#WolaitaSodo

ትላንት በወላይታ ሶዶ ከተማ 'መርካቶ ገበያ' በደረሰው የእሳት አደጋ ጉዳት የደረሰባቸውን ነጋዴዎች የዞኑ አስተዳደር ከመላው የወላይታ ህዝብ ጋር በመሆን ለመደገፍ ትኩረት ሰጥቶ እንደሚሰራ የወላይታ ዞን ዋና አስተዳዳሪ የሆኑት ዶክተር እንድርያስ ጌታ አሳውቀዋል።

በአደጋው የተጎዱ ዜጎችን መልሶ ለማቋቋምና ዘላቂ መፍትሔ ለመፍጠር አንድ አቢይ እና የተለያዩ ንዑሳን ኮሚቴዎችን ተቋቁሟል ፤ ከነገ ጀምሮ ወደ ሥራ ይገባል።

የመርካቶ ገበያ መቃጠል የንግዱ ማህበረሰብን ብቻ ሳይሆን በአመዛኙ የሶዶ ከተማ ገቢ የሚመነጨው ከገበያ ማዕከሉ በመሆኑ በከተማይቱ ኢኮኖሚ ላይ ከፍተኛ ጉዳት አድርሷል።

የትላንቱ የእሳት አደጋ ከባድ በመሆኑ ወደተለያዩ የከተማው ክፍሎች እና አካባቢዎች እንዳይዛመት ፦

- የሐዋሳ ከተማ እሳትና ድንገተኛ አደጋ ማጥፊያ ቡድን፣
- የወላይታ ሶዶ ከተማ አስተዳደር እሳትና ድንገተኛ አደጋ ማጥፊያ ቡድን፣
- የሲዳማ ክልል መንግስት ፣
- የፀጥታ አካላት፣
- የግል ባለሀብቶች እና መላው የወላይታ ሶዶ ነዋሪዎች ላደረጉት ከፍተኛ አስተዋጽኦ ምስጋና ቀርቧል።

ዛሬ የክልል ፣ የዞን እና የወላይታ ሶዶ ከተማ ከፍተኛ አመራሮች በመርካቶ ገበያ የእሳት አደጋው ያደረሰውን ጉዳት ተመልክተዋል።

ወላይታ ሶዶ ከዚህ በፊት አራት ጊዜ እንዲህ አይነት ተመሳሳይ የእሳት አደጋ አስተናግዳለች። የትላንቱ ለአምስተኛ ጊዜ የተከሰተ አደጋ ነው።

ምንጭ፦ የወላይታ ዞን ኮሚኒኬሽን
@tikvahethiopiaBOT @tikvahethiopia

#UPDATE

አዲስ ተገኘ የተባለው የኮሮና ቫይረስ ዝርያ ለዓለም ሀገራት ስጋት እየሆነ ነው።

ከ40 በላይ አገራት ከUK ወደ አገራቸው የሚደረጉ በረራዎችን አግደዋል።

የአውሮፓ ሕብረት አባል አገራት በዚህ ዙሪያ የጋራ ፖሊሲ ለማውጣት እየተወያዩ ነው።

ዴንማርክ ውስጥ አዲሱ የቫይረስ ዝርያ በመታየቱ ስዊድን ወደ ዴንማርክ የሚደረግ ጉዞ አግዳለች።

ዝርያው በከፍተኛ ሁኔታ የሚሰራጭ ነው። በከፍተኛ ደረጃ ጎጂ ስለመሆኑ ግን እስካሁን የተገኘ መረጃ የለም።

የዓለም ጤና ድርጅቱ ማይክ ራየን ፥ አዲሱ የቫይረስ ዝርያ በወረርሽኙ ዝግመተ ለውጥ ሂደት የሚጠበቅ ነው ብለዋል።

የUK የጤና ሚንስትር ጸሐፊ ማት ሀንኮክ አዲሱ ዝርያ ከቁጥጥር ውጭ ሆኗል ቢሉም ማይክ ራይን አዲሱ ዝርያ "ከቁጥጥር አልወጣም" ብለዋል።

UK ከተገኘው የቫይረስ ዝርያ የተለየ አዲስ ዝርያ በደቡብ አፍሪካም ተገኝቷል። የደቡብ አፍሪካ ተጓዦች ላይ እገዳ እየተጣለም ነው።

