#AddisAbaba

ጊብሰን መካከለኛ ደረጃ እና ቅድመ አንደኛ ደረጃ ትምህርት ቤት የተሰጠው የዕውቅና ፍቃድ ታገደበት።

ቲክቫህ ኢትዮጵያ ከአዲስ አበባ ከተማ አስተዳደር ትምህርትና ስልጠና ጥራት ቁጥጥር ባለስልጣን ባገኘው መረጃ ትምህርት ቤቱ ፦

- በሀገር አቀፍ እና በከተማ አስተዳደሩ የተዘጋጀውን ስርዓተ ትምህርት ተግባራዊ ባለማድረጉ ተማሪዎች ከአማርኛ ትምህርት ውጭ ሁሉንም የትምህርት አይነቶች በእንግሊዝኛ ቋንቋ የሚማሩ መሆኑ ከፍተኛ የስርዓተ ትምህርት ጥሰት በመሆኑ፤

- ት/ቤቱ በትምህርት ቢሮ በተዘጋጀው ካላንደር መሰረት እየተጠቀመ ባለመሆኑ፤

- ት/ቤቱ በራሱ ያዘጋጀው የአሰራር መመሪያዎች ከመንግስት ፖሊሲ መመሪያና ደንቦች ጋር ተናባቢ ያልሆነና የሚጣረስ በመሆኑ፤

- የትምህርት ክ/ጊዜ ስርጭት በተሻሻለው የአጠቃላይ ትምህርት ስርዓተ ትምህርት ማዕቀፍ መሰረት ባለመሆኑ እና ከስርዓተ ትምህርቱ ውጪ የሆኑና በሚመለከተው አካል ያልፀደቁ የማስተማሪያ መጽሐፍት ለማስተማሪያነት እየተጠቀመ በመሆኑ የማስጠንቀቂ ደብዳቤ ተልኮለት እንደነበር ተገልጿል።

በዚህም በ15 ቀናት ውስጥ ማስተካከያ በማድረግ አፈፃፀሙን በሪፖርት እንዲያሳውቅ የተጠየቀ ቢሆንም በተጠቀሰው ጊዜ ገደብ መሰረት ትምህርት ቤቱ ምላሽ እንዳልሰጠ ባለስልጣን መ/ቤቱ ገልጿል።

በተሰጠው የጊዜ ገደብ ማስተካከል ስላልቻለ ከ12/04/2016 ጀምሮ ለትምህርት ቤቱ የተሰጠው የዕውቅና ፍቃድ የታገደ መሆኑን ተገልጿል።

በትምህርት ቢሮም ሆነ በትምህርት ፅ/ቤት በኩል ለትምህርት ቤቱ የሚሰጡ አገልግሎቶች በሙሉ እንዲቋረጡ ታዟል።

በሌላ በኩል ከሰሞኑን የባለስልጣን መ/ቤቱ የካ ቅርንጫፍ ጽ/ቤት የቅዱስ ሚካኤል ቅድመ አንደኛ እና መካከለኛ ደረጃ ትምህርት ቤትን እውቅና ሰርዟል።

ፍቃዱ የተሰረዘው ፦
° ከአሰራር ውጭ በወርሃዊ ክፍያና በመመዝገቢያ ያደረገው ጭማሪ፤
° ትምህርት ቢሮ ያወረደውን የተማሪዎች ሪፖርት ካርድ ባለመስጠት፣
° የአፋና ኦሮሞ ትምህርት በትምህርት ቢሮ በወጣለት ስርዓት ያለመፈፀሙ
° በአዲሱ ስርዓተ ትምህርት የታተሙ መፅሀፍትን በመተው በራሱ ያሳተማቸውን ለወላጆ በመሸጡ
° ሁሉንም አይነት ስርዓተ ትምህርት ይዘት ጥሰት ፈፅሞ በመገኘቱ ማስተካከያ እንዲያደርግ ማስጠንቀቂያ ቢሰጠውም የእውቅና ፍቃዱ ታግዶ ቆይቷል። በኃላም ማስተካከያ ስላልወሰደ ከታህሳስ 5 / 2016 ጀምሮ ታግዶ የቆየው እውቅና ፈቃድ መሰረዙን ቅርጫፍ ፅ/ቤቱ አሳውቋል።

