#EOTC

" ሀገራችን ሰላም ትሁን፤ የሃይማኖት ሰዎች እንደ ሃይማኖት እናስብ፣ እንደ ሃይማኖት እንናገር፣ አላስፈላጊ ጀግንነትን እንርሳው " - ብፁዕነታቸው

ብፁዕ አቡነ አብርሃም የጠቅላይ ቤተ ክህነት ዋና ሥራ አስኪያጅ ምን አሉ ?

- የማይደፈር ሲደፈር አይተናል፤ ቤተክርስቲያን ስትደፈር ዝም አንልም።

- " ፖለቲካው የፖለቲካው መስመር ሲደፈር ዝም እንደማይል ሁሉ እኔም ደግሞ የመጀመሪያዋም የመጨረሻዋም ህይወቴም ማንነቴም ክብሬም ቤተክርስቲያኔ ስለሆናች እሷ ስትደፈር ዝም አልልም። እናገራለሁ፤ የመጣውን በፀጋ ለመቀበል ዝግጁ ነኝ "

- ከዚህ በፊት ለመንግሥት ችግር ካለ እዚህ ጠቅላይ ቤተክህነት ውስጥ ንገሩን ብለናቸዋል። እኛ እናርማለን፣ እኛው እናስተካክላለን፣ አላስፈላጊ እርምጃ አትውሰዱ ብለናቸዋል። ትላንት ግን ከቤተክህነት የሚወጣው በሙሉ ይፈተሻል ዛሬም፣ የሚወጣ መኪና በሙሉ ይፋተሻል፤ የሚገባው ግን አይፈተሽም። የሚገባውን የኛ ዘበኞች ይፈትሹ ይሆናል፤ የመንግሥት ወታደሮች ግን አይፈትሹም። አንዱ ሌላ ነገር ይዞ ገብቶ ሲወጣ ፈታሹ ሌላ ነገር ይዞ ተብሎ የቤተክርስቲያን ስም እና ክብር ቢዋረድ ማነው ኃላፊው?

- ምንድነው የተፈለገው? ከቤተክርስቲያን ምንድነው የሚወጣው? መድፍ ነው? መሳሪያ ነው? አከፋፋይ ናት ቤተክርስቲያኒቱ? አትታመንም? መንግሥትን ያስጮኸ ነገር አለ እኛም የጮህንበት ከመንግስት በፊት፤ ግለሰቦችን ስለተናገሩት ንግግር የማይባል ተብሏል እያልን እኛ ነን የጮህን ይሄ የቤተክርስቲያን ቋንቋ አይደለም ብለን ነበር፤ መግለጫ ለመስጠት ተዘጋጅተን ነበር መንገዱን ስናየው መጠላለፊያ እንጂ ከፅድቅ ስላልሆነ ነው ዝም ያለነው። የፅድቅ ሲሆን ገፍተን ነው የምንወጣው።

- ከቤተክህነት ምንድነው የሚወጣው ? ከተፈለገ መባል ያለበት ጥርጣሬ አለን ቤተክህነት ውስጥ ይባላል፤ እንዲህ አይነት ነገር ቢወጣ ኃላፊነቱ የናተ ነው ጠብቁ ነው ልንባል የሚገባው ወይም ሰው እንሥጣችሁ የሚያንሳችሁ ከሆነ ቤተክርስቲያኒቱን እንዳያስወቅስ ነው መባል ያለበት እንጂ ቤተክርስቲያን የማትታመን ሆነ ከትላንት ጀምሮ እስካሁን እኛ መሪዎቹ በማናውቀው ፈታሽ በር ላይ ቆሞ መፈተሽ ድፍረት ነው። ቤተክርስቲያኒቱን ህልውናዋን መፈታተን ነው። አቅሟንም መፈትን ነው ተገቢ አይደለም።

