በኮቪድ-19 የተያዙ ሰዎች ከ10 ሚሊዮን አለፉ!

በመላው ዓለም በኮሮና ቫይረስ መያዛቸው የተረጋገጠ ሰዎች ቁጥር ቁጥር ከ10 ሚሊዮን መብለጡን የworldometers ድረገፅ መረጃ ያሳያል።

ከቫይረሱ ጋር በተያያዘ የሟቾች ቁጥር 498,952 የደረሰ ሲሆን ከበሽታው ያገገሙ ሰዎች 5,414,648 ደርሰዋል።

ከፍተኛ የሰው ቁጥር በቫይረሱ ከተያዘባቸው የዓለም ሀገራት መካከል አሜሪካ (2.5 ሚሊዮን ሰዎች) ፣ ብራዚል (1.2 ሚሊዮን ሰዎች) እና ሩሲያ (627,627 ሰዎች) በቀዳሚነት ይጠቀሳሉ።

@tikvahethiopiaBot @tikvahethiopia

የህዳሴ ግድቡ ደህንነት እንዴት እየተጠበቀ ነው ?

ጀነራል ብርሃኑ ጁላ (የጦር ኃይሎች ም/ጠቅላይ ኢታማዦር ሹም) ከኦሮሚያ ብሮድካስቲንግ ኔትዎርክ ጋር በነበራቸው ቆይታ የተናገሩት ፦

...ከደህንነት አንፃር በኃይል የሚሆን ነገር የለም ፤ ጦርነት ጥፋት ነው እንጂ ውሃም አያስገኝም ፣ ልማትም አያስገኝም ቀጠናውን በሙሉ ነው የሚጎዳው የበለጠ ደግሞ የምትጎዳው ግብፅ ልትሆን ትችላለች።

እኛ ባለመልማታችን ችግር ላይ ነው ያለነው ለመልማት ነው እየሞከርን ያለነው፣ ለመልማት የሚሞክርን ሀገር መደገፍ ነው እንጂ ማደናቀፍ ተገቢ አይደለም።

በዚህ ጉዳይ ዓለም አቀፍ ማህበረሰቡም ኢትዮጵያን እየደገፈ ነው ፤ ከኢትዮጵያ ጎን ነው። ያ የመጀመሪያው ሞቅታ ልክ አይደለም!

ግድቡ እየተሰራ ነው ፤ ስራውም ይቀጥላል። ግድቡን የሚያጠቃ ነገር ይመጣል ብለን አንጠብቅም ፤ ከመጣም እንመክታለን!

@tikvahethiopiaBot @tikvahethiopia

የተማሪዎች ቀጣይ እጣ ፋንታ ምንድነው ?

በኮሮና ቫይረስ (ኮቪድ-19) ወረርሽኝ ምከንያት በተቋረጠው ትምህርት ዙሪያ የተማሪዎች ቀጣይ እጣ ፋንታ አገር አቀፉ ኮማንድ ፖስት በሚያስተላልፈውና ትምህርት ሚኒስቴር በሚሰጠው አቅጣጫ መሰረት የሚወሰን መሆኑን ኢ.ፕ.ድ. (EPA) ዘግቧል : https://telegra.ph/EPA-06-28

@tikvahethiopiaBot @tikvahethiopia

በ2 ሳምንት ስምምነት ላይ ባይደረስስ ?

የኢትዮጵያ የታላቁ ህዳሴ ግድብ ተደራዳሪዎች ቡድን አባል ኢንጂነር ጌዲዮን አስፋው በትላንትናው ዕለት ከአልጀዚራ የአረብኛው ክፍል ጋር ቆይታ አድርገው ነበር። ይህን ቆይታቸውን ኡስታዝ ጀማል በሽር አህመድ ተርጉሞ ለህዝብ አሰራጭቷል።

በአልጀዚራ አረብኛው ክፍል ከተነሳላቸው ወሳኝ ጥያቄዎች አንዱና የብዙ ሰዎች ጥያቄ የሆነው እንደው አይበለውና በሁለት ሳምንት ውስጥ በሀገራቱ መካከል ስምምነት ላይ ባይደረስ ኢትዮጵያ ግድቡን መሙላት ትችጀምራለች ? የሚለው ነበር።

የአልጀዚራ ጋዜጠኛ : በሁለት ሳምንት ውስጥ ስምምነት ላይ ባይደረስ ኢትዮጵያ ውሃውን መሙላት ትጀምራለች ? በአጭሩ ይመልሱልኝ።

ኢንጂነር ጌዲዮን አስፋው : አዎን/نعم/na'am/yes

@tikvahethiopiaBot @tikvahethiopia

#COVID19AddisAbaba

በአዲስ አበባ ከተማ በኮሮና ቫይረስ (ኮቪድ-19) መያዛቸው የተረጋገጠ ሰዎች ቁጥር ሶስት 3,735 ደርሷል። ባለፉት 24 ሰዓት ቫይረሱ የተገኘባቸው 99 ሰዎች ናቸው።

