ፎቶ ፦ የደብረ ታቦር በዓል በደብረታቦር ከተማ !

በየዓመቱ ነሐሴ 13 ቀን የሚከበረው የደብረታቦር (የቡሄ ) በዓል በታላቁ ደብር ደብረታቦር እየሱስ ቤተክርስቲያን ባህላዊ እና ሐይማኖታዊ ትዉፊቱን ጠብቆ ተከብሯል።

Credit : ደብረታቦር ኮሙኒኬሽን

@tikvahethiopia @tikvahethmagazine

#ETHIOPIA

8 የስኳር ፋብሪካዎች ለጨረታ ቀረቡ።

የኢትዮጵያ መንግስት የስኳር ኢንተርፕራይዞችን ወደግል ለማዛወር በወጣው ጨረታ ባለሐብቶች እንዲሳተፉ ጥሪ አቀረበ።

የሀገር ውስጥ እንዲሁም ዓለም አቀፍ ባለሐብቶች የስኳር ፋብሪካዎችን ወደግሉ ዘርፍ ለማዛወር በወጣው ጨረታ እንዲሳተፉ ጥሪ ቀርቦላቸዋል።

ለጨረታ የቀረቡት ፦

👉 ኦሞ ኩራዝ 1፣
👉 ኦሞ ኩራዝ 2፣
👉 ኦሞ ኩራዝ 3 ፣
👉 ኦሞ ኩራዝ 5፣
👉 አርጆ ደዴሳ፣
👉 ከሰም፣
👉 ጣና በለስ እና ተንዳሆ የስኳር ፋብሪካዎች ናቸው።

(ዝርዝር ከላይ ተያይዟል)

Via Ministry of Finance ፣ FBC

@tikvahethiopia

#Gondar

የኢትዮጵያ እግር ኳስ ፌዴሬሽን በጎንደር ሊያካሂድ የነበረውን የጠቅላላ ጉባኤ ወደ አዲስ አበባ ቀይሯል።

ይህ የሆነው ጎንደር ዝግጅቷን ጨርሳ ጉባኤውን ስትጠባበቅ ነው።

ፌዴሬሽኑ ቦታ ተመቀየር ለምን ፈለገ ?

የኢትዮጵያ እግር ኳስ ፌዴሬሽን ፤ የአማራ ክልል መንግስት የስፖርት ቢሮ ምክትል ቢሮ ኃላፊ የጠቅላላ ጉባኤ ሥራ ወደሚያከናውኑ የኢትዮጵያ እግር ኳስ ፌዴሬሸን ሰራተኞች ስልክ በመደወል ከክልሉ ክለቦች የተላኩ የጠቅላላ ጉባኤ አባላት ወኪሎች ስሞች መቀየር እንዳለባቸው እና ይህንን እንዲያደርጉ ፤ ካላደረጉ ግን ጉባኤው እንዲስተጓጎል እንደሚያደርጉ በማስፈራራት ጭምር ስሜታቸውን መግለፃቸው ማረጋገጡን ገልጿል።

ጠቅላላ ጉባኤው ከጉባኤው አባላት በተጨማሪ የፊፋ እና የካፍ ታዛቢዎች የሚታደሙበት ነው ያለው ፌዴሬሽኑ ነገር ግን የክልሉ ከፍተኛ አመራር ሆነው ጉባኤው የተሳካ እንዲሆን ከፍተኛ ሥራ መሥራት ሲገባቸው ችግር እንደሚፈጥሩ መግለፃቸው የጉባኤው ውጤታማነት ላይ ስጋት እንዲያድርብን ምክንያት ሆኗል ብሏል።

የጎንደር ከተማ አስተዳደር እያደረገ ያለው ተግባር ፍፁም የሚያስመሰግነው ቢሆንም ፤ የክልሉ አመራር በዚህ ደረጃ ችግር ለመፍጠር እየሞከሩ በመሆኑ እና ሌሎች የእርምት እርምጃዎችን ለመውሰድ ያለው ጊዜ አጭር በመሆኑ የጉባኤውን ቦታ መቀየር ማስፈለጉንዳማስፈለጉን ፌዴሬሽኑ ገልጿል።

