TIKVAH-ETH TIPS!

ከምግብ በኋላ #ማድረግ_የሌሉብን 5 ነገሮች፦

1- ሻይ መጠጣት

ምግብ እየበላንም ሆነ ከበላን በኋላ ወዲያው ሻይ መጠጣት የሚመከር አለመሆኑን የተለያዩ ጥናቶች በማሳየት ላይ ይገኛሉ፡፡ ምክኒያቱም ሻይ ውስጥ የሚገኘው ታኒክ አሲድ የተባለው ውህድ ሰውነታችን የምንመገበው ምግብ ውስጥ የሚገኘውን አይረን መጠቀም እንዳይችል
ያደርገዋል፡፡ ይህም የሰውነታችንን 85 በመቶ አይረን የመውሰድ አቅም ይቀንሰዋል፡፡ ስለዚህ እየበላን መጠጣት ሚኖርብን ከሆነ የምንመገበው ምግብ በተለየ መልኩ በ አይረን የበለፀገ መሆን ይኖርበታል፤ ወይንም ደግሞ እስከ 30 ደቂቃ የሚደርስ ፋታ ልንወስድ ይገባናል፡፡

2- መተኛት

ብዙዎቻችን ከተመገብን በኋላ አረፍ ማለትን እናዘወትራለን፡፡ ይሁንንና ይህ ተግባር አደገኛ ለሆነ ሁኔታ ሊያጋልጠን ይችላል ምክኒያቱም በምንተኛበት ወቅት ምግብ የሚፈጩት ኬሚካሎች በ መሬት ስበት ምከኒያት ወደ ላይኛው የሰውነታችን ክፍል ይሳባሉ ይህ አጋጣሚ አሲዳማ የሆነውን ውህድ ወደ መተንፈሻ አካላችን ሊወስደው በመቻሉ ሳቢያ ለከፍተኛ ቃር ያጋልጣል፡፡

3- ገላ መታጠብ

ምግብ እንደበላን ወደዚያውኑ ገላችንን መታጠብ የሰውነታችንን የመፍጨት ሂደት ያስተጓጉለዋል፡፡ ምክኒያቱም ደማችን እየተፈጨ ያለውን ምግብ ለተለያ የሰውነታችን ክፍል የማቀበል ስራውን ትቶ የሰውነታችንን የሙቀት መጠን ወደ መቆጣጠር የሚሸጋገር በመሆኑ ነው፡፡
ስለዚህ ጥናቶች ከበሉ በኋላ ቢያንስ እስከ 30 ደቂቃ ያህል መጠበቅ ይመከራል ይላሉ፡፡

4- ፍራፍሬ መመገብ

ምንም እንኳን ፍራፍሬ ለጤና እጅግ ጠቃሚ ቢሆንም ሳይንስ ከምግብ በፊት እንጂ ከምግብ በኀዋላ አትውሰዱ ይላል፡፡ ምክኒየቱም ከሌሎቸ ምግቦች አንፃር ፍራፍሬዎች በቀላሉ የሚፈጩ ስለሆኑ ከምግብ በኋላ ወዲያውኑ ከተወሰዱ የመፍጨት ሂደታቸው ከመስተጓጎሉ ጋር አንጀት ጋር መድረስ ባለባቸው ጊዜ መድረስ ያቅታቸዋል ይህ የተራዘመ ጉዞ እንዲመረዙ ከማረጉም በላይ አንጀታችን ውስጥ የሚገኘውን ምግብም የመመረዝ ዓቅም እንዲኖራቸው ያደርጋል፡፡

5- ቀዝቃዛ ውሃ መጠጣት (በረዶ)

ሰውነታችን ምግብ በቀላሉ ለመፍጨት የውሃ እገዛ የሚያስፈልገው ቢሆንም በረዶ ሲሆን ግን በተቃራኒው ስራውን ያስተጓጉልበታል ይህም የሆነበት ምክኒያት በቅዝቃዜው የተነሳ የምግቡን ይዘት ሊቀይረው በመቻሉ ነው፡፡ ስለዚህ መሀከለኛ ደረጃ ላይ ያለን ውሃ መጠጣት ይመከራል፡፡

ምንጭ፦ Information Science and Technology(በኢ.ፕ.ኤ የቀረበ)
@tsegabwolde @tikvahethiopia

ባሌ ዞን🔝የኢፌዴሪ ጠቅላይ ሚኒስትር ዶክተር #አብይ_አህመድ በባሌ ዞን ጉብኝት በማድረግ ላይ ናቸው። ጠቅላይ ሚኒስትሩ ከብሪታኒያ የቀድሞ ጠቅላይ ሚኒስር ቶኒ ቢሊየር ጋር በመሆን ነው በዞኑ በክላስተር የለሙ እርሻዎችን እየጎበኙ ያሉት።

ምንጭ፦ ፋና ብሮድካስቲንግ
@tsegabwolde @tikvahethiopia

ሀረር!