- መደፋፈሩ በዝቷል፤ መንግስትም ቤተክርስቲያኒቱን ይደፍራል አልፎ ይሄዳል።

- እንደ ግለሰብ በስሜት የሚናገሩ ሰዎች ይኖራሉ። ቤተክርስቲያኒቱን መድፈር አዳጋ ነው። ለሃይማኖቱ የማይሞት የለም፣ ከዚህ በፊት ብዙዎች ሞተዋል፤ ተከባብረን እንኑር ለሰላም እንኑር።

- ካህን ነው ሲሉት ሌላ ነጭ ለባሽ ይሆናል፣ ነጭ ለባሽ ነው ሲሉት ካህን ሆኖ ይገኛል፤ የቤተክርስቲያን መሪ ነው ሲሉት የፖለቲካ መሪ ሆኖ ይገኛል፤ የፖለቲካ መሪ ሲሉት ቀዳሽ ሆኖ ይገኛል ምን አመጣው ይሄን ቀጥ ብለን እንቁም። ደሃ ሲበደል ተበደለ እንበል ሲታሰር ፍቱ እንበል፤ እያልን ነው እኮ፤ መንግሥትን ፍቱ እያልን እንመካከራለን ይፈታል ለዚህ ደግሞ እናመሰግናለን።

- በሃይማኖት ጉዳይ አንደራደርም።

- ካህን ካህን ይሁን፣ ወታደርም ወታደር ይሁን ሌላውም እራሱን ይሁን በሚያስተሳስረን ነገር ተሳስረን ጥላቻና ሁከትን፣ ሽብርና አላስፈላጊ ነገርን እናርቅ።

- ካላስፈላጊ #ጎጠኝነት፣ #ዘረኝነት እንራቅ።

- ሀገራችን ሰላም ትሁን የሃይማኖት ሰዎች እንደ ሃይማኖት እናስብ፣ እንደ ሃይማኖት እንናገር፣ አላስፈላጊ ጀግንነትን እንርሳው። አላስፈላጊ ሙገሳንም እንርሳው። ካላስፈላጊ ሙገሳ አስፈላጊ በሆነ ወቀሳና ለመጨረሻው መከራ እራሳችንን እናዘጋጅ።

ያንብቡ፦ https://telegra.ph/Tikvah-Ethiopia-01-12-2

#ቲክቫህኢትዮጵያ

@tikvahethiopia

መብራት ከ7 አመት በኃላ ያገኘችው ካማሺ ...

" #በመከላከያ እጀባ እና ከክልል የፀጥታ ኃይል ጋር በመተባበር የመብራት ኃይል ሰራተኞች ባደረጉት ጥረት ነው የተሰራው አልጋ በአልጋ ሆኖ አይደለም " - የካማሺ ዞን ኮሚኒኬሽን

የካማሺ ዞን አካባቢዎች ከ7 ዓመታት በኃላ መብራት አገኙ።

ቃላቸውን ለቪኦኤ የሰጡ የካሚሺ ከተማ ነዋሪዎች ፤ የመብራት አገልግሎት ባለፉት ሳምንታት ዳግም መጀመሩን ገልጸዋል።

አንድ ቃላቸውን የሰጡ ነዋሪ " መብራት ለ7 ዓመታት ተቋርጦ ቆቷል። ከ7 ዓመት በኃላ ማህበረሰቡም በመታገል ከመንግስት ጋር በመተባበር አሁን መብራት ወደ ከተማችን ገብቷል ፤ አብዛኛው ቤትም መብራት አለ " ብለዋል።

ማህበረሰቡ ከዓመታ ጨለማ ወደ ብርሃን ሲመጣ ደስ ብሎታል ሲሉ አክለዋል።

አንድ ቃላቸውን የሰጡ ነዋሪ ደግሞ ማህበረሰቡ በመብራት እጦት ክፉኛ  ሲቸገር እንደነበር አስታውሰው አአገልግሎቱ በመጀመሩ ደስ መሰኘታቸውን ገልጸዋል። ወደ ሌሎች የካማሺ ዞን ወረዳዎች እንዲዳረስ ጥሪ አቅርበዋል።

