#update የኦሮሚያ ክልል የመንግስት ሴክተሮች የ6 ወራት አፈፃፀም ግምገማ በአዲስ አበባ በኦሮሚያ ክልል ፕሬዝዳንት ጽ/ቤት እየተካሄደ ነው። ግምገማው በግብርና፣ መሰረተ ልማትና የከተማ ልማት ላይ ትኩረት ያደርጋል፡፡ በግምገማው መድረክ ላይ የኦሮሚያ ክልል ፕሬዝዳንት አቶ #ለማ_መገርሳ፣ ምክትል ፕሬዝዳንት ወ/ሮ #ጠይባ_ሀሰን እና የሴክተር ኃላፊዎች ተገኝተዋል።

@tsegabwolde @tikvahethiopia

Have you been asking such questions;

Am I celebrating my outward success whereas feeling inward dissatisfaction? What is my life’s purpose? Where do I want to see my life down the road? Do I have what it takes to achieve my dreams? Do I have the potential to lead? How do I leverage my inner strengths to mobilize others for greater success? 

Welcome to I-LEAD - You are at right place and in the right hands!

I-LEAD is a three months’ program of intensive learning on personal, leadership development and change management program that guarantees you with quantum leap in your life, career, business. The program is lead by seasoned leaders and it comprises training, field visits, coaching, assessments, breakthrough project and many more.

In the past eight consecutive rounds, I-LEAD has enabled over a hundred of individuals to grow into their fullest potential through diverse and exciting learning experiences.  We have worked with bank executives, business and NGO leaders and entrepreneurs who were able to take their life and career to the next level. Now it’s your turn to make the leap.

We Don’t Lecture, We Live It!
Visit here- https://caldafrica.com/i-lead
 
Apply here--Facebook page: caldafrica/event/ march-1st/
Or
Layover--@ Bole-Roundabout, T.K. Bldg 3rd Floor-Suite#309
Register on http:/t.iss.one/caldtk309

ሀዋሳ‼️

በሀዋሳ ከተማ በመቶዎች የሚቆጠሩ ነጋዴዎቹ ዛሬ በክልሉ ርዕሰ መስተዳድር ጽሕፈት ቤት ፊት ለፊት በመገኘት የተቃውሞ ሰልፍ አካሂደዋል።

ነጋዴዎቹ ሰልፉን ያካሄዱት የሀዋሳ ከተማ አስተዳደር በንግድ ሱቆቻቸው ላይ የወሰደውን #የማሸግ ርምጃ በመቃወም ነው።

ምንጭ፦ የጀርመን ድምፅ ራድዮ
@tsegabwolde @tikvahethiopia

#update የትግራይ ክልል ምክትል ርዕሰ መስተዳድር ዶክተር #ደብረጽዮን_ገብረሚካኤል ከኖርዌይ ዓለም አቀፍ ትብብር ልማት ሚኒስትር ዳግ ኢንጌ ዩሊስትዮ ጋር እየተወያዩ ነው። በውይይታቸውም በኢኮኖሚና ተያያዥ ጉዳዮች ዙሪያ እየመከሩ ይገኛሉ። የኖርዌይ ዓለም አቀፍ ትብብር ልማት ሚኒስትር ዳግ ኢንጌ ዩሊስትዮ በትናንትናው ዕለት ከውጭ ጉዳይ ሚኒስትር ዶክተር ወርቅነህ ገበየሁ ጋር በተለያዩ ጉዳዮች ዙሪያ መወያየታቸው ይታወሳል።

Via FBC
@tsegabwolde @tikvahethiopia

#update የጊኒ ሪፐብሊክ ፕሬዚዳንት ፕሮፌሰር አልፋ ኮንዴ በኢትዮጵያ ይፋዊ የስራ ጉብኝት ለማድረግ ነገ አዲስ አበባ ይገባሉ። ፕሬዚዳንት አልፋ ኮንዴ ከነገ ጀምሮ ለ3 ቀናት ይፋዊ የስራ ጉብኝት እንደሚያደርጉም የውጭ ጉዳይ ሚኒስቴር አስታውቋል።