ከተሽከርካሪ ፍሰት ነፃ የሆነና የአካል ብቃት እንቅስቃሴ በሀረር ከተማ ተካሄደ። የክልሉ ጤና ጥበቃ ቢሮ ከጤና ጥበቃ ሚኒስቴር ጋር በመተባበር በተዘጋጀው በዚሁ ዝግጅት ላይ የክልሉ ከፍተኛ አመራሮችና የተለያዩ የህብረሰብ ክፍሎች የተሳተፉበት ነበር።

በሀረር ከተማ ከራስ ሆቴል እስከ ስላሴ ቤተክርስቲያን አደባባይ ድረስ ለተሽከርካሪ ፍሰት ዝግ በማድረግ ሰዎች በእግር እንዲጎዙና ስፖርታዊ እንቅስቃሴ እንዲያደርጉ የተመቻቸ ሲሆን ተሳታፊዎችም ተላላፊ ካልሆኑ ካበሽታዎች መካከል ስኳርና የደም ግፊትን የነፃ ምርመራ እንዲያደርጉ ተደርጓል።

"የአካል ብቃት እንቅስቃሴ በማድረግ ተላላፊ ያልሆኑ በሽታዎችን በጋራ እንከላከል ጤናማ የአኗኗር ዘይቤ ለጤናማ ህይወት " በሚል መሪ ቃል በተካሄደው በዚሁ ከተሽከርካሪ ፍሰት ነፃ እንቅስቃሴ ላይ የሀረሪ ክልል ጤና ጥበቃ ቢሮ ኃላፊ አቶ ኢብሳ ኢብራሂም በዚሁ ወቅት እንደተናገሩት ዘወትር የአካል ብቃት እንቅስቃሴዎችን በማድረግ ጤና የአኗኗር ዘይቤን በመከተል ተላላፊ ካልሆኑ በሽታዎች እራሳችንን ልንጠበቅ ይገባል ሲሉ መልዕክት አስተላልፈዋል።

ለመጀመሪያ ጊዜ በተካሄደው ከተሽከርካሪ ፍሰት ነፃ በሆነው የእግር ጉዞና ስፖርታዊ እንቅስቃሴ ዝግጅት ላይ የተሳተፉ በሰጡት አሰተያየት በጋራ ስፖርታዊ እንቅስቃሴና የእግር ጉዞ በማድረጋቸው እንዲሁም የጤናቸውን ሁኔታ ለማወቅ በመቻላቸው ደስተኛ መሆናቸውንና በቀጣይም በወሩ መጨረሻ በሚካሄደው ተመሳሳይ ዝግጅት ላይ ለመሳተፍ ቁርጠኛ ስለመሆናቸው ተናግረዋል።

ምንጭ፦ ተሾመ ሀይሉ(ሀረር TIKVAH-ETH)
@tsegabwolde @tikvahethiopia

ጊነር ወረዳ🔝ጠ/ሚር ዶ/ር ዐቢይ አሕመድ: ከእንግሊዝ የቀድሞ ጠ/ሚር ቶኒ ብሌር: ጋር በመሆን በኦሮሚያ ክልል ጊኒር ወረዳ አርዳ ቀብሶ ቀበሌ በ2350 ሄክታር መሬት ላይ በ133 ክላስተሮች የዱረም ስንዴ የሚያመርቱ ገበሬዎችን ጎበኙ።

#PMOEthiopia
@tsegabwolde @tikvahethiopia

አልበርከቴ‼️

የገቢዎች ሚኒስቴር ጉምሩክ አልበረከቴ በምትባል ከተማ ላይ 56 #ሽጉጦችን እንዲሁም ቶጎ ውጫሌ ላይ ደግሞ 64 ሺ ዶላር እና 300 ሞባይል መያዙን ተናግሯል፡፡ ሲያዘዋውሩ የተገኙ ግለሰቦችም በቁጥጥር ሥር መዋላቸው ተሰምቷል፡፡

