ሰበር ዜና! ብአዴን አቶ #በረከት_ስምዖን እና አቶ #ታደሰ_ካሳን በጥረት ኮርፖሬሽን በፈጠሩት ችግር ምክንያት በመጪው መስከረም አጋማሽ እስከሚካሄደው ጉባኤ ድረስ ከማዕከላዊ ኮሚቴ እንዲታገዱ ውሳኔ አስተላልፏል።

©etv
@tsegabwolde @tikvahethiopia

#ሰበር_ዜና⬆️አቶ #በረከት_ስምዖን እና አቶ #ታደሰ_ካሳ ከብአዴን ማዕከላዊ ኮሚቴ ታገዱ።

@tsegabwolde @tikvahethiopia

#update ብአዴን⬆️

የብአዴን ማዕከላዊ ኮሚቴ አቶ #በረከት_ስምኦን እና አቶ #ታደሰ_ካሳ አሁን ባላቸው ወቅታዊ አቋም የአማራን ህዝብ ጥቅም እንደማያስጠብቁ በመረጋገጡና በጥረት ኮርፖሬት ላይ በሰሩት #ጥፋት እስከ ሚቀጥለው የድርጅቱ መደበኛ ጉባኤ ድረስ ከብአዴን ማዕከላዊ ኮሚቴ አባልነት #ታግደዋል፡፡

ነባር አመራሮች በማዕከላዊ ኮሚቴ ስብሰባ እንዲሳተፉ የሚፈቅደው መመሪያም #ተሽሯል፡፡ በመሆኑም ከዚህ በኋላ በሚኖረው የማዕከላዊ ኮሚቴ ስብሰባ አባል ያልሆነ አመራር #አይሳተፍም፡፡

📌ማዕከላዊ ኮሚቴው የሁለት ቀን ስብሰባውን ዛሬ አጠናቋል፡፡

©AMMA
@tsegabwolde @tikvahethiopia

አምቦ ዩኒቨርሲቲ⬆️

በአምቦ ዩኒቨርሲቲ አዲስ ለተመደቡ ተማሪዎች በከተማው ነዋሪዎች አቀባበል ተደረገላቸው።

የአምቦ ከተማና አከባቢዋ ነዋሪዎች ከተለያዩ የአገሪቱ አከባቢዎች አዲስ ወደ አምቦ ዩኒቨርሲቲ ለተመደቡ 5 ሺ ለሚሆኑ ተማሪዎች አቀባበል አድርገዋል፡፡

የዩኒቨርሲቲው ፕሬዝዳንት ዶ/ር #ታደሰ_ቀነዓ፣ አባገዳዎች፣ የእምነት አባቶችና የአምቦ ከተማ ቄሮዎች ለእነዚህ ተማሪዎች አቀባበል አድርገዋል፡፡

በዩኒቨርሲቲው አዲስ ከተመደቡት ተማሪዎች ውስጥ አስተያየት የሰጡት ተማሪዎች በአምቦ ከተማና አከባቢዋ ነዋሪዎችና በዩኒቨርሲቲው ማህበረሰብ የተደረገላቸው አቀባበል እንዳስደሰታቸው ገልጸዋል፡፡

ምንጭ፦OBN
@tsegabwolde @tikvahethiopia

የነዳጅ እጥረት‼️

በነዳጅ አቅርቦትና ፍላጎት #አለመጣጣም ምክንያት በየጊዜው የነዳጅ እጥረቱ እየጨመረ መምጣቱን የነዳጅ አቅራቢ ኩባንያዎች ገለጹ።

ነዳጅ በህገወጥ መንገድ ከአገር እንዲወጣ እየተደረገ መሆኑም የእጥረቱ መንስኤ መሆኑም ተጠቁሟል።

መንግስት በአሁኑ ወቅት በቂ የሆነ ነዳጅ ወደ አገር ውስጥ በማስገባትና ለኩባንያዎቹ በፍትሃዊነት እንዲዳረስ እያደረገ መሆኑን የማዕድን፣ ነዳጅና የተፈጥሮ ጋዝ ሚኒስቴር ገልጿል።

