#update በትላንትናው ዕለት ከሲዳማ የክልልነት ጥያቄ ጋር በተያያዘ በሀዋሳ ከተማ በተፈጠረ #ግጭት በትንሹ 3 ሰዎች #መሞታቸውን ሮይተርስ የዜና ወኪል ዘግቧል።
.
.
(#Reuters) - At least three people have died in Ethiopia's southern city of Hawassa, hospital authorities said on Friday, amid a showdown between state security forces and some local activists who want to declare a new region for their Sidama ethnic group.

የሮይተርስን ዘገባ ያንብቡ👇
https://telegra.ph/HAWSSA-07-19

TIKVAH-ETH🎂 ሀምሌ 21 #እንገናኝ!!

#9_ቀን_ቀረው!! TIKVAH-ETHIOPIA የተመሰረተበት ሁለተኛው አመት ክብረ በኣል የፊታችን ሀምሌ 21 በአበበች ጎበና ህፃናት እንክብካቤና የልማት ድርጅት ይከበራል!! #አዲስ_አበባ

ሁላችሁም በክብር ተጋብዛችኃል!!

ለተጨማሪ መረጃ፦ +251913134524

#update በሐዋሳ ከተማ በጥይት ተመተው የተገደሉት ሰዎች አራት መድረሳቸውን የፈረንሳይ ዜና አገልግሎት ዛሬ ገለፀ። ሟቾቹም ሦስት ወንድ እና አንድ ሴት እንደሆኑ የሐዋሳ ሪፈራል ሆስፒታል ዋና ስራ አስኪያጅ ዝናው ሰርኒሶን ጠቅሶ ዜና ምንጩ ዘግቦአል። ከሟቾቹ መካከል አንዱ ጭንቅላቱ ላይ የተመታ ሲሆን ሌሎቹ ሆዳቸው ላይ በጥይት ተመተው እንደነበር ተገልጿል። አራቱም ትናንት ሆስፒታል ገብተው ህክምና የተደረገላቸው ቢሆንም ሦስቱ ሆስፒታል በገቡበት እለት ትናንት ህይወታቸው አልፏል። የሴቷ ህይወት ደግሞ ዛሬ ማለፉ ተገልፆአል።

Via #DW
@tsegabwolde @tikvahethiopia

#NewsAlert በሱማሌ ክልል በህገ ወጥ መንገድ በግለሰቦች እጅ የነበሩ ከ3 ሺህ በላይ የግልና የቡድን የጦር መሳሪያዎች በአሰሳ መያዙን የክልሉ ልዩ ፖሊስ ገለፀ። የሱማሌ ክልል ልዩ ፖሊስ ምክትል አዛዥ ኮማንደር ዘካሪያ አብዲ እንደገለፁት በህገ ወጥ መንገድ ተሰራጭተው በግለሰቦች እጅ በብዛት የነበሩት የቡድንና የግል የጦር መሳሪያዎች ለግጭትና ለበርካታ ሰዎች ህልፈት ምክንያት ሆነው ቆይተዋል። የክልሉ መንግስት በህገ ወጥ መንገድ ተሰራጭቶ በግለሰቦች እጅ የሚገኝ የጦር መሳሪያ እንዲሰበሰብ ባሳለፈው ውሳኔ መሰረት ላለፉት ሦስት ወራት ተከታታይ አሰሳ ሲያደረግ ቆይቶ 3 ሺህ 40 የተለያዩ የጦር መሳሪያዎችን መያዙን ኮማንደሩ ተናግረዋል። ከተያዙት የጦር መሳሪያዎች መካከል በግለሰብ ደረጃ መያዝ የማይገባቸው መካከለኛ የጦር መሳሪያዎች፣ አውቶማቲክ ቀላል ጠብመንጃዎች፣ ሽጉጦችና ቦምቦች ይገኙበታል። ይህ በእንዲህ እንዳለ በቶጎ ውጫሌ የልዩ ፖሊስ መቆጣጠሪያ ጣቢያ በህገ ወጥ መንገድ ከአገር ሊወጣ የነበረ 10 ሺህ የአሜሪካን ዶላር መያዙንም ኮማንደሩ አክለው ገልፀዋል።

