#update ኢትዮጵያ ውስጥ “እየተፈፀመ ነው” ያሉት ጅምላ እሥራት፣ ማሳደድና ማስፈራራት በአስቸኳይ እንዲቆም የመላ ኢትዮጵያ አንድነት ድርጅት - መኢአድና የኢትዮጵያ ሕዝብ አብዮታዊ ፓርቲ - ኢሕአፓን ጨምሮ ሰባት ፓርቲዎች ጠይቀዋል።

ደቡብ ኢትዮጵያ ውስጥ ከሚነሱ የክልል ጥያቄዎች ጋር በተያያዘ “በንፁሃን ዜጎች ላይ ግድያ፣ ዝርፊያና ወከባ የፈፀሙ ወገኖች ሕግ ፊት ይቅረቡ” ሲሉም ፓርቲዎቹ ጥሪ አሰምተዋል።

@tsegabwolde @tikvahethiopia

ኢትዮጵያ ወደ አውሮፓና እስያ ሠራተኞችን ልትልክ ነው፦

ወደ መካከለኛው ምሥራቅ የሥራ ስምሪት መጀመሩንና ወደ እስያና አውሮፓም የሠለጠነ የሰው ኃይል ለመላክ ቅድመ ዝግጅት እየተደረገ እንደሆነ በሠራተኛና ማህበራዊ ጉዳይ ሚኒስቴር የውጭ አገር ሥራ ስምሪት ዳይሬክተር ጀኔራል ብርሃኑ አበራ ለቢቢሲ ገልፀዋል።

በዚህ የውጭ ሃገር ሥራ ስምሪት በተለይ በኮንስትራክሽን ሙያ ላይ እውቀቱና ልምዱ ያላቸውን ባለሙያዎችን ለመላክ እንደታሰበም አቶ ብርሃኑ ተናግረዋል። ይሁን እንጂ ሥራ ቀጣሪው የሚፈልገው የሥራ ዘርፍ ስላልተገለጸ በየትኞቹ የኮንስትራክሽን ዘርፎች ላይ እንደሆነ ዝርዝሩን ገና አለመለየታቸውን አክለዋል።

ተጨማሪ ያንብቡ👇
https://telegra.ph/EE-07-26

@tsegabwolde @tikvahethiopia

#Congratulations

ጌጅ ኮሌጅ በቴክኒክና ሙያ፣ በቅድመ ምረቃ (መጀመሪያ ዲግሪ) እና በድህረ ምረቃ (ሁለተኛ ዲግሪ) በተለያዩ የትምህርት መስኮች ያሰለጠናቸውን 6ሺ 454 ተማሪዎች በሚሊኒየም አዳራሽ አስመረቀ፡፡ ኮሌጁ በዘንድሮ ዓመት ካስመረቃቸው ተማሪዎች ውስጥ 98 በመቶ ያህሉ የመንግሥት ሠራተኞች መሆናቸው ታውቋል፡፡

ኮሌጁ እውቅና ባገኘባቸው የትምህርት መስኮች በቴክኒክና ሙያ 4ሺ66 ፣ በቅድመ ምረቃ 2ሺ 299 እንዲሁም ለመጀመሪያ ጊዜ በድህረ ምረቃ ትምህርታቸውን ሲከታተሉ የነበሩ 79 ተማሪዎችን ትናንት ማስመረቅ ችሏል፡፡ የምረቃት ሥነሥርዓቱ በኮሌጁ ታሪክ ለ16ኛ ጊዜ የተካሄደ መሆኑን የተናገሩት የኮሌጁ ባለቤትና ዋና ሥራ አስፈጻሚ አቶ ሞገስ ግርማ በ2012 ዓ.ም የትምህርት ጥራቱን በማስጠበቅ ስያሜውን ወደ ዩኒቨርሲቲ ለማሳደግ ጫፍ ላይ መድረሱን በምርቃት ሥነሥርዓቱ ላይ ተናግረዋል፡፡

