የፌዴሬሽን ምክር ቤት አፈጉባኤ የጠቅላይ ሚኒስትር ዐቢይ አሕመድን መልዕክት ለአውሮፓ ህብረት የስራ ሃላፊዎች ማድረሳቸው ተገልጿል።

አፈጉባኤ አደም ፋራህ የጠቅላይ ሚኒስትሩን መልዕክት ያደረሱት ፦ ለአውሮፓ ህብረት ምክር ቤት ፕሬዚዳንት ቻርለስ ሚሼል እና ለአውሮፓ ኮሚሽን ፕሬዚዳንት ዩርሱላ ቮን ደር ላየን ነው።

አፈጉባኤው ከአውሮፓ ህብረት (EU) አመራሮች ጋር ኢትዮጵያ ሰላማዊ ፣ ነፃ ፣ እና ፍትሓዊ ምርጫ ለማድረግ እያደረገች ያለው ጥረት፣ የታላቁ የኢትዮጵያ ህዳሴ ግድብ ድርድር፣ በትግራይ እየተደረገ ያለው የሰብአዊ ድጋፎችና ሌሎች የጋራ ጉዳዮች ላይ መክረዋል፡፡

የህብረቱ አመራሮች በትግራይ ክልል ድጋፍ ለሚያስፈልጋቸው ወገኖች የሚደረገው ድጋፍ በአግባቡ እንዲደርሳቸው የሚደረገው ጥረት ይበልጥ መጠናከር እንዳለበት ገልጸዋል፡፡

አመራሮቹ በትግራይ የተፈጸመውን የሰብአዊ መብት ጥሰት አስመልክቶ የኢትዮጵያ ሰብአዊ መብት ኮሚሽን ከመንግስታቱ ድርጅት ሰብአዊ መብት ከፍተኛ ኮሚሽን ጋር የጀመረው የምርመራ ሂደት የሚበረታታ ስለማለታቸው የፌዴሬሽን ምክር ቤት ገልጿል።

@tikvahethiopia

#Tigray

• "350 ሺ ሰዎች ለረሃብ ተጋልጠዋል" - ሮይተርስ ተመልከቱት ያለው የተመድ የውስጥ ሪፖርት

• "ኢትዮጵያ ውስጥ ረሃብ ተከስቷል ለማለት የተቀመጡ መስፈርቶች አሉ፤ አሁን በትግራይ ባለው ሁኔታ ከ90 % በላይ የክልሉ ነዋሪ ሰብዓዊ ድጋፍ አግኝቷል" - የውጭ ጉዳይ ሚኒስቴር


በሮይተርስ የተመለከትኩኝ ባለው የተባበሩት መንግስታት ድርጅት የውስጥ ሰነድ በኢትዮጵያ ትግራይ ክልል ወደ 350,000 ያህል ሰዎች በረሃብ ሁኔታ ውስጥ እንደሚገኙ ተገምቷል።

በሰነዱ ላይ ትንታኔ የሰጡት የተባበሩት መንግስታት ድርጅት ኤጀንሲዎች እና የእርዳታ ቡድኖች ናቸው።

ይህ ነው የሮይተርስ ዘገባ : https://www.reuters.com/world/africa/exclusive-some-350000-people-ethiopias-tigray-famine-un-document-2021-06-09/?rpc=401

የውጭ ጉዳይ ሚኒስቴር ቃል አቀባይ አምባሳደር ዲና ሙፍቲ ዛሬ ሳምንታዊ ሰጥተው ነበር።

በዚህ መግለጫቸው ላይ "በትግራይ ክልል 350 ሺህ ሰዎች ለረሃብ ተጋልጠዋል" በሚል በተመድ የውስጥ ሰነድ ላይ ቀረበ የተባለውን ለህዝብ ይፋ ያልሆነ ሰነድ ምንጭ ተደርጎ የወጣውን መረጃ ትክክል እንዳልሆነ አሳውቀዋል።

