#ETHIOPIA

የአስቸኳይ ጊዜ አዋጅ መምሪያ ዕዝ ምን ማድረግ ይችላል ?

የአስቸኳይ ጊዜ አዋጅ መምሪያ ዕዝ የሃገርን ህልውና እና ሉዐላዊነት፣ እንዲሁም የሰላማዊ ዜጎችን ደህነንት ለመጠበቅ አስፈላጊ ነው ብሎ ሲያምን ፦

- በየትኛውም የሃገሪቱ ክፍል መከላከያ ኃይልን ወይም የትኛውንም ሌላ የጸጥታ አካል በማሰማራት ሰላምና ፀጥታ እንዲያስክብሩ ትዕዛዝ ሊሰጥ ይችላል።

- እድሜያቸው ለወታደራዊ አገልግሎት የደረሱ እና የጦር መሳርያ የታጠቁ ዜጎች ወታደራዊ ስልጠና እንዲወስዱ፣ ወታደራዊ ግዳጅ እንዲቀበሉ፣ ወይም ይህን ማድረግ የማይችሉ ሲሆን በአማራጭ ትጥቃቸውን ለመንግስት እንዲያስረክቡ ሊያዝ ይችላል።

- የሰዓት ዕላፊ ገደብ ሊወሰን ይችላል።

- ማናቸውም የህዝብ የመገናኛ እና የህዝብ መጓጓዥ ዘዴ እንዲዘጋ ወይም እንዲቋረጥ ሊያዝ ይችላል።

- ከሽብር ቡድኖች ጋር ይተባበራል ብሎ ምክንያታዊ በሆነ መልኩ የተጠረጠረ ማንኛውንም ሰው ያለፍርድ ቤት ትዕዛዝ በቁጥጥር ሥር ለማድረግ፣ ይህ አዋጅ ተፈፃሚ ሆኖ ባለበት ጊዜ ድረስ ይዞ ለማቆየት ወይም በመደበኛ ሕግ ተጠያቂ እንዲሆኑ ለማድረግ ይችላል።

- ከሽብር ቡድኖች ጋር ይተባበራል ብሎ ምክንያታዊ በሆነ መልኩ የተጠረጠረ ማንኛውንም ሰው ወይም ድርጅት ንብረት የሆነን ማኛውንም ቤት፣ ህንፃ፣ ቦታ፣ መጓጓዣ ለመበርበርና እንዲሁም ማንኛውንም ሰው ለማስቆም ማንነቱን ለመጠየቅ፣ ለመፈተሽ ይችላል፤ በብርበራ ወይም በፍተሻ የተያዙ የጦር መሳሪያዎችን መውረስ ይችላል።

- ለተወሰነ ጊዜ መንገዶችን፣ አገልግሎት መስጫ ተቋማትን ለመዝጋት እንዲሁም ሰዎች ለጊዜው በተወሰነ ቦታ እንዲቆዩ፣ ወደ ተወሰነ አካባቢ እንዳይገቡ ወይም ከተወሰነ ቦታ እንዲለቀቁ ለማዘዝ ይችላል።

- ከፍተኛ የፀጥት ችግር እና ስጋት በተፈጠረባቸው የሃገሪቱ ክፍሎች የአካባቢ አመራር መዋቅርን በከፊልም ሆነ በሙሉ፣ ማገድ፣ መለወጥ እና በሲቪልም ሆነ በወታደራዊ አመራር መተካት ይችላል።

- በቀጥታም ሆነ በተዘዋዋሪ ለሽብር ቡድኖች የሞራልም ሆነ የቁስ ድጋፍ ያደርጋል ብሎ የሚጠረጥረውን የሲቪል ማህበረሰብ ድርጅት እንቅስቃሴ በሚመለከተው ባለስልጣን በኩል እንዲታገድ ወይም ፍቃዱ እንዲሰረዝ ሊያዝ ይችላል።

- በቀጥታም ሆነ በተዘዋዋሪ ለሽብር ቡድኖች የሞራል ድጋፍ ያደርጋል ብሎ የሚያምነውን የመገናኛ ብዙሃንን ወይም ጋዜጠኛ በሚመለከተው ባለስልጣን በኩል እንዲታገድ ወይም ፍቃዱ እንዲሰረዝ ሊያዝ ይችላል።

