አካል ጉዳተኞችን በሰፊው ታሳቢ ያደረገ የፋሽን ሾው ፕሮግራም እሁድ ነሐሴ 26 /2011 ዓ.ም በ እዩ ፒክቸርስ የተዘጋጀ ዳህላክ ፋሽን ዊክ በኢትዮጵያን ስካይ ላይት ሆቴል ይቀርባል። ለዚህም ፕሮግራሙ ላይ በመገኘት ድጋፍዎን ያሳዪ።

ትኬት በር ላይ ማግኘት ይቻላል...

ለበለጠ መረጃ 0947317608 ይደዉሉ!

@tsegabwolde @tikvahethiopia

@tsegabwolde @tikvahethiopia

ለ7 የማዕድን ምርመራና ለ3 የማዕድን አምራቾች ፍቃድ ተሰጠ!

የኢፌድሪ ማዕድንና ነዳጅ ሚኒስቴር የፈቃድ መስፈርቶችን አሟልተዋል ላላቸው በማዕድን ፍለጋና ምርት ለማምረት ፈቃድ ለጠየቁ ኩባንያዎች ፈቃድ ሰጠ።

በዚህም መሰረት ዛሬ ለ7 በማዕድን ምርመራ ለተሰማሩና ሶስት ደግሞ የማዕድን ምርት ለማምረት ፍቃድ ለጠየቁ 6 ኩባንያዎች ሚኒስቴር መስሪያቤቱ ፍቃድ ሰጥቷል።

ኩባንያዎቹ ለኢንቨስትመንት ወጪ በአጠቃላይ 258 ሚልዮን 500 ሺህ ብር በላይ የመደቡ ሲሆን፤ ለ281 ዜጎች የስራ ዕድል የሚፈጥሩ ይሆናሉ ተብሏል።

ኩባንያዎቹ የስራ ዕድል ከመፍጠር ባሻገርም የውጭ ምንዛሬ ያስገኛሉ ያሉት የማዕድንና ነዳጅ ሚኒስቴሩ ዶክተር ሳሙኤል ኡርቃቶ ኩባንያዎቹ ስራቸውን የፌደራልና የክልሎችን የመዕድን አዋጆች፣ ደንቦችና መመርያዎችን መሰረት አድርገው ያከናውናሉ ብለዋል።

ዶክተር #ሳሙኤል አክለውም ኩባንያዎቹ ተግባራቸውን በጥንቃቄና ቅልጥፍና በተሞላበት ሁኔታ በማከናወን ለአካባቢ ጥበቃ ትኩረት እንዲያደርጉ ከስምምነት ተደርሷል ብለዋል።

Via #EPA
@tsegabwolde @tikvahethiopia

የኤምሬትስ አየር መንገድ ከጋዜጠኞች ጋር ያደረገው ቆይታ!

ትላንት በራዲሰን ብሉ ሆቴል የኤምሬትስ አየር መንገድ ከጋዜጠኞች ጋር ባደገው የውይይት መድረክ ላይ አየር መንገዱ በአገልግሎት ዘርፉ በሚያካትታቸውና በቅርብ አገልግሎት መስጠት በጀመረባቸው ስራዎች ላይ በአትዮጲያ የኤምሬትስ ማናጀር በሆኑት አቶ ማኖጅ ናየር በኩል ገለጻ የተሰጠበት ሲሆን ከጋዜጠኞችም ጥያቄዎች ተነስተው ሰፊ ውይይት ተደርጎባቸዋል፡፡

የኢምሬትስ አየር መንገድ በንጽጽር በአጭር ጊዜ ውስጥ አንጋፋ የሆነ አየር መንገድ መሆኑንና የመጀመሪያውን በረራ በኦክቶበር 25 1985 እ.ኤ.አ ወደ ካራቺ ካደረገበት ጊዜ አንስቶ ባሉት 34 ዓመታት ውስጥ የአገልግሎቱን ስፋት ወደ 158 መዳረሻዎችና ወደ 85 ሀገራት በማሳደግ የበራራና የካርጎ አገልገሎት መስጠት መቻሉን ጠቁመዋል፡፡