ከነዚህ ውስጥ የውጭ ሀገር ጉዞ ታሪክ ያላቸው አንድ (1) ፣ በቫይረሱ ከተያዘ ሰው ጋር የታወቀ ግንኙነት ያላቸው ሁለት (2) ሲሆን የቀሩት ዘጠና ስድስት (96) ሰዎች የውጭ ሀገር ጉዞ ታሪክም ሆነ በቫይረሱ ከተያዘ ሰው ጋር የታወቀ ግንኙነት የሌላቸው ናቸው።

@tikvahethiopiaBot @tikvahethiopia

"ህዝቡን የሚያውኩ ከሆነ ከሰራዊቱ ጋር ይጣላሉ" - ጀነራል ብርሃኑ ጁላ

የጦር ኃይሎች ም/ጠቅላይ ኢታማዦር ሹም ጀነራል ብርሃኑ ጁላ ከምርጫ ጋር በተያያዘ ከOBN HORN AFRICA ለተነሳላቸው ጥያቄ ምላሽ ሰጥተዋል።

ም/ጠቅላይ ኢታማዦር ሹም ጀነራል ብርሃኑ ምርጫ እንዴት ነው የሚካሄደው ፣ ምርጫ እንዴት ነው የሚራዘመው ፣ በምን ምክንያት ነው የሚራዘመው ፣ ህገመንግስታዊ ትርጉሙ ምንድነው ? የሚሉ ስራዎች የእኛ ስራ አይደሉም ብለዋል።

ጀነራሉ ገዢውን ፓርቲ ጨምሮ ሁሉም ፓርቲዎች ሀሳባቸውን የመስጠት ፣ የመከራከር ፣ የተለያየ አማራጭ የማምጣት መብት አላቸው ፣ ፓርቲዎች ህገ መንግስት ይሻሻል፣ ፓርላማ ይበተን ፣ ህገ መንግስት ይተርጎም ፣ የሽግግር መንግስት ይመስረት፣ ባላደራ መንግስት ይቋቋም ሊሉ ይችላሉ ይህ ሁሉ ስራ ግን የፖለቲከኞች እንጂ የሰራዊቱ ስራ አይደለም ሲሉ ገልፀዋል።

አንዳንዶች ሐምሌ ወር ምርጫ ማድረግ አለብን የሚሉም አሉ ይህን ማለትና መከራከር ይችላሉ እኛ እዛ ውስጥ አንገባም ስራችንም አይደለም ብለዋል።

ጀነራል ብርሃኑ የሰራዊቱ ስራ የህዝቡን ደህንነት በህገ መንግስት መሰረት መጠበቅ ነው ፤ በሰላም ወጥቶ እዳይገባ፣ ሰርቶ እንዳይበላ፣ የሚያስጨንቀውና የሚያንገላታው፣ የህይወቱን ዋስትና የሚያሳጣው ነገር እንዲፈጠር በፍፁም አንፈቅድም ሲሉ ተናግረዋል።

'በፖለቲከኛው እርግጫ ህዝቡ መረገጥ የለበትም' ያሉት ጀነራል ብርሃኑ ፖለቲከኞች መደራደር ፣ መፎካከር ፣ መወያየት ፣ በሃሳብ መፋጨት ፣ ጎዳና ወጥተው ሰልፍ ማድረግ ፣ ተደራድረው ስልጣን መካፈል ፣ በሰላማዊ መንገድ ተወዳድሮ በማሸነፍ ስልጣን መውሰድ ይችላሉ ነገር ግን ህዝቡን የሚያውክ ነገር ካደረጉ ከሰራዊቱ ጋር ይጣላሉ ሲሉ አስጠንቅቀዋል።

@tikvahethiopia @tikvahethiopiaBot

አጫጭር መረጃዎች ኮቪድ-19፦

- በብራዚል ትላንት 30,476 ሰዎች በኮቪድ-19 መያዛቸው ተረጋግጧል። አጠቃላይ በቫይረሱ የተያዙ 1,344,143 ደርሷል።

- በአሜሪካ ትላንት 40,540 ሰዎች በኮቪድ-19 መያዛቸው ሲረጋገጥ የ285 ሰዎች ህይወት አልፏል።

- ትላንት በኒው ዮርክ 5 ሰዎች ብቻ በቫይረሱ ሞተዋል፤ ከመጋቢት ወር ወዲህ የተመዘገበ ዝቅተኛ የሞት ቁጥር መሆኑን ቢቢሲ አስነብቧል።