ምንጭ፡- ኢዜአ
@tsegabwolde @tikvahethiopia

#ላልይበላ

ባሳለፍነው በጀት ዓመት ከ45 ሽህ በላይ የውጭ ሃገር ዜጎች ላልይበላን መጎብኘታቸውን የላልይበላ ከተማ አስተዳደር ባህልና ቱሪዝም ጽ/ቤት አስታወቀ፡፡ የቅዱስ ላልይበላንና በዙሪው ያሉ ድንቅ ቅርሶችን 45,144 ጎብኝዎች መጎብኘታቸውን ከጽፈት ቤቱ የተገኘው መረጋጃ ያመለክታል፡፡ ጽ/ቤቱ እንዳመለከተው በየዓመቱ የጎብኝዎች ቁጥር እየጨመረ መምጣቱን ያስታወቀ ሲሆን የቱሪስቶችን የቆይታ ጊዜም ለማራዘም እየተሰራ መሆኑን አመልክቷል፡፡ ለዚህም ደግሞ የሆቴሎችን አገልግሎት አሰጣጥ ጥራት ለማሳደግ በተሰራው ስራ 5 ሆቴሎች በኮኮብ ደረጃ እንዲመደቡ የጎደላቸውን በሱፐርቪዥን ቡድን በተሰጠው ግበረ መልስ ክትትልና ድጋፍ ማድረግ መቻሉንም አስታውቋል፡፡

በተያያዘ መረጃ...

ባሳለፍነው 2011 በጀት ዓመት የላልይበላ ውቅር አብያተ ክርስቲናትና በዙሪው የሚገኑ ታሪካዊ ቦታዎችን ይጎበኛሉ ተብለው በእቅድ ከተያዘው 48,3167 የሃገር ውስጥ ጎብኝዎች ውስጥ 211,909 የሃገር ውስጥ ጎብኝዎች መጎብኘታቸውን ከላልይበላ ከተማ አስተዳደር ባህልና ቱሪዝም የተገኘው መረጃ ያመለክታል፡፡ መረጃው እንደሚመለክተው በየአመቱ የጎብኝዎች ቁጥር እየጨመረ መምጣቱን አስታውቋል፡፡ በበዓላትና በሌሎችም ቀናት ቅርሶችን የሚጎበኙ ዜጎችም መጨመራቸው ነው ከጽ/ቤቱ የተገኘው መረጃ የሚያመለክተው፡፡

Via Lalibela Government Communication Affairs Office
@tsegabwolde @tikvahethiopia

#NewsAlert በሰሜናዊ ግብፅ #ሲና አካባቢ በአንድ አጥፍቶ ጠፊ በተፈፀመ የቦንብ ጥቃት የሁለት ሰዎች ህይዎት አለፈ። ጥቃቱ የደረሰው በአንድ የአገሪቱ የመከላከያ አባልና በሌላ አንድ ሲቪል ላይ መሆኑን ከአገሪቱ የደህንነት መስሪያ ቤትና ከሆስፒታሎች መረጃ አግኝቻለሁ ሲል አልጀዚራ ዘግቧል። የአጥፍቶ ጠፊው ዋና ኢላማ በርካታ ወታደሮች የሚገኙበት የሲና ወታደራዊ ኬላ የነበር ቢሆንም ኢላማ አድርጎት ከነበረው ቦታ ሳይደርስ ታጥቆት የነበረው ቦንብ ሊፈነዳ መቻሉን የገለፁት የግብፅ መከላከያ ቃል አቀባይ ናቸው። በኢራቅ ራሱን እስላማዊ መንግስት እያለ የሚጠራው አሽባሪ ቡድን አማቅ በተባለ ድህረ ገፁ ላይ ሃላፊነቱን እንደሚወስድ ገልጿል። ካለፈው ጥር ጀምሮ ግብፅ አሸባሪ ቡድኑ ይገኝበታል ተብሎ በሚጠረጠሩ ቦታዎች ላይ በርካታ ወታደሮችን አሰማርታ ጥቃት ጀምራ እንደነበር ይታወሳል።