ሚኒስቴሩ ዛሬ የነዳጅ ስርጭት፣ ጥራትና ብክነት ዙሪያ ከነዳጅ አቅራቢ ኩባንያዎችና ባለድርሻ አካላት ጋር ተወያይቷል።

ኩባንያዎቹ እንዳመለከቱት፤ በአሁኑ ወቅት በአዲስ አበባ ከተማ ሲታይ የነበረው የነዳጅ አቅርቦት ችግር የተረጋጋ ቢሆንም በክልል ከተሞች እጥረቱ አለ።

ለእጥረቱ መንስዔም በአገሪቱ ያሉት የነዳጅ ማደያዎች ቁጥር አነስተኛ በመሆኑ የአቅርቦትና ፍላጎት ባለመጣጣም  ችግሩ እንዲባባስ አድርጎታል።

በተለይ በክልል ከተሞች ችግሩ እንዲባባስ ያደረገው ለትራንስፖርት፣ ለእርሻ ተሽከርካሪዎች፣ ለመብራትና ለሌሎች አገልግሎቶች የነዳጅ ፍላጎቱ በየጊዜው እየጨመረ በመምጣቱ እንደሆነ አቅራቢ ኩባንያዎቹ አብራርተዋል።

የኢትዮጵያ ነዳጅ ድርጅት ዋና ዳይሬክተር አቶ #ታደሰ_ኃይለማርያም እንዳሉት በአገሪቱ እየተፈጠረ ያለው የነዳጅ አቅርቦትና ስርጭት እጥረት ብቻ ሳይሆን በህገ ወጥ መንገድ ከአገር እንደሚወጣ የሚያመላክቱ ማስረጃዎች አሉ።

በአሁኑ ወቅት ሶማሌ ላንድን ጨምሮ ወደ ሌሎች የጎረቤት አገሮች የቤንዚንና ናፍታ ምርቶች በኮንትሮባንድ ከአገር እየወጣ እንደሚገኝ ጠቁመዋል።

ማዕድን ነዳጅና የተፈጥሮ ጋዝ ሚኒስትር ዶክተር ሳሙኤል ሁርጶ በበኩላቸው መንግስት በአሁኑ ወቅት በቂ የሆነ ነዳጅ ወደ አገር ውስጥ በማስገባትና ለኩባንያዎች እንዲዳረስ እያደረገ መሆኑን ተናግረዋል።

በኩባንያዎቹ በኩል የሚነሱ የአቅርቦትና ፍላጎት አለመጣጣም ችግሮች እንደ መልካም አጋጣሚ በመመልከት መሠረተ ልማቱን በማስፋፋት ችግሮቹ እንዲቃለሉ ማድረግ ያስፈልጋል ብለዋል።

በተለይ የነዳጅ ማደያዎች ቁጥር የሚጨመርበትን፣ ፍላጎትና አቅርቦትን ችግር ተለይቶ አስፈላጊው ማስተካከያ የሚደረግበት ሥራ እንደሚሰራም ጠቁመዋል።

በዘርፉ እየታየ ያለውን የአቅርቦትም ሆነ የስርጭት ፍትሃዊነትን ለመፍታትና ህገ ወጥ ንግድን ለመከላከል ከኢትዮጵያ ነዳጅ ድርጅት እና ሌሎች ባለድርሻ አካላት ጋር ሚኒስቴሩ በትብብር እንደሚሰራ አመልክተዋል።

ምንጭ፦ ኢዜአ
@tsegabwolde @tikvahethiopia

አምቦ ዩኒቨርሲቲ...

