መስከረም 2/2013 ዓ/ም

የኢትዮጵያ የኮቪድ-19 መረጃዎች፦

#Harari

በሀረሪ ክልል ባለፉት 24 ሰዓት 114 የላብራቶሪ ምርመራ ተደርጎ በኮቪድ-19 የተያዘ ሰው አልተገኘም።

#Somali

በሱማሌ ክልል ባለፉት 24 ሰዓት 51 የላብራቶሪ ምርመራ ተደርጎ 4 ሰዎች በኮቪድ-19 መያዛቸው ተረጋግጧል።

#BenishangulGumuz

በቤኒሻንጉል ጉሙዝ ክልል ባለፉት 24 ሰዓት ውስጥ 682 የላብራቶሪ ምርመራ ተራደርጎ 80 ሰዎች በኮሮና ቫይረስ መያዛቸው ተረጋግጧል።

#Amhara

በአማራ ክልል ባለፉት 24 ሰዓት 1,408 የላብራቶሪ ምርመራ ተደርጎ 17 ሰዎች በኮሮና ቫይረስ መያዛቸው ተረጋግጧል። የአንድ ሰው ህይወት አልፏል (ከመኮድ ህክምና ማዕከል)

በቫይረሱ የተያዙት፦
- 6 ከባህር ዳር ከተማ
- 3 ከአዊ ብ/ሰብ ዞን
- 2 ከምዕ/ጎጃም ዞን
- 4 ከጎንደር ከተማ
- 2 ከሰ/ወሎ ዞን

#DireDawa

በድሬዳዋ ከተማ ባለፉት 24 ሰዓት በተደረገው 148 የላብራቶሪ 15 ሰዎች በቫይረሱ መያዛቸው ተረጋግጧል።

#SNNPRS

በደቡብ ክልል ባለፉት 24 ሰዓት ውስጥ በተደረገው 1,178 የላብራቶሪ ምርመራ 47 ሰዎች በቫይረሱ መያዛቸው ተረጋግጧል።

በቫይረሱ የተያዙት፦
- ከቤንች ሸኮ ዞን 16 (8 ከሚዛን አማን፣ 6 ከሸኮ እና 2 ከደቡብ ቤንች)
- ከወላይታ ዞን 12 (11 ከቦሎሶ ቦምቤ እና 1 ከሶዶ ከተማ)
- ከጌዴኦ ዞን 8 (4 ከኮቾሬ እና 4 ከይርጋጨፌ)
- ከደቡብ ኦሞ ዞን 6 (5 ከጂንካ ከተማ እና 1 ከሳላማጎ)
- ከጉራጌ ዞን 3 (3ቱም ከቸሀ)፣
- ከጋሞ ዞን 2 (2ቱም ከአርባምንጭ ከተማ) ናቸው

#Sidama

በሲዳማ ክልል ባለፉት 24 ሰዓት ውስጥ 123 የላብራቶሪ ምርመራ የተደረገ ሲሆን 6 ሰዎች በኮቪድ-19 መያዛቸው ተረጋግጧል።

@tikvahethiopiaBOT

#COVID19Ethiopia

መስከረም 2/2013 ዓ/ም

የተደረገ ላብራቶሪ ምርመራ - 8,191
በቫይረሱ የተያዙ - 521
ህይወታቸው ያለፈ - 10
ያገገሙ - 469

@tikvahethiopiaBot @tikvahethiopia

የወላጆች ስጋት!

(በጋዜጠኛ ጥላሁን በየነ)

አንዳንድ የግል ትምህርት ቤቶች ባስቀመጡት ቀነ ገደብ ወላጆች ምዝገባ ካላደረጉ በቀጣይ እንደማይቀበሏቸው የማስጠንቀቂያ ደብዳቤ እያላኩ ይገኛሉ።

በአዲስ አበባ ከተማ በአንድ የግል ትምህርት ቤት ሁለት ልጆቹን የሚያስተምረው ወላጅ ልጆቹ ካለባቸው የመተንፈሻ አካል ችግር በቀጣይ እንዴት ትምህርታቸውን እንደሚከታተሉ ለከፍተኛ ጭንቀት እና ስጋት እንደዳረገው ይናገራል።

ስለሆነም መንግስት መቼ እና እንዴት ትምህርታቸውን መከታተል እንደለባቸው ግልጽ ባልሆነ መልኩ ባለ ማስቀመጡ የተነሳ ወላጆች ለተጨማሪ ችግር እየተዳረጉ ይገኛሉ።