Via አልጀዚራ/ENA/
@tsegabwolde @tikvahethiopia

#ETHIOPIA

የግብረ ሰዶም ጥቃት ያደረሰዉ ታዳጊ በ13 ዓመት ጽኑ እስራት ተቀጣ!
.
.
ተከሳሽ የ16 ዓመቴ ታዳጊ ወጣት #ናሆም_መሀሪ የተመሳሳይ ጸታ ግንኙነት ወንጀል በመፈጸሙ በዓቃቤ ህግ ክስ ተመስርቶበታል፡፡ በወንጀል ሕጉ አንቀጽ 631/1/ለ/ ሥር የተደነገገዉን በመተላለፍ ተከሳሽ ከእርሱ ጋር ተመሳሳይ ጾታ ካለዉ ወንድ ልጅ ጋር የግብረሰዶም ጥቃት ለመፈጸም በማሰብ ጥር 16 ቀን 2011ዓ.ም ከቀኑ 10፡00 ሰዓት ሲሆን በየካ ክፍለ ከተማ ወረዳ 13 ልዩ ቦታዉ ካራ ስጋ መሸጫ አካባቢ በ8ዓመቱ ህፃን ላይ የፈጸመዉን የግብረሰዶም ጥቃት በማስረጃ በማረጋገጡ ነዉ ዓቃቤ ህግ ክሱን የመሰረተዉ፡፡

ተከሳሽ ህጻኑን አባብሎና አታሎ ድርጊቱን ፈጽሞል በግል ተበዳይ ላይም የአካል እና የስነልቦና ጉዳት እንዲደርስበት ምክንያት ሆኗል ሲል ዓቃቤ ህግ በክሱ አስረድቷል፡፡የግል ተበዳይም በጋንዲ መታሰቢያ ሆስፒታል የህክምና ምርመራ ተደርጎለት ወሲባዊ ጥቃት እንደተፈጸመበት ማረጋገጥ ተችሏል፡፡

ጉዳዩን ሲከታተል የቆየዉ የፌደራሉ የመጀመሪያ ደረጃ ፍ/ቤት የካ ምድብ ችሎትም የወንጀሉን መፈጸም በሰዉና ከጋንዲ ሆስፒታል በተገኘ የህክምና ማስረጃ አረጋግጦ የጥፋተኝነት ብይን ሰጥቷል፡፡

በዚህም መሰረት ተከሳሹ #ጥፋተኛ የተባለበት የህግ ድንጋጌ ደረጃና እርከን ስላልወጣለት መነሻዉ ከ16 ዓመት ጀምሮ የሚያስቀጣ ቢሆንም የጥፋተኛዉን እድሜ ከግምት በማስገባት ሰኔ 25 ቀን 2011ዓ.ም በዋለዉ 5ኛ ወንጀል ችሎት ተከሳሹ በ13 ኣመት ጽኑ እስራት እንዲቀጣ ወስኖበታል፡፡

Via የፌደራል ጠቅላይ አቃቤ ህግ
@tsegabwolde @tikvahethiopia

#መከላከያ_ሰራዊት

የኢፌዴሪ መከላከያ ሰራዊት ጽንፈኛ ሀይሎችንና ህገ-ወጦችን በመታገል የሀገሪቱን ሰላምና ደህንነት እንደሚያረጋግጥ አስታወቀ፡፡ የመከላከያ ከፍተኛ አመራሮች በወቅታዊ የፀጥታ ሁኔታና በሰራዊቱ ውስጣዊ ሁኔታ ላይ ያተኮረ ውይይት አካሄደዋል፡፡ በወቅታዊ የፀጥታ ጉዳዮችና በሰራዊቱ ውስጣዊ ሁኔታ ላይ አተኩሮ የተካሄደውን ውይይት ያስጀመሩት የጦር ሀይሎች ጠቅላይ ኢታማዦር ሹም ጄነራል አደም መሀመድ ናቸው፡፡ ከፍተኛ አመራሮቹ በቅርቡ በተቋሙና በአማራ ክልል አመራሮች ላይ የደረሰው አደጋ ታላቅ ቁጭት መፍጠሩን በመግለጽ በቀጣይ ድርጊቱ እንዳይደገም እንደሚሰሩ በውይይቱ ማጠቃለያ ባወጡት ባለ 9 ነጥብ የአቋም መግለጫ አረጋግጠዋል፡፡

