#ማሳሰቢያ

የቲክቫህን የመረጃ አቀራርብን እንዲሁም መረጃዎችን የማከማቸት አሰራር #በማስመሰል የተለያዩ አካላት ሀሰተኛ መረጃዎችን እየሰራጩ ነው፤ በተመሳሳይ አቀራረብም የተከፈቱ እጅግ በርካታ የቴሌግራም እና የፌስቡክ ገፆች አሉ እኛን የሚወክሉ አይደሉም።

በዚህ ገፅ ላይ የሚሰባሰቡት እና የሚከማቹ መረጃዎችን የቲክቫህን ስምን መጥቀስ ሳይጠበቅባችሁ በየትኛውም ሚዲያ፣ በየትኛውም ገፅ የማሰራጨት ሙሉ መብት አላችሁ፤ ነገር ግን ከታች የምንናስቀምጣቸውን ወይም መረጃው ከየት እንደተገኘ የሚገልፁ [የሚዲያዎች ስም፣ የግለሰቦች ስም፣ የተለያዩ ተቋማት ስም] መጥቀስ እንዳትረሱ።

ከዚህ ውጪ የገፁን አጠቃላይ አቀራረብ በማስመሰል፣ የምንከተላቸውን መንገዶች በመጠቀምና ያላስቀመጥናቸውን መረጃዎች እንዳስቀመጥን አድርጋችሁ የምታሰራጩ አካላት ከድርጊታችሁ ተቆጠቡ። ይህ ካልሆነ ግን እያንዳንዱ የሚሰሩትን ስራዎች በማንና እንዴት እየተሰሩ እንደሆነ እየተከታተልን ስለሆን በህግ የምናስጠይቅ ይሆናል።

ትክክለኞቹ የTIKVAH-ETH ቻናሎች፡-

- ቲክቫህ ኢትዮጵያ ከ700,000 በላይ ተከታይ ያሉት
(https://t.iss.one/tikvahethiopia)

- ቲክቫህ ማጋዚን 150,000 በላይ ተከታዮች ያሉት
(https://t.iss.one/tikvahethmagazine)

- ቲክቫህ ስፓርት ከ63,000 በላይ ተከታዮች ያሉት
(https://t.iss.one/tikvahethsport)

የቲክቫህ ቤተሰብ አባላት!

@tikvahethiopiaBot @tikvahethiopia

#ATTENTION

በትላትናው ዕለት የደቡብ ክልል ጤና ቢሮ አንድ ከአዲስ አበባ ወደ ወላይታ ዞን ስለገባ የኮሮና ቫይረስ (ኮቪድ-19) ታማሚ መግለጫ መስጠቱ ይታወቃል።

ዛሬ ከዞኑ ጤና መምሪያ በወጣው መረጃ መሰረት ግለሰቡ ከአዲስ አበባ ወደ ወላይታ ዞን በህዝብ ትራንስፖርት (አይሩፍ/አባዱላ መኪና) ቅዳሜ ሰኔ 6/2012 ዓ/ም እንደገባ ተገልጿል።

በዕለቱ በእነዚህ መኪና ከአዲስ አበባ ወደ ወላይታ የገቡ ግለሰቦች እና አሽከርካሪዎች ለራሳቸውና ለቤተሰባቸው ብሎም ለህብረተሰቡ ሲሉ በአቅራቢያ ወዳሉ ጤና ተቋማት/ዞን ጤና መምሪያ ሪፖርት እንዲያደርጉ #ማሳሰቢያ ተሰጥቷል።

በዕለቱ ተጠርጣሪውን ጭኖ የመጣውን መኪናና አብረውት የመጡ ሰዎችን ለማግኘት የዞን እና የከተማ ፀጥታ አካለት እየሠሩ እንደሆነ የተገለፀ ሲሆን ህብረተሰቡ አስፈላጊዉን ትብብር እንዲያደርግ የዞኑ ጤና መምሪያ ጥሪ አቀርቧል።