አሁን ላይ አየር መንገዱ 58.6 ሚሊዮን ያክል ደንበኞችን በማስተናገድ ላይ ይገኛል፡፡ በአፍሪካም በ23 ሀገራት መዳረሻዎች ያሉት ሲሆን ኢትዮጲያም ከነዚህ መዳረሻዎች አንዷ መሆኗን በውይይቱ ወቅት ተገልጻል፡፡ ከዛም በተጨማሪ ወደ ሰሜን አሜሪካ 13 ወደ ደቡብ አሜሪካ 4 ወደ ኢሮፕ ሀገራት 41 ወደ ኤዢያ 60 ወደ መካከለኛው ምስራቅ 11ና ወደ አውስትራሊያ 7 ያክል በረራዎችን እየሰጠ ያለ አየር መንገድ ነው፡፡  

#TIKVAH_ETHIOPIA

ተጨማሪ ያንብቡ👇
https://telegra.ph/የኤምሬትስ-አየር-መንገድ-ከጋዜጠኞች-ጋር-ያደረገው-ቆይታ-08-30

#Emirates

አለማቀፉ ጋዜጠኛ ኤልያስ መሰረት፦

“የኢትዮጲያ አየር መንገድ ከአብዛኞቹ አየር መንገዶች ትርፋማና ስኬታማ አየር መንገድ መሆኑ ይታወቃል፡፡ እናንተ ይሄንን እያወቃችሁ በኢትዮጲያ በዚህ ዘርፍ ለመሳተፍ እንዴት መረጣችሁ?”

የኤሜሬትስ አየር መንገድ ማናጀር፦

“እኛ እንደ አንድ በዚህ ቢዝነስ ውስጥ እንደተሳተፈ ድርጅት በዘርፉ የተሻለ ነገርን ማቅረብ አማራጭ አድርገን እየሰራን እንገኛለን፡፡” 

@tsegabwolde @tikvahethiopia

የግድያ ሙከራ ጨምሮ እስርና እንግልት እየደረሰብን ነው ሲሉ የአረናና ትዴት አመራሮች ገልፀዋል!

በዓረናና ትዴት አመራሮችና አባላት ላይ የግድያ ሙከራ ጨምሮ እስርና እንግልት እየደረሰ መሆኑ ሁለቱ ፓርቲዎች በዛሬው ዕለት በሰጡት የጋራ መግለጫ አስታወቁ፡፡ የዓረና ለሉአላዊነትና ዴሞክራሲ ሊቀ መንበር አቶ አብርሃ ደስታ "ሕገ መንግስት ይከበር» በሚባልበት ወቅት ሕገ መንግስቱ የሚሰጠንን መብት ተነፍገን እንግልት እየደረሰብን ነው" ብለዋል፡፡ በመላ ሀገሪቱ በተለየም በትግራይ 'አፈና እየተፈፀመ' ነው ሲሉም ጨምረው ገልፀዋል፡፡ የትግራይ ዴሞክራስያዊ ትብብር ቃል አቀባይ አቶ ሙሉብርሃን ሃይለ በበኩላቸው ሰሞኑን በመቐለ የተካሄደው 'ሕገ መንግስትና ፌደራል ስርዓትን ማዳን' የተሰኘው መድረክ በትግራይ ያሉ የፖለቲካ ሀይሎች ያገለለ ነበር ሲሉ ተችተዋል፡፡ በመጪው ምርጫ ጉዳይ የተናገሩት የትዴት ቃል አቀባይ አቶ ሙሉብርሃን ሃይለ ምርጫው መካሄድ ያለበት አስቀድሞ የፖለቲካ ምህዳሩን አስፍቶ መሆን ይገባዋል ብለዋል፡፡

Via የጀርመን ራድዮ
@tsegabwolde @tikvahethiopia

ዶክተር ወርቁ በዳዳ ከታሰሩ 15 ቀን ሆኗቸዋል!