@tsegabwolde @tikvahethiopia

ጆዜ ሞሪኒሆ‼️

የማንቼስተር ዩናይትድ የቀድሞ አሰልጣኝ #ጆዜ_ሞሪንሆ ስፔን ውስጥ በፈፀሙት የታክስ ማጭበርበር የ1 ዓመት እስር እና የገንዘብ ቅጣት ተጥሎባቸዋል።

ሆኖም በስፔን በተለምዶ ከ2 ዓመት በታች የእስር ውሳኔዎች የመተግበር እድላቸው ዝቅተኛ ስላልሆነ ጆዜ ሞሪንሆ #እንድማይታሰሩ ተነግሯል።

ፖርቹጋላዊው ጆዜ 3.3 ሚሊየን ዩሮ ታክስ አጭበርብረዋል በሚል ነው በስፔን የታክሰ አስተዳደር የተከሰሱት።

ጆዜ የእስር ቅጣቱ ባይተገበርባቸውም 2 ሚሊየን ዩሮ የገንዘብ ቅጣት ይከፍላሉ ተብሏል።

አሰልጣኙ ቅጣት የተጣለባቸው ሪያል ማድሪድን ሲያሰለጥኑ በነበረበት ወቅት ከምስል መብት ካገኙት ገቢ ጋር በተያያዘ የታከስ ማጭበርበር እንደሆነም ተነግሯል።

ምንጭ፦ቢቢሲ
@tsegabwolde @tikvahethiopia

አዲስ አበባ ዩኒቨርሲቲ‼️

አዲስ አበባ ዩኒቨርሲቲ በትክክል የዩኒቨርሲቲውን መስፈርት አሟልተዋል ላላቸው 6 ዶክተሮች የሙሉ ሊቀ -ጠበብትነት ወይም የፕሮፌሰርነት ማዕረግ ሰጥቷል። ከተቋሙ ሴኔት የቀረበለትን መረጃ መነሻ በማድረግ ማዕረጉን እንደሰጠ ያስታወቀው ዩኒቨርሲቲው ጥር 26 ቀን 2011 ዓ.ም ነው። ለሳይንስና ከፍተኛ ትምህርት ሚኒስትሯ ዶክተር ኂሩት ወልደ ማርያም፣ ለዶክተር ምሩጽ ግደይ፣ ለዶክተር ሃጎስ አሸናፊ፣ ለዶክተር ተፈሪ ገድፍ፣ ለዶክተር ጌታቸው አሸናፊ እና ለዶክተር መረራ ጉዲና ማእረጉን የሰጠው።

ግለሰቦቹ በ4 ዋና ዋና መስፈርቶች የተመዘኑ ሲሆን፤ ያበረከቱት በጎ የመማር ማስተማር ሥራ፤ ከዩኒቨርሲቲው ውጭ ያበረከቱት የማኅበረሰብ አገልልግሎት፤ ምርምር እና ኅትመት ዋናዎቹ ናቸው ብለዋል የዩኒቨርሲቲው ፕሬዝዳንት ፕሮፌሰር ጣሰው ወልደ ሃና።

ዩኒቨርሲቲው በዓመት ኹለት ጊዜ #የፕሮፌሰርነት ማዕረግ እንደሚሰጥ እና ሂደቱ ብዙ ማጣራቶችን የሚያልፍ በመሆኑ ከ2 እስከ 3 ዓመታት ድረስ እንደሚዘገይም አብራርተዋል።

በአጠቃላይ የማዕረግ አሰጣጡም ላይ ይሁን አሁን ማእረግ ባገኙት ላይ የተገቢነት ጥያቄ እየተነሳ ነው በሚል የጀርመን ራድዮ ጥያቄ ያነሳላቸው ፕሮፌሰር ጣሰው ወልደ ሃና ሳይገባው እና መስፈርቱን *ሳያሟላ ማእረጉን ያገኘ ሰው የለም የሚነሳው ቅሬታም መሰረተ ቢስ ነው ሲሉ መልስ ሰጥተዋል።

