#UNHRC

የተባበሩት መንግስታት ድርጅት የሰብዓዊ መብቶች ም/ቤት በኢትዮጵያ ተፈፅመዋል የተባሉ የሰብዓዊ መብት ጥሰቶች ለመመርመር ላቋቋመው ቡድን ፋቱዋ ቤንሱዳ ሊቀመንበር አድርጎ ሾመ።

ፋቱዋ ቤንሱዳ ጋምቢያዊ ዜግነት ያላቸው ሲሆን ከዚህ ቀደም በዓለም አቀፉ የወንጀል ፍርድ ቤት (ICC) በአቃቤ ህግነት አገልግለዋል።

በተጨማሪም በመርማሪ ቡድኑ ውስጥ ሌሎችም ሁለት አባላት የተሾሙ ሲሆን የህግ ባለሙያዎቹ ኬንያዊቷ ካሪ ቤቲ ሙሩንጊ እና አሜሪካዊው ስቴቨን ራትነር ናቸው።

የተመድ የሰብዓዊ መብት ም/ቤት በኢትዮጵያ ከሰሜን ኢትዮጵያ ግጭት ጋር በተያያዙ የተፈፀሙ የሰብዓዊ መብት ጥሰቶችን ለመመርመር የመርማሪ ቡድን ያቋቋመው ታህሳስ 08 ቀን 2014 ዓ/ም እንደነበር ይታወሳል።

በኢትዮጵያ ጉዳይ ምርመራ የሚያደርገው ዓለም አቀፍ የመርማሪዎች ቡድን እንዲሰማራ የሚጠይቀው የውሳኔ ሃሳብ በምክር ቤቱ በ21 ድጋፍ እና በ15 ተቃውሞ በ11 ሃገራት ድምጽ ተአቅቦ የፀደቀ እንደነበር ይታወቃል።

የተመድ ሰብዓዊ መብቶች ምክር ቤት በ08/04/2014 ዓ/ም በአብላጫ ድምፅ ያሳለፈውን ውሳኔ (ዓለም አቀፍ የመርማሪ ቡድን በኢትዮጵያ እንዲሰማራ) ኢትዮጵያ እንደማትቀበል ፤ እንደማታስፈፅም ፤ የትኛውም አይነት ትብብር እንደማታደርግ ማሳወቋ የሚዘነጋ አይደለም።

@tikvahethiopia

#UNHRC

የተባበሩት መንግሥታት የሰብአዊ መብት ጥሰቶች መርማሪ ኮሚሽን የሥራ ጊዜ ለአንድ ዓመት ተራዝሟል ፤ የስራ ጊዜው የተራዘመው ትላንት አጄኔቫ ውስጥ የተመድ ሰብአዊ መብቶች ኮሚሽን ም/ቤት አባላት ውሳኔውን በተመለከተ በሰጡት ድምጽ ነው።

የውሳኔ ሀሳቡ ጠባብ በሆነ የድምፅ ልዩነት ነው ተቀባይነት ያገኘው።

47 አባላት ካሉት የምክር ቤቱ አባላት መካከል የመርማሪ ቡድኑን ሥራ መቀጠል 21 ሀገራት ሲደግፉት 19ኙ ተቃውመውታል።

ከማላዊ " ድምፀ ተአቅቦ  " በስተቀር የምክር ቤቱ አባል የሆኑ ሁሉም የአፍሪካ አገራት ውሳኔውን ተቃውመውታል።

የደገፉ ፦

- አርጀንቲና
- አርሜኒያ
- ብራዚል
- ቼክ ሪፐብሊክ
- ፊንላንድ
- ፈረንሳይ
- ጀርመን
- ሁንድራስ
- ጃፓን
- ሉቱንያ
- ሉክዘንበርግ
- ማርሻል አይላንድስ
- ሜክሲኮ
- ሞንቴኔግሮ
- ኔዘርላንድስ
- ፓራጓይ
- ፖላንድ
- ኮርያ ሪፐብሊክ
- ዩክሬን
- ዩናይትድ ኪንግደም
- አሜሪካ

የተቃወሙ ፦

- ቤኒን
- ቦሊቪያ
- ካሜሮን
- ቻይና
- ኮትዲቯር
- ኩባ
- ኤርትራ
- ጋቦን
- ጋምቢያ
- ህንድ
- ሊቢያ
- ሞሪታንያ
- ናሚቢያ
- ፓኪስታን
- ሴኔጋል
- ሶማሊያ
- ሱዳን
- ዩናይትድ አረብ ኤሜሬትስ
- ቬንዙዌላ

ድምፀ ተአቅቦ ፦

- ኢንዶኔዥያ
- ካዛኪስታን
- ማላዊ
- ማሌዥያ
- ኔፓል
- ኳታር
- ሁዝቤክስታን

የውሳኔ ሀሳቡን መፅደቅ ተከትሎ በተ.መ.ድ. የኢትዮጵያ ቋሚ መልዕክተኛ ፅ/ቤት (ጄኔቫ) ባወጣው መግለጫ ፤ የውሳኔ ሀሳቡን የተቃወሙ እና አጋርነትን ላሳዩ ፣ የድምፀ ተአቅቦ ላደረጉ የም/ቤት አባላት ምስጋና አቅርቦ ፤ በሰጡት ድምፅ ጣልቃ ገብነትን፣ በኢትዮጵያ ሉዓላዊነትና የግዛት አንድነት ማተራመስንና ማደፍረስን ነው የተቃወሙት ብሏል።

(የፅ/ቤቱ ሙሉ መግለጫ ከላይ ተያይዟል)

@tikvahethiopia