ጎርፍ በራባት!

እንኳን ደስ አለን!

1. Tsehay Gemechu ETH 31:56.92
2. Zeneiba Yimer ETH 31:57.95
3. Dera Dida ETH 31:58.78

🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹

የመጨረሻዎቹን ደቂቃዎች በቪዲዮ ይመልከቱ👆

እንኳን ደስ አለን!

ቪድዮ፦ African Athletics United/Bezuayhu Wagaw/

TIKVAH ስፖርት👇
https://t.iss.one/joinchat/AAAAAFb8M0pNEZTiGM68rg

ራሳችሁን ከአጭበርባሪዎች ጠብቁ!

"ከሰሞኑን በሞባይል ካርድ ላይ Fake መስራት ተጀምሯል። 50 ወይም 100 ብር ካርድ ብለክ ገዝተህ የ50 ብሩ ካርድ ተፍቆ ላዩ ላይ የ5 ብር ወይም የ10 ብር ሚስጥር ቁጥር አድርገውበት እሱን ሸፍነው ነው የሚሸጡት። ለምሳሌ እኔ 50 ብር ገዝቼ ስሞላው የ5 ብር ነው። ሰዎች ካርድ ሲገዙ አጠገባቸው ሆነው ይሙሉ። በተጨማሪ ፎቶው ላይ እንደሚታየው ካርድ ቁጥሩ አካባቢ ምንም አይነት የተፋቀ ነገር እንደሌለው ያረጋግጡ" ከTIKVAH-ETH ቤተሰብ አባል

@tsegabwolde @tikvahethiopia

#2 እራሳችሁን ከአጭበርባሪዎች ጠብቁ!

ከቅርብ ጊዜ ወዲህ አንዳንድ አጭበርባሪዎች ተፍቀው ጥቅም ላይ በዋሉ የሞባይል ካርዶች ላይ የተለያዩ ዘዴዎችን በመጠቀም በሚፋቀው ቦታ ላይ ተመሳሳይ ቀለም ወይም ስቲከር በመቀባትና በመለጠፍ ጥቅም ላይ ካልዋሉ አዳዲስ ካርዶች ጋር በማመሳሰል ወደ ገበያ በማሰራጨት ደንበኞቻችንን እያጭበረበሩ መሆኑን ደርሰንበታል። ስለሆነም ክቡራትና ክቡራን ደንበኞቻችን የሞባይል ካርዶችን ስትገዙ በሚፋቀው የሚስጥራዊ ቁጥር ቦታ ከተለመደው የተለየ ቅብ ወይም ተለጣፊ ነገሮች አለመኖራቸውን አስተውላችሁ እንድትገዙ በተቻለ መጠን ካርዱን ከገዛችሁበት ቦታ ወዲያውኑ እንድትሞሉ እየጠየቅን ሂሳቡ በትክክል ከተሞላ በኃላ ካርዱን በመቅደድ በተገቢው የቆሻሻ መጣያ ውስጥ በመጣል ለአጭበርባሪዎች ምቹ ሁኔታ እንዳይፈጠር የበኩላችሁን ሚና እንድትወጡ እንጠይቃለን።

#ETHI_TELECOM #ኢትዮ_ቴሌኮም

@tsegabwolde @tikvahethiopia

በትግራይ ክልል ህገ ወጥ ስደት ለመከላከል የሚደረገውን ጥረት ጥቂት ሰዎች በሚረጩት የተሳሳተ መረጃ እንቅፋት እየገጠመው መምጣቱን የክልሉ ሰራተኛና ማህበራዊ ጉዳይ ቢሮ ገልጿል። በተጠናቀቀው የበጀት ዓመት በክልሉ ህገ ወጥ ስደትን ለመከላከል የተደረገው ጥረትና የተገኘው ውጤት የሚገመግምና በአዲሱ ዓመት የዘርፉ እቅድ ዙሪያ ትናንት በማይጨው ከተማ ውይይት ተካሔዷል።

