#Update

ዛሬ የካቲት 11 ቀን 2015 ዓ.ም እነ ብፁዕ አቡነ ሣዊሮስ ስምምነቱን ሳይሸራረፍ እንደሚቀበሉና ተግባራዊ እንደሚያደርጉ በቅዱስ ሲኖዶስ በመገኘት ቃላቸውን ሰጥተው አረጋግጠዋል ስትል የኢትዮጵያ ኦርቶዶክስ ተዋሕዶ ቤተክርስቲያን አሳውቃለች።

እነ ብፁዕ አቡነ ሣዊሮስ በኢትዮጵያ ኦርቶዶክስ ተዋሕዶ ቤተ ክርስቲያን የተፈጠረውን ችግር ለመፍታት ጠቅላይ ሚ/ር ዶ/ር አብይ አሕመድ በተገኙበት የካቲት 8 ቀን 2015 ዓ/ም በተደረገው ውይይት የተስማሙባቸውን (10) ዐሥር ነጥቦች ያለመሸራረፍ ለመፈጸም እንዲሁም ቀጣዩን ተግባር በተመለከተ በቅዱስ ሲኖዶስ አማካኝነት ለማከናወን ተስማምተናል ሲሉ በቅዱስ ሲኖዶስ ፊት በመገኘት ቃላቸውን መስጠታቸው ተገልጿል።

#EOTCTV

@tikvahethiopia

#AU #ETHIOPIA

የ36ኛው የአፍሪካ የመሪዎች ጉባኤ ትላንት ቅዳሜ እንዲሁም ዛሬ እሁድ ተደርጎ ተጠናቋል።

ይህን ተከትሎ የጉባኤው ተሳታፊ ሀገራት መሪዎች ወደ አገራቸው መመለስ ጀምረዋል።

እስካሁን የበርካታ ሀገራት መሪዎች ወደ ሀገራቸው ተመልሰዋል።

እስካሁን ድረስ ወደ ሀገራቸው ከተመለሱት መካከል ፦
- የጋና፣
- የሞዛምቢክ፣
- የዲሞክራቲክ ሪፐብሊክ ኮንጎ፣
- የኬኒያ፣
- የሩዋንዳ፣
- የሞሮኮ፣
- የማዳጋስካር ፣
- የኡጋንዳ፣
- የዚምባብዌ ፣
- አንጎላ ፣
- ደቡብ አፍሪካ ፣
- ኮንጎ ብራዛቢል፣
- ቻድ እንዲሁም የሴንትራል አፍሪካ ሪፐብሊክ መሪዎች ይጠቀሳሉ።

የተመድ ዋና ፀሀፊት አንቶኒዮ ጉቴሬዝን ጨምሮ ሌሎችም የጉባኤው ተካፋዮች ተሸኝተዋል።

መሪዎቹ ትላንትናና ዛሬ በአዲስ አበባ በተካሄደው ጉባኤ ላይ ከመሳተፍ ባለፈ ከኢትዮጵያ ባለስልጣናት ጋር የሁለትዮሽ ውይይቶችን አድርገዋል።

በሌላ በኩል የኢፌዴሪ ጠቅላይ ሚኒስትር ዐቢይ አሕመድ 36ኛው የአፍሪካ ህብረት የመሪዎች ጉባኤ #በሰላም መጠናቀቁን ገልፀዋል።

ጠቅላይ ሚኒስትሩ ጉባኤው በሰላም እንዲጠናቀቅ ላደረጉ ባለድርሻ አካላት ምስጋና አቅርበዋል።

@tikvahethiopia

#ETHIOPIA

በኢትዮጵያ ምክንያቱ ግልፅ ባልተደረገበት ሁኔታ የማህበራዊ ሚዲያዎች ገደብ ከተደረገባቸው ከአንድ ሳምንት በላይ ተቆጥሯል።

#ቴሌግራም እና ፌስቡክ መሰል የማህበራዊ መገናኛዎች ከተቋረጡ ዛሬ አስራ ሁለተኛ (12) ቀን ተቆጥሯል።

የማህበራዊ ሚዲያዎች ላይ ለምን ገደብ እንደተጣለ እንዲሁም ገደቡ መቼ እንደሚነሳ በየትኛውም አካል በኩል ለህዝብ ማብራሪያም ሆነ ገለፃ ያደረገ የለም።