ነሃሴ 10 ቀን 2011 ዓ/ም ከመኖሪያ ቤታቸው የኦሮሚያ ፖሊስ እንደሆኑ በተነገረላቸው ሲቪል በለበሱ ሰዎች የተወሰዱት መምህሩ ዶክተር ወርቁ በዳዳ ከታሰሩ 15 ቀን እንደሆናቸው፤ እስካሁን ድረስም ለመታሰራቸው ምክንያት እንዳልቀረበ፤ ፍርድ ቤትም እንዳልቀረቡ ቤተሰቦቻቸው ለTIKVAH-ETH ተናግረዋል።

ከቤተሰቦቻቸው መካከል ለTIKVAH-ETH በስልክ የተናገሩት፦

"ነሃሴ 10 ቀን 2011 ዓ/ም - 7 ሰዓት ከቤት ሊወጣ ሲል ነው የመጡት፤ ሰቪል ለብሰው ነው የመጡት ከኦሮሚያ ፖሊስ ኮሚሽን ነው የመጣነው ብለው ቤት ፈተሹ ከዛም ይዘውት ሄዱ። እስካሁን ይሄነው የሚባል ነገር አልተናገሩም፤ ቡራዩ ወረዳ 1 ፖሊስ ጣቢያ ነው ያስቀመጡት። ፍርድ ቤትም ቀርቦ ይሄን አጥፍተሃል የሚሉት ነገር የለም። ላፕቶፑ፣ ስልኩ ፣የሱም የባለቤቱም ሃርድዲስኮች፣ ካሜራ፣ፍላሽ.. የቀረ ነገር የለም ተወስዷል። አንድ ጊዜ ብቻ ለምርመራ ቀርበው አናግረውታል ከዛ በተረፈ የላፕቶፕና የሌሎች ሰነዶች ውጤቶች ስላልመጡን ነው ምክንያታቸው፤ 15 ቀን ሙሉ እንዲህ ነው ተብሎ ፍርድ ቤትም አልቀረበም፤ እንዲህ አጥፍተሃልም አልተባለም።"

እያያዛቸው እንዴት ነው?

"እዛ ያሉት #ፖሊሶች ጥሩ አመለካከት ነው ያላቸው፤ #ድብደባም ምንም ነገር አልተካሄደባትም። ግን ለምን አስረው እንዳስቀመጡት እኛም አልገባንም"

በስልክ ያናገርናቸው እኚሁ የዶ/ር #ወርቁ_በዳዳ ቤተሰብ ለበላይ አመራሮችም ጉዳዩን እንዲያብራሩ ቢጠይቁም ምላሽ እንዳላገኙ ተናግራዋል። የሚመለከተው አካል መፍትሄ እንዲሰጣቸውም ጠይቀዋል።

@tsegabwolde @tikvahethiopia

#አቶ_ርስቱ_ይርዳው

ቀጣዩ የደቡብ ክልል ፕሬዘዳንት ማን ይሆኑ?

TIKVAH-ETHIOPIA ከቤተሰቡ አባላት ታማኝ ምንጮች እንደሰማው ከሆነ-አቶ ሚሊዮን ማቲዮስን በመተካት የደቡብ ክልልን በፕሬዘዳንትነት የሚመሩት አቶ #ርስቱ_ይርዳው ይሆናሉ ተብሎ ይጠበቃል።

•በትላንትናው ዕለት #ሪፖርተር_ጋዜጣ የደቡብ ክልል ቀጣይ ፕሬዘዳንት አቶ መለስ አለሙ ሆነው ሊሾሙ እንደሚችሉ መግለጹ አይዘነጋም።

@tsegabwolde @tikvahethiopia

ጊዜ ያለፈባቸው ከ200 ሺ በላይ የቫት ማሽኖች በአዲስ ቴክኖሎጂ ሊቀየሩ ነው!

በኢትዮጵያ የሚገኙ ከ200 ሺ በላይ የሚሆኑ የቫት (ካሽ ሬጂስተር) ማሽኖች ጊዜ ያለፈባቸውና ለማጭበርበርም ክፍት በመሆናቸው በአዲስ ቴክኖሎጂ ሊቀይራቸው ጥረት እያደረገ መሆኑን የገቢዎች ሚኒስቴር አስታወቀ።

የገንዘብ ሚኒስቴር እና የገቢዎች ሚኒስቴር ከክልል የዘርፉ ኃላፊዎች ጋር ትናንት ውይይት ባደረጉበት ወቅት የገቢዎች ሚኒስትሯ ወይዘሮ አዳነች አቤቤ እንደገለጹት፤ በአሁኑ ወቅት በእያንዳንዱ ነጋዴ እጅ ያለው የቫት ማሽን ለደረሰኝ ማጭበርበር እና ለአሰራር ክፍተት እያጋለጠ ይገኛል።