ከዚህ በተጨማሪ ፦ አፖሌ ግሎባል አካዳሚ ቅድመ አንደኛ ደረጃ ትምህርት ቤት በተመሳሳይ የእውቅና ፍቃዱ ተሰርዞበታል።

ትምህርት ቤቱ ፦
* ከመደበኛ ትምህርት አገልግሎት ክፍያና መመዝገቢያ ውጭ ለመፅሀፍትና ለኮሚኒኬሽን ዲያሪ በሚል 2 ሺህ ብር ከወላጅ በመሰብሰቡ
* 3 የቅድመ አንደኛ ደረጃ ለማስተማር 3 ክፍሎች የተፈቀደለት ሆኖ በራሱ ውሳኔ 3 ክፍሎችን በመጨመሩ፣
* 5 የአስተዳደር አገልግሎት መስጫ ክፍሎችን በማጠፍ የመማሪያ ክፍል እንዲሆኑ በማድረጉ
* ያልተፈቀዱ ክፍሎችን ለማስፋት በሚል ዓላማ የተማሪዎችን ማሸለቢያ ክፍል በመቀየር አመቺ ባልሆነ የፍራሽ ክምችት በሚገኝበት ጠባብ ቦታ ማድረጉ ... ሌሎችንም ችግሮች እንዲያስተካክል በደብዳቤ ማስጠንቀቂያ ከተሰጠው በኃላ የእውቅና ፍቃዱ ታግዶ ነበር። በኃላም የማስተካከያ እርምጃ ባለመውሰዱ ከታህሳስ 08/2016 ጀምሮ ታግዶ የቆየው እውቅና ፍቃድ መሰረዙን ቅ/ፅቤቱ አሳውቋል።

ቲክቫህ ኢትዮጵያ እውቅናው ከታገደው የጊብሰን ትምህርት ቤት እንዲሁም እውቅናቸው ከተሰረዘው የቅዱስ ሚካኤል  ት/ቤትና አፖሎ ግሎባል አካዳሚ ማባራሪያ የሚያገኝ ከሆነ ያሳውቃል።

@tikvahethiopia

ተጠንቅቃችሁ አሽከርክሩ ⚠️

በዚህ ሳምንት ፤ በሲዳማ ክልል በበንሳ ወረዳ ፤ በንሳ ዋሬ ቀበሌ ልዩ ቦታው " ሬዎ " በሚባል ቦታ በሁለት #ሞተር_ሳይክሎች ግጭት በተከሰተ የሞተር አደጋ የ3 ሰው ህይወት #ወዲያውኑ ሲያልፍ አንድ ሰው ላይ ከባድ ጉዳት ደርሷል።

ከመጠን በላይ ፍጥነትና ከአቅም በላይ መጫን የፈጠረዉ አደጋ መሆኑ የተነገረለት ይህ አሰቃቂ አደጋ ለማህበረሰቡ ታላቅ ድንጋጤ የፈጠረና በአንድ ሞተር ላይ ከሁለት በላይ ሰዉ መጫን ለከፋ አደጋ እንደሚያጋልጥ ያሳየ ነዉ ተብሏል።

በጉዳዩ ላይ ለቲክቫህ ኢትዮጽያ አስተያየታቸውን የሰጡት የሲዳማ ክልል ፖሊስ ኮሚሽን የትራፊክ አደጋ መከላከልና ቁጥጥር ዳይሬክቶሬት ዳይሬክተር ኮማንደር ከበደ ኬኔራ ፤ አደጋዉ በሁለት ሞተር ሳይክሎች ግጭት የተፈጠረ መሆኑን ገልጸዉ የሶስቱ ሰዎች ህይወት ወዲያዉኑ ሲያልፍ አንደኛዉ የከፋ አደጋ ደርሶበት ሆስፒታል እንደሚገኝ ጠቁመዋል።

ኮማንደሩ ፤ አሁን ላይ የትራፊክ ህግን ሳያከብሩ ማሽከርከር በተለይም በሞተረኞች ላይ የሚታይ ችግር መሆኑን ገልጸዉ ይኸውም ህይወት እየቀጠፈ በመሆኑ የሚመለከታቸዉ አካላት ሁሉ ለትራፊክ አደጋ መቀነስ የሚችሉትን እንዲያደርጉና አሽከርካሪዎችም በተፈቀደዉ ፍጥነት ልክ እንዲያሽከረክሩ ጠይቀዋል።

@tikvahethiopia

#ኢትዮጵያ

" በድርቅና በረሃብ እየተጎዳ ካለ ሕዝብ አጀንዳ መሰብሰብና ተሳታፊ መየት አዳጋች ነው " - ሀገራዊ ምክክር ኮሚሽን

የአገራዊ ምክክር ኮሚሽን በትግራይ ክልል ጦርነት ባይኖርም በሌሎች ምክንያቶች የተሳታፊ ልየታ እያደረገ አለመሆኑን አሳውቋል።

የኮሚሽኑ ቃል አቀባይ አቶ ጥበቡ ታደሰ ምን አሉ ?

