#መልስ_ያላገኘው_ጥያቄ

የ2005 የ20/80 የባለ 3 መኝታ የጋራ መኖሪያ ቤት ቆጣቢዎች ባለፈው ሙሉ በሙሉ የተሰረዘው ዕጣ ሳይወጣ የእነሱ ጉዳይ ላይ የአ/አ ከተማ አስተዳደር ግልፅ የሆነ ማብራሪያ እንዲሰጣቸው በድጋሚ አሳሰቡ።

የጋራ መኖሪያ ቤት ይደርሰናል ብለው እየቆጠቡ ያሉ ወገኖች አለን ስላሏቸው ጥያቄዎች ከዚህ ቀደም በተደጋጋሚ ማሳወቃችን አይዘነጋም።

" ዛሬም ድረስ ግልፅ የሆነ ማብራሪያ የሚሰጠን አጥተናል " ያሉት ነዋሪዎቹ " ከልጆቻችን ምግብ ቀንሰን፣ በቤት ክራይ እየተሰቃየንና እየተማረርን ላለፉት 9 ዓመታት ቆጥበን ስለምን በዕጣው ልንካተት እንዳልቻልን በግልፅ ሊነገረን ይገባል " ብለዋል።

የቀጣዩ የጋራ መኖሪያ ቤት ዕጣ ከመውጣቱ በፊትም መፍትሄ እንዲፈለግላቸው ጠይቀዋል።

የ2005 ዓ/ም 20/80 ለባለ 3 መኝታ ቆጣቢዎቹ ፤ " #ቤቶቹ_የትገቡ ? ፣ #ተስፋ_አድርገን_ነበር ፤ #13ኛው_ዙር_ላይ_97_አልቋል_ብላችሁን_አልነበር?! ፤ #ባለ3_መኝታ_ኦዲት_ይደረግ ፤ #ፍትህ_እንሻለን! "በሚሉ እና በሌሎች ሀሽታጎች በተለይም በማህበራዊ ሚዲያ በመሰባሰብ ጥያቄያቸው መልስ እንዲያገኝ ዘመቻ እያካሄዱ መሆኑን ገልፀዋል።

https://t.iss.one/tikvahethiopia/72439?single
https://t.iss.one/tikvahethiopia/72244?single
https://t.iss.one/tikvahethiopia/72384?single
https://t.iss.one/tikvahethiopia/72271

@tikvahethiopia

" በሪፖርቱ ላይ ቅሬታ አለን " - የጎንደር እስ/ጉ/ም/ቤት

ከሳምንታት በፊት የፍትህ ሚኒስቴር ፦ በጎንደር ፣ ወራቤ እንዲሁም ጂንካና አካባቢው ላይ ስላካሄደው ምርመራ ሪፖርት ማቅረቡ ይታወሳል።

በተለይ የጎንደርን ሪፖርት በተመለከተ የጎንደር እስ/ጉ/ም/ቤት ቅሬታ እንዳለው ለፍትህ ሚኒስቴር በፃፈው ደብዳቤ አሳውቋል።

ም/ቤቱ ሪፖርቱ በጎ ጎኖች የተካተቱበት ቢሆንም በጎንደር ሙስሊም ማህበረሰብ እና በከተማው የእስ/ጉ/ም/ቤት ዘንድ ቅሬታች የፈጠረው ጉዳይ መኖሩንም አመልክቷል።

አሉ ያላቸውን ቅሬታዎችንም ለፍትህ ሚኒስቴር በፃፈው ደብዳቤ ላይ በዝርዝር አስቀምጧል።

ሪፖርቱ የፈጠረው ቅሬታ ምንድነው ? ከላይ በደብደቤ ተያይዟል።

የፍትህ ሚኒስቴር ያቀረበው ሪፖርት ምን ነበር ? 👉 https://t.iss.one/tikvahethiopia/71944?single

@tikvahethiopia

#Monkeypox

ጎረቤታችን ሱዳን በዝንጀሮ ፈንጣጣ የተያዘ ሰው ማግኘቷን አስታወቀች።

የሀገሪቱ ጤና ሚኒስቴር በምዕራብ ዳርፉር የዝንጀሮ ፈንጣጣ ያለበት ሰው ማግኘቱን አሳውቋል።

የዝንጀሮ ፈንጣጣው በብሔራዊ የህዝብ ጤና ቤተሙከራ በተካሄደ ምርመራ በአንድ የ 16 ዓመት ተማሪ ላይ ሀሙስ ዕለት መገኘቱ ተገልጿል።

