የኢትዮጵያ ንግድ ባንክ አዲስ አበባ ቅርንጫፍ ነባሮቹን የብር ኖቶች በአዲስ የመቀየር ሥራ ትላንት በይፋ ጀመሯል!

የኢትዮጵያ ብሔራዊ ባንክ ገዢ ዶክተር ይናገር ደሴ እና የኢትዮጵያ ንግድ ባንክ ፕሬዘዳንት አቶ አቤ ሳኖ አዲስ አበባ ቅርንጫፍ በመገኘት አዲሱን የብር ኖቶች ሥርጭት አስጀምረዋል፡፡

አዳዲስ የብር ኖቶችን በመጠቀምም የመጀመሪያዎቹ ሆነዋል፡፡ በትላንትናው ዕለት የተጀመረው አዳዲስ የብር ኖቶችን የማሰራጨት ሥራ በጥቂት ቀናት ወደ ክልሎች ማሰራጨት እንደሚጀመር የኢትዮጵያ ብሔራዊ ባንክ ገዢ ዶ/ር ይናገር ደሴ ገልፀዋል፡፡

ይህ ከፍተኛ የሆነ ዝግጅት የሚጠይቅ የብር ኖቶችን የመቀየር ሥራ በተሟላ መልኩ ተጠናቅቆ በመጀመሩ ደስታ እንደተሰማቸው ዶ/ር ይናገር አክለው ገልፀዋል፡፡

የኢትዮጵያ ንግድ ባንክ ፕሬዘዳንት አቶ አቤ ሳኖ በበኩላቸው ህብረተሰቡ አሮጌውን ብር በመመለስና አዳዲሶችን የብር ኖቶች በመውሰድ ብሩን የመቀየር ሂደት እንዲያቀላጥፍ አሳስበው፤ ከአምስት ሽህ ብር በላይ መቀየር የሚፈልግ ተጠቃሚ ነባር የባንክ ደብተር ከሌለው አዲስ መክፈት እንደሚጠበቅበትም ገልፀዋል፡፡

ምንጭ፦ የኢትዮጵያ ንግድ ባንክ
@tikvahethiopiaBot @tikvahethiopia

ዛሬ ጠዋት ዘጠና አራት (94) አትዮጵያውያን ወገኖች ከሊባኖስ (ቤሩት) አዲስ አበባ ከተማ መግባታቸውን ሰምተናል። 9ኙ የአእምሮ ህመምተኞች በመሆናቸው በጤና ባለሞያዎች ታጅብው ነው የመጡት። እዚህም ሲደርሱ የጤና ሚኒስቴር ተረክቦ ወደ ጤና ማእከል ወስዷቸዋል።

@tikvahethiopiaBot @tikvahethiopia

ችሎት!

በፌዴራሉ ከፍተኛ ፍርድ ቤት 1ኛ የፀረ ሽብር እና ሕገ መንግስታዊ ጉዳዮች ችሎት እነ አቶ እስክንድር ነጋ በጠየቁት የዋስትና መብት እና የዐቃቤ ሕግ ምላሽ ላይ መርምሮ ትዕዛዝ ለመስጠት ለመስከረም 12 ተለዋጭ ቀጠሮ ያዘ።

አቶ እስክንድርን ጨምሮ 7 ሰዎች የእርስ በርስ ግጭት መቀስቀስ እና በሽብር ወንጀል በዚህ ችሎት ክስ እንደተመሰረተባቸው ይታወሳል።

ይህን ተከትሎም በአካል ካልተገኙት 6ኛ እና 7ኛ ተከሳሾች በስተቀር ሌሎቹ አምስቱ ተከሳሾች በአካል በችሎት ተገኝተው ክሱ ተነቦላቸዋል።

የክስ መነበብን ተከትሎ በአራት ጠበቆች የተወከሉት አምስቱ ተከሳሾች የዋስትና መብታቸው እንዲከበር ለፈርድ ቤቱ ጥያቄ አቅርበዋል።