በመሆኑም ማሽኑን በአዲስ ቴክኖሎጂ መቀየር አስፈላጊ ሆኗል። ያደጉ አገራት የሚጠቀሙባቸውን የተሻሻሉ ቴክኖሎጂዎችን እና ዘመኑ የሚጠይቃቸው አሰራሮችን የያዘ ቴክኖሎጂ በቀጣይ እንዲተገበር ጥናት እየተደረገ ይገኛል።

የቫት መሳሪያውን ለመቀየር የሚደረገው ጥረት እስኪጠናቀቅ ድረስ በማሽኑ አማካኝነት የሚሰሩ ህገወጥነቶችን መከላከል የሁሉም ክልሎች እና መስተዳድሮች ኃላፊነት መሆኑን ወይዘሮ አዳነች አሳስበዋል።

Via #EPA
@tsegabwolde @tikvahethiopia

እናመሰግናለን!

እስካሁን በኡ/ የሚገኙ የቲክቫህ ቤተሰቦች በድምሩ ከሁለት መቶ በላይ መፅሐፍት ተሰብስቧል፡፡ ተጠናክሮ መቀጠል አለበት፡፡ ግባችን ከአ/ አበባና ዙርያዋ ከሚጠጉ ቤተሰቦች 1000 መፅሀፍትን ድጋፍ ለሚያስፈልጋቸው ከከተማ ወጣ ላሉ ቤተ-መፅሐፍት መለገስ ነው፡፡ የቅንድል ኢትዮጵያ የበጎ ፍቃደኞች ማህበር አባላት እያሳያችሁ ላላችሁ ጥረት ምስጋናችን ወደር የለውም፡፡

📚የአዲስ አበባ ነዋሪዎች ሜክሲኮ በመሚገኘው ቡክ ኮርነር እየሄዳችሁ መፅሃፍ ማስቀመጥም ትችላላችሁ!
@tsegabwolde @tikvahethiopia

በሐዋሳ ያለው ኮማንድ ፖስት ቢነሳም ችግር እንደማይገጥም ተገለፀ!

በደቡብ ብሔር፣ ብሄረሰቦችና ሕዝቦች ክልል ዋና ከተማ የሆነችው የሀዋሳ ከተማ አሁን አስተማማኝ ሰላም ላይ የምትገኝ በመሆኑ ኮማንድ ፖስቱ ቢነሳም ችግር እንደማይከሰት ተገለጸ።

የሀዋሳ ከተማ ኮማንድ ፖስት ኃላፊ ኮሎኔል ተክለብርሃን ገብረመድህን እንደገለጹት፤ በደቡብ ብሔር፣ ብሄረሰቦችና ሕዝቦች ክልል አንዳንድ ከተሞች ተከስቶ በነበረው የጸጥታ አለመረጋጋት ምክንያት በሀዋሳ ከተማ የተጣለው ኮማንድ ፖስት ቢነሳም ችግር አይፈጠርም። ከተማዋ አሁን ላይ በህብረተሰቡ ከፍተኛ እገዛ ወደ መደበኛ እንቅስቃሴዋ ሙሉ ለሙሉ ተመልሳለች ብለዋል።

እንደ ኮሎኔል ተክለብርሃን ገለጻ፤ ሀዋሳ ከተማ የተረጋጋችው በኮማንድ ፖስቱ ኃይል ሳይሆን በነዋሪው ህብረተሰብ ከፍተኛ ጥረት ነው። ኮማንድ ፖስቱ ከህብረተሰቡ ጎን በመቆም በድጋፍ ሰጪነት እየሰራ ይገኛል።

ህብረተሰቡ ግን ችግር በተመለከቱባቸው አካባቢዎችና ግለሰቦችን በእራሱ እየያዘ ለህግ አካላት በማጋለጥ በየጊዜው ከፍተኛ ጥረት ሲያደርግ ቆይቷል። በአሁኑ ወቅትም ከተማዋ የተረጋጋች በመሆኗ የመዝናኛ ቦታዎች 24 ሰዓት አገልግሎት በመስጠት ላይ ናቸው።

