#KonssoZone📍

በደቡብ ክልል ኮንሶ ዞን ሰገን ዙሪያ ወረዳ ባለፈው ቅዳሜ የወረዳው የገቢዎች ኃላፊ ምግብ ቤት ውስጥ በጥይት መገደሉ ከተገለጸ በኋላ በተከታታይ 4 ሰዎች መሞታቸውን ለቲክቫህ ኢትዮጵያ የደረሰው መረጃ ያሳያል።

ህይወታቸው ያለፈው የ ' ሰገን ገነት ቀበሌ ' ሊቀመንበር አቶ ኩሴ ጦኔ እንዲሁም አንድ የሚሊሻ አባል እና 2 ነዋሪዎች ናቸው።

የወረዳው የመንግስት ተጠሪ አቶ ገመይዳ ጉዴኖ ለቲክቫህ ኢትዮጵያ እንደገለጹት መጋቢት 18 ቀን 2014 የአከባቢው ሚሊሻ ከደራሼ ልዩ ወረዳ ሀይቤና ቀበሌ በኩል የመጡ ታጣቂዎች ጥቃት ፈጽመውበት መገደሉን ገልጸዋል። አቶ ገመይዳ ፥ " ጥቃቱ ሲፈጸምም ሽፋን የሰጠ አካል የለም " ሲሉ ነው የገለጹት።

በመቀጠልም ፤ መጋቢት 22 በግምት ከቀኑ 8:30 አከባቢ የሰገን ገነት ቀበሌ ሊቀመንበር ኩሴ ጦኔ በታጣቂዎቹ ታፍኖ መሳሪያውን ተቀምቶ ተገድሏል ብለዋል። ''ትላንት ማታ ነው ሬሳ ያወጣነው'' ሲሉም ተናግረዋል።

በዚያው ቀን 5:30 አከባቢም በመጓዝ ላይ በነበሩ 3 ሰዎች ላይ በተከፈተ ጥቃት ሁለቱ ህይወታቸው ሲያልፍ አንደኛው በከፍተኛ ሁኔታ ተጎድቶ የህክምና ክትትል እየተደረገለት እንደሚገኝ ጠቁመዋል።

ለቲክቫህ ኢትዮጵያ አባላት መረጃ ይድረስንልን ያሉ ስማቸው እንዲጠቀስ ያልፈለጉ ግለሰብ ፤ ጥቃቱን የሚፈጽሙት " በትጥቅ የተደራጁና መሳሪያ የታጠቁ አካላት " መሆናቸውን ተናግረዋል።

ከአካካቢው የቲክቫህ ቤተሰብ አባላት ያሰባሰብነው መረጃ እንደሚያሳየው ደግሞ የክልሉ ልዩ ኃይል ከነበረበት ካንፕ ለቆ በወጣበት ቅጽበት የቀበሌው ሊቀመንበር አቶ ኮሴ ጡኔ በታጣቂዎቹ መገደላቸውን ይጠቁማል።

አቶ ገመይዳ ለቲክቫህ ኢትዮጵያ እንዳሉት የጸጥታ መዋቅሩ ከየቀጠናው ተሰብስቦ በመውጣቱ ጥቃቱን ሚሊሻ ብቻውን መከላከል እንዳልቻለ ጠቁመዋል።

የወረዳ ዋና አስተዳዳሪ አቶ በርሻ ኦላታ ፤ " ፅንፈኛው " ሲሉ የጠሩት ኃይል እየፈጠረ ባለው ሁከትና ብጥብጥ ህዝቡ ዳግም መፈናቀሉንና ለእንግልት መዳረጉን ገልፀዋል።

አቶ በርሻ ፤ የመለጋ እና ዱጋያ ቀበሌ ህብረተሰብ መንግስት የሰጣቸውን ጊዜያዊ መጠለያ ሸራ ቤት በመወጠር ቤት ንብረቱ በተቃጠለበት ቦታ ቀልሰው መኖር በጀመሩበት ወቅት ጥቃት መፈጸሙን አንስተዋል። በዱጋያ ትም/ት ቤት እና ለሰራዊት ማረፊያ የተገነባው ሁለት ካምፕ ላይም ጥቃት ደርሷል ሲሉ ነው የገለፁት።

በተመሳሳይ ከትላንትና መጋቢት 22 ቀን 2014 ማታ ጀምሮ " ጋርጨ " በሚባል ቀበሌ ከዚህ ቀደም በነበሩ ግጭቶች ተፈናቅለው ሸራ ወጥረው በሚገኙ ነዋሪዎች ላይ ጥቃት መከፈቱን የቲክቫህ ቤተሰቦቻችን መልዕክት ጠቁመዋል።

