ቪድዮ ፦ የጃፓን አየርመንገድ ንብረት የሆነ አውሮፕላን ዛሬ በቶኪዮ ሃኔዳ አውሮፕላን ማረፊያ እንዳረፈ #በእሳት ተያይዟል።

12 የበረራ ቡድን አባላትን ጨምሮ 379 ሰዎችን ያሳፈረው አውሮፕላን በእሳት ቢያያዝም አንድም ሰው ህይወቱ ሳያልፍ ከእሳት አደጋው ማትረፍ ተችሏል።

367 መንገደኞችን ያሳፈረው የጃፓን አየርመንገድ አውሮፕላን መነሻው በሆካይዶ ደሴት ሺን ቺቶሴ ከተባለ አካባቢ እንደነበር ተገልጿል።

አውሮፕላኑ 6 ሰዎችን አሳፍሮ ከነበረ ሌላ  የጃፓን ባህር ዘብ ትንሽ አውሮፕላን ጋር መጋጨቱ ተነግሯል። ከ6ቱ አምስቱ ሲሞቱ ፓይለቱ ከፍተኛ ጉዳት ደርሶበት በህይወት ተርፏል።

የጃፓኑ ጠቅላይ ሚኒስትር ፉሚዮ ኪሺዳ ግን የአደጋውን መንስኤና የደረሰውን ጉዳት የሚያጣራ ቡድን አቋቁመዋል።

የመረጃ ምንጭ፦ ሮይተርስ፣ አልአይን፣ ዶቼቨለ ናቸው።
ቪድዮ ፦ ከማበራዊ ሚዲያ

@tikvahethiopia

ለገና በዓል ከባህር ማዶ ከወዳጅ ዘመድ በዌስተርን ዩኒየን ዓለም-አቀፍ ሃዋላ የሚላክልዎትን ገንዘብ አቅራቢያዎ በሚገኝ የኢትዮ ቴሌኮም የአገልግሎት መስጫ ማዕከል ይቀበሉ፤ ወደ ቴሌብር አካውንትዎ በማስተላለፍ ተጨማሪ የ10% ስጦታ ያግኙ!
እንዲሁም ከባህር ማዶ በአጋሮቻችን በኩል በቴሌብር ዓለም-አቀፍ ሃዋላ ገንዘብ ሲላክልዎ፤ የተላከልዎትን መጠን 10% በስጦታ ያገኛሉ!

መልካም በዓል!
#Ethiotelecom #telebirr #RealizingDigitalEthiopia

“ ‘ልጆቼን ልያቸው’ ብሎ ማታ ሲመጣ ከሁለት አቅጣጫ ተተኮሰበት ሞተ። " - የመተሃራ ነዋሪ

ከታህሳስ 19/2016 ዓ/ም ወዲህ ባሉት ቀናት ብቻ በተለያዩ ቦታዎች ቤተሰብ የሚያስተዳድሩ አሽከርካሪዎችን ጨምሮ ስምንት ሰዎች በታጣቂዎች መገደላቸውን፣ ከአሥር በላይ ተጓዦች መታገታቸውን፣ እንዲሁም ስምንት ተሽከርካሪዎች መቃጠላቸውን የዓይን እማኞችና የአካባቢዎቹ ነዋሪዎች ለቲክቫህ ኢትዮጵያ ተናግረዋል።

አንድ የመተሃራ ከተማ ነዋሪ በመተሃራ በኩል የተፈጸመውን ግድያ በተመለከተ በሰጡት ቃል፣ “ በቀን 19 ቀን 2016 ዓ/ም ምሽት ላይ መኪናውን አዋሽ ሰባት አቁሞ በሌላ መኪና ተለጥፎ ‘ልጆቼን ልያቸው ብሎ ማታ ሲመጣ ከሁለት አቅጣጫ ተተኮሰበት ሞተ ” ነው ያሉት።

“ ግድያውን የፈጸሙት ታጣቂዎች ናቸው ” ያሉት ነዋሪው፣ ሟቹ ተወልዶ ያደገው መተሃራ እንደሆነ፣ ተሽከርካሪ ገዝቶ በአፋር ክልል በኩል ከአዋሽ ሰባት - መተሀራ ባለው መንገድ የሽንኩርት ጭነት ሥራ ይሰራ እንደነበር፣ ግድያው የተፈጸመው በአዋሽ ፓርክ ወደ መተሃራ ወረድ ብሎ በሚገኝ ጫካማ ስፍራ መሆኑን አስረድተዋል።