ከተማ ላይ ሠላም እንዳይመጣ ህገወጥ ተግባር ሲፈጽሙ ተገኝተዋል ተብለው የተጠረጠሩ 68 ሰዎች በኮማንድ ፖስቱ ሥር መያዛቸውን የገለጹት ኃላፊው፤ ይሁንና ከተያዙት ሰዎች መካከል የመንግስት ኃላፊዎች እንደማይገኙበት ተናግረዋል። በቀጣይም እጃቸው በጉዳዩ ውስጥ ያለባቸውን ሰዎች ለህግ ለማቅረብ ሥራዎች እየተከናወኑ መሆኑና ሀዋሳ በአሁኑ ሰዓት ማንኛውም ግለሰብ በነጻነት የሚንቀሳቀስባት ከተማ በመሆኗ ምንም የሚያሰጋ ጉዳይ እንደሌለ ተናግረዋል።

https://telegra.ph/ETH-08-31-3

ምንጭ፦ ኢፕድ
@tsegabwolde @tikvahethiopia

አቶ ሙስጠፌ ዑመር...

"....በግሌ ምርጫ ቢካሄድ ጥሩ ነው የሚል ሃሳብ አለኝ። አሁን ካለው የክልሉ ነባራዊ ሁኔታ ምርጫ ብናካሂድ አሁን እኔ ያለሁበት ፓርቲ /የሶማሌ ዴሞክራሲያዊ ፓርቲ/ #ያሸንፋል የሚል እምነት አለኝ።"

@tsegabwolde @tikvahethiopia

እንዳትጭበረበሩ!

በዚህ መሰሉ የዝርፊያ ተግባር ላይ የተሰማሩ አካላትን የሚመለከተው አካል ትኩረት አድርጎ የእርምት ስራ ሊሰራ ይገባል። በርካቶች በሀሰተኛ የሞባይል መተግበሪያ ገንዘባቸው እየተወሰደባቸው ነው። እናንተም ጥንቃቄ አድርጉ መተግበሪያዎችን/apps/ ከplaystore ላይ ወይም ከAppStore ላይ ብቻ ያውርዱ።

@tsegabwolde @tikvahethiopia

#Congratulations የሚዛን ቴፒ ዩኒቨርስቲ ቴፒ ካምፓስ በዛሬው ዕለት ተማሪዎችን በማስመረቅ ላይ ይገኛል። ለመላው ተመራቂ ተማሪዎች እንኳን ደስ አላችሁ!!

ፎቶ📸AMANI
@tsegabwolde @tikvahethiopia

የ4G ኔትዎርክ ማስፋፊያ ሊደረግ ነው!

ኢትዮ ቴሌኮም በ2012 የበጀት ዓመት የአገልግሎቱን ጥራት በማሻሻል 5ነጥብ1 ሚሊዮን ተጨማሪ ደንበኞችን ማስተናገድ የሚችል የሞባይል ኔትወርክ አቅምን እንደሚገነባ አስታወቀ፡፡

የኢትዮ ቴሌኮም ዋና ሥራ አስፈጻሚ ወይዘሪት ፍሬህይወት ታምሩ የተቋሙን የሦስት ዓመታት ስትራቴጂክ ዕቅድና የ2012 በጀት ዓመትን ዕቅድ አስመልክተው በጽህፈት ቤታቸው በሰጡት መግለጫ፤ ኢትዮ ቴሌኮም በበጀት ዓመቱ 5 ነጥብ አንድ ሚሊዮን ደንበኞችን ማስተናገድ የሚችል ተጨማሪ የሞባይል አገልግሎትን ለመተግበር ተዘጋጅቷል፡፡

እንደ ስራ አስፈጻሚዋ ገለጻ፤ በበጀት አመቱ በአዲስ አበባና በሁሉም ክልሎች የሚከናወንና የዳታ ትራፊክ ዕድገትን መሰረት ያደረገ የ4G ኔትወርክ ማስፋፊያ የሚደረግ ሲሆን ይህም እስከዛሬ ከጥራትና ኔትወርክ ችግር ጋር ተያይዞ ሲስተዋል የቆየውን የደንበኞች ችግር እንደሚያቃልል ይታመናል ብለዋል፡፡

Via #EPA
@tsegabwolde @tikvahethiopia

የሳይንስና ከፍተኛ ትምህርት ሚኒስቴር ሚንስትር ዴኤታ ፕሮፌሰር አፈወርቅ ካሱ በኢትዮጵያ የሱማሊያ ፌዴራላዊ ሪፐብሊክ አምባሳደር ከሆኑት ሚስተር አብዱልሀኪም አብዱላሂ ጋር በጽህፈት ቤታቸዉ በከፍተኛ ትምህርት ዘርፍ ትብብር ጉዳይ ዙርያ ዉይይት አድርገዋል፡፡