Via #ENA
@tsegabwolde @tikvahethiopia

”ኢመደበኛ አደረጃጀቶች #ሥርዓት ካልተበጀላቸው ለአገር ከፍተኛ አደጋ ይሆናሉ"- ዶክተር የሺጥላ ወንድሜነህ የፖለቲካ ሳይንስ ምሁር
.
.
የአገር ሽማግሌዎች፣ የተለያዩ የሃይማኖት አባቶች፣ በየአካባቢው ያሉ በግለሰብ የሚመሩ የወጣት ኢመደበኛ አደረጃጀቶች ተቋማዊ እንዲሆኑ ስርዓት ካልተበጀላቸው ለአገር ከፍተኛ አደጋ እንደሚሆኑ ተጠቆመ። የፖለቲካል ሳይንስ ምሁሩ ዶክተር የሺጥላ ወንድሜነህ ከአዲስ ዘመን ጋር በነበራቸው ቆይታ እንደተናገሩት፤ መንግስት በቅንነት ሽማግሌዎችን እና የተለያዩ የሃይማኖት ተቋማትን እያቀረበ ነው። አንዳንድ የምሁራን ማህበር እየተባሉ ኢመደበኛ በሆነ መልኩ የሚሳተፉ አሉ። በተለያዩ አካባቢዎች ሌሎችም መደበኛ ያልሆኑ የወጣት አደረጃጀቶች አሉ። ወደፊትም ሌሎች ሊፈጠሩ ይችላሉ።

ነገር ግን ከማናቸውም አደረጃጀቶች ጀርባ የግለሰቦች ፍላጎቶች መኖራቸው መዘንጋት የለበትም። ያንን መዘወር የሚፈልጉ የፖለቲካ ሃይሎች ይኖራሉ። እነዚህ አደረጃጀቶች ከጠነከሩ ማዕከላዊ መንግስቱ ያዳክማሉ።

Via #EPA
@tsegabwolde @tikvahethiopia

ኢትዮ-ጃፓን ቢዝነስና ኢንቨስትመንት ፎረም ተካሄደ!

በዮኮሃማ ጃፓን እየተካሄደ ካለው 7ኛው የቲካድ ስብሰባ ጎን ለጎን ዛሬ ሁለተኛው የኢትዬ-ጃፓን የቢዝነስ ፎረምና ኤግዝቢሽን ተካሂዷል። በዚሁ ፎረም 180 የጃፓን ባለሃብቶች እንዲሁም 43 የኢትዮጵያ የንግዱ ማህበረሰብ አባላት ተገኝተዋል።

በፎረሙ መክፈቻ ላይ የውጭ ጉዳይ ሚኒስትር አቶ ገዱ አንዳርጋቸው ፣ በጃፓን የኢትዮጵያ አምባሳደር አምባሳደር ካሳ ተክለብርሃን እንዲሁም የጃፓን የውጭ ንግድ ድርጅት (ጄትሮ) ፕሬዚዳንት ንግግር አድርገዋል።

የውጭ ጉዳይ ሚኒስትር አቶ ገዱ አንዳርጋቸው ባሰሙት ንግግር ኢትዮጵያ ከመቼውም ጊዜ በተሻለ ሁኔታ የጃፓን ባለሃብቶችን ለማስተናገድ ዝግጁ መሆናን አንስተው ፤ ባለሃብቶቹ ይህንን ምቹ ሁኔታ እንዲጠቀሙ ጥሪያቸውን አቅርበዋል።

አምባሳደር ካሳ ተክለብርሃን በበኩላቸው ቶኪዮ የሚገኘው የኢፌዲሪ ኤምባሲ የጃፓን ባለሃብቶችን ወደ ኢትዮጵያ ለመላክ በሚያደርገው እንቅስቃሴ ከተለያዩ ጃፓን ኩባንያዎችና ተቋማት ለሚደረግላቸው ድጋፍ በማመስገን ኤምባሲው ባለሃብቶቹ በኢትዮጵያ ያለውን አመቺ የንግድና ኢንቨስትመንት ዕድሎች እንዲጠቀሙ ሙሉ ድጋፍ እንደሚያደርግ አረጋግጠዋል።

Via #AMN
@tsegabwolde @tikvahethiopia

ነፃ የህክምና አገልግሎት!

ውዳሴ ዲያግኖስቲክ ማዕከል “ጳጉሜንን ለጤና” በሚል መርሀ ግብር ከአዲስ አበባና ሌሎች የአገሪቱ ክፍሎች ለተወጣጡ አንድ ሺህ ዜጎች ነጻ የምርመራና የህክምና ድጋፍ ለማድረግ በዝግጅት ላይ መሆኑ ተጠቆመ።ማዕከሉ አስረኛ ዓመቱን ‹‹አስር መልካም ነገሮችን በመስራት›› ሊያከብር ነው።

