#ዮናታን_ቢቲ_ፈርኒቸር
Yonatan BT Furniture

በዓሉን ምክንያት በማድረግ በቤት እቃዎቻችን ላይ ከ10 እስከ 25% ቅናሽ ማድረጋችንን ስንገልጽ በታላቅ ደስታ ነው! 🌼🌼 ይምጡ እና ይጎብኙን በዕቃዎቻችን ጥራትና ጥንካሬ ይደመማሉ!

የውበት እና የጥራት ዳር ድንበር ዮናታን ቢቲ ፈርኒቸር!

አድራሻችን፦
1.ዊንጌት አደባባዩን ተሻግሮ: +251995272727
2.ፒያሳ እሪ በከንቱ : +251957868686
3.ሲ ኤም ሲ አደባባዩን አለፍ ብሎ: +251993828282

👉 Telegram:  https://t.iss.one/yonatanbt_furniture
👉 Facebook:  https://www.facebook.com/profile.php?id=100087238034736
👉 Instagram: https://www.instagram.com/yonatanbtfurniture/
👉 TikTok: https://www.tiktok.com/@yonatanbtfurniture

#Oromia : በኦሮሚያ ክልል የሰሜን ሸዋ ዞን ነዋሪዎች ባለፉት ሦስት ሳምንታት ልጆቻቸውን ቀንበር አሸክመው እና በማኅብረሰቡ ክብር ያላቸውን ዕቃዎች ይዞ ባልተለመደ ሁኔታ አደባባይ ወጥቷል።

ከዞኑ የተለያዩ አካባቢዎች የተወጣጡ ነዋሪዎች አደባባይ የወጡት ከአቅማቸው በላይ ለሆነ ችግሮች ፈጣሪ መፍትሄ እንዲሰጣቸው ለመማጸን መሆኑን በዚህ ሥነ ሥርዓት ላይ ተሳታፊ የነበሩ እና ያስተባበሩ ሰዎች ተናግረዋል።

ይህ ለዋና ከተማዋ አዲስ አበባ ቅርብ የሆነው እና በግብርና እንዲሁም በወተት ምርቱ ይታወቅ የነበረው አካባቢ ሰላም ርቆት ነዋሪዎች በሰላም ወጥተው መግባት፣ አርሶ መሰብሰብ፣ መገበያየት እና ልጆቻቸውን ትምህር ቤት መላክ ካቃታቸው ዓመታት ማለፋቸውን ነዋሪዎቹ ተናግረዋል።

በዚህ ምክንያት ላለፉት ሁለት ተከታታይ የሳምንቱ የመጨረሻ ቀናት በአካባቢው ባሕል መሠረት ነዋሪዎች " ማለቂያ የሌለው ሰቆቃ " እንዲያበቃ ልጆቻቸው እና በሬዎቻቸው ላይ ሞፈር ጠምደው እንዲሁም የክብር የሆኑ መገልገያዎቻቸውን ይዘው በመውጣት ፈጣሪያቸውን ተማጽነዋል።

በዞኑ የሚገኙት ፦
- ኩዩ፣
- ደገም፣
- ሂዳቡ አቦቴ፣
- ወረ ጃርሶ፣
- ግራር ጃርሶ፣
- ደራ እና ያያ ጉለሌ ወረዳዎች የኦሮሞ ነጻነት ሠራዊት ታጣቂዎች ከሚንቀሳቀስባቸው አካባቢዎች ተጠቃሽ መሆናቸው ይነገራል።

በታጣቂዎች እንቅስቃሴና መንግሥት በሚወስዳቸው እርምጃዎች ምክንያት የሰሜን ሸዋ ዞን አካባቢዎች ሰላም ከራቃቸው ዓመታት አልፈዋል።

በዞኑ የሰላማዊ ሰዎች ግድያ ፣ ዘረፋ ፣ መፈናቀል እና እገታ ነዋሪውን ዕለት ከዕለት እየረበሸው የሚገኝ ጉዳይ ሆኗል።

Credit - BBC AMAHARIC

@tikvahethiopia

#Omo

የኦሞ ወንዝ ሙላት ከቁጥጥር ውጭ መሆኑን ተከትሎ የአካባቢው አርሶአደር በ4ቱም አቅጣጫ ንብረቱን ጥሎ መሸሽ ላይ ነው።

ችግሩ እንደሚከሰት ታውቆ በርካታ ስራ ሲሰራ ቢቆይም የኦሞ ወንዝ መጠን ከተለመደውና ከታሰበው ውጭ መሆኑን ተከትሎ ግን ለዞኑ መንግስትም ሆነ ለግብረሰናይ ድርጅቶች ሁኔታው ከባድ ሆኖባቸዋል።

የወንዙ ሙላት ከባድ መሆኑን በመግለጽ አሁን ላይ አርብቶ አደሩን በአራት ጊዜያዊ መጠለያ እንዳስቀመጡትና ከፍተኛ ድጋፍ እንደሚያሻዉ የደቡብ ኦሞ ዞን ዋና አስተዳዳሪ አቶ ማዕከል ማልኮ ገልጸው " በአሁኑ ወቅት የውሃው መጠን ከተለመደው ውጪ እየጨመረና ሰፊ ቦታ እየያዘ ከመምጣቱ የተነሳ ለኦሞራቴ ከተማ ማህበረሰብ እንደሚያሰጋ " ተናግረዋል ።