ጥቃት አድራሾቹ ሸራውን ሙሉ ለሙሉ ማቃጠላቸውን እና ለመቋቋሚያ የተሰጣቸውን ቆርቆሮም መዘረፉ ተጠቅሷል።

በአጠቃላይ በወረዳው ውስጥ ከሚገኙ ዘጠኝ ቀበሌዎች በ7ቱ ላይ ጥቃት የተፈጸመ ሲሆን አምስቱ ሙሉ ለሙሉ መቃጠላቸውን ጠቁመዋል። ህብረተሰቡ ከፍተኛ የተስፋ መቁረጥ ስሜት ውስጥ እንደሚገኝ የገለጹት የአካባቢው ቤተሰቦቻችን ሶስት አመት ሙሉ በተመሳሳይ ችግር ውስጥ መሰቃየታቸውን ይናገራሉ።

ችግሩ እንዲፈታ በተደጋጋሚ የክልልና የፌደራል መንግስት አካላት እንዲያውቁት ቢደረግም እዚህ ግባ የሚባል ምላሽ እንዳላገኙና ይበልጡኑ ይህ ችግር ባለበት ሁኔታ ያሉትን የጸጥታ ኃይሎች ማንቀሳቀስ ለችግሩ መስፋፋት አስተዋጽኦ እንዳለው ገልጸዋል።

@tikvahethiopia

#ZOnlineShopping

የጀርባና የወገብ ችግር አለቦት?
ሙሉ የጀርባ አና የወገብ ቀበቶ  950 ብር
የትከሻ ቀበቶ  650 ብር
የመቀመጫ  (Cushion)   850 ብር
የጀርባ መደገፊያ (Pillow)  750 ብር
የጀርባ መጉበጥ ችግርን ፣ የጀርባ ዲስክ መንሸራተት በእድሜ መግፋት የሚመጡ የጀርባ ችግሮች የሚከላከልና ቀጥያል እና ማራኪ ቁመና የሚያላብስ
ስልክ ፦ 0989055551 ፡ ያሉበት ቦታ በነፃ እናደርሳለን።
አድራሻ ፦ ቦሌ አቢሲንያ ህንፃ ሁለተኛ ፎቅ

#UAE

የተባበሩት አረብ ኤሜሬትስ (UAE) ተጨማሪ የ30 ሜትሪክ ቶን የምግብ አቅርቦት ወደትግራይ ክልል መዲና መቐለ ልካለች።

ከጥቂት ቀናት በፊት ሀገሪቱ ፤ 30.3 ሜትሪክ ቶን የምግብ አቅርቦትን የጫነ አምስተኛ አይሮፕላን ወደ ትግራይ መላኳ ይታወሳል።

መረጃው በዱባይ በእግሊዘኛ ቋንቋ የሚታተመው Khaleej Times ነው።

@tikvahethiopia

ጋዜጠኞቹ ከእስር ተፈተዋል።

የአሶሴትድ ፕረስ (AP) ጋዜጠኛው አሚር አማን እና የካሜራ ባለሙያው ቶማስ እንግዳ ከእስር መፈታታቸው መረጋገጡን ኢትዮ ኒውስ ፍላሽ ዘግቧል።

ከህዳር 19 ጀምሮ ፤ " የአሸባሪውን ሸኔ ቡድንን በዓለም አቀፍ ደረጃ የማስተዋወቅ ስራ ሲሰሩ ነበር " በሚል ጥርጣሬ ተይዘው የነበሩት ጋዜጠኞች ትላንትና በዋስ እንደተለቀቁ ተረጋግጧል።

ከቀናት በፊት የፌደራል መጀመሪያ ደረጃ ፍ/ቤት በ60 ሺህ ብር ዋስትና (እያንዳንዳቸው) ከእስር ተለቅቀው ጉዳያቸውን በውጭ ሆነው እንዲከታተሉ ወስኖላቸው እንደነበር አይዘነጋም።

@tikvahethiopia

#ተፈርዶባቸዋል

ከቀናት በፊት መጋቢት 19 ላይ በብቸና ከተማ 2 ታዳጊዎችን አግተው ከቤተሰቦቻቸው 400 ሺ ብር የጠየቁ ተጠርጣሪዎች በፖሊስ ቁጥጥር ስር መዋላቸውንና የምርመራ ስራ እየተሰራ መሆኑን መረጃ መለዋወጣችን አይዘነጋም።

[ https://t.iss.one/tikvahethiopia/69002?single ]

ከከተማ አስተዳደሩ ፖሊስ በተገኘው መረጀ በተጠርጣሪዎቹ ላይ በፍርድ ቤት የቅጣት ውሳኔ ተላልፏል።

የእነማይ ወረዳ ፍርድ ቤት በተጠርጣሪዎች ላይ የተጣራውን ምርመራ መዝገብ የተመለከተ ሲሆን 2ቱ ተከሳሾች ጥፋተኛ መሆናቸውን በቀረቡ ማስረጃዎች አረጋግጧል።

መጋቢት 23 ቀን 2014 ዓ/ም በዋለው ችሎትም 1ኛ ተከሳሽ ተሾመ ሀብቴ በ7 ዓመት ከ6 ወር ፤ 2ኛ ተከሳሽ በሀይሉ ይዘንጋው በ7 ዓመት ፅኑ እስራት እንዲቀጡ ተወስኖባቸዋል።

መረጃው የብቸና ከተማ አስተዳደር ፖሊስ ነው።

@tikvahethiopia