የኢፌዴሪ መከላከያ ሰራዊት ለአገሪቱና ለህዝቦች ሰላም መስዕዋትነት እየከፈለ የመጣ መሆኑን የጠቀሰው መግለጫው በቀጣይም የተለያዮ #ጽንፈኛ ሀይሎችንና ህገ-ወጦችን በመታገል የሀገሪቱን ሰላምና ደህንነት እንደሚያረጋግጥ አስታውቋል፡፡ ሰራዊቱ ከምንጊዜም በላይ ህገ-መንግስታዊ ተልዕኮውን በብቃት ለመወጣት በሚያስችለው ቁመና ላይ እንደሚገኝና የተሰውት ጓዶች ህልፈት አባላቱን ለበለጠ #ጀግንነትና መስዋዕትነት የሚያነሳሳ እንጂ #የሚያዳክም እንዳልሆነ ገልጿል፡፡

ምንጭ፦ የመከላከያ ኢንዶክትሪኔሽን ዳይሬክቶሬት
@tsegabwolde @tikvahethiopia

#ሀዋሳ #SMN

በትናንትናው ዕለት አመሻሽ ላይ የሲዳማ ሚድያ ኔትወርክ ዋና ሥራ አስኪያጅና ምክትል ሥራ አስኪያጅ ከሀገር ሽማግሌዎች ጋር ስብሰባ ተቀምጠው በነበረበት ሰዓት የፀጥታ ኃይሎች ደርሰው በቁጥጥር ሥር እንዳዋሏቸው የኔትወርኩ የዜናና ፕሮግራሞች አስተባባሪ አቶ ሙሉቀን ብርሀኑ ለቢቢሲ ተናገሩ።

ዋና ሥራ አስኪያጁ አቶ ጌታሁን ደጉዬ እና ምክትላቸው አቶ ታሪኩ ለማ የሚባሉ ሲሆን ሌሎች የመገናኛ ብዙሀኑ ባልደረቦች ግን ወደ ቢሯቸው እንዳይገቡ መከልከላቸውን ገልፀዋል።

ትናንት ጠዋት ወደ 6 ሰዓት አካባቢ ወደ ቢሯቸው የፀጥታ አካላት መምጣታቸውን እና ጥበቃ ሰራተኞቹ የቢሮውን ቁልፍ እንዲሰጧቸው መጠየቃቸውን ያስታወሱት አስተባባሪው፤ ነገር ግን የጥበቃ ሰራተኞቹ ቁልፍ እንደሌላቸው በመግለፅ እንዳሰናበቷቸው ተናግረዋል።

ማታ ወደ 4 ሰዓት የሲዳማ ዞን ከፍተኛ አመራሮች፣ ሽማግሌዎችና፣ ኤጀቶዎች በታቦር መካነ ኢየሱስ ቤተክርስቲያን ውስጥ የምርጫ ቦርድን ሃሳብ ለመቀበል በንግግር ላይ ባሉበት ወቅት የፀጥታ ኃይሎች ደርሰው በቁጥጥር ስር እንዳዋሏቸው ተናግረዋል። እነዚህ ኃላፊዎች ከወጣቶቹ ጋር የተሰበሰቡት #ኤጀቶ ውስጥ በነበሯቸው ተሳትፎ ምክንያት እንደሆነ ለማወቅ ተችሏል።

ሲዳማ ሚዲያ ኔትወርክ ሕጋዊ እውቅና አግኝቶ ሥራ የጀመረው ባለፈው ሰኔ ወር ላይ ሲሆን እስካሁን የሚገኘው የሙከራ ስርጭት ላይ ነው።

የሚዲያ ተቋሙ ፕሮግራሞቹን የሚያስተላልፈው ሐዋሳ ከሚገኘው ቢሮውና ደቡብ አፍሪካ ጆሀንስበርግ ውስጥ ከሚገኘው ማሰራጫው እንደሆነ አስተባባሪው ተናግረዋል።

በአሁን ሰዓትም ምንም ዓይነት ስርጭት #ከሐዋሳ የማይተላለፍ ሲሆን ነገር ግን ከጆሀንስበርግ የሚተላለፉ ዝግጅቶች ብቻ በቴሌቪዥን ፕሮግራሙ ላይ እንደሚታዩ ተናግረዋል።