ሌላኛው የመተሃራ ከተማ ነዋሪ በበከላቸው፣ “ ከቁልቢ ገብርኤል በዓለ ንግስ ደርሰው ሲመለሱ በተጣቂዎች የተገደሉ ሰዎች ቁጥር 6 ደርሷል። እስካሁን ባለው መረጃ ከ10 በላይ ሰዎች ታግተዋል ” ሲሉ ተናግረዋል።

ግድያው የተፈፀመባቸው ከአቃቂ ባቡር ጣቢያ መጋላ ሰፈር የሄዱ ሲሆኑ ከተገደሉትና ከታገቱት ሰዎች ባሻገር ጉዳት የደረሰባቸው ሴት ተጓዦች መኖራቸውንም አክለዋል።

በሌላ በኩል ሌላኛው የቲክቫህ ኢትዮጵያ ምንጭ ታህሳስ 21 ቀን 2016 ዓ/ም ወደ ሀዋሳ በሚወስደው ፈጣን መንገድ  ምሽት ላይ ተሽከርካሪዎች ተቃጥለዋል ብለዋል።

ከተቃጠሉት ተሽከርካሪዎች መካከል የአንዱን አይሱዙ ባለቤት እንደሚያቁት፣ አይሱዙው ከተገዛ ገና 6 ወራት እንደሆነው፣ ተኩስ ሲከፈትበት ሹፌሩ ሸሽቶ እንዳመለጠና የጫነውን ሙሉ ንብረት ጨምሮ ተሽከርካሪዎው እንደተቃጠለ አስረድተዋል።

ከሀዋሳ አዲስ አበባ ያለው ፈጣን መንገድ ከባቱ (ዝዋይ) ጀምሮ እስከ ሞጆ ባለው መስመር ከዚህ ቀደም ታጣቂዎች በተደጋጋሚ ጥቃት ማድረሳቸውን አስታውሰዋል።

" በዚሁ መስመር ሚሊሻ የሚባሉት ራሱ ከታጣቂዎች ባልተናነሰ ነው አሽከርካሪዎችን ያሰቃያሉ ” ሲሉ አስረድተዋል።

ሌላኛው የቲክቫህ ኢትዮጵያ ምንጭ በበኩላቸው የላኩትን ምስል መሠረት በማድረግ በሰጡን ገለጻ፣ “ ሰሞኑ 20 ተሽከርካሪዎች ተቃጥለዋል። ቦታውም ከአዲስ አበባ ወደ ቡታጅራ በሚወስደው መንገድ ከሌመን ጀምሮ እስከ ጢያ ድንበር ድረስ ነው ፤ ይህ ሁሉ በአንድ ቀን የተቃጠለ መኪና ነው " ሲሉ " ገለጸዋል።

አክለውም፣ “ ከዛም ውስጥ አንድ ሹፌር ለማምለጥ ሲሞክር አብሮ የተቃጠለበት ሁኔታ ነው ያለው። የተቃጠለው ሹፌር የቡታጅራ ልጅ ሲሆን፣ ከዚህ በፊት በተራ አስከባሪነት ህይወቱን ይመራ ነበር። በክስተቱ ብዙ ተሳፋሪዎች የታገቱ ሲሆን፣ ምስሉን ወደ አዲስ አበባ ሂጄ በሦስተኛ ቀኔ ስመለስ ያነሳሁት ነው። ስሄድ ሰላም የነበረ አገር በዬ ከተማው እስከ 6 መኪና ተቃጥሎ ደረስኩ ” ብለዋል።

በአሽከርካራዎች ላይ የሚደርሰውን ጥቃት በተመለከተ ምን እየሰሩ እንደሆነ ከባለድርሻ አካላት ሁሉ ምላሽ ለማግኘት ያደረግነው ሙከራ አልተሳካም።

በሁለት ሳምንታት ውስጥ ሰባት አሽከርካሪዎች በታጣቂዎች እንደተገደሉ፣ ከ2014 ዓ/ም ጀምሮ የተገደሉት ደግሞ 70 እንደሚሆኑ መዘገባችን አይዘነጋም።