ከምን ጊዜውም በበለጠ የትምህርት ሴክተሩን በማዘመንና በማሳደግ እንደ አንድ ባለድርሻ አካል ኮሌጁ ሚና እንደሚኖረው የተናገሩት ሥራ አስፈጻሚው፤ ጌጅ ኮሌጅ አሁን ባለበት ደረጃ ሳይወሰን ራሱን ከሌሎች የግል ከፍተኛ ትምህርት ተቋማት ዩኒቨርሲቲዎች ተርታ ለመሰ ለፍ፤ ተወዳዳሪ በመሆን ብቁ ዜጎችን በማፍራትና ወደ ኢንዱስትሪው በመቀላቀል አገሪቷን ዕድገት ለመደገፍ እየሰራ መሆኑን አስታውቀዋል፡፡ በዚህም ኮሌጁ በ2012 ዓ.ም ደረጃውን ወደ ዩኒቨርሲቲ ተቋምነት ለማሳደግ የመጨረሻው ምዕራፍ ላይ መሆኑን ጠቁመዋል፡፡

Via #EPA
@tsegabwolde @tikvahethiopia

#update በሚቀጥለው ዓመት 3 ሚሊዮን ለሚሆኑ ዜጎች የሥራ ዕድል ለመፍጠር ታቅዷል። የፌዴራል እና የክልሎች የሥራ ዕድል ፈጠራ 2ኛ መደበኛ መድረኩን በባሕር ዳር እያደረገ ነው። በመድረኩ የተገኙት የሥራ ዕድል ፈጠራ ኮሚሽን ኮሚሽነር ኤፍሬም ተክሌ (ዶክተር) በኢትዮጵያ በተያዘው የበጀት ዓመት 3 ሚሊዮን ለሚሆኑ ዜጎች የሥራ ዕድል ለመፍጠር ዕቅድ ተይዟል ብለዋል። እስከ 2017 ዓ.ም ለ14 ሚሊዮን ዜጎች የሥራ ዕድል ለመፍጠር እንደታቀደም አስታውቀዋል። እስከ 2022ዓ.ም ደግሞ ለ20 ሚሊዮን የሀገሪቱ ዜጎች የሥራ ዕድል ለመፍጠር ታቅዷል።

Via #AMMA
@tsegabwolde @tikvahethiopia

#ሃምሌ19

ልክ የዛሬ ዓመት ሃምሌ 19~የህዳሴ ግድብ ስራ አስኪያጅ የሆኑት ኢንጂነር ስመኘው በቀለ ከዚህ አለም በሞት የተለዩት

@tsegabwolde @tikvahethiopia

#update በአራት ሚልዮን ዶላር ክስ እስር ቤት ይገኝ የነበረው የትድሀር ኮንስትራክሽን ባለቤት እስራኤላዊው ሜናሼ ሌቪ ከአራት አመት በሁዋላ ከእስር ቤት እንደወጣ ጄሩሳሌም ፖስት ዘግቧል። የኮንስትራክሽን ድርጅቱ ባለቤት አዲስ አበባ በነበረው ፕሮጀክት ዙርያ በህገወጥ የገንዘብ ዝውውር፣ ታክስ በማጭበርበር እና ጉቦ በመስጠት ተከሶ ማእከላዊ እስር ቤት በአስከፊ ሁኔታ በእስር ላይ ይገኝ ነበር ተብሏል። በመጨረሻም አሌፍ በተባለ የእስራኤል ድርጅት ድጋፍ ሰኔ 27 ነፃ ሆኗል ተብሏል።

Via Elias Meseret
@tsegabwolde @tikvahethiopia

#አረንጓዴአሻራ

የፊታችን ሀምሌ 22 ቀን 2011 ዓ.ም በሀገር አቀፍ ደረጃ በአንድ ጀምበር 200 ሚሊዮች ችግኞችን በመላው ሀገሪቱ ለመትከል ቅድመ ዝግጅቶች ተጠናቀዋል፡፡

@tsegabwolde @tikvahethiopia

#ሃምሌ_22 #አረንጓዴ_አሻራ "200 ሚሊዮን ችግኝ በአንድ ጀንበር" 3 ቀን ቀረው!

37 ሺህ ዩሮ ለባለቤቱ የመለሰው ወታደር!

