#Election2013

በደ/አፍሪካ እየታተመ ያለው የድምፅ መስጫ ወረቀት !

የኢትዮጵያ ብሔራዊ ምርጫ ቦርድ ከፓለቲካ ፓርቲዎች እና ሚዲያዎች የተወጣጣ የልኡካን ቡድን ወደደቡብ አፍሪካ በመላክ የድምጽ መስጫ ወረቀት ህትመትን እንዲጎበኙ ማድረጉን አሳውቋል።

በቦርዱ ከፍተኛ አመራር ፍቅሬ ገብረ ሕይወት የተመሩት ከፓርቲዎች እና ከሚዲያዎች ለተውጣጡ ተወካዮች የድምፅ መስጫ ወረቀት የኅትመት ሂደቱን፣ የቴክኒክና የደኅንነት አጠባበቅ ሥርዓቱን በዝርዝር አይተዋል ተብሏል።

የድምፅ መስጫ ወረቀት ኅትመት ስራ የሚከናወነው በሁለት የኅትመት ድርጅቶች ሲሆን አንዱ በደቡብ አፍሪካ በሚገኝ የሬን-ፎርም ኅትመት ማኅበር የሚሰራ ነው።

በጉብኝቱ የሥራ ሂደትና የኅትመቱ የደኅንነት አጠባበቁን ምን እንደሚመስል በኅትመት ኩባንያው የሥራ ኃላፊዎች ገለጻ ተሰጥቷል።

ጎብኝዎች ግልፅ እንዲሆንላቸው የሚፈልጉትን ነገር በሥራ ኃላፊዎቹና በቦርዱ አመራር ፍቅሬ ገብረ ሕይወት አማካኝነት ማብራሪያ ተሰጥቷቸዋል።

በደ.አፍሪካ የሚካሄደው ኅትመት የድምፅ መስጫ ወረቀት ኅትመቱን 45% የሚሸፍን ሲሆን፤ ይህውም ፦

- የደ/ብ/ብ/ክ፣
- የአማራ ክልል፤
- የሲዳማ ክልልና የደቡብ ምዕራብ ሕዝቦች ሕዝበ ውሣኔን ያካትታል።

ቀሪው 55% የሚሸፍነው የኅትመት ሥራ ዱባይ በሚገኘው አል-ጉህራር ማኅበር እየተከናወነ ይገኛል።

ለ4 ቀናት በቆየው ጉብኝትም የብልጽግና ፓርቲ፣ አብን፣ ህብር ኢትዮጵያ ፣ ኢሶዴፓ እንዲሁም የመኢአድ ከፍተኛ አመራሮች የተገኙ ሲሆን የፓለቲካ ፓርቲዎች የጋራ ምክር ቤት ሰብሳቢው እና የሚዲያ አካላት ስለመሳተፋቸው ምርጫ ቦርድ ገልጿል።

@tikvahethiopia

#Election2013

የሀገር መከላከያ ሰራዊት 6ኛው ሀገራዊ ምርጫ በሰላም እንዲጠናቀቅ ዝግጅት እያደረገ መሆኑን አሳውቋል።

6ኛው ሀገራዊ ምርጫ ሰኔ 14 ቀን 2013 ዓ.ም ይካሄዳል።

የመከላከያ ሚኒስቴር ምርጫው #ሰላማዊ ሆኖ እንዲጠናቀቅ የበኩሉን ድርሻ እንደሚወጣ የሚኒስቴር መስሪያ ቤቱ ህዝብ ግንኙነት ዳይሬክተር ኮሎኔል ጌትነት አዳነ ገልጸዋል፡፡

ከምርጫው በተጨማሪም የታላቁ የኢትዮጵያ ህዳሴ ግድብ ሁለተኛ ዙር ውሃ ሙሌት እንዲከናወን እና በመላው ሀገሪቱ ወንጀለኛን አድኖ ለመያዝ የመከላከያ ሰራዊቱ ዝግጁ መሆኑን ተናግረዋል፡፡

ምርጫው በሰላማዊና በዴሞክራሲያዊ መንገድ እንዲጠናቀቀቅ ሁሉም የበኩሉን ሃላፊነት እንዲወጣ ጥሪ መቅርረቡን አሐዱ ኤፍ ኤም 94.3 ዘግቧል።

PHOTO : FILE
@tikvahethiopia

#HappeningNow #Election2013

ዛሬ የኢትዮጵያ ብሔራዊ ምርጫ ቦርድ በአዋጅ 1133/2011 አንቀጽ 7 መሰረት የደምፅ አሰጣጡን የተረጋገጠ ውጤት ይፋ ያደርጋል ተብሎ ይጠበቃል።

ምርጫ ቦርድ በሂደቱ ላይ የነበረው በጎ ጅምር፣ ተግዳሮት፣ ማሻሻያና ተስፋ ላይ የሚመለከታቸው አካላት ፣ የሂደቱ ተሳታፊዎች እና ሌሎች ለምርጫው ሂደት መሳካት አስተዋእጾ ያደረጉ አካላት የሚገኙበት ኮንፍረንስ በስካይ ላይት ሆቴል እያካሄደ ይገኛል።  

ዝግጅቱን የሚከታተሉ የቤተሰባችን አባላት በቦታው ተገኝተዋል።

መደበኛ መርኃግብሩ ሲጀምር በ VoiceChat መከታተል እንደምትችሉ ከወዲሁ እናሳውቃለን።

@tikvahethiopia