@tikvahethiopiaBot @tikvahethiopia

#ማሳሰቢያ

በጢስ አባይ 2 የውሃ ኃይል ማመንጫ ጣቢያ በሚካሄደው ጥገና ምክንያት የጢስ አባይ ፏፏቴ ውሃ ከነገ የካቲት 27/2013 ዓ/ም ጀምሮ መጠኑ ጨምሮ ስለሚለቀቅ ከፏፏቴው ግርጌ በሚገኙ አካባቢዎች የሚገኙ የህብረተሰብ ክፍሎች ተገቢውን ጥንቃቄ እንዲያደርጉ ተብሏል።

#መልዕክቱን_ለሌሎች_ያድረሱ!

@tikvahethiopiaBot @tikvahethiopia

#ማሳሰቢያ

"ነገ ስራ ዝግ ሆኖ ይውላል"

የኢትዮጵያ ምርጫ ቦርድ የኮሚኒኬሽን አማካሪ ወይዘሪት ሶሊያና ሽመልስ ነገ እንደማንኛውም የስራ ዝግ ቀን/እንደ በዓል ቀን ስራ ዝግ ሆኖ እንደሚውል በድጋሚ ተናግረዋል።

ከትራንስፖርት ፣ ከመሰረታዊ እና ከድንገተኛ አገልግሎት (ዋና ዋና አገልግሎት) ከሚሰጡት ተቋማት በስተቀር ሌሎች ስራ ዝግ ሆነው ይውላሉ ብለዋል።

የትራንስፖርት ፣ የመሰረታዊ ፣ ድንገተኛ እና አስቸኳይ አገልግሎት የሚሰጡ ተቋማትና ሰራተኞች አሰራራቸውን ይዘው ይቀጥላሉ። ከዛ ውጭ ያሉት ግን ተዘግተው መራጮች ድምፅ የሚሰጡበት ነው ሲሉ አስገንዝበዋል።

"አንዳንድ ቦታዎች ላይ ነገ ስራ ካልገባችሁ ትቀጣላችሁ/ስራ ግዴታ መግባት አለባችሁ" የሚሉ አካላትን አይትናል ያሉት ወይዘሪት ሶሊያና ይህ ህጋዊ አይደለም፤ የአዋጁን አንቀጽ 161 የመተባበር ግዴታን የሚጥስ ተግባር ነው ብለዋል።

"ስራ ግዴታ መግባት አለባችሁ" የሚሉ አሰሪዎች ህግን ከሚጥስ የወንጀል ተግባር እንዲቆጠቡ አሳስበዋል።

#TikvahFamily
@tikvahethiopia

#ማሳሰቢያ

ለሞተር ብስክሌት ባለንብረቶች እና አሽከርካሪዎች ፦

በአዲስ አበባ የምንቀሳቀሱ ሞተር ብስክሌቶች ማሟላት ያለባችሁ ነገሮች ማለትም ፦

1. የመንቀሳቀሻ ፈቃድ ፣
2. የታዳሰ የመንቀሳቀሻ ፈቃድ፣
3. በህጋዊ መንገድ የተሰጠ የመንቀሳቀሻ ፈቃድ፣
4. የተገጠመለት ጂ.ፒ. ኤስ በትክክል የሚሰራ፣
5. ቀይ መብራቱ በአግባቡ የሚሰራ መሆኑን ማረጋገጥ እነዚህን ሳያሟሉ ሲያሽከረክሩ ከተገኙ ለመጀመሪያ ጊዜ 500 ብር፣ ለሁለተኛ ጊዜ ከሆነ እጥፍ ወይም (1000) ብር እንዲከፍሉ በህግ ተቀምጧል።

