#OFC : የኢትዮጵያ ገዥ ፓርቲ በቅርቡ ብሔራዊ ውይይትን አስመልክቶ ስለአቀረበው ሐሳብ ከኦሮሞ ፌደራሊስት ኮንግረስ (ኦፌኮ) መገለጫ ሰጥቷል።

ባለፉት 3 ዓመታት ሆነ ቀደም ሲል በነበሩት ዓመታት ውስጥ የኦሮሞ ፌደራላዊ ኮንግረስ (ኦፌኮ) የኢትዮጵያን ሥር የሰደደና ከምንጊዜውም በላይ እየተባባሰ የመጣውን የፖለቲካ ቀውስ ለመፍታት የሚያግዝ ሁሉን አቀፍ ብሔራዊ ውይይት እንዲደረግ በተደጋጋሚ መጠየቁ በመግለጫው አስታውሷል።

ኦፌኮ ከዚህ ቀደም በተለያየ ጊዜ አቅርቤዋለሁ ላለው የብሄራዊ ውይይት ጥያቄ ገዥው ፓርቲ እና መንግስት እንዲሁም ደጋፊዎቹ ሐሳቡን በበጎነት ከመውሰድ ይልቅ ፓርቲውም ማግለል እና ማስፈራራት ላይ ያነጣጠረ አሉታዊ የሚዲያ ዘመቻ አድርገዋል ሲል ወቅሷል።

ከቅርብ ጊዜ ወዲህ ገዢው ፓርቲ ስለብሔራዊ ውይይት አስፈላጊነት በለሆሳስ ማወጅ ጀምሯል ያለው ኦፌኮ "ብዙዎች ግለሰቦችና ቡድኖች የመንግሥትን የውይይት ማስታወቂያን በጣም ዘግይቷል ብለው ውድቅ ያደርጋሉ ፓርቲያችን ግን ከመቼውም ጊዜ በበለጠ ከሚቀር ዘገየ እንላለን እንጂ የታሰበው ውይይት በትክክል እና በእውነቱ ተመርቶ ኢትዮጵያን ከውድቀት ቢታደግ እንመርጣለን" ብሏል።

* ሙሉ መግለጫው ከላይ ተያይዟል።

@tikvhaethiopia

#Ethiopia

የአሜሪካ ተ/ም/ቤት የውጭ ጉዳይ ኮሚቴ በኢትዮጵያ ጉዳይ ውሳኔ አሳልፏል።

ኮሚቴው፤ በኢትዮጵያ ውስጥ ሁሉንም ሁከትና ሰብአዊ መብት ረገጣዎችን ያወገዘ ሲሆን በሰሜን ኢትዮጵያ ግጭት ውስጥ ያሉ ሁሉም ተዋጊ ኃይሎች ግጭት እንዲያቆሙ፣ ሰብአዊ መብቶችን እንዲያከብሩ፣ ያልተገደበ የሰብአዊ ተደራሽነትን እንዲፈቅዱና ተዓማኒነት ያላቸው የግፍ እና ጭካኔ ድርጊቶች ክሶችን በተመለከተ ለገለልተኛ ምርመራዎች እንዲተባበሩ ጥሪ አቅርቧል።

የውሳኔ ሃሳቡ ከተላለፈ በኋላ ካረን ባስ ባወጡት መግለጫ፥ " እኔ ይህንን ውሳኔ የመራሁት በብሔር፣ በፖለቲካና በታሪክ የተወሳሰበ ለዚህ ሁለገብ ግጭት ሰላማዊ ፣ የድርድር መፍትሄ ማየት ስለምፈልግ ነው" ብለዋል።

ባስ እኤአ በጥቅምት 2020 የትግራይ ነፃ አውጪ ግንባር (TPLF) በኢትዮጵያ የሀገር መከላከያ ሰራዊት ላይ ጥቃት መክፈቱን ተከትሎ ግጭቱ መጀመሩንና ግጭቱ ወደ አፋር እና አማራ ክልሎች መስፋቱን ገልፀዋል።

" H.Res 445 " የተሰኘው ይህ የውሳኔ ሃሳብ በኢትዮጵያ ውስጥ ሁከት እንዲቆም ፤ የኢትዮጵያ ሀገር መከላከያ ሰራዊት እና ትግራይ ነፃ አውጪ ግንባር (TPLF) በአስቸኳይ ተኩስ እንዲያቆሙ ይጠይቃል።