በአምቦ ዩኒቨርስቲ የወሊሶ ካምፓስ የተማሪዎች ዉይይት መጨረሻ ለይ የዩኒቨርሲቲው ፕሬዚዳንት ዶር #ታደሰ_ቀነኣ የተጠቀሙት አስደናቂ
ስልት።

አሥር የኦሮሞ ተማሪዎች፣ አሥር የአማራ ተማሪዎች እንዲሁም አሥር ተማሪዎች ከሌሎች ብሔረሰቦች ወደፊት እንድወጡ ጠየቋቸው።

ተማሪዎቹም በተጠየቁት መልኩ ወጡ። ተቀላቅለው እንዲሰለፉ ተጠየቁ። እንደተጠየቁም አደረጉት። አንድ ጥያቄ ለተዳሚዎች አቀረቡ ከተሰለፉት ታማሪዎች ማን ኦሮሞ፣ ማን አማራ፣ ማን ትግሬ ፣ ማን ጉራጌ ወዘተ እንደሆነ ለይቶ የሚነግረን ብሎ ጠየቁ። ሁሉም ዝም ዝም አሉ። አንድ ናይጄሪያዊ ወይም ቻይና ብቀላቀል መለያት የቅተናል ወይ ብሎ ጠየቁ። ሁሉም በአንድ ድምፅ አያቅተንም ብሎ መለሱ። ስለዚህ ካለብን ልዩነቶች በጭንቅላታችን የሚንፈጥራቸዉ ልዩነቶች ስለሚበልጡ አንድነታችንን እናጉለ አሉ። ተማሪዎቹም ተቃቅፈው በአንድነት ወደ መመገቢያ ቦታ ሄዶ ምሳቸዉን በሉ።

Via~Mekonnen Bersisa
@tsegabwolde @tikvahethiopia

ሰበር ዜና‼️

አቶ #በረከት_ስምኦን እና አቶ #ታደሰ_ካሳ ዛሬ በቁጥጥር ስር ዋሉ፡፡ በጥረት ኮርፖሬት ፈጽመዋል ተብሎ በተጠረጠሩበት #የሀብት_ብክነት ወንጀል አዲስ አበባ ከሚገኘው መኖሪያ ቤታቸው ነው በቁጥጥር ስር የዋሉት፡፡

ምንጭ፦ አብመድ
ፎቶ፦ ጃፒ(TIKVAH-ETH)
@tsegabwolde @tikvahethiopia

አቶ በረከትና አቶ ታደሰ ፍርድ ቤት ቀረቡ‼️

አቶ #በረከት_ስምዖንና አቶ #ታደሰ_ካሳ በተጠረጠሩበት የጥረት ኮርፖሬት የሀብት ብክነት ጉዳይ ዛሬ በባሕር ዳርና አካባቢዋ ከፍተኛ ፍርድ ቤት ቀርበዋል፡፡

ተጠርጣሪዎቹ የዋስትና መብታቸው ተጠብቆ በውጭ ሆነው እንዲከራከሩና ጉዳዩ አዲስ አበባ እንዲታይላቸውም ጠይቀዋል፡፡ በምክንያትነት ደግሞ የጤና ችግርና የቤተሰብን ድጋፍ በቅርበት ለማግኘት በሚል አቅርበዋል፡፡

ዐቃቤ ሕግ በበኩሉ ‹‹ተመዘበረ›› ካለው የሀብት መጠን ከፍተኛነት አንጻር ዋስትና እንዳይሰጣቸውና እንዲሁም የተጠረጠሩበት ወንጀል የተፈጸመው በአማራ ክልል በመሆኑ ጉዳያቸው በባሕር ዳር እንዲታይ ለፍርድ ቤቱ ጠይቋል፡፡ ምሥክሮችን በአማራ ክልል የተለያዩ አካባቢዎች ስለሚያቀርብም የጉዳዩን በባሕር ዳር መታዬት ተገቢነት ለፍርድ ቤቱ አስረድቷል፡፡