ዓቃቤ ሕግ በተለይ አቶ እስክንድር ነጋ በሽብር ወንጀል ተሳትፈዋል በሚል የተከሰሰ በመሆኑ ጥፋተኛ ሆኖ ከተገኘ እስከ 25 ዓመት የሚያስቀጣ በመሆኑ እና ድርጊቱም የሰው ህይወት የጠፋበትና ከ187 ሚሊዮን ብር በላይ የወደመበት ከመሆኑ ጋር ተያይዞ ሌሎቹም ተከሳሾች በተመሳሳይ መልክ የተከሰሱበት ጉዳይ ዋስት መብት የሚያስከለክል በመሆኑ ሕጉን በመጥቀስ ሕጉ የዋስትና መብትን ይከለክላል በማለት ተቃውሞ አቅርቧል።

ችሎቱ በዋስትና መብት ላይ የተነሳውን ክርክር የግራ ቀኙን መርምሮ ትዕዛዝ ለመስጠትና የመጀመሪያ የክስ መቃወሚያ ለመቀበል ለመስከከረም 12፣ 2013 ተለዋጭ ቀጠሮ ይዟል። (ኢቲቪ)

@tikvahethiopiaBot @tikvahethiopia

በድሬዳዋ በህገ-ወጥ መንገድ ሲቀሳቀሱ የነበሩ የብር ኖቶች ተያዙ!

በድሬደዋ የፀጥታ አካላት በጋራ ባካሄዱት የክትትልና ቁጥጥር ስራ በህገ -ወጥ መንገድ የሚንቀሳቀሱ የሀገርን ጨምሮ የተለያዩ ሀገራት የገንዘብ ኖቶች መያዛቸው ተገለፀ።

ገንዘቡ በቁጥጥር ስር የዋለው ትላንት መስከረም 6/2013 ዓ/ም ሲሆን ከህበረተሰቡ በተሰጠ ጥቆማ መሰረት ባደረገ ክትልል መሆኑን ድሬ ፖሊስ አስታውቋል።

ከጉዳዩ ጋር ግንኙነት አላቸው ተብለው የተጠረጠሩ 4 ግለሰቦች በቁጥጥር ስር ውለው ጉዳያቸው በህግ መታየት መጀመሩም ተገልፃል።

በቁጥጥር ስር ከዋሉት የብር ኖቶች ውስጥ በዋነኝነት፦

-ዘጠኝ መቶ አርባ አርት ሺ አንድ መቶ አስር (944,110) የኢትዮጽያ ብር

-አንድ ሺ ሁለት መቶ ሀምሳ (1250) የአሜሪካን ዶላር

-አንድ መቶ ስልሳ አምስት (165)የሳውዲ ሪያል

-ሰባት መቶ አርባ አምስት (745) ዩሮ ሲሆኑ ከእነዚህ ጋር አብሮም ከዘጠኝ በላይ የሚሆኑ ሀገራት የተለያየ መጠን ያላቸው የብር ኖቶች በቁጥጥር ስር ውለዋል።

@tikvahethiopiaBot @tikvahethiopia

የፕ/ር ክንደያ ገ/ሂወት ከሃላፊነት መነሳት አፈፃፀም ዙርያ በመቐለ ዩኒቨርሲቲ ሰራተኞችና ማህበረሰብ የተነሱ ለቲቫህ ኢትዮጵያ የተላኩ ጥያቄዎች!

ሰሞኑ መቐለ ዩኒቨርሲቲን ላለፉት ሰባት (7) ዓመታት ፕሬዚዳንት ሆነው ያገለገሉት ፕሮፌሰር ክንደያ ገብረሂወት የስልጣን ጊዜያቸው በመጠናቀቁ ኃላፊነቱ እንደተነሳላቸው የሚገልፅ ደብዳቤ ከሳይንስ እና ከፍተኛ ትምህርት ሚኒስቴር ደርሷቸው ነበር።