አዲስ አበባ ዩኒቨርሲቲ በመጭው ግንቦት አጋማሽም የሴኔቱን ስብሰባ ተከትሎ ተጨማሪ የሊቀ-ጠበብትነት ወይም የፕሮፌሰርነት ማእረግ እንደሚሰጥ ለዚህም በዛ ያሉ ጥያቄዎች እየተመረመሩ መሆኑን የዩኒቨርሲቲው ፕሬዝዳንት ፕሮፌሰር #ጣሰው_ወልደሃና ለጀርመን ራድዮ አሳውቀዋል።

ምንጭ፦ የጀርመን ራድዮ
@tsegabwolde @tikvahethiopia

ድሬዳዋ ፖሊስ ኮሚሽን‼️

ኮማንደር #አለሙ_መግራ የድሬ ዳዋ ከተማ  አስተዳደር ፖሊስ ኮሚሽን ኮሚሽነር ሆነው ተሾሙ።

ኮማንደር አለሙ መግራ  ከዚህ በፊት የከተማ አስተዳድሩ ፖሊስ ኮሚሽን ኮሚሽነር  የነበሩትን አቶ ጌታቸው አስረስን በመተካት መሾማቸውን የድሬዳዋ ፖሊስ  ኮሚሽን አስታውቋል።

ኮማንደር አለሙ መግራ ለ26 አመታት በፖሊስ ሙያ በተለያየ ሃላፊነት የሰሩና ያገለገሉ ሲሆን፥ ከእነዚህም ውስጥ በአዳማ ፣ቢሾፍቱ ፣በሻሸመኔ ከተሞችና በአዲስ አበባ ዙሪያ የኦሮሚያ ልዩ ዞን ከተሞች ፖሊስ አዛዥ በመሆን አገልግለዋል።

በተጨማሪም  የኦሮሚያ ትራፊክ ፖሊስ ሃላፊ በመሆንና  ላለፉት 5 ወራት በሐረሪ ክልል መንግስት የክልሉ ምክትል ኮሚሽነር በመሆን ሰርተዋል።

ኮሚሽነሩ ሹመታቸውን  አስመልክቶ ባስተላለፉት  መልዕክት ህዝብን በባለቤትነት በማሳተፍ ለህግ የበላይነት መረጋገጥና ለዘላቂ ሰላም መስፈን ቅድሚያ ሰተው እንደሚሰሩ ተናግረዋል።

በቀጣይም ከህብረተሰቡና እና ከፖሊስ ሰራዊቱ ጋር ሰፊ የውይይት መድረኮች የሚካሄድ መሆኑን ጠቁመዋል።

ኮሚሽነሩ አያይዘውም መላው የአስተዳደሩ ነዋሪ እስካሁን ለሰላም መስፈን ሲያበረክት የቆየውን  ትብብርና እገዛ  አጠናክሮ እንዲቀጥል ጥሪያቸውን አቅርበዋል።

ኮማንደር አለሙ መግራ በማኔጅመንትና በህግ የመጀመሪያ ድግሪና በሙያው የረጅም ጊዜ ልምድ ያላቸው መሆኑ ተገልጿል።

ምንጭ፦ ድሬ ፖሊስ
@tsegabwolde @tikvahethiopia

ወጣቷን #በአሰቃቂ ሁኔታ የገደለው ግለሰብ #ሞት ተፈረደበት‼️
.
.
አንዲት ወጣት ላይ አሰቃቂ ግድያ ፈፅሟል ያለውን ግለሰብ በሞት እንዲቀጣ መወሰኑን በኦሮሚያ ክልል የምሥራቅ ሐረርጌ ዞን ከፍተኛ ፍርድ ቤት አስታወቀ።