የአዲስ አበባ ከተማ ትራፊክ ማኔጅመንት ኤጀንሲ እነዚህ እና መሰል ጉዮችን እየፈተሸ ተገቢውን ክትትል እና ቁጥጥር እያደረገ እንደሚገኝ አሳውቋል።

ስለሆነም ማሟላት ያለባችሁን ነገር በማሟላት ካለስፈላጊ ጥፋት እና ቅጣት እራሳችሁን እንድትጠብቁ ማሳሰቢያ ተላልፏል።

@tikvahethiopia

#ማሳሰቢያ

በአዲስ አበባ የኮቪድ 19 ስርጭትን ለመግታት በትራንስፖርት ዘርፍ የወጡ የመከላከያ መንገዶች በአግባቡ እንዲተገበሩ የአዲስ አበባ ከተማ የትራንስፖርት ቢሮ አሳስቧል።

ቢሮው ዛሬ በትራንስፖርት ዘርፍ የኮቪድ 19 ቫይረስ ስርጭትን ለመግታት መግለጫ ሰጥቷል፡፡

የቫረሱን ስርጭት ለመቀነስ በትራንስፖርት ዘርፍ የተቀመጠውን መመሪያ ተግባራዊ በማያደርጉ አሽከርካሪዎች ላይ ከዛሬ ጀምሮ ቁጥጥር እንደሚደረግ ተገልጿል።

የትራንስፖርት አገልግሎት በሚሰጥበት ወቅት፦
- የተሽከርካሪዎችን ንጽህና መጠበቅ፣
- አሽከርካሪዎችና ረዳቶች ማስክ መጠቀም
- ማስክ ያላደረጉ ተሳፋሪዎች አገልግሎት እንዳያገኙ ማድረግ እንደሚገባም ተብራርቷል፡፡

የኮቪድ ስርጭት ለመግታት በወጣው መመሪያ መሰረት ማስክ ያላደረጉ አሽከርካሪዎች እና ረዳቶች ከተገኙ ብር 1 ሺህ የሚያስቀጣ ሲሆን፥ ማስክ ያላደረጉ ተሳፋሪ በሚጭኑበት ወቅት በአንድ ሰው 500 ብር የሚያስቀጣ ይሆናል፡፡

ምንጭ፦ የአ/አ ትራንስፖርት ቢሮ

@tikvahethiopia

#ማሳሰቢያ

የሀገር አቀፍ ትምህርት ምዘናና ፈተናዎች ኤጀንሲ አውንታዊ ድጋፍ ለሚሹ አመልካቾች student.ethernet.edu.et በመግባት ማመልከት እንደሚችሉ ገልጿል።

በተመሳሳይም በውጤታቸው ላይ ቅሬታ ያላቸው ተማሪዎች result.neaea.gov.et በመግባት እና Compliant የሚለውን በመጫን ቅሬታቸውን በፎርሙ ላይ በመሙላት ማቅረብ ይችላሉ ሲል አሳውቋል።

ኤጀንሲው ምላሹን በማመልከቻ ቅጹ ላይ በሚያስቀምጡት አድርሻ እንደሚያሳውቅ የገለፀ ሲሆን በአካል ወደ ኤጀንሲው መምጣት አያስፈልግም ብሏል።

@tikvahethiopia

#ጥቆማ

ነፃ የዓይን ሞራ ግርዶሽ ቀዶ ህክምና !

በቅዱስ ጳዉሎስ ሆስፒታል ሚሌኒየም ኮሌጅ የዓይን ህክምና ትምህርት ክፍል HCP በተባለ ግብረሰናይ ድርጅት እገዛ 500 የዓይን ሞራ ግርዶሽ ቀዶ ህክምና /CATARACT SURGERY/ ከሰኔ 6 እስከ ሰኔ 12/2014 ዓ.ም ለማድረግ አስቧል፡፡