በዚህም ጉባኤው አዲስ አበባ ከተማ እንዲሆን መወሰኑን አሳውቋል።

@tikvahethiopia

#Gondar

" ውሳኔያችሁን በድጋሜ አጢኑት " - ጎንደር

የጎንደር ከተማ አስተዳደር የኢትዮጵያ እግር ኳስ ፌዴሬሽን ውሳኔን #ተገቢነት_የሌለው ነው አለ ፤ ውሳኔውንም ድጋሜ እንዲያጤነው ጠይቋል።

የኢትዮጵያ የእግር ኳስ ፌዴሬሽን በጎንደር ከተማ የፌዱሬሽኑን የምርጫ ጠቅላላ ጉባኤ ለማካሄድ እንደተዘጋጀ ለከተማው አስተዳደር አሳውቆ ነበር።

ነገር ግን ፌዴሬሽኑ የጉባኤ ቦታው እንዲቀየር መወሰኑን የገለፀ ሲሆን የከተማ አስተዳደሩ ወጣቶችና ስፖርት መምሪያ ይህ ውሳኔ ተገቢነት የለውም ብሏል።

የኢትዮጵያ እግር ኳስ ፌዴሬሽን በ2014 ዓ.ም የምርጫ ጠቅላላ ጉባኤውን ከነሀሴ 21-ነሀሴ 22/2014 ዓ.ም በጎንደር ከተማ እንደሚያካሂድ በቀን 22/11/2014 ዓ.ም በተፃፈ ደብዳቤ ነበር ያሳወቀው።

ፌደሬሽኑ በከተማዋ ጉባኤውን እንደሚያካሂድ ካሳወቀ በኃላ የቅድመ ዝግጅት ስራዎችን ከፌዴሬሽኑ አብይ ኮሚቴ ጋር በቅንጅት በተሳካ ሁኔታ ማከናወን መቻሉን የጎንደር ከተማ አስተደር ወጣቶች እና ስፖርት መምሪያ ገልጿል።

ይሁን እንጅ የቅድመ ዝግጅት ስራዎች ተጠናቀው ጉባኤውን በመጠበቅ ላይ እያለ አሳማኝ ባልሆነ ምክኒያት ፌደሬሽኑ ጉባኤውን ጠቅላላ ምርጫ የሚካሄድበትን ቦታ ቀይሬያለሁ ሲል በቀን 12/12/2014 ዓ.ም ማሳወቁን የከተማ አስተዳደሩ አሳውቋል።

ፌዴሬሽኑ የወሰነው ውሳኔ #ተገቢነት_የሌለው መሆኑን የገለፀው የጎንደር ከተማ አስተዳደር ፌደሬሽኑ የወሰነው ውሳኔው ተገቢነት የሌለው በመሆኑ ውሳኔውን በድጋሜ ሊጤን ይገባል ብሏል።

(ጎንደር ኮሚኒኬሽን)

@tikvahethiopia

#EthiopiaAirlines🇪🇹

ኢትዮጵያ አየር መንገድ ፤ ከካርቱም ወደ አዲስ አበባ ሲበር የነበረ የኢትዮጵያ አየር መንገድ የበረራ ቁጥር ET343 አውሮፕላን ነሀሴ 9 ቀን 2014 ዓ.ም ከአዲስ አበባ አየር ትራፊክ ቁጥጥር ጋር ያለው ግንኙነት ለጊዜው ተቋርጦ እንደነበር የሚጠቁም ሪፖርት እንደደረሰው አመልክቷል።

ሆኖም ግንኙነቱ ከተመለሰ በኋላ አውሮኘላኑ በሰላም እንዳረፈ ገልጿል።

ተጨማሪ #ምርመራ እስከሚያጠናቅቅ ጉዳዩ የሚመለከታቸው የበረራ ሠራተኞች ከሥራ ታግደው ይቆያሉ ብሏል።

በምርመራው ውጤት መሰረት ተገቢው የእርምት እርምጃ ይወሰዳል ያለው የኢትዮጵያ አየር መንገድ ደህንነትን ማስጠበቅ  የሁልጊዜም የመጀመሪያው ተግባሩ ሆኖ እንደሚቀጥል አረጋግጧል።

