#ThomasSankara

በቶማስ ሳንካራ ግድያ ተባባሪ በመሆን አስራ አራት ሰዎች ክስ ተመስርቶባቸው ፍርድ ቤት ቀርበዋል።

ከ34 ዓመታት በፊት ነበር የወቅቱ የቡርኪና ፋሶ ፕሬዝዳንት ቶማስ ሳንካራ " የአፍሪካው ቼ ጉቬራ" አስደንጋጭ የሆነ ግድያ የተፈጸመባቸው።

የፓን አፍሪካኒዝም አቀንቃኙ ሳንካራ እአአ ጥቅምት 15/1987 በተካሄደ መፈንቅለ መንግሥት ነው በወታደሮቹ በጥይት ተገደሉት።

እንሆ ከ34 ዓመት በኋላ የቶማስ ሳንካራ ግድያ ተባባሪ በመሆን 14 ሰዎች ክስ ተመስርቶባቸው ፍርድ ቤት ቀርበዋል።

የቶማስ ሳንካራ ግድያን ተከትሎ ፥ የቅርብ ጓደኛቸው ብሌዝ ኮምፓዎሬ ነበሩ ወደ ሥልጣን የመጡት።

ከግድያው ከአራት ዓመታት ቀድም ብሎ ሳንካራና ካምፓዎሬ ሳንካራን ለፕሬዝዳንትነት ያበቃውን መፈንቅለ መንግሥት መርተው ነበር።

ኮምፓዎሬ ከ14ቱ ተከሳሾች መካከል ናቸው።

በጎረቤት ሀገር አይቮሪ ኮስት በግዞት የሚገኙት ኮምፓዎሬ እአአ በ2014 በተካሄደው ሕዝባዊ ተቃውሞ ሥልጣን ለቀው ነው የተሰደዱት።

ነገር ግን በቶማስ ሳንካራ ግድያ ውስጥ እጃቸው እንደሌለበት በተደጋጋሚ አስተባብለዋል። በፍርድ ሂደቱ እንደማይገኙም አስታውቀዋል።

• የፍርድ ሂደቱ ለምን ረዥም ጊዜ ፈጀ ?
• የፍርድ ሂደቱ በሀገሪቱ ላይ ምን ተጽዕኖ ይኖረዋል ?
#ያንብቡ 👉 https://telegra.ph/Thomas-Sankara-10-11-2

Credit : BBC

@tikvahethiopia

የሱዳን ኤሌክትሪክ ኩባንያ የሥራ ኃላፊዎች አዲስ አበባ ገቡ።

በሱዳን ኤሌክትሪክ ኩባንያ (ሱዳን ኤሌክትሪክ ትራንስሚሽን ኮርፖሬሽን) ዋና ሥራ አስፈጻሚ የቴክኒክ አማካሪ የተመራ የልዑካን ቡድን በኢትዮጵያና ሱዳን መካከል በቀጣይ ስለሚኖረው የኃይል ትስስር ከኢትዮጵያ ኤሌክትሪክ ኃይል የሥራ ኃላፊዎች ጋር ለመደራደር አዲስ አበባ ገብቷል፡፡

በዋና ሥራ አስፈጻሚው የቴክኒክ አማካሪ ሚስተር አህመድ አደም ኡመር የተመራዉና 5 አባላትን ያካተተው የልዑካን ቡድን ትላንት ምሽት አዲስ አበባ ቦሌ ዓለም አቀፍ አየር ማረፊያ ሲደርስ በኢትዮጵያ ኤሌክትሪክ ኃይል የስትራቴጂና ኢንቨስትመንት መምሪያ ዳይሬክተር አቶ ወንድወሰን ተሾመ አቀባበል ተደርጎለታል፡፡

አቶ ወንድወሰን የልዑካን ቡድኑን በተቀበሉበት ወቅት እንደተናገሩት የልዑካን ቡድኑ አዲስ አበባ የገባው በሁለቱ ሃገራት መካከል የኃይል ትስስሩን ለማጠናከር እየተሰሩ ባሉ ስራዎች ላይ ድርድር ለማድረግ ነው፡፡

