#Balderas

የባልደራስ ለእውነተኛ ዴሞክራሲ ፓርቲ ፕ/ት አቶ እስክንድር ነጋ ፤ በመንግስት ጫና በአባልነትም ሆነ በአመራርነት መስራት የማልችሉበት ደረጃ ላይ መድረሳቸው አሳወቁ።
አቶ እስክንድር ሀምሌ 16/2014 ዓ/ም ካሉበት ቦታ ሆነው ፃፉት በተባለውና በፓርቲው የፌስቡክ ገፅ ላይ በተሰራጨ ደብዳቤ በመንግስት ጫና ሳቢያ በፓርቲያቸው በአመራርነትም ሆነ በአባልነት መስራት የማይችሉበት ድረጃ መድረሳቸውን ገልፀዋል።

" ኢትዮጵያ ወደ ዴሞክራሲያዊ ስርዓት እንድትሻገር ለዓመታት የበኩሌን አስተዋጽዖ ሳደርግ መቆየቴ ይታወሳል። " ያሉት አቶ እስክንድር " በአሁኑ ጊዜ ግን፣ ተረኛው ጨቋኝ መንግስት በባልደራስም ሆነ በሃገር አቀፍ ደረጃ በፈጠረው የለየለት አምባገነናዊ ጫና ሳቢያ፣ በአባልነት ሆነ በአመራርነት መስራት የማልችልበት ደረጃ ላይ ደርሻለሁ። " ብለዋል።

በዚህም " የፓርቲው ስራ አስፈጻሚ ኮሚቴ፣ አባላት፣ በየደረጃው ያሉ የፓርቲው አመራር አባላት፣ መላ አባላትና ደጋፊዎች፣ እንዲሁም መንግስታዊና መንግስታዊ ያልሆኑ ድርጅቶች፣ ከፓርቲው ምክትል ፕሬዝደንት አቶ አምሃ ዳኘው ጋር ሙሉ ለሙሉ በመተባበር ስራቸው የተቃና እንዲሆን እንድትተባበሯቸው በትህትና እጠይቃለሁ። " ብለዋል።

በእቅድ ላይ ያለው የባልደራስ ጠቅላላ ጉባኤ በተሳካ ዝግጅት እንዲከናወን ያላቸው ተስፋ የገለፁት አቶ እስክንድር " ባልደራስ በሃገር አቀፍ ፓርቲነት አድጎ የማየት ተስፋችን ወደ ተግባር ተተርጉሞ ለማየት የፈጣሪ መልካም ፈቃድ ይሁን " ሲሉ መልዕክታቸውን አጠቃለው።

@tikvahethiopia

" ለሰላም መስፈን የምንሰራው ስራ ይቀጥላል " - አቶ ጃዋር መሀመድ

የኦሮሞ ፌዴራሊስት ኮንግረስ (ኦፌኮ) ተቀዳሚ ምክትል ሊቀመንበር አቶ በቀለ ገርባ እና ም/ ሊቀመንበር አቶ ጃዋር መሀመድ በአውሮፓ ሀገራት እና በሰሞን አሜሪካ ሲያካሂዱት የነበረውን " Galatoomaa Tour " ማጠናቀቃቸው ተሰምቷል።

አቶ ጃዋር መሀመድ በአውሮፓ እና ሰሜን አሜሪካ የነበራቸውን ቆይታ በማጠናቀቅ ወደ ሀገራቸው በሰላም መመለሳቸውን ዛሬ አሳውቀዋል።

ምክትል ሊቀመንበሩ በተለያዩ ከተሞች በነበሩ ህዝባዊ ውይይቶች ላይ ለተካፈሉ ያላቸውን ፍቅር እና አድናቆት ገልፀው ለሰላም መስፈን የሚሰራው ስራ ተጠናክሮ እንደሚቀጥል ገልፀዋል።