ፍርድ ቤቱም የግራ ቀኙን ክርክር ካደመጠ በኋላ የዋስትና መብታቸውን ከልክሎ በጥብቅ ጥበቃ በማረፊያ ቤት እንዲቆዩ ወስኗል፡፡ የተጠረጠሩበት ወንጀል ከፍተኛ መሆኑን በመጥቀስ ዋስትና የከለከለው ፍርድ ቤቱ #የተመዘበረው ሀብት በአማራ ክልል ስለሆነ ጉዳዩ መታዬት ያለበት በባሕር ዳር እንደሆነም ፍርድ ቤቱ ወስኗል፡፡

በጥብቅ ጥበቃ እንዲቆዩ ፍርድ ቤቱ የወሰነው ከነበራቸው ከፍተኛ የሥራ ኃላፊነት አንጻር መሆኑንም ችሎቱ አስታውቋል፡፡ #የተጠረጠሩበትን ጉዳይ ዐቃቤ ሕግ አጠናክሮ እንዲያቀርብ የ14 ቀናት የጊዜ ቀጠሮ ሰጥቶ የዛሬ ውሎውን ችሎቱ አጠናቅቋል፡፡

ምንጭ፦ አብመድ
@tsegabwolde @tikvahethiopia

TIKVAH-ETH ማጠቃለያ🗞ጥር 17/2011 ዓ.ም.

ዘንድሮ ለሰባተኛ ጊዜ የሚከበረው የኢፌዴሪ መከላከያ ሠራዊት ቀን በአየር ኃይልና በኦሮሚያ ክልል መንግሥት ትብብር #በአዳማ ከተማ እንደሚከበር፣ የኢፌዴሪ መከላከያ ኢንዶክትሪኔሽንና የሕዝብ ግንኙነት ዳይሬክቶሬት አስታውቋል፡፡ በዓሉም የካቲት 7 ቀን 2011 ዓ.ም. እንደሚከበር ተገልጿል፡፡
.
.
ዛሬ ማለዳ በተካሄደው የዱባይ ማራቶን ጌታነህ ሞላ የቦታውን ፈጣን ሰዓት በማስመዝገብ አሸንፏል። በሴቶች ኬንያውያን እኤአ ከ2006 በኋላ ለመጀመሪያ ጊዜ አሸንፈዋል፡፡
.
.

አቶ #በረከት_ስምዖንና አቶ #ታደሰ_ካሳ በተጠረጠሩበት የጥረት ኮርፖሬት የሀብት ብክነት ጉዳይ ዛሬ በባሕር ዳርና አካባቢዋ ከፍተኛ ፍርድ ቤት ቀርበዋል፡፡
.
.
#የአገር_መከላከያ_ሰራዊት አባላት እና የሶማሌ ክልል #ልዩ_ሀይል አባላት ዛሬ #በጅግጅጋ_ከተማ የፅዳት ስራ አከናውነዋል።
.
.
በነጭ ሣር ፓርክ ላይ ለጊዜው ባልታወቀ ምክንያት እሳት ተነስቶ 1 ሺ ሄክታር የሚሆን የፓርኩ ክፍል ወድሟል።
.
.
በድሬዳዋ ከተማ #የተቀሰቀሰው_ተቃውሞ ዛሬ ጥር 17/2011 ዓ.ም. ቀጥሎ ውሏል። የኢንተርኔት አገልግሎት ተዘግቷል።
.
.
የኢትዮጵያ ኤሌክትሪክ አገልግሎት በ2 ዙር በተካሄደ ነፃ የስራ ዘመቻ 3.5 ሚሊዮን ብር የሚገመት ስራ መሰራቱን ተናግሯል።
.
.
የኢፌዲሪ ጤና ጥበቃ ሚኒስቴር የ100 ቀናት እቅዱን በአርባምንጭ ከተማ ገምግሟል።
.
.
በሱማሌ ክልል በተፈጠረው ግጭት እጃቸውን በማስገባት ወንጀል ሰርተው ከሀገር የወጡ ባለስልጣናትን ወደሀገር #በመመለስ በህግ ተጠያቂ ለማድረግ ከተሸሸጉባቸው ሀገራት ጋር ስምምነት ላይ መደረሱን የፌደራል ጠቅላይ ዐቃቤ ህግ አስታውቋል።
.
.
በሳኡዲ አረቢያ በተለያየ ምክንያት ታስረው የነበሩ 368 ኢትዮጵያውያን ዛሬ ወደ አገራቸው ገብተዋል።
.
.
በድሬዳዋ ከተማ የተፈጠረው የሰላም መደፍረስ የሕዝቡን አብሮነት እና ተቻችሎ የመኖር እሴት የሚሸረሽር በመሆኑ ሰላምን በማወክ ተግባር የተሰማሩ ግለሰቦች ከድርጊታቸው እንዲቆጠቡ የከተማ አስተዳደሩ አሳስቧል።
.
.
በኢትዮጵያ #የመጀመሪያ የሆነ የሚዲያ ኤክስፖ በኤግዚብሽን ማዕከል ዛሬ ተከፍቷል።
.
.
የቀድሞ የደህንነት ኃላፊ አቶ #ጌታቸው_አሰፋን በቁጥጥር ስር ለማዋል ከክልሉ መንግሥት ጋር እየሰራ እንደሆነ የፌደራል ጠቅላይ አቃቤ ህግ ዛሬ በሰጠው ጋዜጣዊ መግለጫ ገልጿል።
.
.
በጉጂ ዞን ይንቀሳቀሱ የነበሩ የኦሮሞ ነጻነት ግንባር /ኦነግ/አባላት ከጫካ ወጥተው #በሰላማዊ መንገድ ለመታገል መወሰናቸውን ገልፀዋል።
.
.
የሱማሌ ክልል መሪ--አቶ #ሙስጠፋ_ኡመር-የፌዴራል ገንዘብ ሚኒስትሩን አቶ #አህመድ_ሺዴን-በይፋ በክልሉ መንግስት ላይ "ዓመፃ-ክህደት በመፈፀም" እጅግ ከባድ ወንጀል #ከሰዋል።