ከውሳኔ ሀሳቡ በተጨማሪ TPLF ህፃናትን ለውትድርና መጠቀም እንዲያቆም፤ ከአማራ ክልልም በአስቸኳይ ለቆ እንዲወጣ፤ ከOLA-ሸኔ ጋር ያለውን ጥምረት እንዲያቆም ተጠይቋል።

ባስ፥ የውሳኔ ሀሳቡ ያልተገደበ ሰብዓዊ ተደራሽነት እንዲኖር ሚጠይቅ በቀን ቢያንስ 100 የጭነት መኪናዎችን ወደትግራይ መላክ እንዳለበት የሚገልፅ ነው ብለዋል።

TPLF መራሾቹ ኃይሎች ጦርነት ለመቀጠል ሲሉ የጭነት መኪናዎችን ወይም የእርዳታ ዕቃዎችን ከመዝረፍ እንዲቆጠቡ እንደሚያሳስብም ተናግረዋል።

telegra.ph/US-HFAC-10-25

@tikvahethiopia

#ሰላም_እና_እርቅ !

በጅሌ ጥሙጋ እና ሃደለኤላ ወረዳ (አፋር ክልል) የሰላም እና እርቅ ኮንፍረንስ በሃደሌኤላ ከተማ መካሄድ ጀምሯል።

በኮንፈረንሱ የክልል፣ የዞንና የወረዳ አመራሮች፣እንዲሁም የአገር ሽማግሌዎች ተሣታፊ ይሆናሉ።

ለሁለት ቀናት በሚቆየው ኮንፈረንስ በሁለቱ ወረዳዎች መካከል ያለውን የሰላም እና የህዝብ ለህዝብ ግንኙነት የበለጠ በሚጠናከርበት ሁኔታ ላይ ውይይቶች ይደረጋሉ።

መረጃው የጅሌ ጥሙጋ ወረዳ ኮሚኒኬሽን ነው።

@tikvahethiopia

" ... ከግድያው ጋር በተያያዘ 10 ተጠርጣሪዎች ታስረዋል ፤ የገዳዮቹም ማንነት በምርመራ ላይ ነው " - አቶ ምስጋኑ ዋቅጋሪ

የነቀምቴ ከተማ የስራ እድል ፈጠራ ፅ/ቤት ኃላፊ አቶ መልካሙ ፈይሳ ቅዳሜ ዕለት በመንግስት ስራ ላይ ቆይተው ወደ ቤታቸው ሲመለሱ ከጀርባቸው በተተኮሰ ጥይት መገደላቸውን የነቀምቴ ፀጥታ እና አስተዳደር ፅ/ቤት ለአሜሪካ ድምፅ ሬድዮ ጣቢያ አስታወቀ።

የፅ/ቤቱ ኃላፊ አቶ ምስጋኑ ዋቅጋሪ ለሬድዮ ጣቢያው በሰጡት ቃል ፤ " ማንነታቸው ያልታወቁ ሰዎች አቶ መልካሙ ላይ ጥይት ካዘነቡ በኃላ 03 ቀበሌ ውስጥ ወልደአራራ ቤተክርስቲያን አካባቢ ደርሰን በፍጥነት ወደነቀምቴ ሆስፒታል ብንወስደውም ህይወቱን ማትረፍ አልተቻለም" ብለዋል።

ከግድያው ጋር በተያያዘ 10 ተጠርጣሪዎች መታሰራቸውን እና የገዳዮቹም ማንነት በምርመራ ላይ መሆኑን አቶ ምስጋኑ ለሬድዮ ጣቢያው ገልፀዋል።

አቶ ምስጋኑ ፤ " ነቀምቴ ከተማ ውስጥ መንግስትን የሚቃወም ኃይል ታጥቆ እና ሲቪል መስሎ አልፎ አልፎ በመንግስት አመራሮች ላይ ግድያ ሲፈፅም ቆይቷል፤ አቶ መልካሙንም የገደለው ይኸው ኃይል ነው ብለን እንጠረጥራለን ነገር ግን የሚረጋገጠው በፖሊስ ምርመራ ነው " ብለዋል።