- በአሁን ወቅት በትግራይ ክልል ጦርነት ባይኖርም የተሳታፊ ልየታን እያደረግን አይደለም። 

- በተመሳሳይ አማራ ክልል ባለፈው የፀጥታ ችግር የተሳታፊ ልየታ ማድረግ አልተቻለም።

" በአማራ ክልል የሚስተዋለው የጸጥታ ችግር ተሳታፊዎችን ለመለየት መሰናክል ሆኗል " መባሉ አሳማኝ ቢሆንም በትግራይ ክልል ጦርነት ከቆመ ከአመት በላይ በማስቆጠሩ እንዴት እንደ ምክንያት ሊጠቀስ ይችላል ? በሚል ተጠይቀው ነበር።

አቶ ጥበቡ ታደሰ ፥ " ኮሚሽኑ ስራውን እንዳይሰራ የሚያስቸግረው የፀጥታ ችግሩ ብቻ አይደለም። ይልቁንም #በድርቅና በረሃብ እየተጎዳ ካለ ሕዝብ አጀንዳ መሰብሰብና ተሳታፊ መየት አዳጋች ነው። " ሲሉ መልሰዋል።

- በአማራ እና ኦሮሚያ ክልል የሚስተዋለው የጸጥታ ችግር ለኮሚሽኑን ሥራ እንቅፋት እየሆነ ነው።  ያላቸውን የሀሳብ ልዩነት በኃይል አመራጭ ተግባራዊ የሚያደርጉ ታጣቂ ወገኖች ኃይልን ለመጠቀም የመረጡት የሀሳብ ልዩነት ስላላቸው መሆኑን ኮሚሽኑ ይረዳል፤ የሀሳብ ልዩነታቸውንም በጠረንጴዛ ዙሪያ እንዲፈቱ ኮሚሽኑ ይሰራል።

- ኮሚሽኑ የሀሳብ ልዩነት ያላቸውን አካላት በጠረንጴዛ ዙሪያ እንዲወያዩ የልዩነት መንስኤዎቻቸውን በተመለከተ አጀንዳ በመሰብሰብ ዘላቂ ሰላም የማምጣት እንጂ፣ በተሰጠው አዋጅ ኮሚሽኑ ጊዜያዊ ችግሮችን እየተዘዋወረ የመፍታት ኃላፊነት አልተሰጠውም።

በሌላ በኩል ፦

* በማረሚያ ቤት ያሉ ማህበረሰብ አንቂዎች፣ ምሁራን እንደ አንድ የህብሰተሰብ ክፍል በአገራዊ ምክክሩ አጀንዳ እንዲሰጡ ካልተደረገ ውጤታማ ሆነ አካታች መሆን እንዴት እንደሚቻል፤

* ኮሚሽኑ የተሰጠው ጊዜ 3 ዓመታት እንደሆነ፣ ይሁን እንጂ 1 ዓመት እንደቀረው፣ በመሆኑም በዚህ አጭር ጊዜ ውስጥ ሥራውን አጠናቆ ሰላም ለማምጣት እንዴት እንደሚችል ፤  ጊዜውን የማራዘም ሀሳብ እንዳለና እንደሌለ ... ኮሚሽኑ ማብራሪያ እንዲሰጥ ተጠይቆ ነበር።

የኮሚሽኑ ምላሽ ፦

° በማረሚያ ቤት የሚገኙ አካላትን ተሳታፊ ለማድረግ ጉዳዩን ትኩረት ይሰጠዋል።

° የጊዜ ገደቡን በተመለከተ ሰራሁ ለማለት ብቻ የይድረስ ሥራ ከመስራት ጊዜ ወስዶ አመርቂ ሥራ ማከናወን ተገቢ ነው።

° ኮሚሽኑ ከ700 በላይ በሚሆኑ ወረዳዎች የተሳታፊ ልየታ ሥራ እያከያከናወነ ነው። በ327 ወረዳዎች የአጀንዳ ሀሳብ የሚሰጡ ተወካዮች ተመርጧል። በከፍተኛ የትምህረት ተቋማት ከሚገኙ ምሁራን፣ ከዲያስፓራዎች ጋር ውይይት ይደረጋል። ይሁን እንጂ በትግራይና አማራ ክልሎች ተሳታፊ የመለየት ሥራ እየተሰራ አይደለም።