የውዳሴ ዲያግኖስቲክ ማዕከል ማኔጂንግ ዳይሬክተር አቶ ዳዊት ኃይሉ የማዕከሉን አስረኛ ዓመት የበጎ አድራጎት መርሀ ግብሮች ዝርዝር አስመልክተው ትናንት ለመገናኛ ብዙኃን በሰጡት መግለጫ፤ ማዕከሉ በአዲስ አበባና አካባቢዋ ያለውን የጤና ክፍተት ለመሙላት “ጳጉሜንን ለጤና” በሚል መርሃ ግብር ከተለያዩ የአገሪቱ ክፍሎች ለተውጣጡ አንድ ሺህ ዜጎች ከጳጉሜን 1 እስከ 6 ቀን 2011 ዓ.ም ድረስ ነጻ የምርመራና የህክምና አገልግሎት እንደሚሰጥ ገልጸዋል።
ምርመራው አጠቃላይ የውስጥ ደዌን ጨምሮ የአንገት፣ የጉበት፣ የካንሰር፣ የጨጓራ፣ የልብና መሰል የጤና እክሎችን የተመለከተ መሆኑን አስታውቀዋል።

ምንጭ፦ ኢፕድ
@tsegabwolde @tikvahethiopia

#ለተማሪዎች

📎የ10ኛ ክፍል ሀገር አቀፍ ፈተና #ውጤት ይፋ ማድረጊያ ቀንን እንዲሁም የዩኒቨርሲቲ መግቢያ #መቁረጫ ነጥብ በተመለከተ ከሚመለከታቸው አካላት የምንሰማው መረጃ ካለ ወዲያው የምናሳውቃችሁ ይሆነል። ነገር ግን በማህበራዊ ሚዲያዎች ላይ የ10ኛ ክፍል ውጤትን እንዲሁም የመቁረጫ ነጥብን በሚመለከት የሚናፈሰው ወሬ #ሀሰተኛ መሆኑን ልናረጋግጥላችሁ እንወዳለን።

@tsegabwolde @tikvahethiopia

የጣና ጉዳይ ይመለከተናል፤ ያሳስበናል!!

#ትኩረት_ለጣና_ሃይቅ

@tsegabwolde @tikvahethiopia

“የወጣቱ ጥያቄ የዳቦ ጉዳይ ነው የኢኮኖሚ ጉዳይ ነው፡፡ እዚህ ላይ በጋራ መስራት አለብን፡፡ ሁላችንም ተባብረን የኢኮኖሚ ማሻሻያው ተግባራዊ ማድረግ አለብን፡፡ የፖለቲካ ልዩነታችን ይህቺ ሀገር አንገቷን ቀና እንድታደርግ ከማድረግ እና የህዝቡን ተጠቃሚነት ከማረጋገጥ ሊመልሰን አይገባም፡፡ በሚያለያየን ነገር እንከራከራለን፡፡ አንድ ሀገር አንድ ህዝብ ነው ያለን እና እሱ ላይ በጋራ እንሰራለን፡፡” ዶ/ር እዮብ ተካልኝ የገንዘብ ሚኒስትር ዲኤታ ሀገር በቀል የኢኮኖሚ ማሻሻያን አስመልክቶ በተደረገ ውይይት ላይ ከተናገሩት የተወሰደ፡፡

Via #AMN
@tsegabwolde @tikvahethiopia

የስኳር ኮርፖሬሽን ምንም ያወጣሁት የአክሲዮን ሽያጭ የለም አለ!

የኢፌዲሪ ስኳር ኮርፖሬሽን በመንግሥትም ሆነ በኮርፖሬሽኑ በኩል ምንም አይነት ለሽያጭ የወጣ የፋብሪካዎችና ፕሮጀክቶች የአክስዮን ሽያጭ አለመኖሩን አስታወቀ። ኮርፖሬሽኑ እንዳስታወቀው ‹‹ኢትዮ ስኳር ማኑፋክቸሪንግ ኢንዱስትሪ አክሲዮን ማኅበር›› የተባለ ኩባንያ በመገናኛ ብዙኃን ከሚያስነግረው ማስታወቂያ ጋር በተያያዘ በኅብረተሰቡ ዘንድ ኮርፖሬሽኑ አክስዮን እንደሸጠ ተደርጎ ብዥታ በመፈጠሩ እና ይህንም ተከትሎ በርካታ ግለሰቦች ወደ ኮርፖሬሽኑ በመምጣት አላስፈላጊ ጫና እየተፈጠረበት ከመሆኑ ጋር ተያይዞ ይህን መግለጫ ለመስጠት እንደተገደደ አስታውቋል።