ዘገባውን የላከው የአዲስ አበባ ቲክቫህ ኢትዮጵያ ቤተሰብ አባል ነው።

@tikvahethiopia

#INDIA #UAE

ህንድ እና የተባበሩት አረብ ኤሜሬትስ (UAE) ዛሬ በህንድ ሰሜን ምዕራብ በምትገኘው ራጃስታን ግዛት የጋራ ወታደራዊ ልምምድ መጀመራቸው ተሰምቷል።

ወታደራዊ ልምምዱ " Desert Cyclone " በሚል ለቀጣይ ሁለት ሳምንት የሚዘልቅ ሲሆን በሀገራቱ መካከል ያለውን ወታደራዊ ልምድ እንዲለዋወጡ እንደሚያስችል እና ያላቸውን ትብብር ይበልጥ እንደሚያጠናክረው ተነግሯል።

የተባባሩት አረብ አሜሬትስ (UAE) ፤ ህንድ ያለችበትን የBRICS አባል ሀገራት በትላንትናው ዕለት ከነ #ኢትዮጵያ ፣ ሳዑዲ አረቢያ፣ ግብጽ፣ እና ኢራን ጋር በይፋ መቀላቀሏ ይታወሳል።

@tikvahethiopia

ℹ የሶማሊያው ፕሬዜዳንት ሀሰን ሼክ ሞሀሙድ ዛሬ ምሽት ለግብፁ ፕሬዜዳንት አብዱል ፈታህ አል ሲሲ ስልክ ደውለው ነበር።

ስልክ የደወሉላቸው አል ሲሲ ድጋሚ የግብድ ፕሬዜዳንት ሆነው በመመረጣቸው " እንኳን ደስ አልዎት " ለማለት ነው ተብሏል።

በዚህ የስልክ ውይይታቸው ፤ " በቀጠናው ያሉ የጋራ ተግዳሮቶችን በጋራ ለመፍታት ጥረቶችን ማድረግ አስፈላጊ መሆኑን በማንሳት የሁለትዮሽ ግንኙነታቸውን ወደ ላቀ ደረጃ ለማድረስ ያላቸውን ቁርጠኝነት ማረጋገጣቸውን " በሶማሊያ መንግሥት ይፋ የተደረገው መረጃ ያሳያል።

ቲክቫህ ኢትዮጵያ የሁለቱ ሀገራት መሪዎች በዚህ ወቅት ስልክ መደዋወላቸው ምን ያለመልክት ይሆን ሲል አንድ ስማቸው እንዲጠቀስ ያልፈለጉ የቀጠናውን ጉዳይ የሚከታተሉ ግለሰብን ጠይቋል።

እኚሁ ግለሰብ ኢትዮጵያ በሰጥቶ መቀበል መርህ ያለ አንዳች ግጭት በሰላም የባህር በር ላግኝ ማለቷ ያናደዳቸው ፦
- ፍፁም እድገቷን ፣
- የህዝቧን ከችግር መውጣት ፣
- በኢኮኖሚና ወታደራዊ አቅም ሃያል እንድትሆን የማይፈልጉ ኃይሎች ብዙ ሊያስቡና ሊያብሩባት ስሚችሉ ቀጠናዊ ሁኔታዎችን በንቃት መከታተል ያስፈልጋል ብለዋል።

የሁለቱ ሀገራት የስልክ ውይይታቸው ምንም ይሁን ምን የኢትዮጵያ ፍትሃዊ የሆነውን የባህር በር ጥያቄ ማንሳትን እንደ ክፉ ነገር ፣ ጎረቤቶችን ለመጉዳት አድርገው የሚያዩ ኃይሎች ስላሉ ሁሉንም ነገር በከፍተኛ ጥንቃቄ መያዝ እና በአይነ ቁራኛ መከታተል ይገባል ሲሉ መክረዋል።

@tikvahethiopia

#Update

የሶማሊላንድ ካቢኔ አስቸኳይ ስብሰባ ተጠራ።

የራስ ገዟ ሶማሊላንድ ምክትል ፕሬዜዳንት አብዲራህማን ሳይሊች የሶማሊላንድን ካቢኔ ለነገ አስቸኳይ ስብሰባ ጠርተዋል።

ይኸው የተጠራው አስቸኳይ ስብሰባ ዛሬ በሶማሊያ መንግሥት ካቢኔ እና የፌዴራል ምክር ቤቶች ለተደረገው አስቸኳይ ስብሰባ #ምላሽ የሚሰጥ እንደሆነ ቲክቫህ ኢትዮጵያ ከሶማሊላንድ ንግድ እና ቱሪዝም ሚኒስትር አብዲረሺድ ኢብራሂም ያገኘው መረጃ ያመለክታል።