እነ አቶ ጃዋር መሀመድ ፤ በአውሮፓ እና ሰሜን አሜሪካ በተለያዩ ከተሞች ከሚገኙ ኢትዮጵያውያን እና ትውልደ ኢትዮጵያውያን ጋር በኢትዮጵያ ጉዳይ የመከሩ ሲሆን በእስር ቤት ቆይታቸው ድምፅ ለሆኗቸው፣ አብረዋቸው ለነበሩ " ምስጋና " አቅርበዋል።

ከማህበረሰቡም ዘንድ ሲነሱ ለነበሩ ጥያቄዎችም መልስ ሲሰጡ ቆይተዋል።

በተለይም በየመድረኩ ላይ በተነሱላቸው የተለያዩ ጥያቄዎች ስለ ጦርነት ማቆም፣ ስለ ሰላም እና ድርድር አስፈላጊነት ፅኑ አቋማቸውን በተደጋጋሚ አስረግጠው ተናግረዋል።

ሚዲያዎችም እንዲሁም ደግሞ ከኢትዮጵያ ርቀው በውጭ ሀገር ያሉ ሰዎች በሀገሪቱ አስተማማኝ ሰላም እንዳይኖርና በቀጣይ የማያባራ እልቂት እንዲፈጠር ከሚያደርጉ ድርጊቶች እንዲቆጠቡም በማሳሰብ ለሀገሪቱ ህዝብ ሲሉ በ #ሰላም ጉዳይ አበክረው እንዲሰሩ ጥሪ ሲያቀርቡ ነበር።

@tikvahethiopia

ኢትዮጵያ እና የፋይናንስ ሴክተሯ !

በ2014 በጀት ዓመት ማለቂያ የኢትዮጵያ የፋይናንስ ሴክተር እውነታዎች ፦

• የባንኮች ብዛት 👉 30

• የባንክ ቅርንጫፎች ብዛት 👉 8,944

• ጠቅላላ የባንኮች ካፒታል (በብር) 👉 199.1 ቢሊዮን ብር

• ጠቅላላ የባንኮች ሀብት (በብር) 👉 2.4 ትሪሊዮን ብር

• ጠቅላላ ተቀማጭ ገንዘብ (በብር) 👉 1.7 ትሪሊዮን ብር

• የሞባይል ባንኪንግ ተጠቃሚዎች ብዛት 👉 16.3 ሚሊዮን

• የዴቢት ካርድ ተጠቃሚዎች ብዛት 👉 30.7 ሚሊዮን

• የሞባይል ገንዘብ ተጠቃሚዎች ብዛት 👉 43.3 ሚሊዮን

• የኤቲኤሞች (ATM) ብዛት 👉 6,902

• የፖስ ብዛት 👉 11,760

• የኢንሹራንስ ተቋማት ብዛት 👉 18

• የማይክሮ ፋይናንስ ተቋማት ብዛት 👉 40

መረጃ ምንጭ፦ የኢትዮጵያ ንግድ ባንክ

@tikvahethiopia

#BREAKING

የታላቁ ኢትዮጵያ ሕዳሴ ግድብ ሁለተኛው ተርባይን የኤሌክትሪክ ኃይል ማመንጨት ጀመረ።

ጠ/ሚር ዶ/ር ዐቢይ አሕመድን ጨምሮ የተለያዩ የመንግስት የስራ ኃላፊዎች በቤንሻንጉል ጉሙዝ ጉባ ወረዳ በታደሙበት ዝግጅት ነው በዛሬው ዕለት 2ኛው ተርባይን ኃይል ማመንጨት የጀመረው።

የታላቁ ኢትዮጵያ ህዳሴ ግድብ ካሉት 13 ተርባይኖች መካከል ዩኒት 9 የሚባለው ሁለተኛው ተርባይን የተሳካ ተከላ እና ሙከራ ከተደረገ በኋላ ኃይል የማመንጨት ስራው እውን መሆኑን ብሄራዊ የቴሌቪዥን ጣቢያ ዘግቧል።