የዞን መንግሥት ኮሚኒኬሽን ፤ በካማሺ ከተማ የመብራት አገልግሎት ባለፈው ሳምንት መጀመሩን ገልጸው ፤ ባልተዳረሰባቸው አካባቢዎች እንዲዳረስ እየተሰራ ነው ብሏል።

መብራት ለ7 ዓመታት ያህል ተቋርጦ የነበረው ፤ ከኦሮሚያ አዋሳኝ ወደ ዞኑ ይመጣ የነበረው መስመር በመቆረጡና እሱን ለማስተካከል በኦሮሚያ የነበረው የፀጥታ ችግር እንቅፋት በመሆኑ እንደሆነ አስረድቷል።

ኮሚኒኬሽን ቢሮው ፤ " የፀጥታ ችግሩ አሁንም አልፈታም ፤ በችግሩ ውስጥ ነው ማስተካከል የተቻለው በመከላከያ እጀባ እና ከክልል የፀጥታ ኃይል ጋር በመተባበር የማብራት ኃይል ሰራተኞች ባደረጉት ጥረት ነው የተሰራው አልጋ በአልጋ ሆኖ አይደለም ፣ ሲል ገልጿል።

የመብራት ኃይል ጊምቢ ቅርንጫፍ ፅ/ቤት በበኩሉ ፤ ከህብረተሰቡ ጋር ውይይት ተደርጎ ህብረተሰቡ ልማቱን ለመጠበቅ ቃል ስለገባ ባለፈው አንድ ወር አስፈላጊው ነገር ተሟልቶ በካማሺ ከተማ ከታህሳስ 21 ጀምሮ አገልግሎት ጀምሯል ሲል አሳውቋል።

በ2010 በካማሺ ተዘግቶ የነበረው መ/ቤት አሁን ተከፍቶ ሰራተኞች ተመልሰው አገልግሎት መስጠት መጀመራቸውን አሳውቋል። #ቪኦኤአማርኛ

@tikvahethiopia

#መቐለ

በመቐለ የተካሄደው የመሬት ሊዝ ጨረታ መነጋገሪያነቱ ቀጥሏል።

የመቐለ ከተማ የመሬት ይዞታና አስተዳደር  ከታህሳስ 30 እስከ ጥር 2/2016 ዓ/ም እንደሚቆይ ጠቅሶ ይፋ ባወጣው የሊዝ መሬታ ጨረታ አሸናፊዎች እንደሚያሳየው ለአንድ ካሬ ሜትር (1ሜ × 1ሜ) መሬት እስከ ብር 131 ሺህ የተሞላ ሰነድ ተገኝቷል።

ለንግድ ቦታ በካሬ ሜትር እስከ 80 ሺህ ፣ ለመኖሪያ ቦታ ደግሞ አስከ 70 ሺህ ብር ተጫርተው ያሸነፉ ስማቸው ይፋ ተደርጎ ውል እንዲያስሩ የሶስት ቀናት እድል የተሰጣቸው በርካታ ናቸው።

እጅግ የተጋነነው የሊዝ መሬታ የጨረታ ውጤት ተከትሎ ከህዝብ የሰላ ትችት እየቀረበ ነው።

" መሬት የተዘረፈ የህዝብ ገንዘብ መደበቂያ መሆኑ ቀጥለዋል " ከሚል እስከ " መሬት በነጋዴዎችና በፓለቲከኞች እንዲወረር ማመቻቸትና መፍቀድ ስህተት ነው የፍትህ ፀሐይ ስትወጣ የህግ ተጠያቂነት ያስከትላል " የሚሉ መረር ከረር ያሉ ነቀፌታዎች እየተነበቡና እየተደመጡ ናቸው።

ይህ በእንዲህ እንዳለ በደም አፋሳሹና አስከፊው ጦርነት ምክንያት ከሶስት ዓመታት በላይ ተቋርጦ የነበረው መሬት በሊዝና በሽያጭ የማስተላለፍ ስርዓት በመቐለ ጀምሮ ወደ ሌሎች የትግራይ ከተሞች እየተስፋፋ ነው።