ይህን ነፃ የዓይን ሞራ ግርዶሽ ቀዶ ህክምና ለማድረግ ቅድመ ምርመራ፣ ልየታና ምዝገባ በግንቦት ወር ባሉት ቅዳሜና እሁድ ቀናቶች ማለትም (ግንቦት 6፣ 7፣ 13፣ 14፣20፣ 21፣27 ፣28 ) ይካሄዳል።

በኮሌጁ የስልክ አገልግሎት 976 በመደወል ለቅድመ ምርመራ፣ ልየታና ምዝገባ ቀጠሮ ማስያዝ ይቻላል።

#ማሳሰቢያ ፡- በስልክ ቀጠሮ ያልተሰጠዉ ታካሚ ቅድመ ምርመራም፣ ልየታም ይሁን ምዝገባ ማድረግ አይችልም ተብሏል።

(ውድ ቤተሰቦቻችን መልዕክቱን አጋሩ)

@tikvahethiopia

#TikvahFamily

ስለቲክቫህ ኢትዮጵያ ቤተሰብ ፦

• ቲክቫህ/ተስፋ ኢትዮጵያ ሰውነትን ያስቀደሙ ሁሉንም የሰው ፍጡር፣ ህዝብን እና ሀገርን የሚያከብሩ ፣ በማንኛውም ጉዳይ ሚዛናዊ አመለካከት ያዳበሩ ከጥላቻ አመለካከት የነፁ ኢትዮጵያውያን መሰባሰቢያ ቤት ነው።

• የቤተሰቡ አባላት መረጃ ማካፈል፣ አንዱ ያልሰማውን ሌላው እንዲሰማው መጠቆም ፣ በሚዲያ ላይ የሚከታተሉትን ሌላው የቤተሰቡ አባል እንዲያውቀው ማድረግ ይችላሉ። በአጭሩ የቤተሰብ አባላቱ እርስ በእርስ መረጃ ልውውጥ የሚያደርጉበት ነው። (ምንጭ በመጥቀስ)

• በቤተሰቡ / አባላት በማንኛውም ጉዳይ ላይ ሀሳብን በነፃነት መግለፅ የሚቻል ሲሆን አንዲት ቃል ስድብ ሆነ የሰዎችን ክብር ፣ ሃይማኖት፣ ብሄር ማንነትን የሚነካ መልዕክት መላክ ከቤተሰቡ ወዲያው በቀጥታ ያስቀንሳል።

• ቲክቫህ ኢትዮ. ከተመሰረተ አንስቶ ከማንም ወገን ፣ ከየትኛውም አካል (የመንግስት ሆነ ተቃዋሚ፣ አልያም መንግስታዊ ያልሆነ ድርጅት) ጋር ግንኙነት የሌለው ሲሆን በየትኛውም አካል አይደግፍም፤ አይታግዘም። ለስራ በሚል ከቤተሰቡ ገንዘብ አይጠይቅም አያሰባስብም።

ተቋርጠው የነበሩ የቤተሰቡን ስራዎች ስለማስቀጠል ፦

- ባለፉት ሁለት ክረምቶች በኮሮና ቫይረስ ወረርሽኝ እና በጦርነት ሳቢያ ዓመታዊ ለገጠር ት/ቤቶች የሚደረገው የመፅሀፍ ማሰባሰብ ዘመቻ እና የፀረ ጥላቻ ንግግር ዘመቻ ተቋርጦ ቆይቷል። በዚህ አመት ለማስቀጠል ዝግጅት ተደርጓል።

- ሲቆራረጥ የነበረው ለግለሰቦች የሚደረግ የህክምና ድጋፍ ማሰባሰብ ዘመቻም በዚህ ዓመት የሚጀምር ሲሆን ከዚህ በፊት በተለየ ሁኔታ ስራው ይሰራ የሚለውን ሃሳብ ያላችሁ የቤተሰባችን አባላት ማሳወቅ ትችላላችሁ።