Via #AddisMaleda
@tsegabwolde @tikvahethiopia

#HORRA

በአዳማ ከተማ የሚገኘው ሆራ ትሬድንግ የባጃጅ ሞተር መገጣጠሚያ ፋብሪካ ከ462ሺህ ብር በላይ ግምት ያላቸው የመማሪያ ቁሳቁሶች ለችግረኛ ልጆች እንዲውሉ ድጋፍ አደረገ።

የፋብሪካው ስራ አስኪያጅ  አቶ ጀማል ኢብራሂም ድጋፉን ለከተማው አስተዳደር ባስረከቡበት ወቅት እንዳሉት ድጋፉ በአስተዳደሩ አራት ክፍለ ከተሞች ለተመለመሉ የችግረኛ ቤተሰብ ልጆችን  ለማገዝ የሚውል ነው። ለእነዚህ 2ሺህ 150 ልጆች በ2012 የትምህርት ዘመን  የሚያስፈልጋቸውን  የትምህርት ቁሳቁስ ማበርከታቸውን አመልክተዋል።

ከድጋፉም መካከል  25ሺህ 500 ደብተሮች እና ከ8ሺህ በላይ እስክሪፕቶዎች ይገኙበታል። ያደረጉት ድጋፍ የዜግነት አገልግሎት ግዴታቸው መሆኑን ስራ አስኪያጁ አመልክተው በቀጣይም ለተቸገሩ ወገኖች እገዛቸውን እንደሚቀጥሉ ገልጸዋል።

Via #ENA
@tsegabwolde @tikvahethiopia

#update የፖለቲካ ፓርቲዎች የጋራ ምክር ቤት የህዝብ ተወካዮች ምክር ቤት በቅርቡ ባፀደቀው የምርጫ ፣የፖለቲካ ፓርቲዎች እና የስነ ምግባር ደንብ አዋጅ ላይ እየመከረ ነው። ምክር ቤቱ አዋጁን በተመለከቱ አተያዮች ፣ አረዳድና አመለካከቶች ላይ እመክራለሁ ያለ ሲሆን ከህግና ስርዓት ያፈነገጡ ግንኙነቶችን በማድረግ የህዝብን ሰላምና ደህንነት ለማደፍረስ በሚሞክሩ ፖርቲዎች ዙሪያ ለመምከር የሚያስችል አጀንዳ ስለመያዙም አስታውቋል።

ምንጭ፦ ኢቢሲ
@tsegabwolde @tikvahethiopia

እንደ አማዞን ደን እሳት ያልተጮኸለት የአንጎላና ኮንጎ የደን እሳት!

ዓለም አቀፍ መገናኛ ብዙኃን ብዙውን ትኩረት የሰጡት በብራዚል ለሚገኘው የአማዞን ደን ሰደድ እሳት ቢሆንም፣ በአማዞን የተከሰተው ሰደድ እሳት በአንጎላም ሆነ በዴሞክራቲክ ሪፐብሊክ ኮንጎ ከተከሰተው የደን ሰደድ እሳት እንደማይበልጥ የናሳ መረጃ አመልክቷል፡፡

አልጀዚራና ቢቢሲ እንደዘገቡትም፣ በማዕከላዊ አፍሪካ በሚገኙት በሁለቱ አገሮች ደኖች የተከሰተው እሳት በአማዞን ከተከሰተው በሦስት እጥፍ ያየለ ነው፡፡

በቅርቡ በአማዞንም ሆነ በማዕከላዊ አፍሪካ ደኖች ላይ የተነሳው ሰደድ እሳት መጠን ሲታይ ከአንጎላና ከኮንጎ በመቀጠል የብራዚሉ አማዞን በሦስተኛ ደረጃ ሲገኝ ከብራዚል በመለጠቅ የዛምቢያ የደን ሰደድ እሳት አራተኛ ደረጃ ላይ ተቀምጧል፡፡ የብራዚል ጎረቤት ቦሊቪያ ደግሞ ስድስተኛ ደረጃ ላይ ይገኛል፡፡ የፖለቲካ ሚዛኑ ያደላውና የመገናኛ ብዙኃንን የላቀ ዘገባ ያገኘው ግን የአማዞኑ ነው፡፡

ከትላንት በስቲያ የተለቀቀውና መረጃው ከመለቀቁ በፊት በነበሩ 48 ሰዓታት ውስጥ የተከሰተውን ሰደድ እሳት አስመልክቶ ሁለት ሳተላይቶችን በመጠቀም የምድር የአየር ንብረት መረጃን የሚለቀው ሞዲስ (ኤምኦዲአይኤስ) እንዳስታወቀው፣ በአንጎላ 6,902፣ በዴሞክራቲክ ሪፐብሊክ ከንጎ 3,395 እንዲሁም በብራዚል 2,127 ሥፍራዎች ላይ የደን እሳቶች ተከስተዋል፡፡