ባለፉት 4 ዓመታት በከተማይቱ ማንነታቸው አልታወቀም በተባሉ አካላት በርካታ የመንግስት የስራ ኃላፊዎች እና ንፁሃን ዜጎች የተገደሉ ሲሆን የምርመራ ሂደቱ በፖሊስ እጅ መሆኑን የነቀምቴ ፀጥታ እና አስተዳደር ፅ/ቤት ኃላፊ አቶ ምስጋኑ ዋቅጋሪ ለሬድዮ ጣቢያው ተናግረዋል።

Photo Credit : Nekemte Communication

@tikvahethiopia

#EthiopianPremierLeague

ዛሬ የቤት ኪንግ ኢትዮጵያ ፕርሚየር ሊግ ሁለት ተጠባቂ ጨዋታዎችን ያስተናግዳል።

በሀዋሳ ዩኒቨርስቲ ስታዲየም በሚካሄደው በዛሬው ጨዋታ የሁል ጊዜ ተፎካካሪዎቹ ቅዱስ ጊዮርጊስ እና ኢትዮጵያ ቡና ሙሉ ሶስት ነጥብ ለማግኘት ይፋለማሉ።

የሁለቱ ቡድኖች ተጠባቂ ጨዋታ ምሽት 12:00 ላይ የሚካሄድ መሆኑን ከወጣው መርሀ ግብር መመልከት ተችሏል።

ከዚህ ጨዋታ በተጨማሪ ሰበታ ከተማ ከ መከላከያ የሚፈለሙ ሲሆን ይህ ጨዋታ ከቀኑ በ9 ሰዓት ላይ ነው የሚካሄደው።

#CentralHawassaHotel #Betika

Photo : File

More : @tikvahethsport

#Update

ከቀናት በፊት ወደ ኢትዮጵያ እንደሚመጡ የተገለፀው የአውሮፓ ህብረት የዓለም አቀፍ አጋርነት ኮሚሽነር ጁታ ኡርፒላይነን ከኢትዮጵያ ባለስልጣናት ጋር ተወያዩ።

ጁታ ኡርፒላይን ትላንት ከጠ/ሚ ዶ/ር ዐቢይ አህመድ፣ ከፕሬዜዳንት ሳህለወርቅ ዘውዴ፣ እና ከምክትል ጠ/ሚ እና የውጭ ጉዳይ ሚኒስትር አቶ ደመቀ መኮንን ጋር መነጋገራቸውን አሳውቀዋል።

ባለስልጣኗ ባይፋዊ የትዊተር ገፃቸው ባወጡት ፅሁፍ ፥ " በሀገሪቱ የፖለቲካ እና ኢኮኖሚ ማሻሻያ አጀንዳዎች፣ በሰሜን ኢትዮጵያ እየተካሄደ ስላለው ግጭትና ስለሰብዓዊ ቀውስ ጉዳይ ገንቢ ውይይት አድርገናል" ብለዋል።

ኡርፒላይን ፥ ከላይ የተገለፁትን ተግዳሮቶች ለመፍታት ከኢትዮጵያውያን አጋሮቻችን ጋር አብሮ መስራታችንን ለመቀጠል ቁርጠኛ ነኝ ሲሉም ፅፈዋል።

በቅርቡ ዳግም ወደ ኢትዮጵያ እንደሚመለሱም አሳውቀዋል።

እንደ አውሮፓ ህብረት መረጃ ባለስልጣኗ በቀጣይ የአፍሪካ ህብረት እና የአውሮፓ ህብረት የሚኒስትሮች ስብሰባን ለመካፍል ኪጋሊ እንደሚገቡ ይጠበቃል።

ቀደም ብሎ በወጣው መርሃ ግብር በመጨረሻ የስራ ቆይራቸው ሱዳን ካርቱም እንደሚገቡ የታቀደ ቢሆን በሱደን አሁን ካለው ወቅታዊ የፖለቲካ ሁኔታ ጋር በተያያዘ እና በተደረገው መፈንቅለ መንግስት ምክንያት ወደ ሱዳን ያቀናሉ የሚለው አልታወቀም።

ባለስልጣኗ ወደ ሱዳን ሄደው የሽግግሩን አመራሮች ሊያገኙ መርሀ ግብር ተይዞላቸው የነበረ ሲሆን የአውሮፓ ህብረት እና ሱዳን የፖለቲካ ውይይትን ያስጀምራሉ ተብሎም ነበር።

@tikvahethiopia