ፍርድ ቤቱ ቅጣቱ የወሰነው በሐረማያ ከተማ ቀበሌ 02 ነዋሪ በሆነው #ጫላ አህመድ ሙመድ የተባለው ግለሰብ ላይ ነው።

የፍርድ ቤቱ ዳኛ አቶ ቴዎድሮስ ብርሃኑ ዛሬ ለኢዜአ እንደገለጹት በግለሰቡ ላይ ቅጣቱን የወሰነው በቤት ሠራተኝነት ሕይወቷን ትመራ የነበረች ወጣትን በግፍ መግደሉ በማስረጃ ስለተረጋገጠበት ነው።

ሟች በአወዳይ ከተማ ከባለቤቷ ጋር ተጋጭታ በሐረር ከተማ በቤት ሠራተኛነት ስትሰራም ነበር።

“ግለሰቡ ወጣቷን ለትዳር እንደሚፈልጋት በመግለፅ ተከራይቶ በሚኖርበት ቤት በመውሰድ ከአቅም በላይ የግብረ ሥጋ ግንኙነት ከፈፀመባት በኋላ ጆሮዋ አካባቢ እንደመታትና አንቆ እንደገደላት ታውቋል” ብለዋል።

“ወጣቷ ላይ ግድያ ከፈፀመ በኋላ ቤቱ ቆልፎባት ጠፍቷል” ያሉት ዳኛው፣የቤቱ ባለቤቶች ግለሰቡ በመጥፋቱ መጋቢት 24 ቀን 2010 ቤቱን ለሌላ ግለሰብ ለማከራየት ፈልገው በሩን ሲከፍቱ አስከሬኑን እንዳገኙት አስረድተዋል።

“የተዘጋውን በር ሲከፍቱ ያልጠበቁት መጥፎ ጠረን ያጋጠማቸው አከራዮች ዘልቀው ሲገቡ በቤቱ ወለል ላይ የፈረሰ የወጣቷን አስከሬን አግኝተነዋል” ሲሉም አብራርተዋል።

የሐረማያ ከተማ አስተዳደር ፖሊስ በደረሰው ጥቆማ መሠረት ወንጀሉ ወደ ተፈፀመበት ቤት በማምራት አስከሬኑን ወደ አዲስ አበባ ቅዱስ ጳውሎስ ሚሌኒየም ሆስፒታል ተልኮ ምርመራ ከተደረገለት በኋላ መቀበሩን ተናግረዋል።

“ግለሰቡ በሴቶችና ልጃገረዶች ላይ የወሲብ ጥቃት ይፈጽሟል በሚል ጥርጣሬ በመኖሪያ ቤቱ በተደረገ ፍተሻ የሟች አልባሳት፣ የተለያዩ ሴቶች ፎቶግራፎች፣ ማሰቃያ ሰንሰለትና ሌሎች ወንጀል መፈፀሚያ ቁሶች ተገኝተዋል” ብለዋል።

ፍርድ ቤቱ የቀረቡለትን የሕክምናና የሰው ማስረጃዎች በመመልከት ቅጣቱን መበየኑን ገልጸዋል።

ምንጭ፦ ኢ.ፕ.ድ
@tsegabwolde @tikvahethiopia

ሰበር ዜና‼️

#የህዝብ_ተወካዮች_ምክር_ቤት መስሪያ ቤቶች የጤና ተቋማትና የወጣቶች መዝናኛ በሚገኙባቸው አከባቢዎች 100 ሜትር ርቀት ውስጥ #ማጨስ የሚከለክልን ረቂቅ አዋጅ መርምሮ አጸደቀ፡፡

ከዚህ በተጨማሪ ከአልኮል መጠጦች ጋር በተያየዘም ከ21 አመት በታች ለሆኑ ታዳጊዎች አልኮል #መሸጥ የሚከለክለውንም ረቂቅ አዋጅ በሙሉ ድምጽ #አጽድቋል፡፡