ምንጭ፦ አዲስ ስታንዳርድ፣ fbc፣ ኢዜአ፣ ኢ.ፕ.ድ.፣ elu፣ ቢቢሲ፣ የTIKVAH-ETH ቤተሰብ አባላት

.
.
አመሰግናለሁ! ሰላም እደሩ!!
ሀገራችን ቸር ትደር!!
ጥር 17/2011 ዓ.ም.
@tsegabwolde @tikvahethiopia

ኮሎኔል ታደሰ ሙሉነህ አረፉ‼️

ኮ/ል #ታደሰ_ሙሉነህ በኢትዮጵያ አየር ኃይል የ71 ቅጥር አባል ናቸው። በቀደመው አየር ኃይል በሚግ-23 ተዋጊ ስኳድሮን ውስጥ በምሥራቅም ሆነ በሰሜን ግንባር ተሰልፈው ከፍተኛ ተጋድሎ ካደረጉት የአገራችን ኢትዮጵያ ባለውለታ አንዱ ሆነው ይጠቀሳሉ።

በ1991 ኢሕአዴግ ወደ ሥልጣን መምጣትን ተከትሎ በመቃወም ወደ ኤርትራ አቅንተዋል።

የኢትዮጵያ አርበኞች ግንባርን በመምራት በኤርትራና በኢትዮጵያ ሰሜናዊ ምዕራብ በረሃዎች ሳሉ በኤርትራ መንግስት የፀጥታ ኃይሎች በቁጥጥር ሥር በመዋላቸዉ ለበርካታ አመታት ደብዛቸው፤ አድራሻቸው ጠፍቶ ነበር።

ከወራት በፊት ኮ/ል ታደሰ ከኤርትራ እስር ነፃ ይሁን እንጂ ጤንነታቸው ታውኮ ሰውነታቸው እንደልቡ በማያዝቡት ሁኔታ በመሆኑ በህክምና #በህንድ ሐገር ሲታከሙ ቆይተው ጥር 27 ቀን 2011 ዓም አርፈዋል።