#StateofEmergencyEthiopia

@tikvahethiopia

#ETHIOPIA

ጠቅላይ ሚኒስትር ዶ/ር ዐቢይ አህመድ የአስቸኳይ ጊዜ አዋጅ መታወጁን ተከትሎ በይፋዊ የማህበራዊ ትስስር ገፃቸው ለህዝቡ መልዕክት አስተላልፈዋል።

" ይኼ ጊዜ ችግሮች ተደራርበው የመጡበት የፈተና ጊዜ ነው" ያሉት ዶ/ር ዐቢይ ፈተናው እስኪያልፍ ሁሉም ሰው መፈተኑ አይቀርም ብለዋል።

" ችግሮቻችን አፋጣኝ መፍትሄ አግኝተው ወደ መደበኛ ኑሮ እስክንመለስ ሁላችንም አኗኗራችንን ለፈተና ጊዜ እንዲስማማ አድርገን መቆየት አለብን፤ እንደ ሰላሙ ጊዜ ነገሮች አልጋ በአልጋ እንዲሆኑ መጠበቅ የሰላሙን ጊዜ ያርቀዋል እንጂ ፈጽሞ አያቀርበውም " ሲሉ ገልፀዋል።

የአስቸኳይ ጊዜ አዋጅ የታወጀውም የመከራውን ጊዜ ለማሳጠርና የመፍትሔውን ጊዜ ለማቅረብ መሆኑን አሳውቀዋል።

ዜጎች ወቅቱ እንደሚጠይቀው በመሆን፣ አዋጁ የሚያዝዛቸውን መመሪያዎች በማክበር፣ የሕግ አስከባሪ አካላት ሥራቸውን በቅልጥፍና እንዲያከናውኑ በመተባበር እና አስፈላጊውን እገዛ በማድረግ ሁሉም የበኩሉን ሚና እንዲወጣ ጥሪ አቅርበዋል።

@tikvahethiopia

#ETHIOPIA

ዛሬ ጥቅምት 24/2014 ዓ/ም የተመድ የሰብዓዊ መብቶች ኮሚሽንና የኢትዮጵያ ሰብዓዊ መብቶች ኮሚሽን (ኢሰመኮ) በትግራይ ግጭት ዙሪያ በጋራ ያካሄዱት ምርመራ ሪፖርት ይፋ ይደረጋል።

የኢትዮጵያ ሰብዓዊ መብቶች ኮሚሽን ዋና ኮሚሽነር ዶክተር ዳንኤል በቀለ እና የመንግስታቱ ድርጅት የሰብዓዊ መብቶች ከፍተኛ ኮሚሽነር ሚሼል ባሽሌት የጋራ ሪፖርቱን ግኝቶች ፣ መደምደሚያዎች እና ምክረ ሃሳቦችን ለማቅረብ በአዲስ አበባ እና ጄኔቫ ጋዜጣዊ መግለጫ ይሰጣሉ።

@tikvahethiopia

#የወንጀል_ተጠያቂነት

መላው ሀገሪቱ በአስቸኳይ ጊዜ አዋጅ ውስጥ ትገኛለች፤ የአስቸኳይ ጊዜ አዋጁን ድንጋጌዎች እንዲሁም አዋጁን መሰረት አድርጎ የወጡትን መመሪያዎች መተላለፍ የወንጀል ተጠያቂነትን ያመጣል ፤ ቅጣትን ያስከትላል።

ይህም የወንጀል ተጠያቂነት ፦

- የአዋጁን ድንጋጌዎች እና በአዋጁ መሰረት የወጡ መመሪያዎችን ተላልፎ የተገኘ ማንኛውም ሰው እስከ 3 አመት በሚደርስ ቀላል እስራት ወይም እንደጥፋቱ ክብደት እስከ 10 አመት በሚደርስ ፅኑ እስራት ይቀጣል።

- የአዋጁን ድንጋጌዎች እና በአዋጁ መሰረት የወጡ መመሪያዎችን በመተላለፍ የተፈፀመው ወንጀል በሌሎች ሕጎች ከዚህ ከፍ ያለ ቅጣት የሚያስከትል ከሆነ የከበደው ቅጣት ተፈጻሚ ይሆናል።

