ፎቶ፦ ከረጅም ወራት በኃላ ዛሬ ረቡዕ ወደ መቐለ የተደረገው የኢትዮጵያ አየር መንገድ #መደበኛ የመንገደኞች በረራ ።

Photo Credit : ENA

@tikvahethiopia

ፎቶ፦ ከ19 ወራት በኃላ የኢትዮጵያ አየር መንገድ የመንገደኞች አውሮፕላን መንገደኞችን ጭኖ መቐለ አሉላ አባ ነጋ ዓለም አቀፍ ኤርፖርት ሲያርፍ የነበረው የመንገደኞች እና የቤተሰቦች ስሜት።

#Peace #ETHIOPIA

Photo Credit : Tigrai Television

@tikvahethiopia

#Update

መቐለ ከተማ የስልክ አገልግሎት ማግኘቷን ኢትዮ ቴሌኮም አስታወቀ።

በመቐለ ከተማ ተቋርጦ የነበረው የቴሌኮም አገልግሎት መጀመሩን የኢትዮ ቴሌኮም ዋና ስራ አስፈፃሚ ፍሬህይወት ታምሩ ተናግረዋል።

ዋና ስራ አስፈፃሚዋ ፤ " በጦርነቱ ምክንያት ተቋርጦ የቆየው የስልክ አገልግሎት በዛሬው ዕለት መቐለ ላይ የተሳካ ጥሪ ማድረግ ተችሏል " ሲሉ ገልጸዋል።

ኢትዮ ቴሌኮም 981 ኪሎ ሜትር የፋይበር ጥገና ተከናውኖ በ27 ከተሞች የስልክና ሌሎች የቴሌኮም አገልግሎቶችን ማስጀመር ተችሏል ብለዋል።

የቴሌኮም አገልግሎቱ ዳግም መጀመር በመቻሉ 61 የባንክ ቅርንጫፎችም ወደ ስራ እንዲገቡ ማድረግ እንደተቻለ ዋና ስራ አስፈፃሚዋ ፍሬህይወት ታምሩ መናገራቸውን ኢብኮ ዘግቧል።

#Peace #ETHIOPIA

@tikvahethiopia

" ገንዘብ እና ሌሎች ቁሳቁስ ሰርቀው እጅ ከፍንጅ የተያዙ 6 ግለሰቦች ከ1 ዓመት ከ6 ወር እስከ 3 ዓመት ከ7 ወር የሚደርስ እስራት ተረዶባቸዋል " - የፀጥታና ደህንነት የጋራ ግብረ ኃይል

ዛሬ በቁልቢና ሀዋሳ የተከበረው የቅዱስ ገብርኤል ዓመታዊ ንግስ በዓል ያለ አንዳች የፀጥታ ችግር በሰላም የተጠናቀቀ ስለመሆኑ ሪፖርት ተደርጓል።

የፀጥታ እና ደህንነት የጋራ ግብረ ኃይል ፤ የቁልቢ ቅዱስ ገብርኤል ንግስ በዓል በሰላም መጠናቀቁን ገልጾ ለበዓሉ በሰላም መጠናቀቅ ፦
- የሀገር መከላከያ ሠራዊት፣
- የኢትዮጵያ ፌደራል ፖሊስ፣
- የኦሮሚያ ክልል ፖሊስ፣
- የሀረሪ ክልል ፖሊስ
- የድሬዳዋ ፖሊስ ከሀይማኖት አባቶች እንዲሁም ከኅብረተሰቡ ጋር በመቀናጀት የተጠናከረ የፀጥታ እና ደህንነት ተግባር ማከናወናቸውን ገልጿል። 

ከበዓሉ ታዳሚዎች የተለያዩ ተንቀሳቃሽ ስልኮች ፣ ገንዘብ እና ሌሎች ቁሳቁስ ሰርቀው እጅ ከፍንጅ የተያዙ 6 ግለሰቦች ከፖሊስ፣ ከዐቃቤ ሕግና ከፍ/ቤት ተውጣጥቶ በተቋቋመ ጊዜያዊ ፈጣን ችሎት ፊት ቀርበው ከ1 ዓመት ከ6 ወር እስከ 3 ዓመት ከ7 ወር የሚደርስ እስራት እንደተፈረደባቸው ግብረ ኃይሉ አሳውቋል።

በተመሳሳይ ዓመታዊው የሀዋሳ ቅዱስ ገብርኤል የንግስ በዓል ያለምንም የፀጥታ ችግር በሰላም እና በታላቅ ድምቀት ተከብሮ መጠናቀቁን የሐዋሳ ከተማ አስተዳደር ሰላምና ፀጥታ ጉዳይ መምሪያ አሳውቋል።

#ኢብኮ

@tikvahethiopia

ፎቶ፦ የዓለም ምግብ ፕሮግራም (WFP) በመላው ኢትዮጵያ በ2022 ፤ 11 ሚሊዮን ሰዎችን በምግብ ድጋፍ ተደራሽ ለማድረግ ጠንክሮ እየሰራ እንደሚገኝ ገልጿል።

ከላይ በፎቶው የምንመለከተው ፥ በዛሬው ዕለት ረቡዕ #ከመቐለ የተሰነሳ ሲሆን በWFP የመቐለ መጋዘን ውስጥ ከመከፋፈላቸው በፊት በጥንቃቄ የተከማቹ የአትክልት ዘይት እና ስንዴ ክምችትን ያሳያል።