" በመቐለ ከ15 ዓመታት በፊት በሊዝ የተወሰደው መሬት እስከ አሁን አልለማም " የሚለው ጎይትኦም የተባለ የአክሱም ነዋሪ " በአክሱም ከተማ በሊዝ ጨረታ ለካሬ ሜትር የንግድ መሬት በ65  እና በ78 ሺህ ብር ያሸነፉ ሰዎች ስማቸው ተለጥፎ አንብቤያለሁ ፤ በመንግስት ለአንድ ካሬ ሜትር እስከ 3 ሺህ ብር የጨረታ መነሻ  የተቀመጠለት በምን ስሌት ነው በ20 እጥፍ  አድጎ በሊዝ የተሸጠው ? " ብሎ ጠይቋል።

" በዚሁ አስደንጋጭ አካሄድ ከቀጠለ የከተማ መሬት የጥቂቶች መፈንጫ ሊሆን ነው " በማለት ስጋቱ የሚያጋራው ዶ/ር ጨርቆስ የተባለ የመቐለ ነዋሪ " ጊዚያዊ አስተዳደሩ በጦርነቱ ምክንያት የተቋረጠው አብዛኛው ህዝብ ተጠቃሚ የሚያደርገው 70 ካሬ የተባለው የመሬት እድላ በአስቸኳይ እንዲጀምር " የሚል የመፍትሄ ሃሳብ አቅርቧል።

በተያያዘ በተለያዩ ጊዚያት መሬት በሊዝ ወስደው አመታዊ ክፍያ ያልከፈሉ በተያዘው የጥር ወር ውስጥ እንዲከፍሉ የመቐለ ማዘጋጃ ቤት ጥሪ አቅርቧል።

በማዘጋጃ ቤቱ የገቢ የሰራ ሂደት አስተባባሪ ሙሉጌታ ገብረየሱስ እንዳሉት ፤ በተለያዩ ጊዚያት ለተለያዩ አገልግሎቶች እንዲውል የቅድመ ክፍያ በመክፈል የወሰዱት መሬት  ያልከፈሉት ዓመታዊ ክፍያ በቢሊዮን ብሮች የሚቆጠር ውዙፍ ገንዘብ እንዳለ መግለፃቸው የመቐለ የቲክቫህ ኢትዮጵያ ቤተሰብ አባል ዘግቧል።
                                
@tikvahethiopia            

#ኢትዮጵያ

የሲቪል ምዝገባና የነዋሪነት አገልግሎት ኤጀንሲ ዋና ዳይሬክተር አቶ ዮናስ ዓለማየሁ ለቲክቫህ ኢትዮጵያ በሰጡት ቃል፣ " በተለይ ሀሰተኛ የሰነድ ዝግጅት ኢትዮጵያ ውስጥ በጣም አስጊ ደረጃ ላይ ደርሷል " ብለዋል።

" ኦዲት በማድረግ ሂደት ውስጥ የጎደሉ ካርዶች መኖራቸውን፣ ብዙ ካርድ ባይሆንም አንድ ባለሙያ ሦስት፣ አራት ካርዶች ሲጎድሉበት አይተናል” ያሉት ዋና ዳይሬክተሩ፣ ይሄ ከፍተኛ የሆነ ከባድ ጥፋት ነው። ወደ ወንጀል የሚያመራ ነው " ሲሉ ተናግረዋል።

አክለውም፣ " ሌላው ደግሞ በኦዲት ግኝት ውስጥ ‘የዲጂታል መታወቂያ ኦዲት አይደረግም’ የሚል አስተሳሰብ ነው ያለው። ነገር ግን በእኛ ተቋም ዲጂታል መታወቂያ ኦዲት ይደረጋል። ዘጠኝ የሚሆኑ ባለሙያዎች የዲጂታል መታወቂያ አሰራርን ባልተከተለ መልኩ ለግለሰቦች ለመስጠት ባደረጉት ጥረት ነው ኦዲት ግኝቱ ይዞ የወጣው " ብለዋል።