ከዚህ በፊት የኢትዮጵያ ኤሌክትሪክ ኃይል የሥራ ኃላፊዎች በሱዳን ዋና ከተማ ካርቱም በመገኘት ከኩባንያው የሥራ ኃላፊዎች ጋር ድርድር መካሄዱን አስታውሰዋል፡፡

በአዲስ አበባ የሚካሄደው ድርድር ከዚህ በፊት በነበሩ ድርድሮች የተነሱ ጉዳዮች እልባት እንዲያገኙና በቀጣይ ስለሚኖረው የአሰራር ሁኔታ አቅጣጫ ለማስቀመጥ ነው ብለዋል፡፡

ድርድሩ የሱዳን የኤሌክትሪክ ኩባንያ ከኢትዮጵያ ተጨማሪ 1 ሺህ ሜጋ ዋት የኤሌክትሪክ ኃይል ለመግዛት ባቀረበው ጥያቄ ላይ እንዲሁም ተጨማሪ ኃይል ለማቅረብ መከናወን ባለበት የመስመር ዝርጋታ እና ማከፋፈያ ጣቢያ ግንባታዎች ላይ ትኩረት የሚያደርግ እንደሚሆን ዳይሬክተሩ ጠቁመዋል፡፡

ድርድሩ ከጥቅምት 1 ቀን 2014 ዓ.ም ጀምሮ ለቀጣዮቹ አምስት ቀናት የሚካሄድ መሆኑን ለማወቅ ተችሏል፡፡

#EEP

@tikvahethiopia

የተማሪዎቹ እና ወላጆቹ ጥያቄ እና ቅሬታ !

• " ሌላ ነገር እንኳን እንዳንጀምር ፣ ትምህርትም ሌላ ቦታ ተመዝግበን እንዳንጀምር ማነቆ ሆኖብናል " - ተማሪዎች

• " ልጆቻችን በስነልቦና ተጎደተዋል፤ በጣም እየተጨነቁም ነው፤ በእነሱ ምክንያት እኛም በእጅጉ እየተጨነቅን ነው" - ወላጆች

• በትምህርት ሚኒስቴር በኩል የተቋሙ አመራሮች ስልጠና ላይ ናቸው የሚል ምላሽ ተሰጥቷል።

ዛሬ ከትግራይ ክልል ዩኒቨርሲቲዎች የተመለሱ ተማሪዎች "ድምጻችን ይሰማ፣ መፍትሔ ይሰጠን" በማለት ከወላጆቻቸው ጋር በትምህርት ሚኒስቴር ቅሬታቸውን ለማሰማት ተገኝተው ነበር።

ትምህርት ካቋረጡ 2 ወር ያለፋቸው ተማሪዎች "የቀድሞው ሳይንስና ከፍተኛ ትምህርት ሚኒስቴር የገባላቸውን ቃል እንዳልፈጸመላቸው" ገልፀዋል።

ዛሬ በትምህርት ሚኒስቴር የተገኙት ተማሪዎች ፥ በትግራይ ክልል ባሉ ዩኒቨርስቲዎች ይማሩ የነበሩ 10,500 ተማሪዎችን በመወከል ኮሚቴ ተዋቅሮ እየሰራ መሆኑን ገልፀው የተለያዩ አካላት ኮሚቴውን እንኳን ለማናገር ፍቃደኛ እንዳልሆኑ ተናግረዋል።

ተማሪዎቹ አሁን በትምህርት ሚኒስቴር ስር የተጠቃለለው ሳይንስና ከፍተኛ ትምህርት ሚኒስቴር በተደጋጋሚ ቢሄዱም ስብሰባ ናቸው የሚል ምላሽ እንደተሰጣቸው አንዳንድ ጊዜ ከበር እንደሚመልሷቸውና ብዙ እንዳጉላሏቸው አስረድተዋል።

" ከዚህ ቀደም መስከረም ወር መጨረሻ ላይ ወደተለያዩ ተቋማት እንደሚመድቡን ነግረውን ነበር" ያሉት ቅሬታ አቅራቢ ተማሪዎቹ "እስካሁን ድረስ ምንም ማላሽ አላገኘንም" ብለዋል።

