“ ድርጊቱ ተፈጽሟል። ድርጊቱ የተፈጸመባቸው ግን የኛ አባላት አይደሉም ” - የአማራ ክልል የሰላም ካውንስል

የኃይማኖት አባቶች፣ ትልልቅ እናቶች፣ በእድሜ የበሰሉ አባቶች በጉልበታቸው ተንበርክከው እንዲሄዱ እንደተገደዱ የሚያሳይ ቪዲዮ በማኀበራዊ ሚዲያ ሲሰራጭ ተስተውሏል።

ተንበርክከው እንዲሄዱ የተገደዱትም ሰዎችም በቅርቡ የተቋቋመው “ የአማራ ክልል የሰላም ካውንስል አባላት ” እንደሆኑ ተደርጎ ነው በማኀበራዊ ሚዲያው ወሬው የተራወጠው።

ድርጊቱን ፈጻሚዎቹ፣ “ የ‘ፋኖ’ ታጣቂዎች ናቸው ” የተባለ ሲሆን፣ ድርጊቱ የተፈጸመበት ቦታ ደግሞ በጎጃም መሆኑ ተመላክቷል።

ይህንኑ ቪዲዮ የተመለከቱ ሰዎችም፣ በእናቶችና በኃይማኖት አባቶች ላይ በተፈጸመው ድርጊት ብስጭትና በሀዘን የተቀላቀለበት አስተያየት እየሰጡ ናቸው።

የአማራ ክልል የሰላም ካውንስል ስለጉዳዩ ምን አለ ?

ድርጊቱ ሲፈጸምባቸው የተስተዋሉት እንደተባለው እውነትም አባሎቻችሁ ናቸው ? ሲል ቲክቫህ ኢትዮጵያ የጠየቀው የአማራ ክልል የሰላም ካውንስል፣ “ ድርጊቱ ተፈጽሟል። ድርጊቱ የተፈጸመባቸው ግን የኛ አባላት አይደሉም ” የሚል ምላሽ ሰጥቷል።

“ የካውንስሉ ሰዎች አይደሉም ” ያሉት  የካውንስሉ የህዝብ ግንኙነት አቶ እያቸው ተሻለ፣ “ ሲጀመር ደቡብ ሜጫ ላይ ነው ድርጊቱ የተፈጸመው " ብለዋል።

“ ደቡብ ሜጫ ደግሞ በ ‘ፋኖ’ እጅ ስላለ፣ ገና በቀጣይ ከፋኖ ጋር ተነጋግረን ነው ካውንስል ልናቋቁም እያስብን ነበር እንጂ የሰላም ካውንስል አልተቋቋመም እዛ ቦታ ” ነው ያሉት።

“ ስለዚህ ባለን መረጃ የሆነ የጤና ፓኬጅ NGO ውስጥ ያለ ተቋም ስብሰብ ጠርቷቸው እንደነበር ነው። እንጅ ገና ካውንስል እዛ ወረዳ አልተቋቋመም። እኛም አልጠራንም የኛ አባልም አይደሉም ” ነው ያሉት።

“ ቪዲዮውን ለሌላ ሽፋን ነው የተጠቀሙት፤ እንደተሳሳቱ ስላወቁት ነው ‘የሰላም ካውንስሉ’ ያሉት እንጂ አልተቋቋመም ሲጀመር ገና ከ ‘ፋኖ’ ጋር ተነጋግረን ነው በቀጣይ ልናቋቁም ያሰብነው ” ሲሉ ተናግረዋል።

የተሰራጨው ቪዲዮ የሰዎችን ማንነት በግልጽ ያሳያል ቪዲዮውን አይታችሁት ነበር ? ሲል ቲክቫህ ላቀረበው ጥያቄ አቶ እያቸው፣ “ አይቸዋለሁ። ግን የኛ አባል አይደሉም ” የሚል ምላሽ ነው የሰጡት።

ቲክቫህ ኢትዮጵያም፤ ድርጊቱ የተፈጸመባቸው ሰዎች እነማን እንደሆኑስ ካውንስሉ ያውቃል? የሚል ጥያቄ አቅርቧል።

አቶ እያቸው በሰጡት ምላሽ፣ " አያውቅም። እነርሱ ራሳቸው ፋኖዎቹ ምላሽ ይስጡበት። እኛ አናውቅም እነማን እንደሆኑ " ነው ያሉት።

በሌላ በኩል ፥ አማራ ክልል በሰጠው መግለጫ በቪድዮ የሚታዩት የሰሜን ጎጃም ዞን፣ በደቡብ ሜጫ ወረዳ ልዩ ስሙ ገርጨጭ በሚባል አካባቢ ነዋሪ ናቸው ብሏል።

