" የኢትዮጵያ መከላከያ ሰራዊት የትኛውም ሉአላዊ ሀገር ላይ ጥቃት የመፈፀም አጀንዳ የለውም " - ዶ/ር ለገሰ ቱሉ

የኢትዮጵያን መከላከያ ሰራዊት በሱዳን ጦር ላይ ጥቃት ሰነዘረ እየተባለ የሚነዛው ወሬ #ሀሰተኛ ነው ሲሉ የኢትዮጵያ መንግስት ኮሚኒኬሽን አገልግሎት ሚኒስትር ዶ/ር ለገሰ ቱሉ አስታወቁ።

ሚኒስትሩ ይህን ያሳወቁት ለብሄራዊ ቴሌቪዥን ጣቢያ በሰጡት ቃል ነው።

ዶ/ር ለገሰ ፥ " አሸባሪው ኃይል በተለያየ መልኩ ሱዳን ውስጥ የሚያሰለጥናቸውን ሰርጎ ገቦች በተለያየ ቦታ በተለይም በመተማ አካባቢዎች በተለያየ ጊዜያት ያስገባል ፤ በተለያየ ጊዜ ኢትዮጵያን የሚተናኮሉ ሰርጎ ገቦች ይገባሉ፤ በዚህ መሰረት በርካታ ቁጥር ያላቸው ሰርጎ ገቦች ፣ ሽፍታዎች እና አሸባሪዎች በዛ መስመር ገብተው ነበር በዛ መስመር የገባውን ኃይል የኢትዮጵያ መከላከያ ሰራዊት እና የአካባቢው ሚሊሻ መቷቸዋል ፤ ደምስሷቸዋል " ብለዋል።

የተለያዩ ሚዲያዎች እንደሚነዙት የኢትዮጵያ መከላከያ ሰራዊት የሱዳን ጦር ላይ ጥቃት ፈፅሟል የሚለው መሰረተቢስ ነው ሲሉ አስረድተዋል።

የኢትዮጵያ መከላከያ ሰራዊት የትኛውም ሉአላዊ ሀገር ላይ ጥቃት የመፈፀም አጀንዳ የለውም ያሉት ዶ/ር ለገሰ ፥ " ቢኖረው ኖሮ የሱዳን ኃይሎች ወረው በግድ የያዙት መሬት አለ ፤ ይሄንንም በሰላማዊ ሁኔታ በውይይት እና በድርድር እንፈተለን ብሎ የተቀመጠ ነው የኢትዮጵያ መንግስት ፤ አዲስ የመጣ የተከሰተ ነገር የለም " ሲሉ ተናግረዋል።

ነገር ግን የህወሓትን ተልዕኮ ለማስፈፀም እንቅስቃሴ ሲያደርጉ የነበሩ ሽፍታዎችን ደምስሰናቸዋል ሲሉ ሚኒስትሩ ተናግረዋል።

@tikvahethiopia

የተቀጣጠለው የ #NoMore ንቅናቄ ፦

አሜሪካንን ጨምሮ ሌሎች የምዕራባውያን ሀገራት በኢትዮጵያ የውስጥ ጉዳይ የሚያደርጉትን ጣልቃ ገብነትና በሀገራቱ ሚዲያዎች የሚሰራውን የኢትዮጵያን ህዝብ የማሸበር የሀሰተኛ መረጃ ዝውውር በመቃወም በተለያዩ ሀገራት #NoMore በሚል በርካታ ኢትዮጵያውያን እና ትውልደ ኢትዮጵያውያን እንዲሁም የኤርትራ ዜጎች የተቀውሞ ሰልፍ እያደረጉ ይገኛሉ።

ትላንት እሁድ እንዲሁም ቅዳሜ በአይርላንድ (ደብሊን ፣ ኮርክ፣ ጋልዌይ) ፣ ደቡብ ኮሪያ፣ ኖርዌይ፣ ጣልያን የተቃውሞ ሰልፎች ተደርገዋል።

በተጨማሪ በአሜሪካ ነጩ ቤተ መንግስት መቀመጫ ዋሽንግቶን ዲሲ ትላንት የተቃውሞ ሰልፍ የተደረገ ሲሆን ሀገሪቱ ከኢትዮጵያ የውሥጥ ጉዳዮች እጇን እንድትሰበስብና በሀገሪቱ ያሉት ሚዲያዎች በሀሰተኛ መረጃ ህዝብን ከማሸበር እንዲታቀቡ ተጠይቋል።