ማንኛውንም #የአልኮል_ምርት በብሮድካስት ሚድያ #ማስተዋወቅ የሚከለክለውን ረቂቅ አዋጅ ምክር ቤቱ በአብላጫ ድምጽ ወስኗል፡፡

@tsegabwolde @tikvahethiopia

ከ200 በላይ #የጥፋት_ሀይሎች በቁጥጥር ስር ዋሉ‼️

በቤኒሻንጉል ጉሙዝ ክልል አሶሳ ወረዳ ገንገን ቀበሌ ህገ ወጥ #ወታደራዊ_ስልጠና ሲከታተሉ የነበሩ ከ200 በላይ ወጣቶች በዛሬው እለት በቁጥጥር ስር መዋላቸውን የክልሉ ፀጥታ ቢሮ አስታውቋል፡፡

የክልሉ የሰላም ግንባታ እና የፀጥታ ቢሮ ም/ሀላፊ ኮማንደር አብዱላዚም መሀመድ ለኢቢሲ እንደተናገሩት ወጣቶቹ በቁጥጥር ስር የዋሉት የብሄራዊ መረጃና ደህንነት፣ የመከላከያ ሰራዊት፣ የፌደራል ፖሊስ እና የክልሉ የፀጥታ ሀይል በጋራ ባካሄዱት ኦፕሬሽን ነው።

የጥፋት ሀይሎቹ ከጥር 25/2011 ጀምሮ ከገንገን በመነሳት በሆሞሻ፣ ሸርቆሌ እና መንጌ ወረዳዎች አቋርጠው ወደ ኦዳ ቢልዲጊሉ ወረዳ በማቅናት የጥፋት እቅዳቸውን ለመፈፀም ሲንቀሳቀሱ ነው በቁጥጥር የዋሉት ብለዋል ኮማንደር አብዱላዚም።

#የጥፋት_ሀይሎቹ ሲጠቀሙበት የነበረ4 ክላሽንኮቭ፣ 1 ጅምስሪ፣ 1 ብሬን እና 4 ኋላ ቀር መሳሪያ በቁጥጥር መዋሉን ኮማንደር አብዱላዚም ተናግረዋል።

ምንጭ፦ etv
@tsegabwolde @tikvahethiopia

#update በደቡብ ጎንደር #እስቴ_ወረዳ በተፈጠረ ግጭት ቃጠሎ የደረሰባቸውን ሁለት መስኪዶች በተሻለ ጥራት መልሶ ለመገንባት እንቅስቃሴ ተጀመረ። አስተባባሪዎቹ እንደገለፁት ድጋፍ ለማሰባሰብ ባንክ አካውንት ተከፍቷል። ግጭቱ ባለፈው ሳምንት መጨረሻ አንድ ሰርግ ላይ በተፈጠረ ውዝግብ ወደ ስፋ አለመግባባት አምርቶ በመስኪዶቹ ላይ ጥቃት ተፈፅሟል። የአማራ ክልል ጉዳዩን እያጣራሁ ነኝ ብሎ ሲያበቃ ማንነታቸው ያልታወቁ ሀይሎች እጃቸው አለበት ሲል መጠርጠሩን ተናግሯል።

©Wazemaradio
@tsegabwolde @tikvahethiopia

ብሔራዊ የመረጃና ደህንነት አገልግሎት🔝

ብሔራዊ የመረጃና ደህንነት አገልግሎት በአዲስ መልክ መልምሎ ለ300 ቀናት በብሔራዊ ደህንነት ጥናት ኢንስቲትዩት ያሰለጠናቸውን ጀማሪ ባለሙያዎች በዛሬው ዕለት #አስመረቀ።

አዲስ ተመርቀው ወደስራ የሚሰማሩትና ነባር የአገልግሎቱ ሰራተኞች ከፖለቲካ ወገንተኝነት ነጻ በመሆን አገራቸውን እንዲያገለግሉ በጠቅላይ ሚኒስትር ዶክተር #አብይ_አህመድ መመሪያ ተሰጥተዋል።

ሰልጥነው የተመረቁት ጀማሪ ባለሙያዎቹ በዛሬው ዕለት በጠቅላይ ሚኒስትር ጽህፈት ቤት ቀርበው ቃለ መሃላ ፈጽመዋል።

ተመራቂዎቹ በአዲሱ ካሪኩለም መሰረት ከሁሉም ክልሎችና ከተማ አስተዳደሮች የጾታ እኩልነትንና የሁሉንም ብሄሮች ተሳትፎ አማክሎ የተመለመሉ መሆናቸው ተገልጿል።