የአንድ የዩኒቨርሲቲ መሪ የስልጣን ዘመን ሲጠናቀቅ ህግን የተከተለ መንገድ የመቀየር/የማስቀጠል አካሄድ እንዳለ ይታወቃል።

የፕሮፌሰር ክንደያ መነሳት በዚህ ረገድ ሲጠበቅ የነበረ እና እራሳቸውም ለቦርድ አሳውቀው ውሳኔ ሲጠብቁ የነበረ ጉዳይ ቢሆንም ሚኒስቴር መስሪያ ቤቱ ጉዳዩን ከሰሞኑ የፈፀመበት አካሄድ ግን ከዩኒቨርሲቲው ማህበረሰብ እና የተለያዩ ወገኖች የሚከተሉት ሃሳቦችን አስነስቷል ፦

- ተቋሙን የሚመራው ቦርድ ያልተወያየበት እና ውሳኔ ያልሰጠበት በመሆኑ የከፍተኛ ትምህርት መመርያ ይጥሳል፣

- በቅርብ አመታት በወጣው እና በበርካታ ዩኒቨርሲቲዎች በተተገበረው የዩነቨርሲቲ ፕሬዚዳንቶች አመራረጥ መመርያ ጋር ተያይዞ የፕሬዚዳንቱ የአግልግሎት ዘመን ማለቅ አስመልክት የወጣ የውድድር ማስታወቅያና የተካሄደ ውድድር አለመኖሩ፣

- የስንብት ደብዳቤውን የፃፉት የሳይንስ እና ከፍተኛ ትምህርት ሚኒስትር ሚኒስቴር እና ስልጣናቸው በምክር ቤት ያልፀደቀ በመሆኑ ውሳኔውን ማስተላለፍ የማይችሉ ናቸው።

ሁኔታው ለነዚህ ጥያቄዎች የጠራ ምላሽ በማይሰጥ ሂደት በመፈፀሙ በርካቶች ድርጊቱ ከመዋቅራዊ አሰራር ይልቅ የትግራይ ክልል መንግስት ካካሄደው ምርጫ እና በምርጫው በታዛቢነት ከተሳተፉ የተቋሙ አጋር ተመራማሪዎች ጋር የተያያዘ በማእከላይ መንግስት የተሰጠ ፖለቲካዊ ውሳኔ ነው ብለውታል።

@tikvahethiopiaBot

በቤኒሻንጉል-ጉሙዝ ክልል የተከሰተውን ግድያ እና መፈናቀል አስመልክቶ ከኢትዮጵያ ሰብዓዊ መብቶች ኮሚሽን የተሰጠ ይፋዊ መግለጫ !

@tikvahethiopiaBot @tikvahethiopia

#TikvahFamilyBulen

የቤኒሻንጉል ጉሙዝ ክልል ቡለን ወረዳ ቲክቫህ አባላት ሚዲያዎች በወቅቱ መረጃ ይፋ ባለማድረጋቸው ቅር እንደተሰኙ ገልፀውልናል።

ሚዲያዎች ጳጉሜ ወር ውስጥ የነበረውን ጥቃት ከሳምንት በኃላ ይቆይተው ትላንት እየተቀባበሉት መመልከታቸውንም ተናግረዋል።

መረጃዎች በወቅቱ ህዝቡ ጋር መድረስ አለባቸው ፣ በማህበራዊ ሚዲያ ዘመቻ ሳይሆን ሁሉም ሚዲያ ዜጎችን በእኩል አይን አይተው በዜጎች ላይ የተፈጠረውን ማሳወቅ ፣ መንግስትም ችግሩን ለመፍታት እየወሰደ ያለውን እርምጃ በቶሎ ማሳወቅ አለባቸው ብለዋል።

በአሁን ሰዓት ያሉበት አካባቢ ወደ ሰላም እየተመለሰ እንደሆነ ገልፀዋል።

ጳጉሜ ወር ውስጥ በአካባቢው ጥቃት እየተፈፀመ መሆኑን የገለፁልን አባላቶቻችን ወደ መደበኛ ስራቸው መመለሳቸው አሳውቀውናል።

PHOTO : FDRE DEFENSE FORCE
@tikvahethiopiaBot @tikvahethiopia