ምንጭ፦ ጋዜጠኛ ጌጡ ተመስገን
@tsegabwolde @tikvahethiopia

ሥርዓተ ቀብራቸው ተፈጸመ‼️

የኮሎኔል #ታደሰ_ሙሉነህ ሥርዓተ ቀብር ተፈጸመ፡፡ ኮሎኔል ታደሰ ከወይዘሮ አዛለች ጥሩነህ እና ከአቶ ሙሉነህ ሃምሌ 16/1944 ዓ.ም በአማራ ክልል መርዓዊ ከተማ እንደተወለዱ ከትግል አጋሮቻቸው የተገኘው መረጃ ያመላክታል፡፡

ከዚህ ዓለም በሞት የተለዩትም በ67 ዓመታቸው ነው፡፡ ኮሎኔል ታደሰ ሙሉነህ የአራት ሴቶችና የሁለት ወንድ ልጆች አባት ነበሩ፡፡ ሥርዓተ ቀብራቸውም በማህደረ ስብሀት መርዓዊ ቅድስት ማርያም ቤተ ክርስቲያን ዛሬ ተፈጽሟል፡፡

በቀብር ሥነ ሥርዓቱ ላይ የአማራ ክልል ምክትል ርዕሰ መሥተዳድር አቶ ላቀ አያሌው፣ የመንግሥት ኮሚዩኒኬሽን ጉዳዮች ጽሕፈት ቤት ዋና ዳይሬክተር አቶ አሰማኸኝ አስረስ እና የኢትዮጵያ አርበኞች ግንባር አባላት ተገኝተዋል፡፡ የአበባ ጉንጉንም አስቀምጠዋል፡፡

ምንጭ፦ አብመድ
@tsegabwolde @tikvahethiopia

አምቦ ዩኒቨርሲቲ!

#የአምቦ_ዩኒቨርሲቲ በሎሬት #ፀጋዬ_ገብረመድህን ስም የባህል ማዕከል እንደሚያቋቁም አስታውቋል። የዩኒቨርሲቲው ፕሬዝዳንት ዶክተር #ታደሰ_ቀነዓ ለኢዜአ እንደገለጹት ማዕከሉ የሚቋቋመው የሎሬቱን ጨምሮ በኪነ ጥበብ ሥራዎች ላይ ጥናትና ምርምር ለማድረግና ተሰጥኦ ያላቸውን ጠቢባን ለማፍራት ነው።

“ማእከሉን ለሟቋቋም ኮሚቴ ተቋቁሞ ወደ ሥራ ተገብቷል” ያሉት ፕሬዚዳንቱ፣ ማዕከሉን ለማቋቋም ከአዲስ አበባ፣ ከባህር ዳርና ከደብረ ማርቆስ ዩኒቨርሲቲዎች ልምድ ቀስሟል ብለዋል።

ከሎሬት ጸጋዬ ወጥ ሥራዎች መካከል የአቴቴ ሥርዓት፣ የገዳ ሥርዓት፣ ዝክረ መርካቶ፣የኩሽ ሕዝቦች ሥልጣኔ፣ዳግማዊ ቴዎድሮስ፣ ኦዳና አቡነ ጴጥሮስን የሚዘክሩት ተጠቃሽ ናቸው።

ከትርጉም ሥራዎቻቸው መካከል የዊሊያም ሼክስፒር ድርሰቶች ሃምሌትና ኦቴሎ  ዘመን ተሻጋሪ ሥራዎች  ይገኙበታል።

#የአምቦ_አካባቢ_ተወላጅ የሆኑት ሎሬት ፀጋዬ በ60 ዓመታቸው ከዚህ ዓለም የተለዩት በ1998 ነበር።

ምንጭ፦ ኢዜአ
@tsegabwolde @tikvahethiopia

የኮ/ሌ በዛብህ ጉዳይ...‼️

(ጋዜጠኛ ኤልያስ መሰረት)