አምባሳደር ዲና ፥ "ኢትዮጵያ ውስጥ ረሃብ ተከስቷል ለማለት የተቀመጡ መስፈርቶች አሉ፤ አሁን በትግራይ ባለው ሁኔታ ከ90 በመቶ በላይ የክልሉ ነዋሪ ሰብዓዊ ድጋፍ አግኝቷል" ሲሉ አስረድተዋል።

አክለውም ፥ በቀጣይ የእርሻ ስራም 70 በመቶ ለግብርና ስራ የሚውል መሬት ለእርሻ ስራ ዝግጅት መደረጉን ጠቅሰው በዚህ ሁኔታ ረሃብ ይከሰታል የሚለው ትክክል እንዳልሆነ ተናግረዋል።

@tikvahethiopia

#EritreaTroops

ዛሬ ሳምታዊ መግለጫ የሰጡት የውጭ ጉዳይ ሚኒስቴር ቃለ አቀባይ አማባሳደር ዲና ሙፍቲ "የኤርትራ ወታደሮች በምእራብ ኦሮሚያ ውስጥ በሚገኙ ዞኖች እና በደቡብ ኦሮሚያ ውስጥ አሉ" ስለሚባለው ጉዳይ ተጠይቀው ነበር።

አምባሳደር ዲና “መረጃ የለኝም” የሚል ምላሽ ሰጥተዋል።

የኦሮሞ ነጻነት ግንባር (ኦነግ) ፥ የኤርትራ ወታደሮች በኦሮሚያ ክልል በተለይ በቦረና ዞን ነጌሌ ከተማ አካባቢ እንዲሁም በሆሮ ጉዱሩ ወለጋ ዞን አባይ ጮመን በሚባል ስፍራ መታየታቸውን ገልፆ ነበር።

ኦነግ የኤርትራ ወታደሮች ናቸው ያላቸው ግለሰቦች “ሁሉም አፋን ኦሮሞ ቋንቋን የማይችሉ እና የተወሰኑት ብቻ አማርኛ ቋንቋ የሚችሉ ናቸው” ብሏል።

አምባሳደር ዲና ሙፍቲ ፥ “የኤርትራ ወታደሮች በኦሮሚያ ክልል ውስጥ ታይተዋል ስለመባሉ ምንም መረጃ የለኝም” ብለዋል።

በትግራይ ክልል ያሉት የኤርትራ ወታደሮችን በተመለከተም ተጠይቀው ምላሽ ሰጥተዌ።

አማባሳደር ዲና የኤርትራ ወታደሮች ከትግራይ ክልል መውጣት መጀመራቸውን ገልጸው ፣ ይህንንም መከላከያ ሚኒስቴር ማረጋገጡን አስታውሰዋል።

ትግራይ ክልል ከሚገኙ የኤርትራ ወታደሮች ምን ያክሉ ወጡ? መቼ ሙሉ በሙሉ ይወጣሉ ? የሚለውን በተመለከተ “ሙሉ መረጃ የለኝም” ሲሉ መልሰዋል።

በሌላ በኩል የሰሜን አትላንቲክ ቃልኪዳን ጦር (NATO) በትግራይ ካለው ችግር ጋር በተያያዘ “ኢትዮጵያን ለመውረር ተዘጋጅቷል” እየተባለ ስለሚወራው ጉዳይ ሚኒስቴር መስሪያ ቤቱ መረጃ እንደሌለው ጠቁመዋል።

አምባሳደር ዲና ፥ “ኢትዮጵያ ከሁሉም የኔቶ (NATO) አባላት ጋር መልካም ግንኙነት ነው ያላት፤ ይህንን ያደርጋሉ የሚል እምነት የለኝም” ሲሉ የግል አስተያየት ሰጥተዋል።