ችግሩ እየባሰ የመጣው የውሃውን አቅጣጫ የማስቀየርና የማፍሰስ ስራዎች በኢንቨስተሮች እርሻ ላይ አሉታዊ ተጽእኖ እያስከተለ ነው በሚል በጅምር በመቆሙ መሆኑን የሚያነሱት የአካባቢዉ ነዋሪዎች በበኩላቸው ችግሩ በየአመቱ የሚፈጠር በመሆኑ ኑሯቸውን አስቸጋሪ እንዳደረገዉ ይገልጻሉ።

በመሆኑም አሁን ላይ ማህበረሰቡ ቤቱ እየተዋጠበት ከብቱ እየሞተበትና የሚቀምሰውም በመጥፋቱ ተስፋ በመቁረጥ አካባቢውን ጥሎ መሸሽ መጀመሩ ተሰምቷል።

ከ2012 ዓ.ም ጀምሮ ከኦሞ ወንዝ ሙላት ጋር ተያይዞ በአከባቢው በተደጋጋሚ የጎርፍ መጥለቅለቅ አደጋ ሲከሰት እንደነበር የገለጹት የዳሰነች ወረዳ ዋና አስተዳዳሪ አቶ ታደለ ሀቴ በበኩላቸው አምና ከ79 ሺህ በላይ አርብቶ አደሮች በወንዙ ሙላት መጥለቅለቅ ከመኖሪያ ቀዬአቸው መፈናቀላቸውን ይናገራሉ።

እነዚህ አርብቶ አደሮች እስከ ዛሬ በጊዜያዊ ማቆያ ስፍራ እንዲቆዩ የተደረገ መሆኑን የሚገልጹት አቶ ታደለ ለእርሻ ስራ በሚል ወደ ቀድሞ ቀያቸው በተመለሱት ላይ አሁንም ጉዳት መድረሱን ገልጸዋል ።

አሁን ላይ ወንዙ መደበኛ የፍሰት አቅጣጫውን በመልቀቅ የጉዳት መጠኑን አስፍቶና አርብቶ አደሩን አፈናቅሎ ለማህበራዊ ችግር እየዳረገ ሲሆን በኢፌዴሪ ውሃና ኢነሪጂ ሚኒስቴር አማካኝነት ችግሩን ለመቅረፍ የተጀመረው የመከላከያ ፕሮጀክት መፍትሄ ያመጣል ቢባልም ሊጠናቀቅ አልቻለም።

በዚህ ምክኒያትም አሁን ላይ በ33 ቀበሌዎች የነበሩ መሠረተ ልማቶች ትምህርት ቤቶች ጤና ኬላዎችና መኖሪያ ቤቶች በውሃ ሊከበቡና ነዋሪው ለከፋ ችግር ይጋለጥ ዘንድ ምክኒያት ሆኗል።

#TikvahEthiopiaFamilyHW

@tikvahethiopia

#Ethiopia

“ አዋጅ ተጥሶ ነው ጋዜጠኞቹ እስር ቤት እንዲገቡ የተደረገው ” - ማኀበሩ

የኢትዮጵያ መገናኛ ብዙኃን ባለሙያዎች ማኀበር በአዲስ አበባ ከተማ በእስር ላይ የሚገኙ ጋዜጠኞች ከእስር እንዲለቀቁ ጠይቋል፡፡

ቲክቫህ ኢትዮጵያም፣ ስንት ጋዜጠኞች በእስር ላይ ይገኛሉ? ስለታሰሩ ጋዜጠኞች የፍርድ ሂደቱ በአዋጁ መሠረት ምን መሆን ነበረበት/አለበት? ከአዲስ አበባ ከተማ ውጪ የታሰሩ ጋዜጠኞች አሉ? ጋዜጠኝነት ላይ የሚስተዋለውን ጫና ምን ይመስላል? ሲል ማኀበሩን ጠይቋል፡፡

የማኀበሩ ፕሬዚደንት እታገኘሁ መኮንን ምን ምላሽ ሰጡ ?

“ በአዲስ አበባ በእስር ላይ ያገኘናቸው በቃሊቲ ሁለት ሴቶችን ፣ በቂሊንጦ ደግሞ አራት ወንዶችን ነው፡፡ ከታሰሩ ሁለት ዓመት አልፏቸዋል፡፡ ሁለት አመት ከ4 ወራት አካባቢ ሆኗቸዋል፡፡

ከአዲስ አበባ ውጪ ጋዜጠኞች ታስረው እንደሆን አጣርተናል፡፡ ግን ለጊዜው በቂ መረጃም አላገኘንም፡፡ ወደ ፊት የምናየው ይሆናል፡፡