የሀገራዊ ምክክር ኮሚሽን በቅርቡ በአዳማ አዘጋጅቶት በነበረ አንድ መድረክ በአማራና ኦሮሚያ ክልል የሚስተዋለው የጸጥታ ችግር ለሥራው ፈተና እንደሆነበት ለቲክቫህ ኢትዮጵያ አስረድቶ እንደነበር ይታወሳል።

መረጃውን ታህሳስ 12 በኮሚሽኑ የተሰጠውን መግለጫ ዋቢ በማድረግ የላከው የአ/አ ቲክቫህ ኢትዮጵያ ቤተሰብ አባል ነው።

@tikvahethiopia

" የተሸለምኩትን 100 ሺህ ብር በትግራይ በድርቅ ለተጎዱ ወገኖች ድጋፍ ሠጥቻለሁ " - ዕበ ለገሠ

የግሉን አውሮፕላን ሠርቶ በሰማይ ላይ መንሳፈፍ የልጅነት ምኞቱ ነበር ፣ በሽረ እንደሥላሴ ከተማ ነዋሪ የሆነው ዕበ ለገሠ።

ሐሳቡን ወደ ተግባር ለመለወጥ እልህ አስጨራሽ ጉዞ ማድረጉን ይናገራል። ከበርካታ ጥረቶች በኋላ ለሦስት ደቂቃ ያህል መብረር የምትችል ሔሊኮፕተር መስራቱን እንደቻለ ገልጿል።

በስምንት ወራት ውስጥ ተሠርታ የተጠናቀቀችው ሔሊኮፕተሯ፣ ከ1.5 ሚሊዮን ብር በላይ ወጪ እንደተደረገባት ዕበ ተናግሯል።

ለአብራሪው ብቻ የሚሆን ቦታ ቢኖራትም፣ እስከ አራት ሰው ወይም አራት ኩንታል ጭነትን ተሸክማ መብረር እንደምትችል ተናግሯል፡፡

ሔሊኮፕተሯ ተጠናቃ ወደ ሥራ ስትገባ፦
- ድንገተኛ የእሳት ቃጠሎዎችን ለማጥፋት፣
- የአንበጣ መንጋን ለመከላከልና ቅኝት ለማድረግ ታገለግላለች፡፡ ሰዎች ለትራንስፖርት ሊጠቀሙበትም ይችላሉ ብሏል።

ባለፈው ሳምንት በአዲስ አበባ ተካሂዶ በነበረ የአቪዬሽን ኢኖቬሽን ውድድር፣ ሔሊኮፕተር ሠርቶ በማቅረብ አንደኛ በመውጣት 100 ሺህ ብር ተሸላሚ ሆኗል።

የሽልማቱን ገንዘብ በትግራይ በድርቅ ለተጎዱ ወገኖች ድጋፍ እንደሰጠ ዕበ ጠቁሟል፡፡

ሔሊኮፕተሯ ተሻሽላ ገበያ ላይ መዋል የምትችልና የተሠራችበት ቁሳቁስ ሙሉ በሙሉ በአካባቢ የሚገኙ መሆናቸው ዕበን ለአሸናፊነት አብቅቶታል፡፡

የኢትዮጵያ አየር ኃይል ፈጠራውን ለማገዝ ቃል እንደገባለት የገለጸው ዕበ፣ በቀጣይ ከዚህ የተሻለ ነገር ይዞ ለመቅረብ እንደሚሠራ ተናግሯል፡፡ #ሪፖርተር

Via @tikvahuniversity

#Update

የጊብሰን መካከለኛ ደረጃ እና ቅድመ አንደኛ ደረጃ ትምህርት ቤት የዕውቅና ፍቃድ ታግዷል።

ይህን በተመለከተ የቲክቫህ ኢትዮጵያ ቤተሰብ አባላት የሆነ ወላጆች " ግልፅ አይደለም " ያሉትን ጥያቄ አንስተው ምላሽ እንዲሰጥባቸው መልዕክት ልከዋል።

የወላጆች ጥያቄ ...

- ይፋ የሆነው ደብዳቤ የዋናው የባለስልጣን መ/ቤቱ ሳይሆን " የጉለሌ ቅርጫፍ ፅ/ቤት " ነው ለዋናው ባለስልጣን መ/ቤት በግልባጭ እንዲደርስ ነው የሚለው ፤ ውሳኔው ከላይ ጀምሮ የመጣ ነው ? ዋናው መ/ቤት በዚህ ጉዳይ ምንድነው የሚለው ? ውሳኔውን ያውቀዋል ?