- በአስቸኳይ ጊዜ አዋጁ ወቅት የተፈፀሙ የአዋጁ እና በአውጁ ማዕቀፍ የወጡ መመሪያዎች ጥሰቶች የአዋጁ ተፈጻሚነት ጊዜ ቢያበቃም፣ የሚያስከትሉት የወንጀል ተጠያቂነት በመደበኛው የወንጀል ሥነ ስርዐት ሕግ መሰረት ይቀጥላል።

#StateofEmergencyEthiopia

@tikvahethiopia

#AddisAbaba

የአዲስ አበባ ነዋሪዎች ማንኛውም አጠራጣሪ ሁኔታዎች ሲያጋጥሙ ወይም የፖሊስ አገልግሎትን ማግኘት ስትፈልጉ በ 011-1-11-01-11 ወይም በነፃ ስልክ መስመር 991 ፣ 997 መጠቀም እንደምትችሉ አዲስ አበባ ፖሊስ መልዕክቱን አስተላልፏል።

በሌላ በኩል ማንኛውም ግለሰብ በእጁ የሚገኝ የጦር መሳሪያ ትላንት በተቀመጠው የሁለት ቀን ጊዜ ውስጥ በ11ዱ ክፍለ ከተማ ፖሊስ መምሪያዎችና በሁሉም ፖሊስ ጣቢያዎች በስራ ሰዓት በግንባር ቀርቦ ማስመዝገብ አለበት።

በተቀመጠው የጊዜ ገደብ ውስጥ ማንኛውም ግለሰብ በእጁ የሚገኘውን የጦር መሳሪያ በማስመዝገብ ህጋዊነቱን ተላብሶ የጦር መሳሪያውን ተጠቅሞ እራሱንና አካከበቢው እንዲጠብቅበት ሲል ፖሊስ መልዕክት አስተላልፏል።

@tikvahethiopia

#Update

የደቡብ ብሔሮች፣ ብሔረሰቦችና ሕዝቦች ክልል ምክር ቤት ስድስተኛ ዙር አንደኛ ዓመት የሥራ ዘመን አንደኛ አስቸኳይ ጉባዔውን በምክር ቤቱ የጉባኤ አዳራሽ ማከሄድ ጀምሯል።

በዚህ አስቸኳይ ጉባኤ ላይ ባሳለፍነው ሳምንት መጨረሻ በፌዴረሽን ምክር ቤት 11ኛ ክልል ሆኖ ለጸደቀው ደቡብ ምዕራብ ህዝቦች ክልል የስልጣን ርክክብ ያደርጋል።

@tikvahethiopia

#ENDF

በዛሬው ዕለት የኢትዮጵያ የአየር ኃይል አዲሀገራይ በተባለ አካባቢ በሚገኝ አዲቡክራይ የትግራይ ነፃ አውጪ ግንባር (TPLF) ማሠልጠኛ ማዕከል ላይ የአየር ድብደባ መፈፀሙን የመንግስት ኮሚኒኬሽን አገልግሎት አሳውቋል።

በዚህ ማሠልጠኛው በአሁኑ ወቅት የትግራይ ነፃ አውጪ ግንባር (TPLF) ለሽብር ተልዕኮው የመለመላቸው በርካታ ታጣቂዎች እያሠለጠነበት የሚገኝበት ቦታ ነው ሲል የመንግስት ኮሚኒኬሽን በይፋዊ የማህበራዊ ትስስር ገፁ አሳውቋል።

@tikvahethiopia

#የምርመራ_ሪፖርት

የኢትዮጵያ ሰብዓዊ መብቶች ኮሚሽን (EHRC) እና የተባበሩት መንግስታት ድርጅት የሰብዓዊ መብቶች ኮሚሽን (OHCHR) በትግራይ ግጭት ዙሪያ በጋራ ያካሄዱት ምርመራ ሪፖርት ይፋ ሆኗል።

የEHRC እና OHCHR የጋራ ሪፖርት በትግራይ ግጭት ላይ የተሳተፉ ሁሉም አካላት የተለያዩ የሰብዓዊ መብት ጥሰቶች መፈጸማቸውን ያሳያል።

* ሙሉ ሪፖርቱ ከላይ ተያይዟል።

@tikvahethiopia