ዛሬ በይፋ ሥራ የጀመረው ሁለተኛው ዩኒት 375 ሜጋ ዋት ኃይል የማመንጨት አቅም እንዳለው ተገልጿል።

@tikvahethiopia

#Update

" ሶስተኛው የግድቡ ሙሌት በሂደት ላይ ይገኛል " - ኢ/ር ክፍሌ ሀሮ

ዛሬ የ2ኛው ተርባይን ኃይል ማመንጫ ማብሰሪያ ስነስርዓት ላይ የታላቁ ህዳሴ ግድብ ስራ አስኪያጅ ኢ/ር ክፍሌ ሀሮ ከተናገሩት ፦

" ታላቁ የኢትዮጵያ ህዳሴ ግድብ በዚህ በያዝነው ዓመት በ2014 ለማከናወን ከተያዙ አብይ እቅዶች መካከል በሁለት ዩኒት ማለትም በሁለት ታርባይንና ጀነሬተሮች ኃይል ማመንጨት አንዱ ሲሆን ይህ እቅድ ተሳክቶ በ2ቱም ዩኒቶች ኃይል ማመንጨት ተችሏል።

ከለውጡ በኃላ በፕሮጀክቱ ላይ የማስተካከያ እርምጃ ከተወሰደ በሶስት ዓመታት ውስጥ በግድቡ ውስጥ መተከል የነበረባቸው የውሃ ማስተላለፊያ የብረታብረት ስራዎችን በማጠናቀቅ የመካከለኛውን የግድብ ከፍታ ከሃያ አምስት ሜትር ወደ መቶ ሜትር ማድረስ ተችሏል።

እንደዚሁም የግድቡን ግራና ቀኝ በትንሹ እስከ ስድስት አርባ አምስት የደረሰም አለ ወይም ከባህር ጠለል በላይ እስከ ስድስት አርባ አምስት ወይም መቶ አርባ አምስት ሜትር ከመሰረት ከፍ ያለ በተጨማሪ በትንሹ እስከ መቶ አስራ አንድ ሜትር ከፍ በማድረግ ሁለት ሙሊቶችን ማከናወን የተቻለ ሲሆን #ሶስተኛው_ሙሊት_በሂደት ላይ ይገኛል ።

ከምንም ደረጃ ተነስቶ ሁለት ተርባይኖች እና ጄነሬተሮች በመትከል ኃይል ማመንጨት ተችሏል። "

@tikvahethiopia

#Update

የጉራጌ ዞን ምክር ቤት #በክላስተር_ለመደራጀት የቀረበውን የውሳኔ ሃሳብ ውድቅ አድርጓል።

የጉራጌ ዞን ምክር ቤት ፤ ዛሬ ሐሙስ ባካሄደው አስቸካይ ጉባኤ ከሌሎች የአስተዳደር መዋቅሮች ጋር በክላስተር ለመደራጀት የቀረበውን የውሳኔ ሃሳብ በአብላጫ ድምጽ ውድቅ አደርጓል።

የጉራጌ ዞንን በደቡብ ክልል ስር ከሚገኙ ሌሎች 4 ዞኖች እና አንድ ልዩ ወረዳ ጋር በማዳመር የጋራ ክልል ለመመስረት የቀረበው የውሳኔ ሀሳብን 52 የምክር ቤት አባላት ተቃውመታል።

የጉራጌ ዞን ምክር ቤት 97 አባላት ያሉት ሲሆን ከእነርሱ ውስጥ 91 ያህሉ ገዢው ብልጽግና ፓርቲን ወክለው ምክር ቤቱን የተቀላቀሉ ሲሆኑ ቀሪዎቹ ስድስት አባላት የኢትዮጵያ ዜጎች ለማህበራዊ ፍትህ (ኢዜማ) ፓርቲ ተመራጮች ናቸው።