" ከዚያ ባሻገር የሥነ ምግባርና ጸረ ሙስና የሥራ ክፍል ደግሞ በርካታ ሥራዎች ይሰራሉ " ሲሉ ለቲክቫህ ኢትዮጵያ ያስረዱት አቶ ዮናስ፣ " አገልግሎቱን በገንዘብ ለመሸጥ ሲደራደሩ የነበሩ ባለሙያዎችን፣ ደላሎችን በቁጥጥር ስር አውለናል። በተለይ ሀሰተኛ የሰነድ ዝግጅት ኢትዮጵያ ውስጥ በጣም አስጊ ደረጃ ላይ ደርሷል " ነው ያሉት።

ተቋሙ ሀሰተኛ መረጃን ለመለየት የሚያስችል ቴክኖሎጂ እንደሚጠቀም ገልጸው፣ " በዚያ ሂደት ውስጥ ባደረግናቸው ክትትሎች፣ በሰራናቸው ኦፕሬሽኖች ሰዎቹን ለመያዝ ችለናል። ስለዚህ በወንጀል የሚጠየቁት የኦዲት ግኝት የተገኘባቸው፣ ካርዶች የጎደሉባቸው፣ ከአሰራሩ ውጪ አገልግሎት የሰጡ ናቸው " ብለዋል።

አክለውም፣ " ከዚያ ባሻገር አመራርም ደግሞ እኛ ጋ በተቋም ግንባታችን ውስጥ መጠየቅ አለበት የሚል አቋም አለን። በዚህ መሠረት ሥራቸውን በአግባቡ ያልመሩ አመራሮች ወደ 10 የሚሆኑ ተጠያቂ እንዲሆኑ እናደርጋለን። በፓለቲካ አድሚኒስትሬሽን ውሳኔ ነው የሚሆነው " ሲሉ አስረድተዋል።

ዋና ዳይሬክተሩ ከላይ ያሉትን ማብራሪያዎች የሰጡት ተቋሙ የ2016 በጀት ዓመት የስድስት ወራት የሥራ አፈጻጸም በተመለከተ የላኩትን መረጃ ተከትሎ ከቲክቫህ ኢትዮጵያ ለቀረቡላቸው ጥያቄዎች ነው።

ዋና ዳይሬክተሩ የተቋሙን የ6 ወራት አፈጻጸም በተመለከተ በላኩት መረጃ መሠረት፦
 
*የኦዲት ክትትል የተደረጉት ዋና መስርያ ቤትን ጨምሮ 11 ክ/ከተማ እና 22 የወረዳ ጽ/ቤቶች ነው።

*ተጠያቂነቱ በ2015 ዓ.ም በተሰጠው አገልግሎት ላይ የተሰራጩ የካርዶችና ሰርተፍኬቶች የቤት ለቤት አገልግሎትን ጨምሮና የዲጂታል መታወቂያ አሰራርን ባለመከተል፣ አሰራርን በመጣስ ፣ ጉድለት በመፍጠር፣ ስራን በአግባቡ ባለመምራት እና ጉድለት በመፍጠር ላይ ያተኮረ ነው። 

*ተጠያቂ የሆኑ በጠቅላላው 63 ሰዎች ናቸው። 12 በወንጀል እና 41 በዲሲፕሊን የተጠየቁ ናቸው። ቀሪ 10 የጽ/ቤት አመራሮች ስራን በአግባቡ ባለመምራት ተጠያቂ የሚሆኑ ይሆናል። 

*አገልግሎት አሰጣጥን በተመለከተ ከ47 ባለሙያዎች መካከል 34 በከባድ እና ቀላል ዲሲፕሊን፣ 9 ባለሙያዎች በወንጀል ተከሰዋል። ከዚህ ውስጥ 6 ሰራተኞች የሌላ ተቋም ሰራተኛ የሆኑ ሠራተኞችን ጨምሮ እስከ 25 ሺህ ብር ጉቦ ለመጠየቅ ሲሞክሩ በተሰራ የተቀናጀ ኦፕሬሽን እጅ ከፍንጅ በፖሊስ ቁጥጥር ስር እንዲውል ተደርጓል።