ወረርሽኙ ከአንድ ሰው ውጭ በሌሎች ላይ አለመገኘቱን ሀገሪቱ አሳውቃለች።

ወረርሽኙ አለባቸው ተብለው የተጠረጠሩት 38 ሰዎች ቢሆኑም በሽታው የተገኘው ግን በአንድ ሰው ላይ ብቻ ነው ተብሏል።

የዳርፉር ግዛትና የሱዳን የጤና ሚኒስቴር ጉዳዩን እየተከታተሉት እንደሆነ ገልጸዋል።

መረጃውን የሱዳን ዜና አገልግሎት/ አል ዓይን ኒውስ ነው።

@tikvahethiopia

#GERD #ETHIOPIA 🇪🇹

🇪🇹 የቀድሞ የሀገራችን ጠ/ሚ አቶ መለስ ዜናዊ ፦

" ... ምንም የሚያጠራጥር ነገር የለም፤ ይሄ ግድብ ይሰራል።

ይሄን ግድብ የሚያቆም ምንም ኃይል የለም። "

🇪🇹 የቀድሞ የሀገራችን ጠ/ሚ ሀኃይለማርያም ደሳለኝ ፦

" ... በወንዞቻችን ለመጠቀም እና ድህነትን ለማስወገድ የምናደርገው ጥረት እራሳችንን እና ጎረቤቶቻችንን ጭምር ለመጥቀም እንጂ ማንንም ለመጉዳት እንዳልሆነ ለዓባይ ልጆች ሁሉ ለማረጋገጥ እፈልጋለሁ "

🇪🇹 የአሁኑ የሀገራችን ጠ/ሚር ዶክተር ዐቢይ አህመድ ፦

" ... የታላቁ ህዳሴ ግድብን እንጨርሰዋለን። የታላቁ ህዳሴ ግድብን የምንጨርሰው ልጆቻችንን መጀመር ብቻ ሳይሆን መጨረስም እንደምንችል እንዲያውቁት ስለምንፈልግም ጭምር ነው "

#ታላቁ_የኢትዮጵያ_ህዳሴ_ግድብ💪

@tikvahethiopia

#ጥንቃቄ

ክረምቱ እየተጠናከረ ነውና #ከፍተኛ_ጥንቃቄ አድርጉ።

በተለይም በአዲስ አበባ ከተማ እየጣለ ካለው ከፍተኛ ዝናብ ጋር በተያያዘ በጎርፍ ምክንያት የሰዎች ህይወት እየጠፋ ፣ ንብረትም ላይም ጉዳት እየደረሰ ነው።

ትላንት ከክረምቱ ጋር በተያያዘ አደጋ ደርሶ የሰው ህይወት ጠፍቷል ፤ ንብረት ላይም ጉዳት ደርሷል።

- በአዲስ ከተማ ክ/ከተማ ወረዳ 3 አማኑኤል ሆስፒታል አካባቢ በአንድ መጋዘን ቤት ውስጥ ውሃ በመሙላቱ ግንቡ ተደርምሶ ከስር በሚገኙ መኖሪያ ቤቶች ውስጥ ግለሰቦች ላይ ጉዳት ደርሷል፤ በዚህም የ2 ሰዎች ህይወታቸው አልፏል። ሌሎች ግለሰቦች ላይ ደግሞ ከባድ የአካል ጉዳት ደርሶባቸዋል። በአጠቃላይ በ8 ቤቶች የሚኖሩ 30 ቤተሰቦች ላይ ጉዳት ደርሷል።

⛈ 🌊 የትላንቱ አደጋ የደረሰው የፍሳሽ ቦዮች በግንባታ ተረፈ ምርት በመደፈናቸውና ከዚህም ጋር ተያይዞ በጣለው ከባድ ዝናብ ሳቢያ ገንፍሎ የወጣ ጎርፍ በመጋዘን ቤት ውስጥ ተጠራቅሞ የመጋዘኑን አንዱን የግንብ ግድግዳ በመናዱ ነው። ቦታው ከዚህ ቀደም በስጋት ቀጠና ከተለዩት አንዱ ነው።

- በለሚ ኩራ ክ/ከተማ ወረዳ 9፣ ልዩ ቦታው ፋና ወጊ በተባለ ቦታ ትላንት 9:00 ሰዓት ላይ በጣለው ከባድ ዝናብ በአካባቢው ነዋሪዎች የንብረት ጎዳትና መሠረት ልማቶች ላይ፤ የኮብልስቶን ንጣፍ መንገድ ፣ የወንዝ ድጋፍ ግንባታ ላይ ጉዳት ደርሷል። በዚህ ለሚ ኩራ ክ/ከተማ ወረዳ 9 እና ወረዳ 07 ነዋሪዎችን የሚያገናኝ ድልድይ ላይ ጉዳት ደርሷል።

በሌሎችም አከባቢዎች ለጎርፍ አደጋ ስጋት የሆኑ ቦታዎች ላይ ህብረተሰቡ አስፈላጊውን ሁሉ ቅድመ ጥንቃቄ እንዲያደርግ መልዕክት ተላልፏል።