እስካሁን የአዲሱ ቫይረስ ዝርያ በዴንማርክ፣ አውስትራሊያ፣ ጣልያን እና ኔዘርላንድስም ተገኝቷል።

አንዳንድ ባለሙያዎች እንደሚሉት ከሆነ ፤ የቫይረሱ ዝርያ ከተገኘባቸው ቦታዎች ውጪ ተሰራጭቶ ሊሆን ይችላል።

UK የዘረ መል ቅንጣት ላይ ጥናት በማድረጓ አዲሱን የቫይረስ ዝርያ እንደደረሰችበት አስረድተዋል።

በቤልጄም የሚሠሩት የቫይረስ አጥኚ ማርክ ቫን፤ "በቀጣይ ቀናት አዲሱ የቫይረሱ ዝርያ በብዙ አገሮች ይገኛል ብለን እንጠብቃለን" ብለዋል። (BBC)

@tikvahethiopiaBOT @tikvahethiopia

#MinistryOfEducation

የኮሮና ቫይረስ ወረርሽኝን በመከላከል የመማር ማስተማር ስራው ቢጀመርም በርካታ ተማሪዎች በትምህርት ገበታቸው ላይ መገኘት አልቻሉም ተባለ።

በዚህ ጉዳይ ላይ የትምህርት ሚኒስቴር አመራሮችና የክልል ትምህርት ቢሮ ኃላፊዎች በበይነ መረብ መክረዋል።

ተቋርጦ የነበረው የመማር ማስተማር ስራ ድጋሚ የተጀመረ ሲሆን አሁንም ወደ ትምህርት ገበታቸው ያልተመለሱ ተማሪዎች እንዳሉ ተነስቷል።

የትምህርት ሚኒስትሩ ዶ/ር ኢ/ር ጌታሁን መኩሪያ ወላጆች ልጆቻቸውን ወደ ትምህርት ቤት እንዲልኩ አሳስበዋል።

ትምህርት ላይ የሚሰሩ አጋር አካላት እንዲሁም ከትምህርት ዘርፍ ውጭ ያሉ ተቋማትም ተማሪዎች ወደ ትምህርት ገበታቸው እንዲመለሱ እየተደረገ ያለውን ጥረት እንዲደግፉ ጠይቀዋል።

ትምህርት ሚኒስቴር "ወደ ትምህርት ቤት እንመለስ" በሚል ተማሪዎችን ወደ ትምህርት ገበታቸው የመመለስ ዘመቻም እንደሚጀመር አሳውቋል።

@tikvahethiopiaBOT @tikvahethiopia

#UPDATE

ሁለተኛው የኢትዮ - ሱዳን የድንበር ጉዳዮች የከፍተኛ ደረጃ የፖለቲካ ውይይት በካርቱም ሱዳን እየተካሄደ ነው።

2ቱ ወገኖች በጋራ የድንበር አካባቢ ወቅታዊ ጉዳዮችን በተመለከተ ይመክራሉ።

በማስቀጠልም የጋራ ድንበራቸውን በተመለከተ ያሉ ማናቸውንም ዓይነት ልዩነቶች ሁሉንም በሚያስማማ መንገድ ለመፍታት የወደፊት አቅጣጫ ያስቀምጣሉ ተብሎ ይጠበቃል። (EPA)

@tikvahethiopiaBOT @tikvahethiopia

#ETHIOPIA #SUDAN

በሱዳን እየተካሔደ በሚገኘው 2ኛው የኢትዮ - ሱዳን ድንበር የጋራ ከፍተኛ የፖለቲካ ኮሚቴ ውይይት ላይ ም/ጠቅላይ ሚኒስትር እና የውጭ ጉዳይ ሚኒስትር አቶ ደመቀ መኮንን የተለያዩ የሁለትዮሽ ጉዳዮችን የተመለከተ ንግግር አድርገዋል፡፡

ከጥቅምት 30/2013 ዓ.ም ጀምሮ የሱዳን ወታደራዊ ኃይሎች በኢትዮጵያ ላይ በተደራጀ መልኩ ጥቃት እየፈጸሙ ስለመሆናቸው አቶ ደመቀ በንግግራቸው አንስተዋል፡፡