የዚህ ዘገባ ባለቤት "አል ዓይን ኒውስ" ነው።

@tikvahethiopia

"...ግድያው ለሰው ልጅ ሕይወት ያለን ቸልተኝነት ያሳያል" - ሂዩማን ራይትስ ዋች

ዓለም አቀፉ የሰብዓዊ መብት ተሟጋች ድርጅት ሂዩማን ራይትስ ዋች በደምቢ ዶሎ ከተማ በአደባባይ በመንግሥት የጸጥታ ኃይሎች ተገድሏል ላለው ወጣት ተጠያቂ የሆኑ የመንግሥት ባለስልጣናት እና የጸጥታ ኃይሎች ለፍርድ እንዲቀርቡ ጠየቀ።

የ17 ዓመት ወጣት የነበረው አማኑኤል ወንድሙ ከበደ ግንቦት 3 ቀን 2013 ዓ/ም በኦሮሚያ ክልል ቄለም ወለጋ ዞን ደምቢ ዶሎ ከተማ ሕዝብ በተሰበሰበበት በመንግሥት የጸጥታ ኃይሎች መገደሉን የመብት ተሟጋቹ ድርጅት አስታወቋል።

ሂዩማን ራይትስ ዋች እንዳለው የመንግሥት የጸጥታ ኃይሎች ታዳጊውን በአደባባይ ከገደሉት በኋላ የታዳጊውን የቤተሰብ አባላት ጨምሮ ሌሎች ነዋሪዎችን በቁጥጥር ሥር ማዋላቸውን በመግለጫው አስታውቋል።

የሂዩማን ራይትስ ዋች የአፍሪካ ቀንድ ዳይሬክተር የሆኑት ሌቲሻ ባደር ፥ "ባለስልጣንት ወጣቱን መግደላቸው ለሰው ልጅ ሕይወት ያለውን ቸልተኝነት ያሳያል" ብለዋል።

የአካከባቢው ባለስልጣናትም ወጣቱን በአደባባይ መግደላቸው እና ቪዲዮ መቅረጻቸው ከሕግ በላይ እንደሆኑ እምነት እንዳላቸው ያሳያል ብለዋል።

የሂዩማን ራይትስ ዋች ሪፖርት : https://www.hrw.org/news/2021/06/10/ethiopia-boy-publicly-executed-oromia

#ቢቢሲ
@tikvahethiopia

#LiveUpdate

የኢትዮጵያ ብሔራዊ ምርጫ ቦርድ 6ተኛውን ጠቅላላ ሀገራዊ ምርጫ አስመልክቶ በጊዜ ሠሌዳው ቅደም ተከተል መሠረት በመከናወን ላይ ስላለው የመራጮች ድምጽ መስጫ ወረቀት ህትመት እና አጠቃላይ የቴክኒክ ሥራዎችን አስመልክቶ ከተወሰኑ ደቂቃዎች በኋላ ለሚዲያዎች መግለጫ ይሰጣል።

የቲክቫህ ቤተሰብ አባላት በጋዜጣዊ መግለጫው ላይ የሚገኙ ሲሆን በሚነሱ ጉዳዮች ዙሪያ መረጃዎችን የምንለዋወጥ ይሆናል። መልካም ቆይታ !

@tikvahethiopia

ዛሬ ሰኔ 3 በፋግታ ወረዳ በረዶ ቀላቅሎ የጣለው ከባድ ዝናብ በሰብል ላይ ጉዳት ማድረሱ ተገለፀ።

በአዊ ብሄረሰብ አስተዳደር ፋግታ ወረዳ ዛሬ በረዶ ቀላቅሎ የጣለው ከባድ ዝናብ በአንዳንድ አከባቢዎች ሰብል ላይ ጉዳት እንዳደረሰ ፋግታ ኮሙዩኒኬሽን ሪፖርት አድርጓል።

ዝርዝር የጉዳቱ መጠን እንዲሁም አካባቢዎቹ አልተገለፁም።

@tikvahethiopia