#ProfessorAsratWeldeyes

በደብረ ብርሃን ዩኒቨርስቲ " ፕሮፌሰር አስራት ወልደየስ ጤና ሳይንስ ካምፓስ " በዛሬው ዕለት ይመረቃል፡፡

የምረቃ ስነስርዓቱ የፌደራል፣ የክልል፣ የዞንና የከተማ አስተዳደሩ አመራሮችና ጥሪ የተደረገላቸው እንግዶች በተገኙበት እንደሚካሄድ ከዩኒቨርስቲው የተገኘው መረጃ ይመለክታል፡፡

Credit : የደብረ ብርሃን ኮሚኒኬሽን

@tikvahethiopia

#Update

በደብረብርሃን ዩኒቨርስቲ የፕሮፌሰር አስራት ወልደየስ ጤና ሳይንስ ኮሌጅ ካምፓስ እንዲሁም የሐኪም ግዛው ማስተማሪያ ሆስፒታል ምረቃ ፕሮግራም ተካሂዷል።

በምርቃት ስነስርአቱ የአማራ ክልል ፕሬዝዳንት ዶክተር ይልቃል ከፋለን ጨምሮ የክልልና የፌደራል ከፍተኛ ስራ ኃላፊዎች ተገኝተው ነበር።

ፎቶ : የደብረ ብርሃን ኮሚኒኬሽን

@tikvahethiopia

#ይቅርታ

" ባቀድነው ልክ ውጤታማ ባለመሆናችን የ ኢትዮጵያ ህዝብን ይቅርታ እጠይቃለሁ " - የኢትዮጵያ እግር ኳስ ፌዴሬሽን ዋና ፀሀፊ አቶ ባህሩ ጥላሁን

የኢትዮጵያ እግር ኳስ ፌዴሬሽን ከአፍሪካ ዋንጫው ጋር በተያያዘ የኢትዮጵያን ህዝብ ይቅርታ ጠየቀ።

ዛሬ ኢትዮጵያ ብሄራዊ ቡድን ዋና አሰልጣኝ ውበቱ አባተ እና የኢትዮጵያ እግር ኳስ ፌዴሬሽን ዋና ፀሀፊ አቶ ባህሩ ጥላሁን የኢትዮጵያን የካሜሩን አፍሪካ ዋንጫ ቆይታ አስመልክቶ ጋዜጣዊ መግለጫ ሰጥተዋል።

የፌዴሬሽኑ ዋና ፀሀፊ አቶ ባህሩ ጥላሁን " ባቀድነው ልክ ውጤታማ ባለመሆናችን የ ኢትዮጵያ ህዝብን ይቅርታ እጠይቃለሁ " ብለዋል።

አክለውም ፥ " የአሰልጣኙን ኮንትራት እናከብራለን ፣ እስከ ኮንትራቱ መጨረሻ አብሮን ይቀጥላል ብለን እናምናለን " ሲሉ ተናግረዋል ።

አሰልጣኝ ውበቱ አባተ በበኩላቸው ፥ " ስንሄድም ስንመጣም በኢትዮጵያ አየር መንገድ ነው አልተደበቅንም ፣ ብሄራዊ ቡድኑ ኩራት ነው ፣ በ ማህበራዊ ገፆች እንደተመለከትነው ድንጋይ ይዞ የተቀበለን ሰው የለም " ብለዋል።

" እስከ መስከረም 30/2015 ከ ፌዴሬሽኑ ጋር ኮንትራት አለኝ " ያሉት አሰልጣኙ እስከዛው የኢትዮጵያ ብሄራዊ ቡድን ዋና አሰልጣኝ ነኝ " ሲሉ ተናግረዋል።

ብሄራዊ ቡድኑ ከ8 ዓመታት በኃላ ወደ አፍሪካ ዋንጫው ቢመለስም ምድቡን ማለፍ ሳይችል በመቅረቱ የመጀመሪያ ተሰናባች ሆኖ ከቀናት በፊት ወደ ሀገሩ መመለሱ ይታወቃል።

More : @tikvahethsport

#ተጠናቋል

የእንጦጦ ፖርክ የመኪና ማቆሚያ የግንባታ ስራ መጠናቀቁ ተገልጿል።

የአዲስ አበባ ከተማ መንገዶች ባለስልጣን በቅርቡ ስራ የጀመረው የእንጦጦ ፖርክ የመኪና ማቆሚያ የግንባታ ስራ ሙሉ በሙሉ ተጠናቀው ለአገልግሎት ክፍት መሆኑን አሳውቋል።

ይህ ኘሮጀክት በአጠቃላይ ሶስት የመኪና ማቆሚያ ግንባታዎችን የያዘ ሲሆን ሁለቱ በእንጦጦ ፖርክ ዋና መግቢያ በር እንዱሁም ሶስተኛው በሱሉልታ መግቢያ በኩል የተገነቡ ናቸው፡፡

እነዚህ የመኪና ማቆሚያዎች 14,063 ሜትር ስኩዌር ስፋት ያላቸው ሲሆን በአንድ ጊዜ 450 መኪኖችን ማቆም የሚችሉ ናቸው፡፡

@tikvahethiopia

#Ethiopia #Kenya #Egypt

ከቀናት በፊት እዚህ ኢትዮጵያ የነበሩት የአሜሪካው ባለስልጣን ኬንያ ሄደው ከፕሬዜዳንት ኡሁሩ ኬንያታ ጋር ተወያይተዋል።

የአሜሪካ የአፍሪካ ቀንድ ልዩ መልዕክተኛ ዴቪድ ሳተርፊልድ ከኬንያ ፕሬዝዳንት ኡሁሩ ኬንያታ ጋር በናይሮቢ ባደረጉት ውይይት ሁለቱም አካላት በኢትዮጵያ የሚታየዉ ጦርነት እንዲያበቃ ጥረታቸዉን እንደሚቀጥሉ ገልፀዋል።