- ከዚህ ቀደም በቤተሰቡ አባላት የሚተላለፉ አጭር የቅሬታ ፣ የጥቆማ፣ የፀጥታ ችግር ማሳወቂያ ፣ ትችት፣ ጥያቄ በስፋት መላክ ይቻላል። እንደከዚህ ቀደሙ መልዕክት ሲላክ አጭር ከጥላቻ ሃሳብ የፀዳ እና የመፍትሄ ሃሳብንም የሚጠቁም ሊሆን ይገባል።

- ለጀማሪ ወጣቶች ላለፉት ዓመታት ክፍት የተደረገው የነፃ ማስታወቂያ ስራም በዚህ ዓመት ይቀጥላል። በግል ሆነ ተደራጅተው እራስን ሆነ ሀገርን ለመቀየር የሚንቀሳቀሱ ወጣት የቤተሰቡ አባላት ስራቸውን ሆነ አገልግሎታቸው በነፃ ያለምንም ክፍያ ለሌሎች የቤተሰቡ አባላት ማስተዋወቅ ይችላሉ መብታቸውም ጭምር ነው። ነገር ግን በሚሰሩት ስራ ፍቃድ ያስፈልጋቸዋል።

- በጋዜጠኝነት ሞያ ውስጥ ያሉ የቤተሰባችን አባላት እንዲሁም ደራስያን መፅሀፍቶቻቸውን በነፃ ለቤተሰባችን እንዲያስተዋውቁ የተጀመረው ስራ በዚህ ዓመት የሚቀጥል ይሆናል።

#ማሳወቂያ፦ የ "ዕርቅ ሀሳብ አለኝ" በሚል በቲክቫህ አስተባባሪነት የተካሄደው ሀገር አቀፍ በሀገር በቀል ባህላዊ የዕርቅ ስነስርዓት ላይ ባተኮረው ውድድር ላይ የቀረቡ ፅሁፎች ከሚቀጥለው ሳምንት ጀምሮ ወደቤተሰቡ ይላካል።

#ማሳሰቢያ ፦ ማስታወቂያን በተመለከተ በቀን እጅግ ውስን ማስታወቂያ ለቤተሰቡ ይላካል ፤ የሚላከው ማስታወቂያ ጠቃሚ እና ህጋዊ ሲሆን ብቻ ነው። ማስታወቂያውን የሚያስነግሩትም የቤተሰቡ አባላት በመሆናቸው የእርስ በእርስ ተውውቅን ያጎለብታል። በዚህ መሃል ችግር ቢፈጠር በማስታወቂያ ስም ማጭበርበር ቢሰራ ድርጅቱን ከነስሙ የምናጋልጥ ይሆናል። የቤተሰቡ አባላትን ገንዘባቸው እንዲመለስ ይደረጋል። ድርጅቱም ከቤተሰቡ ይቀነሳል።

#ከአጭበርባሪዎች_ተጠንቀቁ ፦ የቲክቫህ ቤተሰብ አባላት
- " Tikvah Mart "
- " Tikvah Market "
- " Tikvah Business " በሚሉ አድራሻዎች/ቦታዎች አይሰባሰቡም። በእነዚህ ገፆች የሚተላለፉ ሁሉ ሀሰተኛ መልዕክቶች ናቸው። በማስታወቂያ ስም ገንዘብም እንደሚቀበሉ ደርሰንበታል ፤ ከዚህ በፊትም እንዳልነው ተጠንቅቋቸው። ቻናሎቹንና ግሩፖቹን ለቴሌግራም ሪፖርት አድርጉ ፤ ይህን ስራ ለመስራት የሚጠቀሙበትን የስልክ ቁጥር ካላቸውም ላኩልን።

ቲክቫህ ኢትዮጵያ ፦ ምንም አይነት የ #Youtube ፣ #TikTok ፣ #Facebook አካውንት የለም።

መልዕክት ማስቀመጫ ፦ @tikvahethiopiaBOT

@tikvahethiopia