ተማሪዎቹ በዛሬው ዕለት በትምህርት ሚኒስቴር የተገኙት የሚያናግራቸው አካል ካለ እንዲያናግራቸውንና የታሰበውን ነገር እንዲያሳውቋቸው መሆኑን ገልፀዋል።

ያንብቡ : telegra.ph/MoE-10-11

@tikvahethiopia

#Update

በአዲስ አበባ ከተማ የኢንቨስትመንት ኮሚሽን ኮሚሽነር ሆነው የተሾሙት የኢዜማ ፓርቲ ስራ አስፈፃሚ ኮሚቴ አባል አቶ ግርማ ሰይፉ ቃለመሃላ መፈፀማቸውን የአዲስ አበባ ፕሬስ ሴክሬተሪያት አሳውቋል።

አቶ ግርማ ሰይፉ የአዲስ አበባ ከተማ አፈ-ጉባኤ ወይዘሮ ቡዜና አልከድር በተገኙበት ነው በዛሬው ዕለት ቃለ መሀላ የፈፀሙት።

@tikvahethiopia

የህወሓት በ #አማራ_ክልል በያዛቸው አካባቢዎች የኢትዮጵያ ጦር ከዛሬ ጥዋት ጀምሮ "ሙሉ የማጥቃት" እርምጃ እየወሰደ መሆኑ ዛሬ በዓለም አቀፍ ሚዲያዎች ሲዘገብ ውሏል።

ህወሓት ዛሬ ባወጣው መግለጫ በኢትዮጵያ ጦር ተከፈተብኝ ያለውን ጥቃት ዓለም አቀፉ ማኅበረሰብ እንዲያወግዝ ጥሪ አቅርቧል።

ህወሓት የኢትዮጵያ ሠራዊት የተቀናጀ ጥቃት ከፍቶብኛል ያለ ሲሆን ዓለም አቀፉ ማኅረሰብ ይህንን እርምጃ እንዲያወግዝ ጠይቋል።

ህወሓት በኢትዮጵያ ሰራዊት እየተሰነዘረበት ያለው ጥቃት "በከባድ ጦር መሳሪያ፣ በታንክ፣ በሮኬቶች፣ በድሮኖች እና በተዋጊ ጀቶች" የታገዘ እንደሆነ ገልጿል።

ከቀናት በፊት የኢትዮጵያ ጦር በህወሓት ታጣቂዎች በተያዙ ቦታዎች ላይ "ከባድ" የተባለ ጥቃት መፈፀም እንደጀመረ መገለፁ አይዘነጋም።

ካለፉት ቀናት አንስቶ በዓለም አቀፍ ሚዲያዎች ሲዘዋወሩ ለነበሩ መረጃዎች ቃሉን ያልሰጠው የመከላከያ ሰራዊት በይፋዊ ገፁ ላይ ዛሬ ምሽር መግለጫ አውጥቷል።

ሰራዊቱ ፥ "ህወሓት ውሸት ቀለቡ ነው ያለ ሲሆን ፤ በአንድ በኩል "ተጠቃሁ" ድረሱልኝ ፤ በሌላ በኩል ደግሞ "የትግራይ ሰራዊት የኢትዮጵያን ሰራዊት ባለበት ተኮማትሮ እንዲቀመጥ አድርገነዋል" ሲል ይገልጻል ብሏል።

አክሎ ፥ የዛሬው ፈሊጥ ለጋላቢዎቹ "መጠነ ሰፊ ጥቃት" ተሰነዘረብኝ እባካችሁ አድኑኝ እያለ ሲማፀን ለሚጋልባቸው ደግሞ "አኮማትሬያለሁ" እያለ መዘላበድ ሆኗል ብሏል።