በተለይም የግል ትምህርት ቤት ክፍያዎች እጅጉን ውድ በመሆናቸው በኮቪድ-19 ምክንያት ትምህርት ሲዘጋ ከክፍያው አንጻር የተመጣጠነ እውቀት ሳያገኙ ክፍያ ብቻ መክፈላቸው ሳያንስ ዛሬም ዳግም መንግስት መቼ እና እንዴት እንደሚማሩ ሳይገልጽ ምዝገባ ብቻ እንዲያካሂዱ መደረጉ ፍጹም ተገቢ እንዳልሆነ ይናገራሉ።

ይህንን ተከትሎ ትምህርት ቤቶች ከምዝገባው ተጨማሪ የኳርተር (የሩብ አመት) ክፍያን እንድንከፍል የተለያዩ ዛቻ የሚመስሉ የማስጠንቂያ ደብዳቤዎች በመላክ ስጋት ውስጥ እንደከተቷቸው ይናገራሉ።

ስለዚህም የትምህርት ሚኒስቴር እና የሚመለከታቸው ሁሉ በቀጣይ የመተንፈሻ አካላት እና ተዛማጅ በሽታ ባለባቸው ህጻናት ዙሪያ እንዲሁም ክፍያን በተመለከተ ተገቢውን ግልጽ የሆነ መግለጫ መስጠት እና መፍትሄ መፈልግ ይኖርባቸዋል በማለት ያላቸውን ስጋት ይገልጻሉ።

እኛም ትምህርት ቤቱ የላከውን የማስጠንቀቂያ መልዕክት በማያይዘን ትኩረት ለህጻናት እንዲሰጥ በማለት መልዕክታችንን እናደርሳለን።

@tikvahethiopiaBOT @tikvahethiopia

ቤት ለቤት እየዞረች ትምህርት የምታስተምረው ቱርካዊቷ መምህርት!

(BBC)

በምስራቃዊ ቱርክ በምትገኘው ቫን ግዛት የምትገኝ ጋምዜ አርስላን የተባለች መምህርት በበይነ መረብ ትምህርታቸውን መከታተል ለማይችሉ ተማሪዎች ቤት ለቤት እየዞረች ትምህርት ትሰጣለች።

"በትምህርት ቤታችን ውስጥ ኢንተርኔት አለ ነገር ግን በዚያ ማስተማር እልቻልንም። ምክንያቱም በርካታ ወላጆች በቤት ውስጥ ኢንተርኔት የላቸውም" በማለት ሃበርቱርክ ለተባለው የዜና ወኪል ተናግራለች።

"ነጭ ሰሌዳዬን ይዤ ከአንዱ ቤት ወደ አንዱ ቤት እየሄድኩ አስተምራለሁ" በማለት የምትናገረው ጋምዜ በቫን ቱስባ ግዛት ውስጥ ያሉ መንደሮችንም ማካለል አለባት።

በየቀኑም ማስተማር ፣ የቤት ስራቸውን በአግባቡ ሰርተው እንደሆነ መቆጣጠርና መከታተል ከዚያም በተጨማሪ አካላዊ ርቀታቸውንና ንፅህናቸውን በጠበቀ መልኩ የመማር የማስተማር ሂደቱ እንዲከናወንም ዋናው ኃላፊነት የሷ ነው።

የጋምዜ አርስላን መልካም ተግባር ከተሰማ በኋላ በርካቶች እያሞገሷትና እያወደሷት ይገኛሉ። የተለያዩ ሚዲያ ቀልብንም መሳብ ችላለች። 'ኢንተርኔት ላይኖር ይችላል ግን መምህርት ጋምዜ አለች' በሚልም በአንድ ቴሌቪዥን ጣቢያ ላይ ፕሮግራም ተሰርቶላት ነበር ፤ የአካባቢው ባለስልጣናትም አመስግነዋታል።

@tikvahethiopiaBot @tikvahethiopia

በኢትዮጵያ የሟቾች ቁጥር ከ1,000 አለፈ!

ባለፉት 24 ሰዓት በተደረገው 7,162 የላብራቶሪ ምርመራ 413 ሰዎች በቫይረሱ መያዛቸው ሲረጋገጥ የ17 ሰዎች ህይወት አልፏል። በተጨማሪ በትላንትናው ዕለት 490 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 64,301 የደረሱ ሲሆን የሟቾች ቁጥር 1,013 ደርሷል ፤ ከበሽታው ያገገሙ አጠቃላይ ሰዎች ቁጥር ደግሞ 24,983 ደርሷል።

@tikvahethiopiaBot @tikvahethiopia