- ይህ ውሳኔ አሁን በተማሪዎች ላይ የሚያደርሰው ተፅእኖ አለ ?

ቲክቫህ ኢትዮጵያ የወላጆችን ጥያቄ ይዞ ይመለከታቸዋል ያላቸውን የአዲስ አበባ የትምህርት ስልጠና ጥራት ቁጥጥር ባለስልጣን መ/ቤት አካላትን አነጋግሯል።

በዚህም ፤ በጊብሰን መካከለኛ ደረጃ እና ቅድመ አንደኛ ደረጃ ትምህርት ቤት ላይ የተወሰነው የዕውቅና ፍቃድ እገዳ ፦
* የዋናው የባለስልጣን መ/ቤቱ
* የአዲስ አበባ ትምህርት ቢሮ... ሌሎችም የተለያየ #ማስጠንቀቂያ ከሰጡ በኃላ ውሳኔያቸው ያረፈበት ነው ብለውናል።

ምንም እንኳን የጉለሌ ቅንጫፍ ፅ/ቤት ደብዳቤ በማህበራዊ ሚዲያ ተለቆ ቢታይም የዕውቅና እገዳው ውሳኔ በአራት ክ/ከተሞች ማለትም ለሚኩራ፣ ንፋስ ስልክ፣ ቦሌ ፣ ጉለሌን የሚመለከት ነው ሲሉ አስረድተውናል።

በአጠቃላይ 17ቱም የጊብሰን ቅርንጫፎች ላይ የተወሰነ ነው ሲሉም አክለዋል።

አሁን የተላለፈው የዕውቅና እገዳ ውሳኔ በዚህ አመት እየተማሩ ያሉ ተማሪዎች ላይ ምንም አይነት ጉዳትም ሆነ ተፅእኖ እንደማያደርስ ቲክቫህ ኢትዮጵያ ከአዲስ አበባ የትምህርት ስልጠና ጥራት ቁጥጥር ባለስልጣን መ/ቤት ለመስማት ችሏል።

የጊብሰን ትምህርት ቤት በጉዳዩ ላይ የሚሰጠን ማብራሪያ ካለ የምናቀርብ ይሆናል።

@tikvahethiopia

#Hawassa

ቲክቫህ ኢትዮጵያ ባለፈው አርብ ሀዋሳ ከተማ ላይ ተፈፅሟል ስለተባለ አንድ የወንጀል ድርጊት ጥቆማ ደርሶት ተመልክቷል።

ጉዳዩን በተመለከተ የሀዋሳ ከተማ አስተዳደር ፖሊስን እንዲሁም ድርጊቱ ተፈፅሞበታል የተባለውን ክ/ከተማ ፖሊስ ኃላፊዎችን አነጋግሯል።

👉 ተጎጂ የራስሰው ገዛኸኝ በማህበራዊ ትስስር ገፃቸው ፦

" ሀዋሳ ላይ ቀን ነው በሚባልበት 12:30 የምናሽከረክረውን ' ላንድሮቨር ' መኪና ባስቆሙ በተደራጁ ዘራፊዎች ተዘርፈናል ፤ በመሃል ከተማ በሳንጃም የግድያ ሙከራም ተደርጎብናል። "

👉 የሀዋሳ ከተማ ፖሊስ አዛዥ ኢንስፔክተር መልካሙ አየለ ለቲክቫህ ኢትዮጵያ ፦

" ... ' ችግሩ ተፈጽሞብን ፍትህ አጣን ' የሚሉ አካላት በየትኛዉም ጊዜ ማመልከት ቢፈልጉ ቢሮዬም ሆነ ስልኬ ክፍት ነው። ብዙዎች ሰላሟን የሚመሰክሩላትን ሀዋሳ ከተማን በትንሹ መገመት አግባብ አይደለም "

👉 የታቦር ክፍለ ከተማ ፖሊስ ጣቢያ አዛዥ ኢንስፔክተር ወንድዬ ከበደን ለቲክቫህ ኢትዮጵያ ፦

" . . . ተጎጅዎች ' በተደራጀ ዝርፊያ ጥቃት ተፈጽሞብናል ' የሚሉት የተሳሳተ ነው። በወቅቱ ' ግጭት ውስጥ የነበሩ ወጣቶች ' ውስጥ በመግባታቸዉ ለስርቆት ተዳርገዉ ሊሆን ይችል እንደሆነ እንጅ በከተማዉ የተባለዉ አይነት ዝርፊያ በፖሊስና በማህበረሰቡ ትብብር ታሪክ የሆነ ጉዳይ ነው። "

@tikvahethiopia