ለተለያዩ ስራዎች ባህር ዳር ከተማ ደርሰው ሲመለሱ ' የሰላም ኮሚቴ አባላት ለመሆን ነው ' በሚል ምክንያት መያዛቸውን ፣ በእንብርክክ እንዲሄዱ መደረጋቸውን፣ እከተያዙት ውስጥም የተገደሉ እንዳሉ አመልክቷል።

ከተገደሉት ውስጥ የወረዳ ቤተ ክህነት ስራ አስኪያጁ መርጌታ ግሩም፣ የሀገር ሽማግሌ አቶ አዘነ አድማሱ፣ የሀገር ሽማግሌ አቶ አስማማው አቤ፣ ወ/ሮ የኔአየሁ ዳኛው የተባሉ የከተማው ነዋሪ ይገኙባቸዋል ብሏል።

ሌሎች 13 አሁንም በእስር ላይ ይገኛሉ ብሏል።

#TikvahEthiopiaFamilyAA

@tikvahethiopia

#TPLF

የህወሓት / TPLF ማእከላዊ የቁጥጥር ኮሚሽን ይካሄዳል ከተባለው ድርጅታዊ ጉባኤ ራሱን አገለለ።

ማእከላዊ የቁጥጥር ኮሚሽኑሀምሌ 17/2016 ዓ.ም ይካሄዳል ተብሎ ከሚጠበቀው ጉባኤ ራሱን ስለማገለሉ የሚመለከት ይፋዊ መግለጫ አውጥቷል።

ድርጅቱ በቀጣይ ትግል ይስተካከላል በሚል ከማእከላዊ ኮሚቴ ፣ ከቁጥጥር ኮሚሽን ፣ ከአባላት የተውጣጣ 9 አባላት ያሉት የጉባኤ አዘጋጅ ኮሚቴ ተቋቁሞ እንደነበር አመልክቷል።

ይሁን እንጂ የድርጅቱ ማእከላዊ ኮሚቴና የቁጥጥር ኮሚሽን ባካሄዱት ግልፅ መግባባት ስራቸው ቢጀምሩም ከተቀመጠው የጋራ አሰራር ውጪ ኢ-ዴሞክራሲያዊ የሆነ አሰራር መስፈቱን ችግሩ እርማት እንዲወሰድበት የቀረበውም ጥያቄ ተቀባይነትና ሰሚ እንዳላገኘ ጠቁሟል።

" የህወሓት 14ኛው ጉባኤ ዝግጅት ሂደት የበላይነት አለኝ በሚል ሃይል ተጠልፎ ወደ አደገኛ ሁኔታ እያመራ ነው " ያለው ኮሚሽኑ ግልፅነትና ዴሞክራሲያውነት የጎደለው አካሄድ የሚያስከትለው አደገኛ መዘዝ በመረዳት ኮሚሽኑ ከጉባኤው ራሱ ማግለሉም አሳውቋል።

በዚሁ መሰረት ፦

1ኛ. በጉባኤው ዝግጅት እንዲሳተፉ የተወከሉ የቁጥጥር ኮሚሽን አባላት ከዝግጅት አባልነታቸው እንዲነሱ መደረጉን አመልክቷል።

2ኛ. የቁጥጥር ኮሚሽኑ አካሄድ ወደ ጎን በመተው አደገኛ አካሄድ በመከተል ጉባኤ አካሂዳለሁ የሚለው ሃይል ወደ ሙሉ መተማመን እስኪደረስ ድረስ ማእከላዊ ኮሚቴ ሃላፍነት ወስዶ ከድርጊቱ እንዲያቆመው ማእከላዊ የቁጥጥር ኮሚሽን በጥብቅ አስጠንቅቋል።

3ኛ. ማእከላዊ የቁጥጥር ኮሚሽኑ የሚያቀርበው ጥያቄና አቋም ወደ ጎን በመተው የጉባኤው ዝግጅት ከቀጠለ በዚሁ ሂደት ለሚከተለው ማንኛውም አደጋ ሃላፊነት የሚወስደው ራሱ ጉባኤ አካሂዳሎህ የሚለው አመራር መሆኑን ሊታወቅ ይገባል ብሏል።

ትላንትና የህወሓት የቁጥጥር ኮሚሽን " ህወሓት በሁለት ኔትወርክ ተከፍሎ እየታመሰ ነው " ማለቱ ይታወሳል።

#TikvahEthiopiaFamliyMK

@tikvahethiopia            

#TPLF

ህወሓት ለማዘጋጀት ያቀደው ጉባኤ አዘጋጅ ኮሚቴ ምክትል ሰብሳቢ ራሳቸው ከሃላፊነታቸው አገለሉ።

የኮሚቴው ም/ሰብሳቢ ተስፋይ ገ/እግዚአብሔር ለህወሓት ጉባኤ አዘጋጅ ኮሚቴ በጻፉት ደብዳቤ ከሃላፊነት ራሳቸው ስለማግለላቸው አሳውቀዋል።