የመገናኛ ብዙኃን አዋጁ፣ ጋዜጠኛ ሚዲያ ላይ በሰራው ሥራ ጥፋተኛ ተብሎ የሚጠየቅ ከሆነ ጉዳዩን ከማረሚያ ቤት ውጭ ሆኖ እንዲከታተል ይፈቅዳል፡፡

ነገር ግን ይሄ አዋጅ ተጥሶ ነው ጋዜጠኞቹ እስር ቤት እንዲገቡ የተደረገው፡፡ ከሁለት አመት በላይ በማረሚያ ቤት እንዲቀመጡ የተደረገው፡፡ ስለዚህ በመጀመሪያ ደረጃም መያዛቸውና መታሰራቸው አግባብ አይደለም፡፡

ያም ከሆነ በኋላ ደግሞ ፍርድ ቤት (ለምሳሌ የጋዜጠኛ የዳዊት በጋሻውን ጉዳይ ብናነሳ በዋስትና እንዲወጣ ከተፈቀደለት በኋላ ነው በድጋሚ በሽብርተኝነት ክስ ስለሚከሰስ ተብሎ ዋስትናው ውድቅ ተደርጎ እዚያው እንዲቆይ የተደገው፡፡)

የሎሌቹም ተመሳሳይ ኬዝ ነው፡፡በሚዲያ ላይ በሰሩት ሥራ በጋዜጠኝነታቸው ተይዘው በኋላ ላይ ሌሎች ክሶች እየቀረቡ ነው፡፡ ለእሱም እካሁን ማስረጃ ሳይቀርብ ነው ፍርድ ቤት እየተመላለሱ ያሉት፡፡

እነርሱም ያነሱት ቅሬታ ይሄው ነው፡፡ ሚዲያ በሚሰራው ሥራ ሲጠየቅ ፅሑፉ ማስረጃው ነውና የሚደበቅ ማስረጃ አይኖርም፡፡ ስለዚህ ጉዳያቸውን ከእስር ቤት ውጭ ሆነው መካታተል ይችሉ ነበር፡፡

ሌላኛው ቅሬታቸው፣ 'ፍርድ ቤት ያለ አግባብ እየተመላለስን ነው፤ በሽብርተኝነት ክስ ተከሰዋል ማስረጃ አቀርባለሁ ብሏል መንግስት ግን እየቀረበ አይደለም በዚህ ምክንያት እየተጉላላን ነው' የሚል ነው፡፡

የእኛም (የማኀበሩ) አቋምም ይሄው ነው፡፡ ይሄ መብት መከበር አለበት። ለጋዜጠኝነት የሚዲያ ነጻነት አለማግኘት፣ የጋዜጠኞች እስር፣ መሰደድ፣ አጠቃላይ የፖለቲካው አሉታዊ ተፅዕኖ ሚዲያው ላይ ትልቅ ጉዳት እያስከተለ ነው።

ነጻ ሚዲያ እንዲኖር፣ ሚዲያው ከፖለቲካ አተያይ ነጻ በሆነ መንገድ እንዲዳይ ነው የምንጠይቀው ” ብለዋል።

#TikvahEthiopiaFamilyAA

@tikvahethiopia

" የሃሳብ ልዩነቱ ወደ ግጭት አያመራም " - አቶ ጌታቸው ረዳ

ዓመታዊው የ2016 ዓ/ም የአሸንዳ በዓል ዛሬ ነሃሴ 16/2016 ዓ/ም በመላ ትግራይ መከበር ጀምሯል።

በዓሉ እስከ ነሃሴ 24/2016 ዓ.ም አንደሚቀጥል የወጣው መርሃ ግብር ያመለክታል።

በሌላ በኩል ፕሬዜዳንት ጌታቸው በ2 ነጥብ 1 ቢሊዮን ብር የተገነባ የ10.2 ኪሎ ሜትር  የአስፋልት መንገድ ሲመርቁ ፤ የአሸንዳ አደባባይ ግንባታ መሰረተ ድንጋይ አስቀምጠዋል።

በያዝነው ሳምንት መጀመሪያ ዳግም የህወሓት ሊቀመንበር ሆነው ተመርጠዋል የተባሉት ደብረፅዮን ገ/ሚካኤል (ዶ/ር ) በተምቤን በመገኘት የቀለም ፋብሪካ ግንባታ የመሰረተ ድንጋይ አኑረዋል።

በመቐለ ትንሹ ስታድዮም በተከናወነው ይፋዊ የአሸንዳ ስነ-ሰርዓት ተገኝተው ፥ የእንኳን አደረሳችሁ መልእክት ያስተላለፉት አቶ ጌታቸው ረዳ " የተፈጠረው የሃሳብ ልዩነት ወደ ግጭት አይሸጋገርም "በማለት ታዳሚውን አረጋግተዋል።  

ዓመታዊ የአሸንዳ የሴት ልጃገረዶች በዓል በሽረ-እንዳስላሰ ፣ በአክሱም ፣ በዓድዋ ፣ በዓዲግራት ፣ በተምቤን ፣ በመቐለ ፣ በማይጨውና በሌሎች ከተሞች በድምቀት መከበር ጀምሯል።

#TikvahEthiopia

@tikvahethiopia