#Update

ጃማ፣ ወረኢሉና ኩታበር ከተሞች ተቋርጦባቸው የነበረውን የኤሌክትሪክ ኃይል አገኝተዋል።

የሀይቅና ቢስቲማ ከተሞች የዝቅተኛና የመካከለኛ መስመር ጥገና እደተጠናቀቀ አገልግሎት እንደሚያገኙ የኢትዮጵያ ኤሌክትሪክ አገልግሎት አሳውቋል።

@tikvahethiopia

መኪና የተሸለሙት መምህር...

የነቀምቴ ከተማ የቀድሞ ተማሪዎች የሒሳብ መምህራቸው ለነበሩት ግለሰብ 'ለእኛ ትውልድ ለዋልከው ውለታ' በሚል በ750 ሺ ብር መኪና ገዝተው መሸለማቸውን ቢቢሲ አስነብቧል።

በአገር ውስጥና በባሕር ማዶ የሚኖሩ የቀድሞ ተማሪዎች ለሒሳብ መምህራቸው ለነበሩት አቤል ቡልቻ መኪና ገዝተው በስጦታ ማበርከት የፈለጉት ያላቸውን ክብርና ፍቅር ከመግለጽ ባለፈ፣ የመምህራቸውን ውለታ በቋሚነት ለመዘከር በመፈለጋቸው መሆኑን ተናግረዋል።

100 የሚሆኑት የቀድሞ ተማሪዎች የመምህራቸውን ውለታ አስታውሰው፣ ስጦታ በመስጠት ሲያመሰግኑ የሌሎች ተማሪዎች ሞራል በማነሳሳት ረገድ ትልቅ ድርሻ መወጣቱን ሽልማቱን የሰሙ ግለሰቦች ተናግረዋል።

መምህር አቤል በነቀምቴ የተለያዩ ት/ቤቶች አስተምረዋል፤ በአሁኑ ጊዜ በአ/አ በአንድ የግል ት/ቤት ውስጥ እያስተማሩ ነው።

ሽልማቱን ያልጠበቁት መሆኑን የተነጋሩት መምህሩ ፥ "እኔ ከዚህ ልጆቹ ካበረከቱልኝ ስጦታ በላይ፣ ያስተማርኳቸው ገሚሱ ዶ/ር ሆኖ፣ የተወሰኑት ፓይለት እንደዚሁም ኢንጂነር ሆነው ማየቱ ይበልጥ ያስደስተኛል። ትውልድን በትምህርት ማብቃትን የመሰለ ደስ የሚያሰኝ ነገር የለም" ብለዋል።

መምህሩ ከዚህ በፊት መኪና እንዳልነበራቸው ብቻ ሳይሆን ይኖረኛል ብለው አስበው እንደማያውቁ ተናግረዋል።

"በመምህር ደሞዝ መኪና መግዛት የማይታሰብ ስለሆነ መንጃ ፈቃድ ስለማውጣትም አስቤ አላውቅም።"

መምህር አቤል ቡልቻ ተማሪ በነበሩበት ጊዜ የአስተማሪና የተማሪ ግንኙነት ጥሩ እንዳልነበረ በማስታወስ እሳቸው ግን "የማስተምራቸውን ልጆች እንደ እኩያ፣ እንደወንድምና እንደአባት እቀርባቸዋለሁ። ተማሪውን ስለቀረብከው ተገቢውን ክብር አይነፍግህም፤ ያከብርሃል እንጂ" ሲሉ ከተማሪዎችቻው ጋር ስላላቸው ቅርበት ለቢቢሲ ተናግረዋል።

@tikvahethiopia

#እንድታውቁት

ለአዲስ አበባ ነዋሪዎች በሙሉ ፦

የአ/አ ኤሌክትሪክ አገልግሎት ለህብረተሰቡ የሚሰጠውን አገልግሎት ይበልጥ ለማቀላጠፍ እና የደንበኞቹን የመረጃ አያያዝ ስርዓት ለማዘመን ሁሉንም የቆጣሪ አይነቶች በአዲስ መልኩ ለመመዝገብ የተቋሙ ባለሞያዎች መድቦ መረጃ የማሰባሰብ ሥራ ያከናውናል፡፡

በመሆኑም ደንበኞች መረጃውን ለማሰብሰብ ለሚላኩ የተቋሙ ባለሙያዎች ተገቢውን ትብብር እንዲያደርጉና የቆጣሪያቸው ሙሉ መረጃ በአግባቡ እንዲያስመዘግቡ አገልግሎቱ ጠይቋል፡፡

የሚላኩት ባለሙያዎች የተቋሙን የመታወቂያ ባጅና አንፀባራቂ አርማ ያለው የደንብ ልብስ የሚለብሱ መሆኑን አሳውቋል።

@tikvahethiopia