- በUAE የፌደራል መንግስት ሰራተኞች ከሰኔ 28/2012 ዓ/ም ጀምሮ ወደ ስራቸው እንደሚመለሱ ተገልጿል።

- በመላው ዓለም በኮቪድ-19 ምክንያት የሞቱ አጠቃላይ ሰዎች ቁጥር 504,779 ደርሷል።

- በአፍሪካ በኮቪድ-19 የተያዙ ሰዎች ቁጥር ከ385,000 በላይ ሆኗል፤ የሟቾች ቁጥርም ወደ 10,000 እየተጠጋ ነው።

- ጋና ለጤና ባለሙያዎች የሚሰጠውን ጥቅማ ጥቅም በ3 ወር ማራዘሟን ቢቢሲ ዘግቧል ፤ በዚህም የጤና ባለሙያዎቹ ደመወዛቸው ላይ የ50% ጭማሪ የሚያገኙ ሲሆን ለሐምሌ ነሐሴና መስከረም ወራት የገቢ ግብርም አይከፍሉም።

@tikvahethiopiaBot @tikvahethiopia

ኮቪድ-19 ዛሬም ገዳይ ነው!

(በጋዜጠኛ ጥላሁን በየነ)

- ዛሬም በቻይና ሄቤይ ግዛት 400 ሺህ ሰዎች በአስገዳጅ እንቅስቃሴ ገደብ ውስጥ ይገኛሉ።

- ዛሬም በአሜሪካ በ30 ግዛቶች ኮቪድ-19 እንደ አዲስ በማገርሸት ላይ የሚገኝ ሲሆን የሟቾችም ቁጥር ከ128 ሺህ በላይ ሆኗል።

- በብራዚል 57 ሺህ 658 ሰዎች ለህልፈት ተዳርገዋል።

- በዓለማችን እስከዛሬ ድረስ ከ500 ሺህ ሰዎች በላይ በኮሮና ቫይረስ በሽታ ህይወታቸው አልፏል።

- በዓለማችን በኮሮና ቫይረስ የተያዙ ሰዎች ከ10 ሚሊየን በላይ ሆኖ ተመዝገቧል።

ስለዚህ ዛሬም በሽታው በከፍተኛ ሁኔታ እየተሰራጨ ይገኛል። የሟቾችም ቁጥር በመጨመር ላይ ሲሆን ሚዲያውም ሆነ የሚመለከታቸው ሁሉ ተገቢውን ትኩረት ሰጥተው መስራት ይጠበቅባቸዋል።

ህዝባችንም ዘውትር ጥንቃቄ ሊኖረው ይገባል ምክንያቱም በሽታው ዛሬም ገዳይ ነው!

@tikvahethiopiaBot @tikvahethiopia

ሃሳባችሁን አጋሩ!

በኢትዮጵያ ያለውን የኮሮና ቫይረስ ሁኔታ እንዴት እያያችሁት ነው ? በየዕለቱ በቫይረሱ የሚያዙና የሚሞቱ ሰዎች ቁጥር እየጨመረ እንደሆነ ይታወቃል።

ምን ታዘባችሁ ? ምን የተሻሻሉ ነገሮች አሉ ? የሚታየው ቸልተኝነት ፣ የሀገሪቱ ሚዲያዎች እንደ መጀመሪያው ሰሞን ትኩረት አለመስጠታቸው ፣ መሰላቸቱ ፣ ብዙ ሰዎች ስለጉዳዩ እንደበፊቱ መስማት አለመፈለጋቸው... ያሳደረባችሁን ስጋት እንዴት ትገልፁታላችሁ ?

በተጨማሪ በኮቪድ-19 ላይ እየሰራችሁ የምትገኙ የጤና ባለሞያዎች ምን ገጠማችሁ ? ስታነሱት የነበረው ጥያቄ በአግባቡ እየተፈታላችሁ ነው ?

አስተያየት መቀበያ 👉 @tikvahethiopiaBot

@tikvahethiopiaBot @tikvahethiopia

ትምህርት ሚኒስቴር!

የትምህርት ሚኒስቴር በዛሬው ዕለት በሰጠው መግለጫ ላይ የ12ኛ ክፍል ተማሪዎች እና አጠቃላይ ስለ ትምህርት ጉዳይ በተመለከተ በቅርቡ ከጤና ሚኒስቴር በሚሰጥ አቅጣጫ መሰረት ጋዜጣዊ መገለጫ እንደሚሰጥ ዶ/ር ኢ/ር ጌታሁን መኩሪያ አስታውቀዋል - @tikvahethmagazine

@tikvahethmagazine @tikvahmagBot