የቁጥጥር ሥራውን በተጠናከረ መልኩ እያደረገ ያለው የሚኒስቴር መስሪያ ቤቱ ጉምሩክ ክፍል ከሕብረተሰቡ በሚደርሱት ጥቆማዎችና ሰራተኞቹ ሥራቸውን በአግባቡ እያከናወኑ በመሆናቸው በፊት በቀላሉ ያልፉ የነበሩ ሕገወጥ ቁሶችን እየያዘ እንደሆነ የኮምዩኒኬሽን ዳይሬክተሩ አቶ #አዲሱ_ይርጋ ለሸገር ራድዮ ተናግረዋል፡፡

እነዚህ ከሕገወጦች የተወረሱ ገንዘቦችና ቁሶች በብሄራዊ ባንክ በኩል ለመንግሥት ገቢ እንደሚሆኑና በቅርብ ጊዜ ውስጥ ለሕዝብ ከነማስረጃው ይፋ ይሆናል ሲሉ አቶ አዲሱ ለሸገር ገልፀዋል፡፡

ምንጭ፦ ሸገር 102.1
@tsegabwolde @tikvahethiopia

ከአርባ ምንጭ ዩኒቨርሲቲ🔝

"ፀጋ እኛ በአርባምንጭ ዩኒቨርሲቲ የproduction engineering ተማሪዎች ባለፈው የነበረብን ችግር ተቀርፎልናል። ስለዚህ ድፓርትመንቱን በ ድግሪ ደረጃ በአርባምንጭ ዩኒቨርሲቲ እንደሚሰጥ ለማስተዋወቅ የተመረጡ መምህራን እና ተማሪዎች ወደ ተለያዩ የሀገራችን ፋብሪካዎች አምርተዋል። ስለዚህ አሁን ከሚገባው በላይ ደስተኛ ነኝ። ይህ የምታየው ፎቶ የተወከሉት ሰዎች የሚሄዱበት ሀገር እና production engineer ምን መስራት እንደሚችል ነው።"

@tsegabwolde @tikvahethiopia

ከባህር ዳር🔝

"በባህርዳር ከፍተኛ የቤንዚን እጥረት አለ። ከጠዋት ጀምሮ የነበረ ሰልፍ ከዋና መንገድ አልፎ ሰፈር ውስጥ ደርሷል። ይህ ነገር ተደጋጋሚነቱ በዝቷል! ጃፒ ከባህር ዳር"

@tsegabwolde @tikvahethiopia

ጎንደር🔝

በጎንደር ከተማ እየተካሄደ ባለው #የሰላም_መድረክ የአማራ ክልል ሰላም ደህንነት ቢሮ ኃላፊ ጄነራል #አሳምነው_ጽጌ ለተነሱ ጥያቄዎች ምላሽ ሰጥተዋል፡፡

ጄኔራሉ ‹‹ከየትኛውም ወገን ያሉ አጥፊዎች #ዘርን_ሳያማክል በህግ ተጠያቂ እንዲሆኑ ይደረጋል፡፡›› ቅማንት እና አማራን ሽፋን አድርጎ ግጭትን ሲያነሳሳ የነበረ ማንኛውም አካልም ስርዓት እንዲይዝ ይደረጋል ብለዋል፡፡

ለችግሩ ዘላቂ መፍትሄ የሚሰጠው ህዝብ፤ አጥፊዎችን በመለየትና በማጋለጥ አንድነቱን ማጠናከር እንጂ መፍትሄውን ከሌላ አካል መሻት የለበትም ነው ያሉት፡፡

የአካባቢውን ሰላም የሚጠብቀው ህብረተሰቡ መሆኑን በመገንዝብ ይህን ተግባራዊ ማድረግ እንደሚገባ ወጣቶች እና አርሶ አደሮችም ሰላምና አካባቢውን ለመጠበቅ የሚያስችል አቅም እንዲያገኙ የክልሉ ሰላም ደህንነት ቢሮ ይሰራል፡፡

የተከሰቱ ግጭቶች በሰላማዊ መንገድ ይፈታሉ፡፡ ነገር ግን በየጊዜው ለሚፈጠሩ የብጥብጥ አጀንዳዎች መጠቀሚያ ላለመሆን ነቅቶ እና እየተናበቡ መንቀሳቀስ ይገባል ነው ያሉት ብርጋዴር ጄኔራል አሳምነው ጽጌ፡፡

ውይይቱም በዕለቱ ምክክር ላይ የተነሱ ሀሳቦችን የሚያጠናክሩ ባለሰባት ነጥብ የአቋም መግለጫዎችን በማውጣት ተጠናቋል፡፡

ምንጭ፦ አብመድ
@tsegabwolde @tikvahethiopia