ወድቆ ያገኘውን 37 ሺህ ዩሮ ለባለቤቱ የመለሰው ወታደር የሁለት ማዕረግ እድገት ተሰጠው። ታማኙ የናይጄሪያ አየር ኃይል አባል የሆነው በሺር ኡመር ከባልደረቦቹ ጋር በመሆን በሰሜናዊቷ ካኖ ግዛት አውሮፕላን ማረፊያ ቅኝት በማድረግ ላይ ነበሩ። በቅኝቱ ወቅት በሺር ኡመር በካርቱን ተጠቅልሎ የወደቀ 37 ሺህ ዩሮ (41 ሺህ 500 ዶላር) ያገኛል።

በገንዘቡ መጠቅለያ ላይ የተጻፈው ስልክ ላይ በመደወል ለባለቤቱ መልሷል። የአየር ኃይል አባሉ በሺር ኡመር በዚህ የታማኝነት ተግባሩ ለማሳካት 10 ዓመት የሚወስድበትን የሁለት ማዕረግ እድገት ከተቋሙ ተችሮታል። የምስጋና ወረቀት በተቋሙ እንደተጠሰውም ነው የተነገረው።

ትናንት ምሽት በነበረው ስነ ስርዓት የአየር ኃይል አዛዡ ማርሻል ሳዲቅ አቡበከር “ኡመር ወድቆ ያገኘውን ገንዘብ ለባለቤቱ በመመለስ ሀቀኝነትን በተግባር አሳይቶናል” ብለዋል።

Via #BBC
@tsegabwolde @tikvahethiopia

አማራ ክልል ዝግጅቴን አጠናቅቂያለሁ ብሏል!
#ሃምሌ22

በአንድ ጀምበር 200 ሚሊየን ችግኞችን በሀገር አቀፍ ደረጃ ለመትከል በተያዘው እቅድ መሰረት የአማራ ክልል በአንድ ቀን 100 ሚሊየን ችግኝ ለመትከል ቅድመ ዝጅት ማጠናቀቁን አስታወቀ፡፡

የአማራ ክልል የግብርና ቢሮ የመስኖ ግንባታና የተፈጥሮ ሃብት ምክትል ሃላፊ አቶ ማርቆስ ወንዴ፥ ሃምሌ 22 ቀን 2011 ዓ.ም ከጠዋቱ 12 እስከ ቀኑ 12 ሰዓት ድረስ በክልል ደረጃ 100 ሚሊየን ችግኞችን ለመትከል ቅድመ ዝግጅት መጠናቀቁን ተናግረዋል፡፡

ለዚሁ ተግባር ችግኞች ወደ መትከያ ቦታዎች መጓጓዛቸውን በመግለጽ በእለቱ በየችግኝ መትከያ ቦታዎች ድጋፍ የሚያደርጉ የዘርፉ ሙያተኞች መመደባቸውን አንስተዋል፡፡

በክልሉ የተለያዩ አካባቢዎች ማህበረሰቡ ለዚሁ ተልዕኮ ቅድመ ዝግጅት ማድረጉንም ምክትል ሃላፊው ገልጸዋል፡፡ በእለቱ የፌደራልና የክልል ከፍተኛ የስራ ሃላፊዎችም በዚሁ ፕሮግራም ይሳተፋሉ ተብሎ እንደሚጠበቅ ነው አቶ ማርቆስ የተናገሩት፡፡

@tsegabwolde @tikvahethiopia

#ቁልቢ #ሀዋሳ #ሀምሌ19

በቁልቢ እና በሐዋሳ ከተሞች በኦርቶዶክስ ክርስትና እምነት ተከታዮች ዘንድ በየአመቱ ሐምሌ 19 ቀን የሚከበረው የገብርኤል አመታዊ ንግሥ በከፍተኛ የጸጥታ ጥበቃ ተከናወነ። የክብረ በዓሉ ታዳሚዎች ቁጥር በቁልቢ ሲጨምር በሐዋሳ በግማሽ ገደማ መቀነሱን የጀርመን ራድዮ ዘግቧል።
በምስራቅ ሐረርጌ ዞን ቁልቢ ከተማ የተካሔደው የዛሬው የበዓል አከባበር ምንም እክል እንዳልገጠመው የምስራቅ ሐረርጌ ዞን ፖሊስ ኃላፊ ኮማንደር ሱልጣን አወል ለጀርመን ራድዮ ተናግረዋል።