ዛሬ ሐሙስ ነሐሴ 5 ቀን 2014 በተካሄደው የዞኑ ምክር ቤት አስቸኳይ ጉባኤ ላይ ከተገኙ 92 የምክር ቤት አባላት መካከል 40ዎቹ ውሳኔውን ደግፈው ድምጽ መስጠታቸውን ኢትዮጵያ ኢንሳይደር ዘግቧል።

@tikvahethiopia

#ተጨማሪ

" መንግስት የዞኑ ህዝብ በም/ቤት ያፀደቀውን ህገመንግስታዊ ጥያቄ #በድጋሚ ሊያይ ይገባል " - የጉራጌ ዞን ም/ቤት

የጉራጌ ዞን ምክር ቤት ዛሬ ባካሄደው አስቸኳይ ጉባኤ በጉራጌ ዞን ዋና አስተዳደር የቀረበውን #በክላስተር የመደራጀት ምክረ ሐሳብ በአብልጫ ድምፅ #ውድቅ አድርጎታል።

የዞኑ ህዝብ በም/ቤቱ ያፀደቀው ህገመንግስታዊ ጥያቄ መንግስት በድጋሚ ሊያይ ይገባል በሚል ነው ምክር ቤቱ በአብላጫ ድምፅ የክላስተር ውሳኔውን ምክረ ሀሳብን ውድቅ ያደረገው።

የጉራጌ ዞን ምክር ቤት ህዳር 17/2011 ዓ.ም. ባደረገው ጉባኤ ዞኑ ራሱን ችሎ ክልል ለመሆን ውሳኔ ማሳለፉ ይታወሳል።

የደቡብ ክልልን ለሁለት የሚከፍለውን የክልልነት አደረጃጀት በም/ቤቱ ባለማጽደቅ የጉራጌ ዞን #ብቸኛው ሆኗል።

ቀሪዎች የደቡብ ክልል 10 ዞኖች እና ስድስት ልዩ ወረዳዎች በአንድ ላይ ሁለት ክልል የመመስረት ውሳኔን በምክር ቤቶቻቸው ማጽደቃቸው ይታወሳል። 

ፎቶ ፦ የጉራጌ ዞን መንግሥት ኮሚኒኬሽን

@tikvahethiopia

#GurageZone

የጉራጌ ዞን ምክር ቤት ዛሬ በክልል የመደራጀት ውሳኔን ማፅናቱና የክላስተር አደረጃጀቱን ውድቅ ማድረጉን ተከትሎ ህብረተሰቡ ደስታውን በተለያየ መንገድ እየገለጸ መሆኑን ደስታውን ሲገልጽ ግን በሰላማዊ መንገድ መሆን እንዳለበት በዞኑ የተቋቋመው የፀጥታ ኮማንድ ፖስት አሳስቧል።

ኮማንድ ፖስቱ ሁከትና ብጥብጥ በሚፈጥሩ አካላት ላይ ህጋዊ እርምጃ እንደሚወስድ አስጠንቅቋል።

የፀጥታ ኮማንድ ፖስት አስተባባሪ ሌተናንት ኮሎኔል ፈጠነ ፍስሃ ፤ የጉራጌ ዞን ም/ቤት በክላስተር የመደራጀት ምክረ ሀሳብን በአብላጫ ድምጽ ውድቅ ማድረጉን ገልፀው ምክር ቤቱ በክልል የመደራጀት ውሳኔ ማሳለፉን ተከትሎ ህብረተሰቡ ደስታውን ሲገልጽ በሰላማዊ መንገድ መሆን አለበት ብለዋል።

የዞኑ ህዝብ ሰላም ለማደፍረስ የሚንቀሳቀሱ ግለሰቦች ሊኖሩ ስለሚችሉ አስፈላጊውን ጥንቃቄ ማድረግ ይገባል ሲሉም አስገንዝበዋል።

በቀጣይ የዞኑ ም/ቤት ያጸደቀው በክልል የመደራጀት ውሳኔ መንግስት ምላሽ እስኪሰጥበት ድረስ የዞኑ ህዝብ በትዕግሥት መጠበቅ እንዳለበት አሳስበዋል።