መከላከያ ሰራዊት በራሱ ዕቅድ ሙሉ ማጥቃት ከጀመረ " ተጠቃሁ " ብሎ ለመናገር እንኳን ጊዜ ሳያገኝ የሚፈፀም እንደሚሆን መታወቅ አለበት ያለ ሲሆን ህዝቡ በወሬ ሳይደናገር የቁርጥ ቀን ልጆቹ በመንግስት ትዕዛዝ አይቀሬውን ድል እስኪያበስሩ የተለመደውን ድጋፍ እንዲያደርግ ሲል ጠይቋል።

* መግለጫው ከመከላከያ ሰራዊቱ ገፅ ተነስቷል።

@tikvahethiopia

ፌስቡክ ማሻሻያ ሊያደርግ ነው።

ፌስቡክ ማሻሻያ አደርጋለሁ ያለው በሚሰጠው አገልግሎት ላይ “ህጻናትን የሚጎዱ የተለያዩ መድረኮችን ያመቻቻል” በሚል ሰሞኑንን የቀረበበትን ውግዘትና ተጠያቂነት ተከትሎ ነው።

መሠረቱን አሜሪካ ካሊፎኒያ ሚንሎ ፓርክ ያደረገው የፌስቡክ ኩባንያ እንደ ኢንስታግራም ባሉት የምስልና ፎቶዎች መቀባበያ መድረኮቹ፣ ህጻናት በተከታታይ ከሚመለከቷቸው ምስሎች ፋታ እንዲወስዱና እንዲገቱ የሚያደርጉ የተለያዩ ቅንብሮችን መጠቀም እንደሚጀምር አስታውቋል፡፡

በተለይ ህጻናት መመልከት የማይገባቸውን ምስል ደጋግመው እንዳይመለከቱ የሚያግዳቸው መሆኑንም ገልጿል፡፡

ታዳጊዎቹ ወጣቶች ኢንተርኔት ላይ ምን እንደሚያደርጉ ምን እንደሚመለከቱ ማወቅ ለሚፈልጉ ወላጆችና ሞግዚቶቻቸውም በቤተሰቦቻቸው ምርጫ የተለያዩ የመቆጣጠሪያ ስልቶችን እንደሚያበጅ ፌስቡክ አስታውቋል፡፡

ይሁን እንጂ ይህ እቅዱ የመጣው “ኢንስትግራም ፎር ኪድስ” በሚል ልጆች ላይ ያነጣጠረ ልዩ ፕሮጀክቱን ባላፈው ወር መገባደጃ ላይ ለጊዜው ያቆመው መሆኑን ካስታወቀ በኋላ ነው፡፡

በዚህ የተነሳ ተችዎች ፌስቡክ አደረገዋለሁ ያላቸውን ስለማድረጉ ጥርጥሬ ያላቸው መሆኑን ገልጸዋል፡፡ ምክንያቱም ተችዎቹ እንደሚሉት ስለ እቅዱ “በዝርዝር ያስቀመጠው ምንም ነገር የለም፡፡”

ፌስቡክ ግን ባለፉት ጥቂት ዓመታት ለአገልግሎት መድረኩ ደህንነት መጠበቂያ 13 ቢሊዮን ዶላር ያወጣ ሲሆን ይህንኑ ተግባራዊ ለማድረግም 40 ሺ ሠራተኞች የተሰማሩበት መሆኑን ማስታወቁን ቪኦኤ በድረገፁ አስነብቧል።

@tikvahethiopia

#AU

የአፍሪካ አገራት የውጭ ጉዳይ ሚኒስትሮች አዲስ አበባ መግባት ጀመሩ።

የአፍሪካ አገራት የውጭ ጉዳይ ሚኒስትሮች ለ39ኛው የአፍሪካ ሕብረት የስራ አስፈጻሚ ምክር ቤት ስብሰባ አዲስ አበባ መግባት ጀምረዋል።

የሕብረቱ ኮሚሽን የሚያዘጋጀው የስራ አስፈጻሚ ምክር ቤት ስብሰባ ጥቅምት 4 እና 5 ቀን 2014 ዓ.ም በአፍሪካ ሕብረት ዋና መቀመጫ አዲስ አበባ ይካሄዳል።