ተመራቂዎች ለአንድ ጀማሪ ባለሙያ የሚያስፈልገውን የደህንነት ኪነ ሙያ፣ የአገሪቱን ህገ-መንግስት፣ የወቅቱ የደህንንት ስጋት የሚጠይቀውን እውቀትና ክህሎት በአገር ውስጥና በውጭ ባለሙያዎች እንዲያገኙ ተደርጓል።

የብሔራዊ የመረጃና ደህንነት አገልግሎት ዋና ዳይሬክተር ጀኔራል አደም መሀመድ በዚሁ ወቅት እንደገለጹት፤ አገልግሎቱ ከጣሊያን ወራረ ጀምሮ ሲሰራ ቢቆይም የአገርንና የህዝብን ደህንነት ከመጠበቅ ይልቅ የገዥ ቡድኖችን ጥቅም ማስጠበቅ ላይ ተጠምዶ ቆይቷል።

መንግስት በተፈራረቀ ቁጥር እንደአዲስ የሚደራጅ በመሆኑ ዘመን ተሻጋሪ የሆነ ልምድ ያካበተና ሙያዊ ስራ የሚሰራ ጠንካራ ተቋም ሊሆን እንዳልቻለ ገልጸዋል።

በአሁኑ ወቅት መንግስት በለውጥና ዴሞክራሲ ስርዓት ግንባት አዲስ ጅማሮ ውስጥ ከሚያደርጋቸው ማሻሻያዎች አንዱ አገልግሎቱን ትውልድ ተሻጋሪ እንዲሆን ማስቻል በመሆኑ የተለያዩ የለውጥ ርምጃ እየተወሰዱ መሆኑን ገልጸዋል።

ጠቅላይ ሚኒስትር ዶክተር አብይ አህመድ በበኩላቸው ተመራቂዎቹ የተሰጣቸው ሃላፊነት ከፍተኛ በመሆኑ አገርንና ህዝብን ለመጠበቅ ነቅተው መስራት እንዳለባቸው አስገንዝበዋል።

የብሔራዊ የመረጃና ደህንነት አገልግሎት ባለሙያዎቹ ስልጣን ላይ ያለውን ፓርቲ ሳይሆን ኢትዮጵያንና ህዝቦቿን የመጠበቅ ሃላፊነታቸውን ከፓርቲ ወገንተኝነት ነጻ በመሆን ማገልገል እንደሚጠበቅባቸው ገልጸዋል።

መንግስት የአገልግሎቱ ባለሙያዎች ከፓርቲ ወገንተኝነት ነጻ ሆነው እንዲያገለግሉ ለማስቻል ሲሰራ መቆየቱንም ጠቅላይ ሚኒስትሩ ጠቁመዋል።

በአገሪቱ የመጣውን ለውጥ ተከትሎ በብሔራዊ የመረጃና ደህንነት አገልግሎት ውስጥ በርካታ ለውጡች መካሄዳቸው ይታወቃል።

የአገልግሎቱ የስራ ሃላፊዎች በተለያየ ወቅት ለአገሪቱና ለህዝቦቿ ደህንነት የሚሰሩ መሆናቸውን ከመግለጻቸው ባለፈ ተቋሙ ተፎካካሪ የፖለቲካ ፓርቲዎችን ጨምሮ በተለያዩ የህብረተሰብ ክፍሎች እንዲጎበኝ መደረጉ ይታወሳል።

በህዝብ ተወካዮች ምክር ቤት የውጭ ጉዳይ ግንኙነትና ሰላም ጉዳዮች ቋሚ ኮሚቴ በተቋሙ በመገኘት የስራ እንቅስቃሴውን መጎብኘቱ ይታወቃል።

ምንጭ፦ ኢዜአ
@tsegabwolde @tikvahethiopia