ከዚህ ባለፈ ስብሰባው በሶማሊያ መንግሥት እየተፈፀመ ስለሚገኘው ቅስቀሳ ግልፅ በሆነ መንገድ በጥልቀት ይመከርበታል የሚል መረጃ ማግኘት ተችሏል።

አስቸኳይ ስብሰባው በፕሬዜዳንቱ ቤተመንግስት ነገ ጥዋት ይካሄዳል።

በሌላ በኩል፤ ዛሬ ምሽት በሶማሊላንድ ሃርጌሳ ነዋሪዎች ወደ አደባባይ ወጥተው ከኢትዮጵያ ጋር የተደረገውን የትብብር መግባቢያ ስምምነት ሲደግፉ ነበር ተብሏል።

@tikvahethiopia

አውሮፓ ህብረት ምን አለ ?

የአውሮፓ ህብረት በኢትዮጵያ እና በራዝ ገዟ ሶማሊላንድ መካከል የተደረገውን የመግባቢያ ስምምነት በተመለከተ አጭር መግለጫን ትላንት ምሽት አውጥቶ ነበር።

በዚህ መግለጫው፤ እ.ኤ.አ. ጥር 1 ቀን የኢትዮጵያ ጠቅላይ ሚኒስትር ዐብይ አህመድ እና የሶማሌላንድ ፕሬዝዳንት ሙሴ ቢሂ አብዲ የኢትዮጵያ  የባህር በር አገልግሎት (በሊዝ) ማግኘት የሚያችላትን የመግባቢያ ስምምነት ተፈራርመዋል ብሏል።

ቀጠል አድርጎ ፦ የሶማሊያ ፌዴራላዊ ሪፐብሊክ ህገ-መንግስት ፣ የአፍሪካ ህብረት እና የተባበሩት መንግስታት ድርጅት ቻርተሮችን መሰረት በማድረግ የሶማሊያን አንድነትን ፣ ሉዓላዊነትን እና የግዛት አንድነትን ማክበር አስፈላጊ መሆኑን ለማስታወስ እንፈልጋለን ብሏል።

ይህ ለመላው የአፍሪካ ቀንድ አካባቢ ሰላምና መረጋጋት ቁልፍ ጉዳይ ነው ሲል ገልጿል።

@tikvahethiopia

#Hawassa #ጤና

በሀዋሳ ከተማ በሚገኝ " ፓነሲያ ሆስፒታል " 2,094 የሀሞት ከረጢት ጠጠር በቀዶ ህክምና ከአንዲት 40 ዓመት ሴት በሆስፒታሉ ቀዶ ህክምና ስፔሻሊስት በዶ/ር ፀጋዬ ቸቦና በስራ ባልደረቦቻቸው የቀዶ ህክምና ቡድን አማካኝነት ወጥቷል።

ጉዳዩን በተመለከተ ለቲክቫህ ኢትዮጵያ ቃላቸውን የሰጡት ዶ/ር ፀጋዬ ፤ ይህ በኢትዮጵያ እንዲሁም በአፍሪካ አህጉር ደረጃ በቁጥር ብዛት የመጀመሪያ የሆነና እስከዛሬ ያልተመዘገበ ከ2,094 በላይ ቁጥር ያለው የሀሞት ከረጢት ጠጠር (Symptomatic Multiple Cholelithiasis) ነው ብለዋል።

ቀዶ ህክምናው 2 ሰዓታት ከ30 ደቂቃ የፈጀ ሲሆን በተሳካ ሁኔታ ማስወገድ መቻሉን አስረድተዋል።

የሀሞት ከረጢት ጠጠሮቹ በቀዶ ህክምና ቡድን የተቆጠሩ ሲሆን ጠጠሮቹን ለመቁጠር ከ45 ደቂቃ በላይ መፍጀቱን ዶ/ር ፀጋዬ ገልጸዋል።

የ40 ዓመት እድሜ ያላት ታካሚዋ ለ3 ዓመታት የቆየ በአብዘኛው ጊዜ ቅባታማ ምግቦችን ከተመገቡ በሗላ የሚከሰት ለረጅም ሰዓታት የሚቆይ ፦
- የሆድ የላይኛው ቀኝ ክፍል የመውጋትና የማቃጠል ህመም ፣
- ምግብ ያለመፈጨት ችግሮች ፣
- የቀኝ ትከሻ እና የጀርባ ህመም ስለነበራቸው ነው ወደ ሆስፒታሉ ያቀናችው።