*አንድ ግለሰብ በለሚ ኩራ ክ/ከተማ ወረዳ 8 ሀሰተኛ ሰነድ ዝግጅት ሲያደርግ ከሚያዘጋጅበት መሳርያዎች ጋር በቁጥጥር ስር እንዲውል ተደርጓል። 

*4 በወረዳ ጽ/ቤት፣ 34 በኤጀንሲው ዋና መስርያ ቤት በድምሩ 36 ሃሰተኛ ሰነድ ይዘው የተገኙ ተገልጋዮች በህግ ቁጥጥር ስር እንዲውሉ ተደርጓል። ከዚህም ውስጥ 3ቱ ፍርድ ተሰጥቷቸዋል።

@tikvahethiopia

#ኢትዮጵያ

" ስለ ስምምነቱ ቀድሞውኑ የሚመለከታቸው ሀገራት እና ተቋማት እውቅናው ነበራቸው ፤ ግን አላዋቂ ለመምሰል ጥረት እያደረጉ ነው " - አምባሳደር ሬድዋን ሁሴን

የጠቅላይ ሚኒስትሩ ብሄራዊ ደህንነት አማካሪ ሬድዋን ሁሴን ስለ ኢትዮጵያ እና ሶማሌላንድ የመግባቢያ ስምምነት ምን አሉ ?

" ኢትዮጵያ ከባህር በር ጋር በተያያዘ ዕድል ያላት የሚመስለው ከሰሜን በኩል ነበር።

ሁሉም ሰው ስለ ባህር በር ሲወራ ቀይ ባህር ነው፤ ስለ ባህር ሲወራ ኤርትራ ነው ፤ ስለ ባህር ከተወራ አሰብ ነው። ይሄን አሁን ለመገልበጥ የሚያችል አዲስ አቅጣጫ ነው የወሰድነው።

ኢትዮጵያ ዙሪያዋ እድሎች አሏት፣ ዙሪያዋ ያሉ እድሎችን መጠቀም የሚያስችል አቅምም አላት፤ መጋራት የሚያስችል በጎ ፍላጎትም መነሻም አላት።

በአንድ ወይ በሌላ መንገድ ኢትዮጵያ አንድ የሆነ የባህር በር ሊኖራት ይገባል በሆነ መንገድ የሚለው ብዙዎች እየገዙት የመጣ ነው።

አትጋጩ፣ ችግር አትፍጠሩ፣ በሰላማዊ መንገድ የሚመጣበትን መንገድ በትዕግስት ሂዱ ነው እንጂ የሚለው ኢትዮጵያ unfair የሆነ ነገር እየፈለገች ነው የሚል ብዙ ምልከታ የለም።

ኢትዮጵያ ፍላጎቷን፣ ያላት concern ትክክል ነው፣ የህዝብ እግደቷም ትክክል ነው፣ ኢኮኖሚዋም ትክክል ነው ፣ የቀጠናው ችግር ትክክል ነው በዚህ ረገድ ኢትዮጵያ በአውንታዊነት ሚና ልጫወት ማለቷ ተገቢ ነው የሚለውን አጀንዳ ማድረግ ተችሏል።

... ይሄንን ፊርማ (ከሶማሌላንድ ጋር) እስክንፈርም ድረስ በUN ተቋማትም፣ በአንዳድን ትላልቅ ሀገሮች መረጃዎችም ፣ በእኛ Think tank በሚባሉ NGOዎችም ይሰራ የነበረው ጥናት የኢትዮጵያ መንግሥት ወይ ኤርትራን ይወራል፣ ወይ ደግሞ ሶማሌላንድን በአውዳል ግዛት በኩል ረብሻ ፈጥሮ ቀጠናውን ያተራምሳል የሚል ጥናት ነበር ሲሰራ የነበረው።

