#AU2022Summit

ኢትዮጵያ (አዲስ አበባ) የአፍሪካ ሀገራት መሪዎችን መቀበል ጀምራለች።

የአፍሪካ ሀገራት መሪዎች በ35ተኛዉ የአፍሪካ ህብረት (AU) የመሪዎች ጉባኤ ላይ ለመሳተፍ ከትላንት ለሊት ጀምሮ ወደ አዲስ አበባ ማግባት ጀምረዋል።

እስካሁን የገቡ መሪዎች ፦

🇲🇼 ዶ/ር ላዛሩስ ማካርቲ ቻክዌራ (ማላዊ - ፕሬዝዳንት)
🇬🇲 ዶ/ር ኢሳቱ ቶራይ (ጋምቢያ - ምክትል ፕሬዚዳንት)
🇳🇬 ሙሀሙዱ ቡሃሪ (ናይጄሪያ - ፕሬዝዳንት)
🇨🇮 ኦላሳን ኦታራ (ኮትዲቯር - ፕሬዝዳንት)
🇸🇳 ማኪ ሳል (ሴኔጋል - ፕሬዝዳንት)
🇲🇷 ሞሐመድ ኡልድ ኤል-ጋዝዋኒ (ሞሪታንያ - ፕሬዝዳንት)
🇹🇿 ዶ/ር ፊሊፕ እስዶር መፓንጎ (ታንዛንያ/- ምክትል ፕሬዝዳንት)

@tikvahethiopia

#AU2022Summit

የአፍሪካ ህብረት የሰላም እና የፀጥታ ም/ ቤት አባል ሆነው የተመረጡ 15ቱ ሀገራት ከታች ተዘርዝረዋል።

አምስቱ ለ3 ዓመታት የተመረጡ ሲሆን አስሩ ደግሞ ለ2 ዓመታት የተመረጡ ናቸው።

🇩🇯 ጅቡቲ (3 ዓመት)
🇹🇿 ታንዛኒያ (2 ዓመት)
🇺🇬 ኡጋንዳ (2 ዓመት)
🇧🇮 ቡሩንዲ (2 ዓመት)
🇨🇩 ዲሞክራቲክ ኮንጎ (2 ዓመት)
🇿🇦 ደቡብ አፍሪካ (2 ዓመት)
🇿🇼 ዚምባብዌ (2 ዓመት)
🇳🇦 ናሚቢያ (3 ዓመት)
🇲🇦 ሞሮኮ (3 ዓመት)
🇹🇳 ቱኒዚያ (2 ዓመት)
🇨🇲 ካሜሩን (3 ዓመት)
🇬🇭 ጋና (2 ዓመት)
🇳🇬 ናይጄሪያ (3 ዓመት)
🇬🇲 ጋምቢያ (2 ዓመት)
🇸🇳 ሴኔጋል (2 ዓመት)

@tikvahetheng

#AU2022Summit

ጠቅላይ ሚኒስትር ዶ/ር ዐቢይ አህመድ በ35ኛው የአፍሪካ ህብረት የመሪዎች ጉባኤ መክፈቻ ላይ ባደረጉት ንግግር አፍሪካ በተመድ ፀጥታ ም/ቤት ቋሚ መቀመጫ እንዲኖራት የሚሠራበት ጊዜ መሆኑን ገለፁ።

ዶ/ር ዐቢይ አህመድ ፥ " አሁን የተባበሩት መንግሥታት ድርጅት የሚሻሻልበት እና አፍሪካም በፀጥታው ምክር ቤት ቋሚ መቀመጫ እንዲኖራት የሚሠራበት ጊዜ ነው " ሲሉ ተናግረዋል።

ከዚህ ባለፈ የአፍሪካን ድምፅ በተገቢው ሁኔታ የሚያስተጋባ አንድ አህጉራዊ ፓን አፍሪካኒዝም ዕሳቤ የተቃኝ ሚዲያ ሊቋቋም እንደሚገባ ገልፀዋል።

" አፍሪካዊያን ከተባበርን ወደ ፊት እንራመዳለን ከተከፋፈልን ግን ለአደጋ እንጋለጣለን " ያሉት ጠቅላይ ሚኒስትሩ " አህጉራዊው ነጻ የንግድ ቀጣና ሙሉ በሙሉ ወደ ተግባር በመግባት የአፍሪካን ሕዳሴ ማረጋገጥ አለብን " ብለዋል።

ያልተነካውን የአፍሪካ የቱሪዝም ሀብት ጥቅም ላይ ማዋል አለብንም ሲሉ ተናግረዋል።

ዶ/ር ዐቢይ በንግግራቸው የተለያዩ ጉዳዮችን ያነሱ ሲሆን ኢትዮጵያን በተመለከተ ፥ ባለፉት ሁለት ዓመታት ለመሥኖ ሥራ ልዩ ትኩረት ሰጥታ በመሥራቷ ውጤት እያስመዘገበች ነው ብለዋል።

የአካባቢ መራቆትን እና የአየር ንብረት ለውጥን ለመቋቋም የአረንጓዴ አሻራን እየተገበረች መሆኑንና ለጎረቤቶቿም ልምድ እያካፈለች እና ችግኝ እያጋራች መሆኑን ገልፀዋል።