https://telegra.ph/HAMLE19-07-26

#update የአሜሪካ መንግስት ከ16 አመት በኋላ ለመጀሪያ ጊዜ የሞት ቅጣት መወሰኑ ተነገረ፡፡ ከፈረንጆቹ 2003 በኋላ ለመጀሪያ ጊዜ የሞት ቅጣት መወሰኑን የአሜሪካ ፌዴራል መንግስት ጠቅላይ አቃቢ ህግ አስታውቋል፡፡ ቢቢሲ እንደዘገበው 5 ሰዎች በህፃናት ላይ በፈጸሙት የአስገድዶ መድፈር ወንጀል ለሞት ቅጣት ቀነ ቀጠሮ ተይዞላቸዋል ተብሏል ፣ የሞት ቅጣቱ የሚፈፀምበት ቀን ታህሳስ 2019 እና ጥር 2020 እንደሆነም በዘገባው ተካቷል፡፡ በአሜሪካ የሚገኙ የመብት ተሟጋች ቡድኖች የሞት ቅጣቱ የሚፈፀምበት ቀን በጣም ቅርብ ስለሆነ ሊታሰብበት ይገባል ፣ በቅጣቱ ፍትሃዊነት ላይም ትኩረት ይሰጥ ብለዋል፡፡

@tsegabwolde @tikvahethiopia

"አብዛኞቹ ኢትዮጵያዊያን ናቸው..."

ከሊቢያ ጠረፍ አቅራቢያ በሜድትራኒያን #ባሕር ላይ በትናንትናው ዕለት በመስጠም ላይ ከነበረ ጀልባ የባህር ጠረፍ ጠባቂዎች ከታደጓቸው ስደተኞች አብዛኞቹ ኢትዮጵያውያን መሆናቸውን አንድ ከፍተኛ የሊቢያ ባለሥልጣን አስታወቁ።

የተባበሩት መንግሥታት የስደተኞች መርጃ ድርጅት (UNHCR) በበኩሉ በጀልባ የሜድትራኒያን ባሕርን ለማቋረጥ ከሞከሩ 300 ስደተኞች ውስጥ #147ቱ በህይወት መትረፋቸውን ገልጿል።

የተባበሩት መንግሥታት የስደተኞች መርጃ ድርጅት የአፍሪካ እና የሜድትራኒያን ቃል-አቀባይ ቻርሊ ያክስሊ ዛሬ እንደተናገሩት ኾምስ ከተባለችው የሊቢያ ከተማ ከተነሱት ስደተኞች ውስጥ 150 ያክል በባሕር ላይ ሞተዋል የሚል መረጃ በሊቢያ ከሚገኙ ባልደረቦቻቸው ደርሷቸዋል።

የሊቢያ የባሕር ኃይል ቃል-አቀባይ ጄኔራል አዩብ ቃሲም በበኩላቸው ከኾምስ 100 ኪሎ ሜትር ገደማ ርቀት ላይ ከሚገኘው የባሕሩ ክፍል በመስጠም ላይ ከነበረ ጀልባ አስከሬኖች እና 134 ሰዎች በሕይወት መገኘታቸውን ተናግረዋል።

Via #DW
@tsegabwolde @tikvahethiopia

#ጥንቃቄ_ይደረግ

በኢትዮጵያ ቅፅበታዊ የጎርፍ አደጋ ሊከሰት እንደሚችል ተገለጸ። የኢትዮጵያ ብሄራዊ ሚትሮሎጂ ኤጀንሲ እንዳስታወቀው ከክረምቱ ዝናብ ጋር ተያይዞ ለጎርፍ ተጋላጭ በሆኑ ቦታዎች ቅፅበታዊ ጎርፍ ሊከሰት ይችላል። አልፎ አልፎ በአንዳንድ ቦታዎች ላይ ከሚጠናከሩ የደመና ክምችቶች ከባድ ዝናብ ሊያጋጥም እንደሚችልም ትንብያዉ ያሳያል፡፡ በመሆኑም ህብረተሰቡ ከመሰል አደጋዎች እራሱን እንዲጠብቅና #እንዲጠነቀቅ ኤጀንሲው አሳስቧል።