በዚህ ላይ draft ቀርቦ የቀረበው draft official ከመሆኑ በፊት የተመለሰ draft እናውቃለን። ይሄንን እነማን እንደሚሰሩት እናውቃለን፣ እሱ ውስጥ #ኢትዮጵያውያን እንዳሉበትም እናውቃለን። ስለዚህ ትላልቆቹ ሀገራት የሳቱት ነገር ፤ እኛም ባገኘናቸው ቁጥር ጦርነት አንፈልግም ውጊያ አንፈልግም ሲባል ' አይ መዋጋታችሁማ አይቀርም አናምናችሁም ' የሚባል ነው ጭቅጭቁ ከዋሽንግተን እስከ ሌሎቹ ድረስ ፤ ስለዚህ በዚህ ሊዋጉ ነው ብለው ሲገምቱ በዚህ በኩል በሰላም መጣን አልተገመትንም ግን ያልተገመትነው ለበጎ ነው።

... መንግሥት ፍላጎቱን ይፋ ካደረገበት ጊዜ ጀምሮ ለጎረቤት ሀገሮች ፣ በአጠቃላይ ለምስራቅ አፍሪካ ሀገሮች ከአንዴም ሁለት ጊዜ envoy ተልኳል። የማያውቁት ነገር ቢኖር ሙሳቤሂ መቼ እንደሚመጣ (ወደ አዲስ አበባ) እና እዚህ ውስጥ የሼር ጉዳይና የእውቅና ጉዳይ MoU ውስጥ እንደሚካተት አያውቁም። ስለዚህ ከሞላ ጎደል አሰብ አካባቢ የምንከራተት አድርገው ስለወሰዱ ይሄን ጉዳይ ትርጉም አልሰጡትም።

አሁን አፍጥ ሲመጣ ነው ሰው የደነገጠው እንጂ የአብዛኛው ሰው ፍርሃት #በአሰብ በኩል ችግር ትፈጥራላችሁ ፣ ስለዚህ እጃችን ላይ በቂ ችግር አለ የዩክሬን አለ የጋዛ አለ፣ ከምትጨምሩብን በሰላማዊ መንገድ አድርጉትና በሰከነ መንገድ እኛም እናግዛችኃለን የሚል ነውና የpredictability deficit የተነሳበት angle ትክክል አይመስለኝም።

ስለ ጉዳዩ ለእያንዳንዱ ለሚመለከተው መንግሥት አስረድተናል። "

#AmbassadorRedwanHussien #etv

@tikvahethiopia

#ዜና_ዕረፍት

ጋዜጠኛ አስፋው መሸሻ ከዚህ ዓለም በሞት ተለይቷል።

ጋዜጠኛው ባደረበት ህመም በአሜሪካ ሀገር ህክምናውን ሲከታተል ቢቆይም ህይወቱን ማትረፍ ሳይቻል መቅረቱ ተነግሯል።

ጋዜጠኛው ቀድሞ በኢትዮጵያ ብሮድካስቲንግ ኮርፖሬሽን ኤፍ.ኤም አዲስ 97.1 ሬዲዮ ህይወቱ እስካለፈበት ሰዓት ድረስ ደግሞ የEBS ቴሌቪዥን መዝናኛ ፕሮግራም አቅራቢ በመሆን ሰርቷል።

በተለይ በEBS ቴሌቪዥን ሲተላለፍ በነበረው " ኑሮ በአሜሪካ " ፕሮግራም እና " እሁድን በEBS " ፕሮግራም በህዝብ ዘንድ እጅግ ተወዳጅነትን ማትረፍ ችሎ ነበር።

ጋዜጠኛ አስፋው መሸሸ ባደረበት ህመም ምክንያት ህክምና ሲከታተል ቢቆይም ህይወቱ ሊተርፍ አልቻለም።

ለወዳጅ ዘመዶች እና አድናቂዎች በሙሉ መፅናናትን እንመኛለን!