ይህም በትግራይ ክልል የተፈጠረው ቀውስ ሳምንት እንኳን ሳይሞላው ነው የሱዳን ጦር በኢትዮጵያ ላይ ጥቃት መፈጸም የጀመረው፡፡

አቶ ደመቀ በንግግራቸው “ከባድ የጦር መሳሪያዎችን እና ወታደራዊ ተሽከርካሪዎችን በመጠቀም የሱዳን ጦር የተደራጁ ጥቃቶችን እየፈጸመ መሆኑን እየተመለከትን ነው” ብለዋል፡፡

በዚህም “የኢትዮጵያ አርሶ አደሮች የግብርና ምርቶች ተዘርፈዋል ፤ ካምፖቻቸው ወድመዋል እንዲሁም የራሳቸውን የእርሻ ምርት እንዳያጭዱ ተደርገዋል” ያሉት አቶ ደመቀ በርካታ ንጹሀን ስለመገደላቸው እና ስለመቁሰላቸውም ገልጸዋል፡፡

እናም በድንበር አከባቢዎች የተከሰተው የቅርብ ጊዜ ክስተት የኢትዮጵያን መንግስት ክፉኛ እንዳሳሰበው ነው በንግግራቸው ያካተቱት፡፡

ም/ጠ/ሚኒስትር እና የዉጭ ጉዳይ ሚኒስትሩ “ይህ ሁኔታ በሰሜን ዳግልሽ ተራራ አካባቢ ያለውን ሁኔታ ባለበት ለማቆየት የደረስናቸውን ስምምነቶች አደጋ ላይ እየጣለ ነው” በማለት ስጋታቸውንም ገልጸዋል፡፡

More : https://telegra.ph/AlAin-12-22

ምንጭ፦ አል ዓይን (AlAIN)

@tikvahethiopiaBOT @tikvahethiopia

አጭር መረጃ ዛሬ ኢትዮጵያ ሳላመጠቀችው ሁለተኛዋ ሳተላይት ፦

• የሳተላይቷ ስም ET-Smart-RSS

• ET-Smart-RSS እንደ ETRSS-1 የመጠቀችው ከቻይና ነው።

• ሳተላይቷ ከቻይና የመጠቀችው ኢትዮጵያ ለዚህ የሚሆን መሠረተ-ልማት የሌላት በመሆኑ ነው።

• ET-Smart-RSS ሳተላይት ስትሠራ የመጀመሪያውን ዲዛይን ሠርቶ የላከው ESSI ነው።

• ET-Smart-RSS ተግባር የመሬት ምልከታ ሆኖ የምስል ጥራቷ ግን ከመጀመሪያዋ በእጅጉ የተሻለ ነው።

• ET-Smart-RSS ናኖ ሳተላይት እና የዘመኑን የረቀቀ ቴክኖሎጂ የያዘች ናት። የመጀመሪያዋ ETRSS-1 ማይክሮ ሳተላይት ናት።

• የመጀመሪያዋ እና የዛሬዋ ሳተላይት አንድ ላይ ሲጣመሩ የተሻለ የመሬት ምልከታ አገልግሎት ማግኘት ይቻላል። ESSTI የሁለቱን ምስሎች በማቀናጀት ይቀበላል።

በሌላ መረጃ ፦

ኢትዮጵያ አሁን ላይ ካመጠቀቻቸው የመሬት ምልከታ ሳተላይቶች በተጨማሪ በሚቀጥሉት አስር ዓመታት ውስጥ ሌሎች ሶስት ሳተላይቶች ለማምጠቅ ዕቅድ ይዛለች።

ከእነዚህ ሶስት ሳተላይቶች መካከል አንደኛው የኮሙዩኒኬሽን እና ብሮድካስቲግን ሳተላይት ነው።

ይህ ሳተላይት የስልክ ፣ የኢንተርኔት አገልግሎትን፣ የቴሌቪዥን ጣቢያዎችን ጨምሮ ለመገናኛ አገልግሎት የሚውል ነው።

ሌላኛው ደግሞ እስከ 0.5 ሜትር የሚሆን የምስል ጥራቱ ከፍተኛ የሆነ የመሬት ምልከታ ሳተላይት እንደሚሆን ተገልጿል።

#DrYeshrunAlemayehu
#EthiopiaSpaceScienceandTechnology
#etv

@tikvahethiopiaBOT @tikvahethiopia