በ #NoMore ዘመቻ በተለይ በማህበራዊ ሚዲያው ከኢትዮጵያውያን በተጨማሪ የተለያዩ ሀገራት ዜጎች እየተሳተፉበት ሲሆን ከነዚህ መካከል በጉልህ የሚጠቀሱት የቻይና ከፍተኛ ባለስልጣናት ናቸው።

የቻይና መንግሥት ውጭ ጉዳይ ሚንስትር ቃል አቀባይ ዌንቢን ፣ ረዳት የውጭ ጉዳይ ሚኒስትር ሁዋን ቹኒንግ፣ በሊባኖስ የቻይና ኤምባሲ ኮንሱላር ካኦ ይ የ #NoMore በቃ ንቅናቄ ድጋፋቸውን በይፋዊ የትዊተር ገጻቸው ያንፀባሩቁ ናቸው።

ባለስልጣናቱ፥ " O ዴሞክራሲ፤ በስምሽ ስንት ወንጀሎች ተፈጸመ "ብለዋል።

ባለስልጣናቱ ከመልእክታቸው ጋር ያያዙት ምስል " ለUS ኢምፔሪያሊዝም ቀጣዩ ማን ነው?" የሚል ሲሆን አፍጋኒስታን፤ ኢራቅ፤ ሊቢያ እና የመን ወድመዋል፤ ማነው ተረኛው? "ሲልም ያጠይቃል።

ከፖለቲካ ሰዎች በተጨማሪም ሴኔጋላዊ-አሜሪካዊው ዓለም አቀፍ ድምፃዊ ኤኮን #NoMore ንቅናቄን ተቀላቅሏል።

@tikvahethiopia

#Dasenech

የኮንሶ ዞን ለዳሰነች ወረዳ ህዝብ 23 አይሱዙ መኪና የእንሰሳት መኖ ድጋፍ አድርጓል።

የዳሰነች ወረዳ የሀገር ሽማግሌዎች ከኮንሶ ዞን ለተደረገላቸው የእንሰሳት መኖ ድጋፍ ምስጋና አቅርበዋል።

የደቡብ ኦሞ ዞን የዳሰነች ወረዳ ዋና አስተዳደር በዝናብ እጥረት አማካኝነት እንሰሳት መሞታቸው አሳውቆ ከኮንሶ ዞን ለተደርገው ድጋፍ አስተዳደሩ ምስጋና አቅርቧል።

የኮንሶ ዞን አስተዳደር አሁን ላይ ያደረገው 23 አይሱዙ መኪና የመኖ ሳር ድጋፍ ሲሆን ቀጣይነት እንደሚኖረው አሳውቋል።

በግጦሽ እጦት ምክንያት በርካታ እንስሳት የሞቱ ሲሆን ከ45ሺህ በላይ ቤተሰብና ከ300 ሺህ በላይ የቀንድ ከብቶች ተፈናቅለው ከ207 ሺህ 700 በላይ ከፍተኛ አደጋ ላይ እንደሚገኙ ተገልጿል።

መረጃው ከኮንሶ ዞን መንግስት ኮ/ጉ መምሪያ ያገኘነው ነው።

@tikvahethiopia

" ሀገርን ማክበር የሚለው ሀሳብ የሚጀምረው የሀገርን ህግ ከማክበር ነው " - ወ/ሮ ሰላማዊት ካሳ

የአስቸኳይ ጊዜ አዋጅ ዕዝ ያወጣውን ክልከላ የሚተላለፉ አካላት ከድርጊታቸው እንዲቆጠቡ የኢትዮጵያ መንግስት አሳሰበ።

የአስቸኳይ ጊዜ አዋጅ ዕዝ ከቀናት በፊት ፦

" ማንኛውም ወታደራዊ እንቅስቃሴዎችን፣ የጦር ሜዳ ውሎዎችን እና ውጤቶችን በተመለከተ፣ በአስቸኳይ ጊዜ አዋጅ ዕዝ ሥልጣን ከተሰጠው አካል ውጪ፣ በየትኛውም የመገናኛ አውታር መስጠትና ማሰራጨት ክልክል ነው።

በየግንባሩ የሚገኙ የሲቪል እና ወታደራዊ አመራሮች ከተሰጣቸው ሥምሪትና ተልእኮ ውጭ ማንኛውንም ወታደራዊ እንቅስቃሴዎችን፣ የጦር ሜዳ ውሎዎችን እንዲሁም ውጤቶችን የሚመለከቱ መግለጫዎች መስጠት የተከለከለ ነው።