Via @TikvahethMagazine

#ጥናት

በአዲስ አበባ ከተማ የሚገኙ የጋራ መኖሪያ ቤቶች (ኮንዶሚኒየም) ጥራታቸው ተጠብቆ ባለመገንባታቸው፣ በዕጣ የቤት ባለቤት የሆኑ ዕድለኞች ለከፍተኛ ወጪ እየተዳረጉ መሆናቸውን የአፍሪካ ከተሞች የምርምር ጥምረት (ACRC) እና ፎረም ፎር ሶሻል ስተዲስ (FSS) በጋራ ባደረጉት ጥናት ማረጋገጥ መቻላቸውን አስታውቀዋል።

ሁለቱ ተቋማት ጥናቱን ለአንድ ዓመት ያህል ነው ያደረጉት።

በጥናቱ ከ6 በላይ ከፍተኛ ተመራማሪዎች የተሳተፉ ሲሆን በኢኮኖሚ፣ በመዋቅራዊ ሽግግርና በወጣቶች አቅም ግንባታና በመኖሪያ ቤቶች ላይ የተደረገ ነው።

ጥናቱ ምን ይላል ?

- በአዲስ አበባ ከተማ ከመነሻውም የጋራ መኖሪያ ቤቶች ሲገነቡ ደረጃቸውን የጠበቁ አይደሉም፡፡

- መንግሥት 40/60 ወይም የ20/80 የጋራ መኖሪያ ቤቶችን በዕጣ ለደረሳቸው ሲያቀርብ ጥራታቸውን በጠበቀ መንገድ ስለማይገነቡ፣ ዕድለኞች መልሰው አፍርሶ ለመሥራት ይገደዳሉ ለከፍተኛ ወጪ ይዳረጋሉ።

- የጋራ መኖሪያ ቤት የደረሳቸው ዕድለኞች ፦
* ለኤሌክትሪክ ኃይል ዝርጋታ፣
* የሲራሚክ ንጣፍ፣
* ለመፀዳጃ ቤት መስመር፣
* ግድግዳ እንደገና ለመሥራትና ሌሎች የጎደሉ ነገሮች ለማሟላት ለከፍተኛ ወጪ ይዳረጋሉ።

- እነዚህ ጉዳዮች ከፍተኛ ትኩረት የሚፈልጉ በመሆናቸው፣ መንግሥት ለጋራ መኖሪያ ቤቶች ግንባታ ከግብዓት ጀምሮ እስከ ባለሙያ ድረስ ጥራታቸውን በመጠበቅ ማቅረብ ይኖርበታል።

በተጨማሪ ...

☑ በአዲስ አበባ ከተማ በዝቅተኛ ደረጃ ላይ የሚገኙ ኢንተርፕራይዞች ለሥራ ተስማሚ የሆኑ ነገሮች እንደሌላቸው ታይቷል። ወጣቶች በኢንዱስትሪ ፓርክ ውስጥ፣ በኢመደበኛ ዘርፍና በጤና ላይ ያላቸውን በጎ ተግባራትና ያሉባቸው ችግሮች ተለይተው በጥናቱ ተካተዋል።

☑ በኢትዮጵያ ከዚህ በፊት አብዛኛውን የቤት አቅርቦት ተፈጻሚ የሚሆነው በመንግሥት ሲሆን በአሁኑ ወቅት የተለያዩ ቤት አልሚ ድርጅቶች ተቋቁመው የማኅበረሰቡን የቤት ጥያቄ እየመለሱ መሆናቸው የሚበረታታ ነው።

☑ በቤት አቅርቦት ላይ ለውጦች እየመጡ ቢሆንም አሁንም የመሬት አቅርቦት፣ እንዲሁም በዝቅተኛና በመካከለኛ ገቢ ላይ የሚገኙ ሰዎች ቤት ለመሥራት ቢፈልጉ የፋይናንስ አቅርቦት ችግር እየገጠማቸው ነው።

👉 በአጠቃላይ ጥናት የተደረገባቸው ጉዳዮች ላይ ያሉትን ችግሮች ለመፍታትና በጥናቱ የቀረቡ ግኝቶች መሬት ወርደው ተግባራዊ እንዲሆኑ፣ ለፖሊሲ አውጪዎች የሚቀርቡ ይቀርባሉ ተብሏል።

#ሪፖርተር_ጋዜጣ

@tikvahethiopia