አስፈላጊው ምርመራ ከተደረገላት በኃላ ነው የሀሞት ከረጢት ጠጠር (Symptomatic Cholelithiasis) እንዳለባቸው በመታወቁ ቀዶ ህክምና እንደሚያስፈልጋት የተነገራት።

የቀዶ ህክምናው ውስብስብነት ላይ ውይይት ከተደረገና በቂ መረጃ ከተሰጣቸው በኋላ ተጨማሪ ስምምነት ፈርመው ነው ቀዶ ህክምናውን ለማደረግ የወሰኑት።

የታካሚዋ ቀዶ ህክምና ከባድና ውስብስብ ያደረገው ምንድነው ?

* በተለያዩ ጊዜያት በተለያዩ ሆስፒታሎች ሶስት ጊዜ (3x) የእንቅርት ዕጢ/ካንሰር ቀዶ ህክምና የተደረገላቸው መሆኑ
* ከቀዶ ህክምናው በሗላ በታካሚዋ ላይ የነበረባቸው ተጓዳኝ የጉሮሮ ነርቭ  ጉዳት ፤
* የድምፅ ለውጥ/የድምፅ ኃይል መቀነስ እና አልፎ አልፎ የነበረባቸው የአተነፋፈስ ችግሮች የድህረ- ቀዶ ህክምናው ፅኑ እንክብካቤ እና እርዳታ ውስብስብ አድርጎታል።

ምንም እንኳን ቀዶ ህክምናው ታካሚዋ በነበረባቸው  ተጓዳኝ ችግሮች ውስብስብ ቢሆንም በሆስፒታሉ የቀዶ ህክምና ቡድን ቅንጅት ቀዶ ህክምናው በተሳካ ሁኔታ ተከናውኗል።

🔹በዓለም አቀፍ ደረጃ በሳይንሳዊ መጽሔቶች እና ምርምር ሪፖርቶች ላይ ከፍተኛ ብዛት ያላቸው የሀሞት ከረጢት ጠጠር በህንድ በሪከርድነት ተይዞ ይገኛል።

🔹በአፍሪካ ጆርናሎችና ሳይንሳዊ ወረቀቶች ወስጥ በዚህ ደረጃ ብዛት ያላቸው የሀሞት ከረጢት ጠጠር ተመዝግቦ አልተገኘም። እስካሁን ባሉ መረጃዎች በኢትዮጵያ ሳይንሳዊ ጆርናሎች ላይ 146 የሃሞት ጠጠር ከፍተኛ ቁጥር ሆኖ ተመዝግቦ ይገኛል።

በፓነሲያ ሆስፒታል-ሀዋሳ በቀዶ ህክምና የወጣዉ ከ2,094 በላይ ብዛት ያለው የሀሞት ከረጢት ጠጠር በኢትዮጵያ እንዲሁም በአፍሪካ አህጉር ደረጃ በቁጥር ብዛት በሳይንሳዊ መጽሔቶች እና ምርምር ወረቀት ሪፖርቶች ላይ አዲስ ሪከርድ ሆኖ ሊመዘገብ የሚችል መሆኑን ዶ/ር ፀጋዬ ቸቦ ተናግረዋል።

ለጥንቃቄ . . .

በአብዘኛው ጊዜ ቅባታማ ምግቦችን ከተመገቡ በሗላ የምከሰት ለረጅም ሰዓት የሚቆይ የሆድ ህመም ካላ ፦
☑️ በሆድ የላይኛው ቀኝ ክፍል ድንገተኛ የመውጋትና የማቃጠል ህመም ፣
☑️ በቀኝ ትከሻ ላይና በትከሻ መሳቢያዎች መካከል የጀርባ ህመም፣
☑️ የሆድ መነፋት ስሜት እና ምግብ ያለመፈጨት ችግሮች ካሳየና ካለዎት ፤ ይህ የሀሞት ከረጢት ጠጠር ህመም (Symptomatic Cholelithiasis) ምልክት ሊሆን ስለምችል ባፋጣኝ ወደ ሆስፒታል ማቅናት ያስፈልጋል።

@tikvahethiopia