"ኮ/ል በዛብህ ጴጥሮስን ሰኔ ላይ ኤርትራ ውስጥ በአካል አግኝቻቸዋለሁ። በመጪው ሰኔ ላይ እንደሚፈቱ መረጃ አለኝ" -- ኢንጅነር #ታደሰ

"እኔ ምንም መረጃ የለኝም። በግሌ የተሻለ (more powerful) የሆኑ መንገዶችን ሄጄ #ማረጋገጫ ያጣሁበት ጉዳይ ነው"-- ፕ/ር #በየነ_ጴጥሮስ
.
.
ኢንጅነር ታደሰ ይባላሉ። ባለፈው ሰኔ ወር ላይ ወደ ኤርትራ ተጉዘው እንደነበር እና በቆይታቸው ወቅትም በኢትዮ- ኤርትራ ጦርነት ወቅት የሚያበሩት ጀት ተመትቶ የተማረኩትን ኢትዮጵያዊውን ኮሎኔል በዛብህ ጴጥሮስን እንዳገኟቸው ለጋዜጠኛ #አልያስ_መሰረት ተናግረዋል፤ አክለውም "በአሁን ሰአት እንደ ሌሎች የጦር ምርኮኞች በቀይ መስቀል ስር ይገኛሉ። እኔም እዛ አግኝቻቸዋለሁ። ትንሽ ከእድሜ መግፋት ውጪ በጥሩ ጤንነት ላይ ይገኛሉ። ሰኔ ወር ሲመጣ እንደሚፈቱ መረጃ አለኝ። ዝርዝሩን የመንግስት ሰዎች ያውቃሉ" ብለዋል።

የኮ/ሌ በዛብህ ጴጥሮስ ታላቅ ወንድም ወደሆኑት ፕ/ር በየነ ጴጥሮስ ስለጉዳዩ በሰጡት ምላሽ፦ "እኛ ይህ መረጃ የለንም። እኚህ ያልካቸው ግለሰብ እንዴት access ሊኖራቸው እንደቻለ አላውቅም። በግሌ የተሻለ (more powerful) የሆኑ መንገዶችን ሄጄ ማረጋገጫ ያጣሁበት ጉዳይ ነው። ወንድሜ በህይወት አለ ወይስ የለም የሚለውን ለማረጋገጥ እንኳን ካደረግነው ጥረት አንፃር ሲታይ የዚህ ሰውዬ መረጃ በጣም extreme ነው። በኤርትራ በኩል ያለው ሁኔታ ሲጠቃለል በኮሎኔል በዛብህ ዙርያ መነጋገር አንፈልግም የሚል ነው። ከዚያም አልፎ ጉዳዩን sensitive አርጎ መናደድ አለ። እኛን አትጠይቁን አይነት ነገር ነው ያየነው። በህይወት ተይዞ የአስመራ መንገዶች ላይ parade የተደረገ ሰው ነው። የኛ አቋም ህይወቱ አልፏል ከተባለ ታውቃላችሁ እና አካሉ የት ነው እያልን ነው። ግን ይህንን ጉዳይ መወያየት አይፈልጉም። ከኢትዮጵያ መንግስት ወገን ደሞ አሁን የተጀመረውን ንግግር ያበላሽብናል የሚል ነገር አለ። ለማንኛውም ያልካቸውን ሰውዬ አገናኘኝ። ይህ ለኛ ትልቅ development ነው።"

@tsegabwolde @tikvahethiopia

#update ፍርድ ቤቱ በአቶ #በረከት_ስምዖንና በአቶ #ታደሰ_ካሳ ተጨማሪ ቀጠሮ ላይ ለመወሰን ለሰኞ ቀጠሮ ሰጥቷል፡፡ በጥረት ኮርፖሬት የመሪነት ዘመናቸው በሀብት ብክነትና ምዝበራ የተጠረጠሩት አቶ በረከት ስምዖንና ታደሰ ካሳ ዛሬ በቀጠሯቸው መሠረት በባሕር ዳርና አካባቢዋ ፍርድ ቤት ቀርበው ነበር፡፡ ዐቃቤ ሕግ ምስክሮች ስላልመጡና መረጃዎች በበቂ #ስላልተጠናቀቁ ተጨማሪ የ14 ቀን ቀጠሮ ጠይቋል፡፡ በዚህ ላይ ውሳኔ ለመስጠት ፍርድ ቤቱ ለሰኞ የካቲት 18 ቀን 2011ዓ.ም ቀጠሮ ሰጥቷል፡፡