የአትክልት ዘይቱ እና ስንዴው በተባበሩት አረብ ኤሜሬትስ ኤይድ (UAE AID - በፎቶው ላይ የUAE ባንዲራ ይታያል) እና በአሜሪካ ህዝብ ተራድኦ ድርጅት (USAID) የተበረከተ ስለመሆኑ ተገልጿል።

@tikvahethiopia

#Update

የኢትዮጵያ አየር መንገድ ከአርብ ታህሳስ 21 ቀን  2015 ዓ.ም ጀምሮ ወደ መቐለ የሚያደርገውን መደበኛ በረራ በቀን  ወደ #ሁለት ከፍ ማድረጉን አስታውቋል።

በተከታታይም የመንገደኛ ፍላጎት ቁጥርን ከግምት ውስጥ በማስገባት በቀን የሚያደርገውን የበረራ ምልልስ እንደሚጨምር ገልጿል።

አየር መንገዱ ደንበኞቹ ባሉበት ቦታ ላይ ሆነው በድረገፅ እና የተንቀሳቃሽ ስልክ መተግበሪያ ተጠቅመው ምዝገባ ማድረግና ትኬት መቁረጥ የሚችሉ መሆኑን አሳውቋል።

www.ethiopianairlines.com 
bit.ly/ET-android-app
bit.ly/ET-iOS-App

#የኢትዮጵያአየርመንገድ

@tikvahethiopia

#Update #Tigray #ነዳጅ

ዛሬ የነዳጅ እና ኢነርጂ ባለስልጣን ፤ በትግራይ ክልል የሚገኙ ነዳጅ አዳዮች ከጅቡቲ #ነዳጅ እንዲጫንላቸው ውሳኔ እንዳስተላለፈ " ኢትዮጵያ ኢንሳይደር " ድረገፅ ዘግቧል።

የባለስልጣኑ የኮሚዩኒኬሽን ዳይሬክተር ወ/ሮ በቀለች ኩማ ለድረገፁ በሰጡት ቃል ፤ የሰሜን ኢትዮጵያውን ጦርነት ተከትሎ ወደ ትግራይ ክልል ነዳጅ መጫን ተከልክሎ መቆየቱን አስተውሰው ከዛሬ ጀምሮ የኢትዮጵያ ነዳጅ አቅራቢ ድርጅት የኩባንያዎችን ትዕዛዝ እየተቀበለ ነዳጅ መጫን እንዲጀምር ፈቃድ መሰጠቱን አሳውቀዋል።

ይህንንም ተከትሎም ድርጅቱ የነዳጅ አከፋፋይ ኩባንያዎች ወደ ትግራይ ክልል ማጓጓዝ የሚፈልጉትን የነዳጅ መጠን እንዲያሳውቁ መጠየቁን " ኢትዮጵያ ኢንሳይደር " በድረገፁ አስነብቧል።

@tikvahethiopia

#AddisAbaba

ሃሰተኛ የነዋሪነት መታወቂያ እያዘጋጁ ሲሸጡ የነበሩ 3 ግለሰቦች በህብረተሰቡ ጥቆማ በቁጥጥር መዋላቸውን የአዲስ አበባ ፖሊስ አስታወቀ፡፡

መታወቂያዎቹን ለማዘጋጀት የሚጠቀሙባቸው ማህተሞችና ወረቀቶችም በብርበራ ተይዘዋል፡፡

እንደ ፖሊስ መረጃ ፤ ግለሰቦቹ በቁጥጥር ስር የዋሉት በአዲስ ከተማ ክፍለ ከተማ ወረዳ 7 ልዩ ቦታው አውቶብስ ተራ አካባቢ ነው።

ተጠርጣሪዎቹ ለዚሁ ህገወጥ ተግባር ማስፈፀሚያ የሚውሉ በአዲስ አበባ አስተዳደር " የአዲስ ከተማ ክ/ከተማ ወረዳ 6 አስተዳደር ጽ/ቤት " እና  በአማራ ብሄራዊ ክልላዊ መንግስት ሰሜን ጎንደር ዞን " ደባርቅ ከተማ የቀበሌ 01 አስተዳደር ጽ/ቤት " የሚሉ ሃሰተኛ ክብ ማህተሞችን እንዲሁም የግለሰብ የስም ቲተር በማስቀርፅ እና የአዲስ አበባ ከተማ አስተዳደር አርማ ያረፈበትን የመታወቂያ ወረቀት አመሳስለው በማሳተም ወንጀሉን ሲፈፅሙ እንደነበር ተገልጿል።

ማህተሞቹንና ወረቀቶቹን በአንድ የሸቀጣሸቀጥ መሸጫ ሱቅ ውስጥ ደብቀው በማስቀመጥ የነዋሪነት መታወቂያ ለሚፈልጉ ሰዎች ሃሰተኛ መታወቂያዎችን እያዘጋጁ እንደሚሸጡ ከህብረተሰቡ በተገኘ ጥቆማ እና ፖሊስ ባደረገው ክትትል 3 ተጠርጣሪዎች በቁጥጥር ስር ውለው ምርመራ እየተጣራ ነው።

ግለሰቦቹ ፤ ሃሰተኛ መታወቂያውን ለማዘጋጀት የሚጠቀሙባቸው ወረቀቶችና ማህተሞች ከተደበቁበት በብርበራ እንደተገኙም ፖሊስ አስታውቋል።

https://telegra.ph/Addis-Ababa-Police-12-29

(አዲስ አበባ ፖሊስ)

@tikvahethiopia