Via #BBC
@tsegabwolde @tikvahethiopia

#update ቤኒሻንጉል ጉሙዝ ክልል የመተከል ዞን ከፍተኛ ፍርድ ቤት በሙስና ወንጀል የተከሰሰ ግለሰብ በአምስት ዓመት ከአራት ወራት ጽኑ እስራትና የገንዘብ ቀጣ፡፡ የክልሉ ጠቅላይ ዐቃቤ ሕግ የህዝብ ግንኙነት ዳይሬክተር አቶ ጌታ ፈንታው ለኢዜአ እንዳስታወቁት ፍርድ ቤቱ ቅጣቱን ያስተላለፈው የወምበራ ወረዳ ገንዘብና ኢኮኖሚ ልማት ጽህፈት ቤት ደሞዝ ከፋይ በነበረው አቶ አየሩ ቀናው በተባለ ግለሰብ ላይ ነው፡፡ ግለሰቡ በጽህፈት ቤቱ በሚሰራበት ወቅት ከ80 ሺህ በላይ ብር በከባድ እምነት መጉደል የሙስና ወንጀል መከሰሱን ተናግረዋል፡፡ ግለሰቡ ወንጀሉን መፈጸሙ በዐቃቤ ሕግ የሰውና የሰነድ ማስረጃ በመረጋገጡ ፍርድ ቤቱ ትናንት በዋለው ችሎት በእስራትና አምስት ሺህ ብር ቅጣት እንደወሰነበት ገልጸዋል፡፡

@tsegabwolde @tikvahethiopia

"የጀግኖቻችን መስዋዕትነት ይበልጥ #ያጠነክረናል እንጂ አያንበረክከንም!!"

/የአገር መከላከያ ሰራዊት ከፍተኛ አመራሮች በወቅታዊ የጸጥታ እና የሰራዊቱ ውስጣዊ ሁኔታ ላይ ያተኮረ ውይይት አካሂደዋል/

ምንጭ፦ የመከላከያ ኢንዶክትሪኔሽን
@tsegabwolde @tikvahethiopia

#update ጠቅላይ ሚንስትር ዐቢይ አሕመድ ለ2019 የቻታም ሃውስ ሸልማት መታጨታቸውን በለንደን የኢትዮጵያ ኢምባሲ ዛሬ በፌስቡክ ገጹ ይፋ አድርጓል፡፡ ዐቢይ ለሽልማቱ የታጩት በሀገራቸው የንግግር ነጻነት በማስፈናቸው፣ ሲቪክ አመራር በመስጠታቸው፣ የመድበለ ፖለቲካንና ጾታ እኩልነትን በማጠናከራቸው እና ለአፍሪካ ቀንድ ቀጠና ሰላምና ትብብር ጉልህ አስተዋጽዖ በማድረጋቸው ነው፡፡ ቻታም ተቀማጭነቱን ታዋቂ ዐለም ዐቀፍ የፖሊሲ ተቋም ነው፡፡

Via #fbc
@tsegabwolde @tikvahethiopia

የአፍሪካ ኅብረት የኮንጎ የኢቦላ ወረርሽኝን ለመከላከል የህክምና ቡድን ወደ ስፍራው ሊልክ መሆኑን በኅብረቱ የበሽታ መከላከል ማዕከል አስታውቋል።

@tsegabwolde @tikvahethiopia

#update በአለታ ወንዶ፣ ሀገረ ሰላም፣ ይርጋለም ከተሞች ዛሬም #ሁከት፣ #ዘረፋ እና የንብረት #ውድመት መታየቱንና በርካቶችም መታሰራቸውን አዲስ ስታንዳርድ ዘግቧል፡፡ ሀዋሳ ዛሬ ተረጋግታ ውላለች።

@tsegabwolde @tikvahethiopia

ከሐዋሳ ተነስቶ በሌሎች አካባቢዎች ጉዳት ያደረሰው ሁከት፦

ትናንት ሐዋሳ ውስጥ ከተቀሰቀሰው ግርግር ጋር በተያያዘ ተፈጥሮ የነበረው አለመረጋጋት አብቅቶ ዛሬ አንፃራዊ ሰላም መስፈኑን BBC ያነጋገራሸው የከተማዋ ነዋሪዎችና የሀገር ሽማግሌዎች ገለጹ።