@tikvahethiopia

" ውሳኔውን አንቀበልም " - የአማራ ክልል እግር ኳስ ፌዴሬሽን

የአማራ ክልል እግር ኳስ ፌደሬሽን የኢትዮጵያ እግር ኳስ ፌደሬሽን የጠቅላላ ጉባኤ የቦታ (ከጎንደር ወደ አዲስ አበባ) ለውጥ ማድረጉን የማይቀበል መሆኑን ገልጿል።

ፌደሬሽኑ ውሃ በማይቋጥር ምክንያት ጠቅላላ ጉባኤ የሚከናወንበትን ቦታ ከጎንደር ወደ አዲስ አበባ መቀየሩ እንዳሳዘነውም ለፌደሬሽኑ በላከው መግለጫ አሳውቋል።

የክልሉ የእግር ኳስ ፌዴሬሽን ጉባኤው በተያዘለት መርሃ ግብር እና በተያዘለት ቦታ የማይካሄደ ከሆነ ጉዳዩን ወደ ካፍ እና ፊፋ እንደሚወስደው አሳውቋል።

Via Amhara Communication

@tikvahethiopia

#የኢትዮጵያ_አየር_መንገድ

በበረራ ቁጥር ET343 ላይ ስለነበረው ክስተት እና ከዛም ጋር ተያይዞ ለኢትዮጵያ አየር መንገድ ስለደረሱ ሪፖርቶች ምርመራ እየተካሄደባቸው ይገኛል።

አየር መንገዱ ምርመራውን አከናውኖ ሲጨርስ ምን እንደተፈጠረ በማረጋገጥ ተገቢውን የእርምት እርምጃ ይወስዳል ፤ እስከዛው የበረራ ሰራተኞቹ ታግደው ይቆያሉ።

በወቅቱ ምን እና እንዴት ተፈጠረ ? ስለሚለው በጉዳዩ ቀጥተኛ ባለቤት ከሆነው የኢትዮጵያ አየር መንገድ መስማት የሚያስፈልግ ሲሆን ምርመራ እንደተጠናቀቀ ጉዳዩን አየር መንገዱ ይገልፃል ተብሎ ይጠበቃል።

የኢትዮጵያ አየር መንገድ በድፍን አፍሪካ አንጋፋና ቁጥር አንድ ፤ በዓለም ደረጃ ተወዳዳሪ ፣ በደህንነቱ መረጋገጥ እና በአገልግሎቱ ሁሉም የሚመርጠው ፤ የሀገርን ክብር ይዞ የሚንቀሳቀስ ሀገር የሚያስተዋውቅ፣ በርከት ያለ ሀብት የሚያስገባ የኢትዮጵያ ህዝብ አለኝ የሚለው ትልቁ እና ጠንካራው ተቋም ነው።

@tikvahethiopia

ሲዳማ ክልል በስንት ዞኖች ይዋቀራል ?

ከሰሞኑን የሲዳማ ክልል ም/ቤት አፈ ጉባኤ ወ/ሮ ፋንታዬ ከበደ በሰጡት መግለጫ ሲዳማ ክልል 4 ዞኖች እና 1 ከተማ አስተዳደር ይኖረዋል ብለዋል።

የሀዋሳ ከተማ አስተዳደር፣ የሀዋሳ ከተማ ዙሪያ ዞን እንዲሁም በአቅጣጫቸው የሚሰየሙ መዋቅሮች ይኖሩታል።

ይህ የዞን መዋቅር ም/ቤቱ በቅርቡ በሚያካሂደው ጉባኤ ላይ ቀርቦ ምርመራ ተደርጎበት ይፀድቃል ተብሎ ይጠበቃል።

ወ/ሮ ፋንታዬ ከበደ "ከዚህ በፊት አንድ ዞን እና አንድ የከተማ አስተዳደር ነበር፤ አሁን 4 ዞን እና አንድ የከተማ አስተዳደር በዞን ደረጃ ያለ መዋቅሮች የሚደራጁበት ነው" ብለዋል።