ቴሌግራም ፣ ፌስቡክ እና ሌሎችም የማህበራዊ መገናኛዎች በሁለቱም የቴሌኮም አገልግሎት አቅራቢዎች በኩል ተገድበው የሚገኙ ሲሆን በርካቶች ገደቡን በVPN በማለፍ አገልግሎት እያገኙ ናቸው።

@tikvahethiopia

#JawarMohammed

የኦሮሞ ፌዴራሊስት ኮንግረስ (OFC) ምክትል ሊቀመንበር አቶ ጃዋር መሀመድ የኦሮሚያን የሰላም ጉዳይ በተመለከተ በማህበራዊ ትስስር ገፃቸው ያሰፈሩት ሃሳብ ፦

" የኦሮሚያ የሰላም ጉዳይ መስመር እየያዘ ይመስላል።

የሰላም ሂደቱ ከሽማግሌዎች አልፏል ፤ ይህ ዕድል በ2011 ዓ.ም ላይ ያመለጠ ነው።

መንግስት በውጪ አደራዳሪዎች ላይ ያለውን ጥርጣሬ ማንሳት አለበት ፤ ለቴክኒክ፣ ለሎጅስቲክስ እንዲሁም ለህጋዊና ለጋራ ትምምን ሲባል የውጭ አካላት ድርድሩን እንዲመሩት ያስፈልጋል።

የፖለቲካ አመራሩ፣ ምሁራኑ እና አጠቃላይ ህብረተሰቡ ለሁለቱም ወገኖች አስፈላጊውን ድጋፍ በማድረግ ለዚህ ተስፋ በፍጥነት ተግባራዊ መሆን የበኩሉን መወጣት አለበት።

በአሁን ሰዓት ሰላምን ከማስፈን እና ህዝባችንን ከከባድ ጥፋት ከማዳን የተሻለ ነገር የለም። "

@tikvahethiopia

#Turkey

ትላንት ምሽት ቱርክ በመሬት መንቀጥቀጥ ተመታች።

እጅግ አስከፊው የመሬት መንቀጥቀጥ (7.8) ከተከሰተ ከሁለት ሳምንት በኃላ ቱርክ ትላንት ምሽት በሬክተር ስኬል መለኪያ 6.3 በሆነ የመሬት መንቀጥቀጥ መመታቷ ተሰምቷል።

የመሬት መንቀጥቀጡ የመታው አካባቢ ከሁለት ሳምንት በፊት በደረሰው የመሬት መንቀጥቀጥ ከባድ ጉዳት ባጋጠመው በሃታይ ግዛት ውስጥ በምትገኘው ደቡባዊዋ ሳማንዳግ ከተማ አቅራቢያ ነው ተብሏል።

አሁን በተከሰተው የመሬት መንቀጥቀጥ ቱርክ ውስጥ እስካሁን የሀገሪቱ መንግስት ባስታወቀው 3 ሰዎች የሞቱ ሲሆን ከ200 በላይ ሰዎች ተጎድተዋል።

የመሬት መንቀጥቀጡ በሰሜን ምዕራብ #ሶሪያ ውስጥ ጉዳት ያደረሰ ሲሆን እስካሁን በታወቀው 130 ሰዎች ተጎድተዋል።

ምናልባት በአዲሱ የመሬት መንቀጥቀጥ ተጨማሪ ተጎጂዎች ይኖሩ ይሆን እንደሆነ ተብሎ ፍለጋዎች መቀጠላቸው ታውቋል።

ከሁለት ሳምንት በፊት በደረሰው በሬክተር መለኪያ 7.8 በተመዘገበው የመሬት መንቀጥቀጥ በቱርክ እና በሶሪያ የሞቱ ሰዎች ቁጥር ከ47,000 አልፏል።