የቢቢሲን ዘገባ ያንብቡ👇
https://telegra.ph/HM11-07-19

#SLM ከሲዳማ የክልልነት ጥያቄ ጋር በተያያዘ ባለው አለመረጋጋት 17 ሰዎች መገደላቸውን አውቃለሁ ሲል የሲዳማ አርነት ንቅናቄ አስታውቋል። በመንግስት በኩል እስካሁን ስለሟቾች ቁጥር ምንም ይፋ የተደረገ መረጃ የለም።

@tsegabwolde @tikvahethiopia

የመቐለ ከተማ ምክር ቤት አራተኛ ዘመን 25ኛ መደበኛ ጉባኤውን ለ2012 በጀት ዓመት የሚውል ከ2 ቢሊዮን 766 ሚሊዮን ብር በላይ በጀት በማጽደቅ ተጠናቋል።

@tsegabwolde @tikvahethiopia

#ይርጋለም

በይርጋለም ከተማ የክልሉ ገዢ ፓርቲ/ደኢህዴን/ ጽ/ቤት ኃላፊ የሆኑት አቶ ባጢሶ ባቲሶ በከተማው ከትናንት ማለዳ ጀምሮ አለመረጋጋት ተፈጥሮ እንደነበር አረጋግጠዋል። በዚህም አራዳ በሚባል አካባቢ የሰባት ግለሰቦች መኖሪያ ቤቶች፣ በሌላ ስፍራ ደግሞ ሦስት ቤቶች #መቃጠላቸውን፣ የዱቄት ፋብሪካ መቃጠሉን፣ የከንቲባውና የድርጅት ጽህፈት ቤቱ መኪኖች፣ የበጎ አድራጎት ድርጅት መኪና፣ የአረጋሽ ሎጅ ሦስት መኪኖች መቃጠላቸውን ተናግረዋል።

Via #BBC
@tsegabwolde @tikvahethiopia

ከላይ ያለውን የድምፅ ፋይል ይክፈቱት🔝

የአሜሪካ ድምፅ ራድዮ ዘገባ~የሲዳማ ዞን ከተሞች!

የሲዳማን ክልል እንሁን ጥያቄ ተከትሎ በዞኑ ከተሞች የተቀሰቀሰው ሁከት ዛሬም ቀጥሎ ውሏል፡፡ በሁከቱ እስከ አሁን የዘጠኝ ሰው ህይወት አልፋል፤ በርካቶች ቆስለዋል፤ ግምቱ ያልታወቀ ንብረት ወድሟል፡፡ የሁከቱ ሰለባ የሆኑ እንደሚናገሩት በአንዳንድ በሲዳማ ዞን ከተሞች ተቃውሞው ዛሬ መልኩን ቀይሮ ማንነትን በመለየት፣ የመኖሪያ ቤትና ንብረት ላይ ጥቃት ደርሷል፡፡ መንግሥት ተጨማሪ ኃይል በማስገባት ሰላማችንና ደኅንነታችንን ያረጋግጥ ሲሉ ጠይቀዋል፡፡ ትናንት በሀዋሳ ከተማ ሦስት ሰዎች መሞታቸው ይታወሳል፣ ዛሬ ሀዋሳ #የተረጋጋች መሆኑ ታውቋል፡፡

በሌላ በኩል ሲአን ዛሬ በሰጠው መግለጫ ከአስር በላይ ሰዎች በመልጋ ወረዳና አካቢው ሞተዋል ብለዋል፡፡ በግጭቱ ማዘናቸውን የገለፁት የክልሉ ርዕሰ መስተዳድር አቶ ሚሊዮን ማቲዎስ ህዝቡ #እንዲረጋጋ ጠይቀዋል፡፡ የክልሉ ፖሊስ ኮሚሽን በበኩሉ ችግሩን በቁጥጥር ሥር ለማዋል የፀጥታ ኃይል እየሰራ መሆኑን ገልጿል፡፡

Via #VOA
@tsegabwolde @tikvahethiopia