የዞን አደረጃጀቱን በተመለከተ በሀዋሳ ዩኒቨርሲቲ የገንዘብ ድጋፍ በግል ጥናት ያደረጉት የህግና የዓለም አቀፍ ግኝኑነት መምህር ዮሃናን ዮካሞ ስለ በአቅጣጫ መዋቀሩ ጥሩ መሆኑን ገልፀዋል።

መምህር ዮሃናን የሲዳማ አዲሱ አወቃቀር በሁሉም በፖለቲከኛውም በምሁራኑም ዘንድ መቶ በመቶ ተቀባይነት አግኝቷል ብለዋል።

ጠቀሜታውን ሲያስረዱም " ግጭት አይፈጥርም ነገ፤ በጎሳ የሚባሉ ነገሮች አይኖሩም። የህዝብ ብዝሃነትን ማስተናገድ የሚችል ነው፤ አካታች ነው፤...አብዛኛው ይስማማል በቁጥር ማነሱን፤ ሀብትንና አካባቢንም ያገናዘበ ነው " ብለዋል።

መምህሩ ዞኖቹ ሲደራጁ በባለስልጣናት ሹመት ላይ ጥንቃቄ ሊደረግ እንደሚገባው ገልፀዋል።

" በተለይ ሲያዋቅሩ በኮታ በጎሳ ቁጥር ደልድለው ስልጣን የሚሰጡ ከሆነ የኔ አንሷል የሚል ነገር ይመጣል፤ ስለዚህ ኢኮኖሚ ዘርፍ ላይ የኢኮኖሚ እውቀት ያለው፤ ጤና ላይ ዶ/ር የሚያክም የተማረ፣ አስተዳደር ላይም ብቁ የሆኑ ሰዎችን ማስቀመጥ ይገባል " ብለዋል።

ተጨማሪ፦ telegra.ph/Sidama-Region-08-19

Credit : ጋዜጠኛ ዮናታን ዘብዲዮስ (ቪኦኤ)

@tikvahethiopia

#የ12ኛ_ክፍል_ብሔራዊ_ፈተና

የ2014 ዓ.ም የኢትዮጵያ የሁለተኛ ደረጃ ትምህርት ማጠናቀቂያ ፈተናን በተመለከተ ከባለድርሻ አካላት ጋር ዛሬ ምክክር ሲካሄድ ውሏል።

የትምህርት ምዘናና ፈተናዎች አገልግሎት በሀገሪቱ ከሚገኙ የተለያዩ ዩኒቨርስቲ አስተዳደርና ልማት ምክትል ፕሬዚዳንቶች እና ከየክልሉ ትምህርት ቢሮ ምክትል ቢሮ ኃላፊዎች እና የፈተና ጉዳይ አስፈጻሚዎችና ከትምህርት ሚኒስቴር የትምህርት ባለሙያዎች ጋር በፈተናው አሰጣጥ ላይ ምክክር ማካሄዱን አሳውቋል።

በውይይቱ ላይ የትምህርት ምዘናና ፈተናዎች አገልግሎት የፈተና ዝግጅትና አስተዳደር ዳይሬክቶሬት የውይይት መነሻ ሰነድ ያቀረቡ ሲሆን በሠነዱ ዙርያ የተለያዩ አስተያቶች እና ጥያቄዎች ተነስተው ግልጽነትና የጋራ መግባባት ተፈጥሯል ተብሏል።

በሌላ በኩል ፤ ፈተናውን ለመስጠት አስፈላጊው ቅድመ ዝግጅት ሁሉ ከሚመለከታቸው ባለሚና አካላት ጋር በመሆን እየተከናወነ እንደሚገኝ የትምህርት ምዘናና ፈተናዎች አገልግሎት አሳውቋል።

@tikvahethiopia