በዉይይታቸው ሚኒስትር ዴኤታዉ የኢትዮጵያ መንግስት በ2012 የትምህርት ዘመን የሶማልያ ዜጎችን ጨምሮ ለተለያዩ የጎረቤት አገራት ዜጎች በቅድመ ምረቃ እና ድህረምረቃ ፕሮግራሞች ከ1ሺህ በላይ የነፃ ትምህርት ዕድሎችን መስጠቱን ገልፀዋል።

ለሶማልያ ፌደራል ሪፐብሊክ ላለፉት አምስት አመታት በተጠናከረ ሁኔታ በመጀመሪያና ሁለተኛ ዲግሪ የነፃ ትምህርት ዕድል መመቻቸቱን እና ይህም የሁለቱን ሀገራትና ህዝቦች የጋራ ትስስር እንደሚያጠናክር ፕሮፌሰር አፈወርቅ ጠቁመዋል፡፡

በኢትዮጵያ የሶማሊያ ፌዴራል ሪፐብሊክ አምባሳደርም በትምህርት ዘርፍ ለዜጎቻቸዉ ለተደረገው ትልቅ እገዛ በሀገራቸዉ መንግስት ስም ላቅ ያለ ምስጋና አቅርበዉ እገዛዉ ለወደፊትም እንዲቀጥል ጠይቀዋል፡፡

Via #AMN
@tsegabwolde @tikvahethiopia

#update የደቡብ ክልል ምክር ቤት 5ኛ ዙር አራተኛ አመት 9ኛ መደበኛ ጉባኤ መካሄድ ጀመረ። ምክር ቤቱ በቆይታው የ2011 በጀት ዓመት እቅድ አፈጻጸም እና የ2012 በጀት ዓመት የስራ ረቂቅ አዋጅን መርምሮ ያጸድቃል ተብሎ ይጠበቃል። ከዚህ ባለፈም የክልሉን የጠቅላይ ፍርድ ቤት እና ዋና ኦዲት መስሪያ ቤትን ሪፖርትና እቅድን በማድመጥ ያጸድቃል ተብሏል።

Via #FBC
@tsegabwolde @tikvahethiopia

የቀድሞው ዛሚ ሬድዮ እና OMN/ኦ ኤም ኤን/ በጋራ ለመስራት ተስማሙ!

በአክቲቪስት #ጃዋር_መሃመድ የሚመራው የኦሮሚያ ሚዲያ ኔትዎርክ/OMN/ ከቀድሞው ዛሚ ኤፍ ኤም 90.7 ሬድዮ ጣቢያ እና ከአሁኑ የአዋሽ ኤፍ ኤም ለጊዜው የአየር ሰዓት በመግዛት እንዲሁም በአጭር ግዜ ውስጥ ደግሞ ድርሻ በመግዛት ለመስራት ስምምነት ላይ ደርሰዋል።

ከሬድዮ ጣቢያው ስያሜ ለውጥ ባሻገር የአስተዳደር ለውጥም እንደተደረገ እና በመጪው መስከረም ወር ኦ ኤም ኤን/OMN/ በገዛው የአየር ሰዓት ስርጭት እንደሚጀምርም ለማወቅ ተችሏል። በአብዛኛው የአማርኛ ቋንቋ ስርጭት ይኖራቸዋል ያለው አዲስ ማለዳ ጋዜጣ ምናልባትም ለአንድ ሠኣት የአፋን ኦሮሞ ቋንቋ ፕሮግራሞች ሊኖሩ እንደሚችሉ ተጠቁሟል።

OMN ከአንድ አመት በፊት የሬድዮ ጣቢያ ለመክፈት ለብሮድካስት ባለስልጣን ጥያቄ ያቀረበ ቢሆንም እስካሁን መልስ ባለማግኘቱ ከዛሚ FM ጋር ለመስራት እንዲወስን እንዳደረገው አዲስ ማለዳ ጨምሮ ገልጿል። ታቅዶ ለነበረው የሬድዮ ጣቢያም ሙሉ እቃ ከውጪ አገር ገብቶ እንደነበርም ለማወቅ ተችሏል። እነዚህ እቃዎች በመጠቀም በአዳማ ከተማ አዲስ ሬድዮ ጣቢያ በማቋቋም ስርጭቱን በአፋን ኦሮሞ ቋንቋ ለማድረግ መታሰቡን አዲስ ማለዳ በዛሬው ዕትሙ አስነብቦናል።

@tsegabwolde @tikvahethiopia

የመጀመሪያ?