ሳተርፊልድ ፤ ፕሬዝዳንት ኬንያታ በኢትዮጵያ መንግስት እና በTPLF መካከል ያለውን ግጭት ለማስቆም ላደረጉት ቁርጠኝነት አመስግነዋል።

ሳተርፊልድ ለኬንያዉ ፕሬዚዳንት "የእርስዎ ሚና (የኢትዮጵያን ግጭት ለማስቆም በመርዳት) በጣም ጠቃሚ እንደነበረ እናምናለን። ኬንያ በአፍሪቃ ቀንድ አካባቢ እየተጫወተች ያለውን ሚናም እናደንቃለን። በኢትዮጵያ የእናንተን እርዳታ እና ድጋፍ እንጠይቃለን። በዚያች አገር የሰራችሁት ሥራ እንዲባክን አንፈልግም" ብለዋቸል።

ኬንያታ በበኩላቸዉ ኬንያና ኢትዮጵያ ጥሩ አጋር መሆናቸውን ጠቁመው በሀገሪቱ ያለው የውስጥ ግጭት የተፈጠረውን እድገት የሚሸረሽር በመሆኑ እንዲቀጥል መፍቀድ እንደሌለበት ጠቁመዋል።

"ጠንካራና የተረጋጋች ኢትዮጵያ ለኛ ጠቃሚና አስፈላጊ ነች። ለዚህም ነው ግጭቱ እልባት እንዲያገኝ የምንችለውን ሁሉ ለማድረግ ቁርጠኛ አቋም የያዝነው" ብለዋል።

ከኢትዮጵያ ግጭት በተጨማሪ ፕሬዝዳንት ኬንያታ እና ሳተርፊልድ በሱዳንና በሶማሊያ ስላለው የሰላምና የፀጥታ ሁኔታ ላይ ተወያይተዋል።

በሌላ መረጃ፦ ዴቪድ ሳተርፊልድ ዛሬ ግብፅ የገቡ ሲሆን የግብፅ ውጭ ጉዳይ ሚኒስትር ሳሜህ ሹክሪ እንደተቀበሏቸው የግብፅ ውጭ ጉዳይ ሚኒስቴር አሳውቋል። በምን ጉዳይ እንደተወያዩ የተገለፀ ነገር የለም።

ምንጭ፦ የኬንያ ፕሬዜዳንት ፅ/ቤት (ዶቼ ቨለ) እና የግብፅ ውጭ ጉዳይ ሚኒስቴር

@tikvahethiopia

#Update

በምስራቅ ወለጋ የታገቱትን 5 ተማሪዎች እና 1 በንግድ ስራ ላይ የተሰማራን ግለሰብ ለማስለቀቅ የመንግስት ፀጥታ አካላት እርንጃ እየወሰዱ ነው ተብሏል።

የኦሮሚያ ክልል የመንግስት ኮሚኒኬሽን ኃላፊ አቶ ኃይሉ አዱኛ ለቪኦኤ በሰጡት ቃል ፥ " ሸኔ ነው እገታውን የፈፀመው የታገቱትን ሰዎች ለማስለቀቅ የመንግስት ፀጥታ ኃይሎች እርምጃ በመውሰድ ላይ ይገኛሉ። የሚወሰደውን እርምጃ ተከትሎ የሚመጣውን ውጤት ወደፊት እናሳውቃለን " ብለዋል።

በሌላ በኩል ኃላፊድ ትላንት በሰጡት መግለጫ በህ/ተ/ም/ቤት አሸባሪ ተብሎ የተፈረጀው ሸኔ /እራሱን የኦሮሞ ነፃነት ሰራዊት እያለ ነው የሚጠራው / በኦሮሚያ ክልል
° 163 ትምህርት ቤቶችን ማውደሙን
° ከ756 ትምህርት ቤቶች መጻሕፍት ማቃጠሉን፣
° ኮምፕተሮችን እና ሌሎች ንብረቶችን በመዝረፍ ትውልዱ እንዳይማር ማድረጉን ገልጿል።

በዚህ የቡድኑ ድርጊት ብቻ 325 ሺ ተማሪዎች ከትምህርት ውጭ መሆናቸውን እና 5 ሺህ 227 መምህራን ከስራ ገባታሳ ውጪ መሆናቸውን ኃላፊው ተናግረዋል።

በስህተት ወደ ሸኔ የተቀላቀሉና ወጣቶች የቡድኑን ድርጊት በመረዳት በሰላም እስጃቸውን የሰጡ ስለመኖራቸው አሁንም ደግሞ እጅ እንዲሰጡ የክልሉ መንግስት ጥሪ አቅርቧል።

" በአሸባሪ ድርጅትነት የተፈረጀን ቡድን በሰላም እጅ ስጡ ማለት " የሚያመጣው ስጋት የለውም ወይ ተብለው ከሬድዮ ጣቢያው የተጠየቁት አቶ ኃይሉ አዱኛ ፥ " ባለፈው የወጣው አዋጅ ቡድኑን እንደ ቡድን ነው በአሸባሪነት የፈረጀው ያ ማለት ግን አሁን የተደረገው ጥሪ ለቡድኑ አይደለም። በተሳሳተ መንገድ ቡድኑን የተቀላቀሉ ንፁሃን የትግል መስመሩ እውነተኛ መስሏቸው የተቀላቀሉ፣ በውሸት ትርክት የተቀላቀሉ ወጣቶች ሊኖሩ ስለሚችሉ ለእነሱ እድል ለመስጠት ነው የተሰጠው " ሲሉ መልሰዋል።

@tikvahethiopia