በማዕከላዊ አፍሪካ ደን የተከሰተው ሰደድ እሳት፣ በብራዚል አማዞን ቀይ መቀነስ ሠርቶ እንደሚንቦገቦገው እሳት ሁሉ ከጋቦን አንጎላ ድረስ ቀይ ሰንሰለት ሠርቶ ይታያል ሲል የናሳ ሳተላይት ምስልን ጠቅሶ ፍራንስ 24 ዘግቧል፡፡

Via #Reporter
@tsegabwolde @tikvahethiopia

የአለም የጤና ድርጅት ማስጠንቀቂያ ሰጠ!

በምስራቅ አፍሪካ ተመሳስለው የተሰሩ ጸረ- ባክቴርያ (አንቲባዮቲክስ) መድሃኒቶች በመሰራጨታቸው ጥንቃቄ እንዲደረግ የአለም የጤና ድርጅት አሳሰበ፡፡ በኬንያ ተመሳስሎ የተሰራ ጸረ ባክቴርያ መድሃኒት በመድሃኒት ቤቶች በመሰራጨቱ ጥንቃቄ እንዲያደርጉ የአለም የጤና ድርጅት አሳስቧል፡፡

ድርጅቱ እንዳለው ተመሳስሎ የተሰራ “ኦግመንቲን” የተባለ ጸረ ባክቴርያ መድሃኒት በኬንያ በተለያዩ መድሃኒት ቤቶች በብዛት የተገኘ በመሆኑ ኡጋንዳን ጨምሮ ሌሎች ምስራቅ አፍሪካ ሃገራት ሊገባ እንደሚችል ተገምቷል፡፡

“ኦግመንቲን” የተባለውና በብዛት የሚታወቀው ጸረ ባክቴርያ መድሃኒት በባክቴርያ አማካኝነት የሚከሰቱ በርካታ ህመሞችን እንደሚያክም ባለሙያዎች ይናገራሉ፡፡ የአለም የጤና ድርጅት ባወጣው መግለጫም ተመሳስሎ የተሰራው የዚህ መድሃኒት አስተሻሸግ ከትክክለኛው ጋር እንዲመሳሰል ተደርጎ የተሰራ ነው ብሏል፡፡

የመድሃኒቱ ትክክለኛ አምራች ተመሳስሎ ስለተሰራው መድሃኒት የሚያውቀው ነገር እንደሌለ የተናገረ ሲሆን መድሃኒቱን የወሰዱ ሰዎች ወደ ህክምና ተቋማት በመሄድ ባለሙያ እንዲያማክሩም ጥሪ ቀርቧል፡፡

የኬንያ የመንግስት ባለስልጣናትም ኬንያውያን በአለም የጤና ድርጅት መልዕክት መሰረት ጥንቃቄ እንዲያደርጉ መግለጫ አውጥቷል፡፡ በአፍሪካ ተመሳስሎ በተሰራ “ኦግመንቲን” በተባለው መድሃኒት ላይ የአለም የጤና ድርጅት ማስጠንቀቂያ ሲሰጥ ይህ ለሁለተኛ ጊዜ ነው፡፡

ምንጭ፦ቢቢሲ/AMN/
@tsegabwolde @tikvahethiopia

ኢትዮ ቴሌኮም የቀጣይ ሶስት አመት ስትራቴጂውን ይፋ አደረገ። የኢትዮ ቴሌኮም ዋና ስራ አስፈፃሚ ወይዘሪት ፍሬህይወት ታምሩ ዛሬ በሰጡት መግለጫ እንዳሉት፥ ስትራቴጂው ተቋሙን ተወዳዳሪ፣ ብቁና ተመራጭ ለማድረግ የተዘጋጀ ነው።

ስትራቴጂው ከሃምሌ 2011 እስከ ሰኔ 2014 ዓ.ም ድረስ ተግባራዊ የሚደረግ ሲሆን፥ በዘርፉ ሊፈጠር የሚችለውን ውድድር ለመምራት የሚያስችል የቅድመ ዝግጅት ስራ ያካተተ መሆኑም ተጠቁሟል። በቀጣዮ አመትም የተቋሙን የደንበኞች ቁጥር ወደ 50 ነጥብ 4 ሚሊየን በማሳደግ ገቢውን 45 ነጥብ 4 ቢሊየን ለማድረስ መታቀዱንም ገልፀዋል።

Via #FBC
@tsegabwolde @tikvahethiopia