@tikvahethiopia

#UPDATE

የ14ኛው ዙር የ20/80 እና የ3ኛው ዙር የ40/60 የጋራ መኖሪያ ቤት እድለኞች ከጥር 1/2015 ዓ.ም ጀምሮ ውል ማዋዋል  መጀመራቸው ያታወቃል።

እስከአሁን በተቀመጠላቸው  የጊዜ ሰሌዳ መሰረት ቅፅ 09ን የወሰዱ የቤት ባለ እድለኞች ቁጥር 23,373 ሰዎች ሲሆኑ ቅፅ 09 ከወሰዱት መካከል ከሚኖሩበት ቀበሌ የሚጠበቅባቸውን ያሟሉ እና የክፍያ ማዘዣ ቅፅ 03 በመውሰድ ውል የተዋዋሉ 7,855 ያህል ናቸው ሲል አዲስ አበባ የቤቶች ልማት ኮርፖሬሽን አሳውቋል።

ውል ማዋዋል ከተጀመረ አንድ ወር ያለፈው ቢሆንም ቅፅ 09ን  በመውሰድ ከመኖሪያ ቀበሌያቸው አስፈላጊውን መረጃ በሟሟላት ወደ አንድ ማእከል መመለስ እና የክፍያ ማዘዣ ቅፅ 03 ወስደው መዋዋል ላይ መዘግየት ተስተውላል ሲል ኮርፖሬሽኑ ገልጿል።

" ተዋዋዮች የመዋዋያ ጊዜው እየተገባደደ ስለሆነ ከመኖሪያ ወረዳችሁ አስፈላጊውን መረጃ ፈጥናችሁ በማምጣት የክፍያ ማዘዣ ቅፅ 03ን እየወስዳችሁ ውል መዋዋል እንዳለባችሁ እናሳስባለን " ያለው  የከተማው የቤቶች ልማት ኮርፖሬሽን " ወረዳዎች ለባለጉዳዮቹ ፈጣን ምላሽ በመስጠት ለስራው መቃናት ተገቢውን ትብብር እንድታደርጉ " ብሏል።

ከጋራ መኖሪያ ቤቶቹ ጋር በተያያዘ ከጥር 1 አንስቶ ባሉት 60 የስራ ቀናት ውል የማይፈፅሙ ባለዕድለኞች ቤቱን እንዳልፈለጉት ተቆጥሮ ተመላሽ እንደሚደረግ በተደጋጋሚ ማሳሰቢያ መተላለፉ ይታወሳል።

በሌላ በኩል ፤ ጥር 3/2015 ዓ.ም የተጀመረው 4ኛው ዙር የ40/60 የንግድ ቤቶች ጨረታ የካቲት 13/2015 ዓ.ም የተጠናቀቀ ሲሆን ጨረታው ዛሬ መከፈት መጀመሩ ተሰምቷል።

ተወዳዳሪዎች በተወዳደሩበት ሳይት መሰረት ከላይ በምስሉ ላይ በተገለፃት ቀናት ተገኝተድ መከታተል ይችላሉ ተብሏል።

@tikvahethiopia

#AddisAbaba

ዛሬ በአዲስ አበባ በአቃቂ ቃሊቲ ክፍለ ከተማ ወረዳ 5 በጅምር ግንባታ ላይ ከነበረ ህንጻ ሶስት የቀን ሰራተኞች ወድቀው ህይወታቸው አለልፏል።

የአዲስ አበባ ፖሊስ ኮሚሽን የሕዝብ ግንኙነት ዳይሬክተር ምክትል ኮማንደር ማርቆስ ታደሰ ለፋና ብሮድካስቲንግ ኮርፖሬት በሰጡት ቃል ይህ ብለዋል ፦