መረጃው የተሰባሰበው ከአዲስ አበባ ከተማ አስተዳደር ነው።

@tikvahethiopia

" ከዚህ በፊት ቦታው ላይ አደጋ ሊደርስ ይችላል ፤ ልንሞት እንችላለን ብለን በተደጋጋሚ አመልክተናል " - ቤተሰቦች

ትላንት በአዲስ አበባ፤ አዲስ ክፍለ ከተማ በአንድ መጋዘን ቤት ውስጥ ውሃ በመሙላቱ ሳቢያ ግንብ ተደርምሶ የሰዎች ህይወት አልፏል።

አካባቢው ቀድሞውንም በስጋትንነት የተለይ ነበር።

በአደጋው ህይወታቸውን ካጡት አንዱ ወጣት እዮብ ወልደማርያም ሲሆን በአደጋው ልጃቸውን ያጡ ቤተሰቦች፣ ጓደኞች እንዲሁም የአካባቢው ነዋሪዎች ከፍተኛ ሀዘን ውስጥ ናቸው።

እዮብ ወ/ማርያም የሰው ህይወት ለማትረፍ ሲል የራሱን ህይወት እንዳጣም ቤተሰቦቹ ገልፀዋል።

ቤተሰቦቹ ከዚህ ቀደም ቦታው ላይ አደጋ ሊደርስ እንደሚችል ያላቸውን ስጋት ከታች ከቀበሌ እስከ ላይ ላሉ አካላት በተደጋጋሚ ያመለከቱ ሲሆን ይህ ነው የሚባል ዘላቂ መፍትሄ ሳይሰጠው ብዙ ተስፋ ያለውን ልጃቸውን ህይወት መቅጠፉን አስረድተዋል።

በአደጋው መኖሪያ ቤቱ ከፍተኛ ጉዳት ስለደረሰበት የሟች እዮብ ቤተሰቦችም አሁን ላይም ለቅሶ የተቀመጡት ቤተዘመድ እንዲሁም ጎረቤት ቤት ነው። በቀጣይም ማረፊያቸውን እንደማይታወቅ ቤተሰቦች ገልፀዋል።

ለሚመለከታቸው የመንግስት አካላት የእዮብ ወላጆች አቅመ ደካሞች በመሆናቸው ምክንያት በቀጣይ የሚያርፉበት እንዲመቻችላቸው ተጠይቋል።

በሌላ በኩል የእዮብን ወላጆች ማገዝ ለምትፈልጉ በእናት ራውዳ ጀማል የኢትዮጵያ ንግድ ባንክ አካውንት (CBE) 1000010020011 እና በአባት ወልደማርያም ሸዋ የባንክ አካውንት (CBE) 1000291553749 ማገዝ ትችላላችሁ።

በስልክ እናት ራውዳ ጀማልን በ0911225960 እንዲሁም ደግሞ አባት ወልደማርያም ሸዋን በ 0911137825 ላይ ማግኘች ይችላል።

@tikvahethiopia

#ምስራቅ_ጎጃም

በመሬት መንሸራተት የሰው ህይወት ጠፋ።

በአማራ ክልል ምስራቅ ጎጃም ዞን በደጀን ወረዳ ቦረቦር ሸንቻ ቀበሌ ጎበዝ አምባ ጎጥ እየተባለ በሚጠራው ቦታ በተከሰተ የመሬት መንሸራተት አደጋ የአንድ ሰው ህይወት አልፏል።

ከጠፋው የሰው ህይወት በተጨማሪ በሶስት የመኖሪያ ቤቶች ላይ ሙሉ በሙሉ ውድመትና በእንስሳት ላይ ከፍተኛ ጉዳት ደርሷል።

የወረዳው አስተዳደር ጽ/ቤት ኃላፊ አቶ ኃይማኖት ካሳ ፤ " ከላይኛው እርከን እስከ ታችኛው መዋቅር ያለው አካል አለማድመጥና ውሳኔ አለማስከበር ለዚህ ችግር ዳርጎናል " ሲሉ ገልፀዋል፡፡

ቦታው ተደጋጋሚ የመሬት መንሸራተት አደጋ የሚከሰትበትና የንብረት ጉዳት የሚደርስበት መሆኑ ተነግሯል።

የደጀን ወረዳ ኮሚኒኬሽን ጉዳዩን በተመለከተ ባለፉት ዓመታት በዘገባ ለሚመለከታቸው አካላት ማሳወቁን ነገር ግን ምላሽ በመስጠት ነዋሪዎችን ከሞት ንብረታቸውን ከውድመት የሚታደግ አካል መጥፋቱን ገልጿል።

ችግሩ እየከፋ መጥቶ በዘንድሮው ዓመት ለሰው ህይወት መጥፋት የዳረገ በመሆኑ የበላይ አካላት በመደማመጥና አስቸኳይ ውሳኔ በመወሰን የዜጎችን ህይወት መታደግ ይገባል ብሏል።

በወረዳው በሚገኙ ሁሉም ቀበሌዎች ተመሳሳይ አደጋ ሊከሰት ስለሚችል ህብረተሰቡ አስፈላጊውን ጥንቃቄም ሊያደርግ እንደሚገባ ማሳሰቢያ ተላልፏል።

@tikvahethiopia