በምስራቅ አፍሪካ የመጀመሪያው የውሀ ፓርክ በቢሾፍቱ ተመረቀ!

"በምስራቅ አፍሪካ የመጀመሪያ የሆነው የውሃ ፓርክ ተመርቆ በኩሪፍቱ ሪዞርት ተከፈተ፡፡ በኩሪፍቱ ሪዞርት በ72 ሺህ ካሬ ሜትር ላይ በቢሾፍቱ የተገነባው የውሃ ፓርክ ተመርቆ ተከፈተ፡፡ ፓርኩ በውስጡ ከመዝናኛ ስፍራዎች በተጨማሪ ከ100 በላይ ሱቆችና ባህላዊ የምግብ አዳራሾች ይገኛሉ፡፡ በ100 ሚሊዮኖች ወጭ ተደረገበት ፓርኩ በአንድ ጊዜ ከ1900 ሰዎች በላይ የማስተናገድ አቅም ያለው ሲሆን ለኢትዮጵያውያን ብቻ ሳይሆን ለመላው አፍርካውያን መዝናኛ እንደሚሆን ተጠቁሟል፡፡ በኩሪፍቱ የተገነባው የውሃ ፓርክ ከ1 ሺህ በላይ ለሚሆኑ ሰዎች የስራ እድል ፈጥሯል፡፡ ግንባታውን ለማጠናወቀቅ 2 አመት ከ6 ወር ፈጅቷል፡፡" #EBC

@tsegabwolde @tikvahethiopia

#AddisAbeba

ኢ/ር ታከለ ኡማ በክረምት የበጎ ፈቃድ መርሃ ግብር እድሳት የተደረላቸውን ቤቶች #ለአረጋዊያን እና #አቅመ_ደካሞች በማስረከብ ላይ ይገኛሉ፡፡ በዛሬው ዕለትም ኢ/ር ታከለ ኡማ እራሳቸው እድሳቱን ያስጀመሩትን በጉለሌ ክፍለ ከተማ ቃኘው ሻለቃ ተብሎ በሚጠራው አደባባይ አከባቢ የሚኖሩ እናት መኖሪያ ቤት ስራው ሙሉ በሙሉ በመጠናቀቁ ለባለንብረቷ ቤታቸውን አስረክበዋል፡፡ የከተማ አስተዳደሩ በክረምት የበጎ ፈቃድ መርሃ-ግብር 1000 ለሚሆኑ አረጋዊያን ቤት ለማደስ ወደ ስራ የገባ ቢሆንም እስከ አሁን 1,573 ለሚሆኑ በከተማው ውስጥ ለሚገኙ አረጋዊያን የመኖሪያ ቤት እድሳት እየተከናወነ ይገኛል፡፡ ከዚህም ውስጥ 1,111 ቤቶች እድሳት ሙሉ በሙሉ ተጠናቅቆ ለባለንብረቶቹ ተላልፈዋል፡፡

Via Mayor Office AA
@tsegabwolde @tikvahethiopia

#update ባለሃብቶች በአማራ ክልል ዋግህምራና ሰሜን ጎንደር ዞን የሚገኙ 12 የዳስት ትምህርት ቤቶችን ወደ ህንፃ ለመቀየር ቃል ገቡ። በክልሉ የሚገኙ ደረጃቸውን ያልጠበቁ ትምህርት ቤቶችን ደረጃ ለማሻሻል የሚደረገውን ጥረት ህብረተሰቡ በተቀናጀ መንገድ ሊደግፍ እንደሚገባ የክልሉ ርዕሰ መስተዳደር አቶ ተመስገን ጥሩነህ ጠይቀዋል። የዳስ ትምህርት ቤቶች ደረጃ በሚሻሻልበት ጉዳይ ዙሪያ ከባለሃብቶች ጋር ትናንት በባህር ዳር ከተማ ውይይት ተካሄዷል፡፡

Via #ENA
@tsegabwolde @tikvahethiopia