Via AMMA
@tsegabwolde @tikvahethiopia

#update በእስር ላይ የሚገኙት እነ አቶ በረከት ስምዖን #ኮምፒውተር፣ #ስልክ እና #የኢንተርኔት አገልግሎት ለማግኘት ያቀረቡትን ጥያቄ ፍርድ ቤት #ውድቅ አድርጎባቸዋል። ተጠርጣሪዎቹ አቶ በረከት ስምዖንና አቶ #ታደሰ_ካሳ ከዚህ በፊት ምስክሮችንና የሕግ ባለሞያዎችን ምክር ለማገኘት እንዲረዳቸው የኮምፒውተር፣ የኢንተርኔትና የስልክ አገልግሎቶች በባህር ዳር ማረሚያ ቤት እንዲሟላላቸው ጠይቀው ነበር፡፡ ሆኖም ለአስቸኳይ ጊዜ አገልግሎት ኮምፒዩተሮችና የስልክ አገልግሎት በማረሚያ ቤቱ ስለሚገኙ ተጠርጣሪዎቹም በዛው እንዲገለገሉ በማለት የባሕር ዳር እና አካባቢው ከፍተኛ ፍርድ ቤት ጥያቄውን ዛሬ ወድቅ ማድረጉን የጀርመን ራድዮ ዘግቧል። ፍርድ ቤቱ ግለሰቦቹ እንደሌሎች ጠጠርጣሪዎች ማረሚያ ቤቱ የሚያቀርበውን ማንኛውንም ቁሳቁስ እንዲጠቀሙ በማለት ትዕዛዝ ሰጥቷል። ፍርድ ቤቱ ባለፈው አርብ እለት የአማራ ክልል የስነ ምግባርና ፀረ-ሙስና ኮሚሽን የጠየቀውን የ14 ቀናት ተጨማሪ የምርመራ ጊዜ በመፍቀድ #ተጠርጣሪዎቹ ለመጋቢት 2 ቀን 2011 ዓ.ም እንዲቀርቡ አዟል።

Via የጀርመን ራድዮ
@tsegabwolde @tikvahethiopia

Alert‼️

የሰሜን ተራሮች ብሔራዊ ፓርክ የእሳት አደጋ አጋጥሞታል፤ ቃጠሎውም #እየተባባሰ እንደሆነ ነው የተሰማው። ከደባርቅ ከተማ ወጣቶች ተሰብስበው ወደ ፓርኩ ሄደው #ለማጥፋት ቢፈልጉም ተሽከርካሪ ማግኘት አለመቻላቸውን ለአብመድ ተናግረዋል።

እሳቱ #ሳንቃ_በር አካባቢም መከሰቱን ወጣቶቹ ተናግረዋል የደባርቅ ወረዳ ባሕልና ቱሪዝም ጽሕፈት ቤት የወጣቶችን #ጥቆማ ተጋርቷል።

ከፓርከ ከፍተኛ የሥራ ኃላፊዎች መካከል አቶ #ታደሰ_ይግዛው እሳቱ እሜት ጎጎ እና ሳንቃበር አካባቢ #መባባሱን ገልጸው ወደ ቦታው ለማቅናት ተሽከርካሪ እያፈላለጉ መሆኑን ገልጸዋል። ጊዜው #በመምሸቱ ስልክ የሚያነሳላቸው ሰው ማጣታቸውንም ተናግረዋል። ከዞንና ክልል የሥራ ኃላፊዎች መረጃ ማግኘት አልቻልኩም ሲል አብመድ ዘግቧል።

@tsegabwolde @tikvahethiopia