በስብሰባው ለመሳተፍ የላይቤሪያው የውጭ ጉዳይ ሚኒስትር ዲ-ማክስዌል ሳህ ኬማያ ዛሬ ማለዳ አዲስ አበባ ገብተዋል።

በ39ኛው የአፍሪካ ሕብረት የስራ አስፈጻሚ ምክር ቤት ስብሰባ ላይ የሕብረቱ 55 አባል አገራት የውጪ ጉዳይ ሚኒስትሮች እንደሚሳተፉ ይጠበቃል።

የምክር ቤቱ ስብሰባ የአገራት መሪዎች፣ የአፍሪካ ሕብረት ቀጣናዊ የኢኮኖሚ ማኀበረሰብ ተቋማትና በሕብረቱ ስር የሚገኙ ተቋማት የሚያደርጉት በሶስተኛው አጋማሽ ዓመት ለሚያደርጉት ጥምር ውይይት አጀንዳዎች የሚቀርቡበት ነው።

Credit : ENA

@tikvahethiopia

#BORENA

• "... በዝናብ መጥፋት 4164 ከብቶች ከ1916 አባወራዎች ሞተዋል ፤ ከ9 ሺ በላይ የቀንድ ከብቶች በሞት አፋፍ ላይ ናቸው " - ዶ/ር ቃሲም ጉዮ (የቦረና ዞን የእንስሳት ሀብት ቢሮ ኃላፊ)

• "... የሳር ግዢው በቀናት ውስጥ ይጠናቀቃል ፤ ሳምንት ባነሰ ጊዜ ለአርብቶ አደሮች ይደርሳል " - ዶ/ር አሚና አብዱራህማን (የክልሉ እንስሳት እና ዓሳ ሃብት ኤጀንሲ ኃላፊ)

በቦረና ዞን በበልግ እና ክረምት ዝናብ በመጥፋቱ ከአራት ሺህ በላይ ከብቶች መሞታቸዉ ተነግሯል።

በደቡብ ኦሮሚያ ክልል ቦረና ዞን በጊዜዉ መዝነብ የነበረበት ዝናብ በመዘግየቱ በላይ የቀንድ ከብቶ መሞታቸውን የዞኑ ነዋሪዎች ገልፀዋል።

ነዋሪዎቹ ይህ ክስተት መታየት ከጀመረ አንድ ወር መሆኑን ተናግረው፣ በዚህም በሺሕዎች የሚቆጠሩ ከብቶች በተለያዩ የዞኑ አካባቢዎች እንደሞቱ ነው የገለጹት።

እስካሁን ድረስ ለአርብቶ አደሮች በቂ ድጋፍ እንዳልተደረገ ቃላቸውን የሰጡ ነዋሪዎች አሳውቀዋል።

የቦረና ዞን የእንስሳት ሀብት ቢሮ ኃላፊ የሆኑት ዶ/ር ቃሲም ጉዮ ለቪኦኤ በሰጡት ቃል እስካሁን ከ4 ሺሕ የቀንድ ከብቶች መሞታቸውን፣ ከዘጠኝ ሺህ በላይ የሚሆኑት ደግሞ በሞት አፋፍ ላይ መሆናቸውን አስረድተዋል።

ኃላፊው ፤ ለሁለት ወቅት መዝነብ የነበረበት ዝናብ መዘግይቱ ለጉዳቱ መንስኤ መሆኑን ገልፀዋል።

ዶ/ር ቃሲም ብዙ የቀንድ ከብት ሞት እየተመዘገበ ያለበትን ወረዳዎች በዝርዝር ገልፀዋል።

1ኛ. ተልተሌ ወረዳ ከ1486 በላይ ከብቶች ሞተዋል።
2ኛ. ድሎ ወረዳ 992 ከብቶች ሞተዋል።
3ኛ. ሚዮ ወረዳ 496 ከብቶች ሞተዋል።
4ኛ. አሬሮ ወረዳ 219 ከብቶች ሞተዋል።
5ኛ. ጉቺ ወረዳ 216 ከብቶች ሞተዋል።
6ኛ. ያቤሎ ወረዳ 116 ከብቶች ሞተዋል።

ያንብቡ 👉 telegra.ph/VOA-10-12

@tikvahethiopia