በአብዛኛዉ የሀገሪቱ አካባቢዎች ላይ ጥሩ የእርጥበት ሁኔታ እንደሚኖር ትንበያዉ የሚያመለክት ሲሆን ይህም ለግብርናዉ የስራ እንቅስቃሰሴ ትልቅ ጠቀሜታ እንደሚኖረዉ ታምኖበታል፡፡ ቀድመዉ የተዘሩ እና በእድገት ላይ ለሚገኙ የመኸር ሰብሎች የሚገኘዉ እርጥበት በጎ ሚና አለዉ ተብሏል፡፡ ከዚህ ባለፈም ለቋሚ ተክሎች የዉሓ ፍላጎታቸዉን እንደሚያሟላለቸዉና ለአርብቶ አደሮች እና ከፊል አርብቶ አደሮች የግጦሽ እና የመጠጥ ዉሃ እንዲያገኙ ያስችላል፡፡

በቀጣይ የሚኖረዉ የአየር ሁኔታ አዝማሚያ በተፋሰሶች ላይ ለዉጥ ሊኖር ይችላል ተብሏል፡፡ በአብዛኛዉ የተከዜ፣ የኦሞ ጊቤ የአባይ፤ የላይኛዉና የመካከለኛዉ አዋሽ እና አፋር ደናክል ተፋሳሾች ከፍተኛ እርጥበት ያገኛሉ ተብሎ ተገምቷል፡፡

Via #ኢትዮ_ኤፍኤም
ፎቶ: ፋይል

@tsegabwolde @tikvahethiopia

በኦሮሚያ ክልል ዝግጅቱ ተጠናቋል!
#ሃምሌ22

በኦሮሚያ ክልል የተዘጋጁ ችግኞች #ወደሚተከሉበት ስፍራ እየተጓጓዙ መሆኑ ተገለጸ። በክልሉ ባሉ 3 ሺህ 92 የችግኝ ጣቢያዎች የተዘጋጁ ችግኞች ወደሚተከሉበት ቦታ እየተጓጓዙ መሆኑን የኦሮሚያ ክልል ግብርና ቢሮ ገልጿል።

@tsegabwolde @tikvahethiopia

በየዓመቱ ሐምሌ 19 ቀን የሚከበረው የቅዱስ ገብርኤል የንግስ በዓል ዛሬ በቁልቢና በሐዋሳ ከተሞች ተከበረ።

የምስራቅ ሐረርጌ ዞንና የሐዋሳ ከተማ ፖሊስ መምሪያዎች እንደገለጹት በከተሞቹ በዓሉ ሃይማኖታዊ ሥርዓቱን ጠብቆ በሰላም ተከብሯል።

የዞኑ ፖሊስ መምሪያ የኮሙኒኬሽን ጉዳዮች ዲቪዥን ኃላፊ ኮማንደር ስዩም ደገፉ ለኢዜአ እንደገለጹት በዓሉ በቁልቢ ከተማ የተከበረው ያለአላንዳች የጸጥታ ችግር ነበር።

ለዚህም የጸጥታ አካላት ባደረጉት የወንጀል መከላከል ሥራና ኅብረተሰቡ ያደረገው ጥንቃቄ የተሞላበት እንቅስቃሴ በዓሉን በሰላም ለማክበር  እንዳስቻለ ገልጸዋል።

በዓሉ ላይ በስርቆት ተሰማርተው እጅ ከፍንጅ የተያዙ ሰባት ተጠርጣሪዎችን በሥፍራው የተቋቋመው ጊዜያዊ ፍርድ ቤት ከአንድ ዓመት እስከ አንድ ዓመት ከስምንት ወር በሚደርስ እስራት  መቀጣታቸውን  ኮማንደር ስዩም ኣስታውቀዋል።