" በኮሚቴው ስራ ውስጥ የሚታዩ ጣልቃ የመግባት ፣ ከፕሮግራም ውጪ ስብሰባ መጥራት፣ ውሳኔዎችን መጠምዘዝ የመሳሳሉ ተግባራት እንዲታረሙ ለመስራት ብሞክርም  አልተሳካም " ብለዋል።

" የምታገልበት ድርጅት ዴሞክራሲያዊ ፣ ግልፅና አሳታፊ መሆኑ አምናለሁ " ያሉት ምክትል ሰብሳቢው " ሆኖም በኮሚቴው ስራ ውስጥ ልቋቋማቸው የማልችላቸው አካሄዶች እየታዘብኩ ነው " ሲሉ አብራርተዋል።

" ይህንን ስርዓት የለሽ አካሄድ ከእምነቴ ፣ ከትግል አቋሜና ከሞራሌ የማይሄድ በመሆኑ ከሀምሌ 13/2016 ዓ.ም ጀምሮ ከሃላፊነቴና ከኮሚቴ አባልነቴ አግልያሎህ " ብለዋል።

" የድርጅቱ አባልና አመራር ግልፅ እንዲሆንለት እስካሁን የገጠሙኝ እንቅፋቶችና ንቀት በመደበኛ ሚድያ ይፋ አደርጋለሁ " ብለዋል።

አቶ ተስፋይ የትግራይ ልማት ማህበር ስራ አስፈፃሚም ናቸው።

@tikvahethiopia            

ወጋገን ባንክ “እፎይታ” የተሰኘ የዲጂታል ብድር አገልግሎት መስጠት መጀመሩን አስታወቀ።

ወጋገን ባንክ ከክፍያ ፋይናንሻል ቴክኖሎጂ ጋር በመተባበር  “እፎይታ” የተሰኘ የዲጂታል ብድር አገልግሎት መስጠት መጀመሩን አስታውቋል።

በኢትዮጵያ ወደ 3.2 ሚሊዮን የሚጠጉ አስተኛ እንዲሁም 7.8 ሚሊዮን ጥቃቅን የንግድ ዘርፍ ላይ የተሰማሩ ዜጎችን የስራ ማስኬጃ ካፒታል እጥረት ያጋጥማቸዋል።

ይህ የዲጂታል ብድር አገልግሎትም በዋናነት በጥቃቅን አነስተኛ እና መካከለኛ የንግድ ስራ ላይ ለተሰማሩ ነጋዴዎች የንግድ ማስፋፊያ እና የስራ ማስኬጃ ካፒታል ለማሟላት ያለመ ነው ተብሏል።

በተለንም በገንዘብ እጥረት ምክንያት ሥራ መጀመር ተስኗቸው በዝቅተኛ የኑሮ ደረጃ ውስጥ ለሚገኙ በርካታ ሴቶች ፋይናንስ በማቅረብ እራሳቸውን እንዲችሉ ትልቅ እድል እንደሚፈጥር ታምኖበታል።

አገልግሎቱን ለመጠቀም ደንበኞች ማንነታቸውን የሚገልፅ መረጃ በማሟላት በባንኩ ሂሳብ መክፈት እንዲሁም የእፎይታ ብድር አገልግሎት የሞባይል መተግበሪያን ከፕሌይስቶር በማውረድ የብድር ጥያቄያቸውን በማቅረብ የአገልግሎቱ ተጠቃሚ መሆን ይችላሉ።

#ወጋገን_ባንክ

ዮናታን ቢቲ ፈርኒቸር
Yonatan BT Furniture

አሁኑኑ ወደ መሸጫ መአከሎቻችን ይምጡ! በግብይትዎ ተደስተው ይመለሳሉ! የውበት እና የጥራት ዳር ድንበር!

አድራሻችን፦
1. ዊንጌት አደባባዩን ተሻግሮ: +251 995 27 2727
2. ፒያሳ እሪ በከንቱ : +251 957 86 8686
3. ሲ ኤም ሲ አደባባዩን አለፍ ብሎ: +251 993 82 8282

👉 Telegram:  https://t.iss.one/yonatanbt_furniture
👉 Instagram: https://www.instagram.com/yonatanbtfurniture/
👉 Facebook:  https://www.facebook.com/profile.php?id=100087238034736
👉 TikTok: https://www.tiktok.com/@yonatanbtfurniture