ከወቅታዊ ሁኔታ ጋር በተያያዘ መንግስት ለተሻለ ሰላም ሲል እስረኞችን መፍታቱን ፤ ሁሉን አሳታፊ ሀገራዊ ምክክር ለማድረግ ኮሚሽን ተቋቁሞ ወደ ሥራ መግባቱን ለጉባኤው ተናግረዋል።

ዶ/ር ዐቢይ አህመድ ፤ ኢትዮጵያ እና ትውልደ ኢትዮጵያውያን ወደ ሀገራቸው በመምጣት ኢትዮጵያ ሰላም እና ለቱሪዝም ምቹ መሆኗን ለተቀረው ዓለም አረጋግጠዋል ሲሉም ተደምጠዋል።

@tikvahethiopia

#AU2022Summit

ማኪ ሳል የአፍሪካ ህብረትን ሊቀመንበርነትን ተረከቡ።

የሴኔጋል ፕሬዚዳንት ማኪ ሳል የአፍሪካ ህብረትን በሊቀመንበርነት የመምራት ሃላፊነቱን ከዴሞክራቲክ ሪፐብሊክ ኮንጎ ፕሬዚዳንት ፊሊክስ ሺሴኬዲ ተረክበዋል።

35ኛው የአፍሪካ ህብረት የመሪዎች መደበኛ ጉባኤ መካሄዱን ቀጥሏል።

ፎቶ ፦ ፋይል

@tikvahethiopia

#AU2022Summit

የአፍሪካ ህብረት (AU) በኢትዮጵያ ብሔራዊ ምክክር ለማድረግ እየተከናወነ ያለውን ተግባር እንደሚደግፍ የህብረቱ የፖለቲካ ጉዳዮች፤ ሰላምና ጸጥታ ኮሚሽን አስታወቀ፡፡

ኮሚሽነሩ አምባሳደር ባንኮሊ አዲኦይ በሰጡት መግለጫ የአፍሪካ ህብረት በኢትዮጵያ ሰሜናዊ ክፍል የተከሰተውን የጸጥታ ችግር አፍሪካዊ በሆነ መፍትሔ ለመፍታት ሲያደርጋቸው የነበሩ ጥረቶችን ዘርዝረዋል።

በአሁኑ ወቅት የኢትዮጵያ መንግስት አካታች ብሔራዊ ምክክር ለማድረግ የወሰደውን ተነሳሽነት አድንቀው ህብረቱ ለምክክሩ ስኬት የሚጠበቅበትን ድጋፍ ያደርጋል ብለዋል።

ህብረቱ ምክክር ለማድረግ የተጀመረውን ጥረት በሃብት፤ በሙያና በሌሎች ተመሳሳይ መስኮች እንደሚደግፍ ነው የገለጹት፡፡

የኢትዮጵያ መንግስት በግጭቱ ሳቢያ በችግር ውስጥ ለሚገኙ ዜጎች ሰብዓዊ እርዳታ ተደራሽ እንዲሆን በቁርጠኝነት እንደሚሰራ ጠ/ ሚ ዶ/ር ዐቢይ አሕመድ ማረጋገጣቸውን ኮሚሽነሩ ገልጸዋል።

#ENA

@tikvahethiopia

#AU2022Summit

የአፍሪካ ህብረት የመሪዎች ጉባኤ ተጠናቀቀ።

የኢትዮጵያ ጠቅላይ ሚኒስትር ዶክተር ዐቢይ አህመድ ጉባኤው በስኬት መጠናቀቁን አሳውቀዋል።

ዶ/ር ዐቢይ አህመድ ፥ " የዘንድሮው የአፍሪካ ኅብረት የመሪዎች ጉባኤ በመዲናችን አዲስ አበባ እንዲደረግ የአባል ሀገራት መሪዎች መወሰናቸውን ተከትሎ ወንድማዊ አጋርነት የታየበት የኅብረቱ ጉባኤ በተያዘለት መርሐ ግብር መሠረት ተካሂዶ በስኬት ተጠናቅቋል " ብለዋን።

የኅብረቱ ጉባኤ ፍሬያማ ውይይት የተካሄደበት፣ ለአህጉሪቱ የሚጠቅሙ ውሳኔዎች የተላለፉበት፣ ከምንም በላይ ወንድማዊ አጋርነት የታየበት ነበር ጠቅላይ ሚኒስትሩ ገልፀዋል።

የአፍሪካ ህብረት ጉባኤ በሰላም እና በስኬት እንዲጠናቀቀ ላደረጉ ሁሉ ምስጋና አቅርበዋል።

(ሙሉ መልዕክታቸው ከላይ ተያይዟል)

@tikvahethiopia

#AU2022Summit

ኢትዮጵያ በዛሬው ዕለትም እንግዶቿን እየሸኘች ነው።

የሴኔጋል ፕሬዚዳንትና የአፍሪካ ህብረት የወቅቱ ሊቀመንበር ማኪ ሳልን ጨምሮ የተለያዩ ሀገራት መሪዎች ወደ ሀገራቸው ተመልሰዋል።

@tikvahethiopi