በተመሳሳይ በሐዋሳ ከተማ ዓመታዊው የንግሥ በዓል በሰላም መጠናቀቁን የከተማው ፖሊስ አዛዥ ኮማንደር መስፍን ዴቢሶ ገልጸዋል።

Via #ENA
@tsegabwolde @tikvahethiopia

#ሃዋሳ #ሃምሌ19

በሐዋሳ ከተማ በዛሬው ዕለት የተከበረው ዓመታዊው የገብርኤል የንግሥ በዓል ሰላም መጠናቀቁን የከተማው ፖሊስ አዛዥ ኮማንደር #መስፍን_ዴቢሶ ገልፀዋል። 

@tsegabwolde @tikvahethiopia

"ከአባቶቻችን የተቀበልናትን ከተማ ለቀጣዩ ትውልድ ምቹ እና አረንጓዴ አድርገን የማስተላለፍ ግዴታ አለብን፡፡" ኢ/ር ታከለ ኡማ

ዛሬ በተካሄደው የአረንጓዴ አሻራ የንቅናቄ መድረክ ዶ/ር ዳኛቸው አሰፋን ጨምሮ ዶ/ር ፍቃዱ ሙሉጌታ እና ገጣሚ ኤፍሬም ስዩም ንግግር አድርገዋል፡፡

ኢ/ር ታከለ ኡማ ለተማሪዎች ዩኒፎርምን እና የት/ት ቁሳቁስን ማቅረብም ሆነ የከተማዋን ልምላሜ ዳግም ለመመለስ ችግኝን የመትከል ስራ በዋነኛነት ለቀጣዩ ትውልድ የተሻለ ከተማን ለማስተላለፍ አላማ ያደረገ ነው ብለዋል፡፡

ተፈጥሮን መንከባከብ ለራሳችን ነው ያሉት ኢ/ር ታከለ ኡማ ከአባቶቻችን በክብር የተቀበልናትን ከተማ ለቀጣዩ ትውልድ ምቹ እና አረንጓዴ አድርገን የማስተላለፍ ግዴታ አለብንም ብለዋል፡፡ ኢ/ር ታከለ ኡማ የከተማ አስተዳደሩ እየሰራቸው ባሉ የክረምት የበጎ ፈቃድ ስራዎች ዙሪያም ለተሰብሳቢው ሰፊ ማብራሪያ አድርገዋል፡፡

ከተለያዩ ተቋማት እና የህብረተሰብ ክፍሎች የመጡ ተወካዮች ከኢ/ር ታከለ ኡማ እጅ ችግኝ ተረክበዋል፡፡ በመጨረሻም ሁሉም የከተማችን ነዋሪዎች በአረንጓዴ አሻራ የችግኝ ተከላ መርሃ-ግብር ላይ በመሳተፍ ለከተማቸው ያላቸውን ፍቅር በተግባር እንዲያሳዩ ኢ/ር ታከለ ኡማ ጥሪ አቅርበዋል፡፡

ምንጭ፦ከንቲባ ጽ/ቤት
@tsegabwolde @tikvahethiopia

የቴልኮም ማጭበርበር ወንጀል የፈፀመው ተከሳሽ በእስራትና በገንዘብ ተቀጣ፦

ተከሳሽ #ኤልያስ_አብዱርቃድር የቴሌኮም አገልግሎት ለመስጠት የሚያስችል ሕጋዊ ፈቃድ ሳይኖረው በህገ-ወጥ መንገድ ዓለም አቀፍ ጥሪ በማስተላለፍ የኢትዮ ቴሌኮምን ከ518 ሺ ብር በላይ እንዲያጣ በማድረጉ በፈፀመው ወንጀል በእስራትና በገንዘብ ተቀጣ፡፡