" በስራ ላይ የነበሩት ሶስት ሰራተኞች ዛሬ 8 ሰዓት አካባቢ ላይ በጅምር ግንባታ ከነበረ ህንጻ ወድቀው ህይወታቸው ሊያልፍ ችሏል፡፡

በስራ ላይ የነበሩት የህንጻው ሰራተኞች #በገመድ_በተሰራ አሸዋና ሲሚንቶን ጨምሮ ሌሎች ዕቃዎችን በማያመላልሱበት ማውጫና ማውረጃ ጋሪ ላይ ሆነው ከ5ኛ ፎቅ ወደ ታች እየወረዱ በነበሩበት ወቅት ገመዱ ተበጥሶ የወደቁ ሲሆን ወዲያውኑ ህይወታቸው አልፏል።

ህይወታቸው ያለፈው ግለሰቦች ዕድሜያቸው ከ25 እስከ 30 ዓመት የሚገመቱ ወጣቶች ናቸው።

የማቾች አስከሬን ለተጨማሪ ምርመራ ወደ ሚኒሊክ ሆስፒታል ተወስዷል። "

(ኤፍ ቢ ሲ)

@tikvahethiopia

#Update

ብፁዕ አቡነ ዮሴፍ ፤ በእስር ላይ የሚገኙ ኦርቶዶክሳውያን ከእስር እንዲፈቱ ለማድረግ ቤተ ክርስቲያን የመንግሥት አካላትን #እንድታሳስብ ጠየቁ።

ይህንን የጠየቁት ከቅዱስ ፓትርያርኩ ጋር በወቅታዊ ጉዳይ ላይ በተወያዩበት ወቅት መሆኑ ተነግሯል።

ብፁዕ አቡነ ዮሴፍ የምዕራብ አርሲ፣ የሲዳማ፣ የጌዴኦ፣ አማሮና ቡርጂ አህጉረ ስብከት ሊቀ ጳጳስ ከብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአኲስም ወዕጨጌ ዘመንበረ ተክለ ሃይማኖት ጋር በወቅታዊ የቤተ ክርስቲያን ጉዳይ ዙሪያ መወያየታቸው ተሰምቷል።

በዚህ ወይይት ወቅት በስምምነቱ መሠረት ሕገ ወጡን ሹመት ተከትሎ የታሠሩ ኦርቶዶክሳውያን እንዲፈቱ ለማድረግ ቤተ ክርስቲያን የመንግሥት አካላትን እንድታሳስብ ጠይቀዋል።

በተጨማሪም ብፁዓን አበው ሊቃነ ጳጳሳት በሻሸመኔ ወደ ተገደሉት ሰማዕታት ቤተሰቦች እንዲሁም ጉዳት ደርሶባቸው ሆስፒታል ወደሚገኙ ኦርቶዶክሳውያን በመሔድ እንዲያጽናኑ እንደጠየቁ ተ/ሚ/ማ ዘግቧባ።

በሌላ በኩል ፤ በምዕመኑ ዘንድ የሚታወቁ ከሰሞኑን ከነበረው ሁኔታ ጋር በተያያዘ ታስረው የነበሩ የተለያዩ ግለሰቦች ለአብነት የቤተክርስቲያን መምህራን ፣ ጋዜጠኞች ሌሎችም ትላንት ከእስር ስለመፈታታቸው ታውቋል። አሁንም ግን በስም የማይታወቁ በእስር ላይ ያሉ እንደሚገኙ ተነግሯል።

ከሰሞኑን ከኢትዮጵያ ኦርቶዶክስ ተዋሕዶ ቤተክርስቲያን ጋር በተገናኘ ገጥሞ የነበረው ችግር በአባቶች ስምምነት መቋጨቱ የሚዘነጋ አይደለም።

@tikvahethiopia