በተጨማሪ የዞኑ ዋና አስተዳዳሪ አቶ መሀመድ ጀማል ፤ የዞኑ ምክር ቤት የክላስተር አደረጃጀትን በአብላጫ ድምፅ ውድቅ ማድረጉን ተከትሎ መንግስት በቀጣይ አቅጣጫ እስኪያስቀምጥ እና ውሳኔ እስኪሰጥ የዞኑ ህዝብ ሰላሙን በመጠበቅ በልማት ስራው ላይ እንዲያተኩር ጥሪ አቅርበዋል።

መረጃው ከዞኑ ኮሚኒኬሽን የተገኘ ነው።

@tikvahethiopia

ለግብፅ እና ሱዳን !

ጠ/ሚ ዶ/ር ዐቢይ አህመድ ፦

" ...የታችኛው ተፋሰስ ሀገራት በተለይ ለሱዳን እና ግብፅ በተደጋጋሚ እኛ ኃይል በማመንጨት ኢኮኖሚያችንን የማሻሻል በጭለማ ውስጥ የሚኖሩ ዜጎቻችንን ብርሃን እንዲያገኙ ከመፈለግ ውጭ እነሱን የመግፋት፤ የመጉዳት ዓላማ እንደሌለን በተደጋጋሚ ገልፀናል።

ዘንድሮ ሶስተኛው ሙሊት ያረጋገጠው 22 ቢሊየን ገደማ ሜትር ኪዩቢክ ውሃ መያዝ የሚያስችል ስራ እንዲሁም 2 ሁኒት ጀነሬት ማድረግ የሚያስችል ስራ ቢሰራም በታችኛው የተፋሰስ ሀገራት ላይ ምንም አይነት የውሃ እጥረት እንዳያጋጥም ኢነርጂ ጀነሬት እያደረግን ከዚያ ባሻገር Bottom outlet የሚባለው ከውጭ የሚታየው በከፍተኛ ግፊት የሚሄደው ውሃ አንድም ቀን ሳይቋረጥ እንዲሄድ የተደረገበት ዋነኛው አላማ ሌሎች ወንድሞቻችንን የመጉዳት ሳይሆን እኛ የመጠቀም፤ የማደግ ፍላጎት ስላለን ያንን በተግባር ለማሳየት ነው።

ይህ እየፈሰሰ ያለው ውሃ ቢገደብ ባጠረ ጊዜ ውስጥ ውሃ ሊይዝ ይችላል።

ለእነሱ የሚገባቸውን እየለቀቅን እኛ በረዘመ ጊዜ ውስጥ ውሃ የምንይዘው እነሱም ሳይጎዱ እኛም ሳንጎዳ በጋራ ለመበልፀግ፣ ለማደግ ካለን ፍላጎት መሆኑን ተገንዝበው የታችኛው ተፋሰስ ሀገራት በንግግር፣ በድርድር ፣ በስምምነት ውጤት ማምጣት እንደሚቻል ከልብ አምነው ለዛ እንዲተጉ ፤ ከዛ ውጭ ያለው ማንኛውም አማራጭ የጀመርነውን ነገር የማያስቆም፣ እንዲሁም በከንቱ የሚያደክም መሆኑን ተገንዝበው ወደ ሰላም፣ ወደ ድርድር በጋራ ወደ ማደግ እንዲመጡ ጥሪዬን አቀርባለሁ "

🇪🇹 የታላቁ ህዳሴ ግድብ አሁናዊ ሁኔታ 🇪🇹

👉 የሲቪል ስራዎች ግንባታ 95 % ደርሷል።

👉 አጠቃላይ የፕሮጀክቱ አፈጻጸም 83 ነጥብ 3 % ደርሷል።

👉 አጠቃላይ ስራውን በቀጣይ 2 አመት ተኩል ውስጥ ለማጠናቀቅ እየተሰራ ነው።

@tikvahethiopia