ተከሳሽ #የቴሌኮም መሳሪያዎችን ወደ ሀገር ዉስጥ ለማስገባትና ለመጠቀም ብሎም የቴሌኮም አገልግሎት ለመስጠት የሚያስችል ሕጋዊ ፈቃድ ሳይኖረው በኮልፌ ቀራኒዎ ክፍለ ከተማ ወረዳ 07 ቤት በመከራየት የዲንስታር ጌትዌይ የስልክ መደወያና ቲፒ ሊንክ የሚባል የቴሌኮም መሳሪያዎችን በመጠቀም የቴሌኮም አገልግሎት በመስጠት ከሐምሌ 2010 እስከ ታህሳስ 12 ቀን 2011 ዓ.ም ባለው ጊዜ 95,378.73 ደቂቃ ከውጭ ሀገር ወደ ኢትዮጵያ አለም አቀፍ የስልክ ጥሪዎችን በማስተላለፍ ኢትዮ ቴሌኮም ያገኝ የነበረዉን 18,121.96 ዶላር ወይም 518,568.70 ብር እንዲያጣ በማድረጉ በቴሌኮም ማጭበርበር አዋጅ ቁጥር 761/2004 አንቀፅ 9 (1ለ) ስር የተመለከተውን የወንጀል ድርጊት በመተላለፍ የተከሰሰ መሆኑን የዐቃቤ ሕግ የክስ መዝገብ ያስረዳል፡፡ ዐቃቤ ሕግም የሰው ምስክሮች፣ የሰነድና የኢግዚቢት ማስረጃዎችን ለፍርድ ቤቱ በማቅረብ ተከራክሯል፡፡

የፌዴራሉ ከፍተኛ ፍርድ ቤት ልደታ ምድብ 20ኛ የወንጀል ችሎት መዝገቡን መርምሮ፣ ተከሳሽን በፈፀመው ወንጀል ጥፋተኛ በማለት ሰኔ 28 ቀን 2011 ዓ.ም በዋለው ችሎት በ10 ዓመት ጽኑ እስራት እና በ500 ሺ ብር የገንዘብ መቀጮ እንዲቀጣ ሲል ወስኗል፡፡

@tsegabwolde @tikvahethiopia

#NewsAlert

እነ ብርጋዴዬር ጀነራል ተፈራ ፍርድ ቤት ቀረቡ!

ሰኔ 15/2011 ዓ.ም ተሞከረ ከተባለው መፈንቅለ መንግሥት ጋር በተያያዘ ተጠርጥተው ባህር ዳር ከተማ ውስጥ ተይዘው የነበሩት ብርጋዲዬር ጀነራል ተፈራ ማሞና ኮሎኔል አማረ እንዲሁም ሌሎች ሰዎች ፍርድ ቤት ቀረቡ።

ለሦስት ከፍተኛ የአማራ ክልል ባለስልጣናት ሞት ምክንያት ከሆነው የባህር ዳሩ ክስተት ጋር በተያያዘ በቁጥጥር ስር የቆዩት ሁለቱ ሰዎች በክልሉ የጸጥታ ተቋም ውስጥ በከፍተኛ ኃላፊነት ላይ ሲያገለግሉ የቆዩ ናቸው።

ተጠርጣሪዎቹ በፖሊስ ቁጥጥር ስር ሆነው ከአንድ ወር በላይ በምርመራ ላይ የቆዩ ሲሆን ዛሬ ፍርድ ቤት ቀርበዋል፤ ይህም ለሦስተኛ ጊዜ መሆኑ ነው።

ምርመራውን እያደረገ ያለው ፖሊስ በአጠቃላይ ከጉዳዩ ጋር በተያያዘ የዘጠና ሰዎችን ቃል መስማቱን ለፍርድ ቤቱ ገልፆ የ14 ቀን የጊዜ ቀጠሮ ቢጠይቅም ፍርድ ቤቱ አስር ቀን ፈቅዷል።

በዚህም መሰረት በእነ ብርጋዴዬር ጀነራል ተፈራ ማሞ መዝገብ የተከሰሱት ተጠርጣሪዎችን ጉዳይ ለመመልከት ፍርድ ቤቱ ለሐምሌ 29/2011 ዓ.ም ቀጠሮ ሰጥቷል።

Via #BBC
@tsegabwolde @tikvahethiopia