የጸጥታ አካላትም ይሄን ተላልለፈው በሚገኙት ላይ አስፈላጊውን ርምጃ እንዲወስዱ ታዟል። " የሚል ትዕዛዝ ማስተላለፉ ይታወሳል።

በዛሬው ዕለት መግለጫ የሰጡት የኢትዮጵያ መንግስት ኮሚኒኬሽን አገልግሎት ሚኒስትር ዴኤታ ወ/ሮ ሰላማዊት ካሳ የተላለፈውን ክልከላ በማወቅም ይሁን ባለማወቅ በመተላለፍ ላይ ያሉ አካላት ከድርጊታቸው እንዲቆጠቡ መንግስት ያሳስባል ብለዋል።

ሚኒስትር ዴኤታዋ ፥ ሀገርን ማክበር የሚለው ሀሳብ የሚጀምረው የሀገርን ህግ ከማክበር በመሆኑ የአስቸኳይ ጊዜ አዋጅ ዕዝ ያወጣውን ክልከላ የሚተላለፉ አካላት ከድርጊታቸው ሊታቀቡ ይገባል ሲሉ አሳስበዋል።

@tikvahethiopia

#DebreBirhan

በደብረብርሃን ተፈናቅለው የሚገኙ ከ12,000 በላይ ሰዎች የመጠለያ፣ የማዕድ ቤት እቃዎች፣ ምንጣፎች፣ የሶላር መብራቶች እና የገንዘብ ድጋፍ እንዲደርሳቸው ማድረጉን ዓለም አቀፍ የቀይ መስቀል ኮሚቴ (ICRC) አሳውቋል።

በተጨማሪም የዓለም አቀፉ የቀይ መስቀል ኮሚቴ ቡድን ለኢትዮጵያ ቀይ መስቀል ማህበር የደብረ ብርሃን ቅርንጫፍ ከ6,000 በላይ የተፈናቀሉ ሰዎችን መርዳት እንዲችል የመጠለያ እና የቤት ውስጥ ቁሳቁስ ድጋፍ አድርጓል፡፡

በተመሳሳይ የደብረብርሃን ሪፈራል ሆስፒታል ለቆሰሉ እና ለተፈናቀሉ ሰዎች የሚሰጣቸውን አገልግሎቶች ለማጠናከር እንዲያግዝ የተለያዩ የድንገተኛ ህክምና መድሃኒቶችን እና ቁሳቁስ ድጋፍ አድርጓል፡፡

@tikvahethiopia

ስለአዲሱ ልውጥ የኮሮና ቫይረስ (ኦሚክሮን) ምን ያህል እናውቃለን ?

አዲሱ የኮሮና ቫይረስ ዝርያ ደቡብ አፍሪካ ውስጥ የተከሰተ ሲሆን በመላው ዓለም በሚባል ደረጃ ከፍተኛ ስጋትን ፈጥሯል።

ሳይንቲስቶች ይህ አዲስ የኮሮና ቫይረስ ዝርያ አሳሳቢ እንደሆነ እየተናገሩ ነው። ለምን ? ከተባለ ቫይረሱ በከፍተኛ ደረጃ ዐይነቱን እየቀያየረ በመሆኑ በፍጥነት እየተዛመተ በመሆኑ ነው ተብሏል።

በደቡብ አፍሪካ የተገኘው አዲሱ የኮሮና ቫይረስ ዝርያ የተሰጠው ስያሜ “ #ኦሚክሮን ” የሚል ነው።

የዓለም ጤና ድርጅት “ኦሚክሮን” በዓለም አቀፍ ደረጃ ባሳየው የስርጭት ባህሪ ተንተርሶ አደገኛ መሆኑን አስታውቋል፤ ቫይረሱ ከዚህ በፊት ታይቶ በማይታወቅ ደረጃ ባህሪውን የሚቀያይርና በርካታ ሰዎችን እያጠቃ ይገኛልም ብሏል።

ኦሚክሮን ለከፍተኛ ስጋትን እንደደቀነ ያሳወቀው የዓለም ጤና ድርጅት ዓለም ለዚህ መዘጋጀት አለበት ብሏል።

በአዲሱ ልውጥ የኮሮና ቫይረስ ሳቢያ በርካታ ሀገራት በደቡባዊ አፍሪካ እና አካባቢው ሀገራት ላይ የጉዞ ገደብ እየጣሉ ሲሆን አውሮፓ ህብረት፣ ብሪታኒያ ፣ አሜሪካ ፣ ጃፓን ፣ ጀርመን ፣ ካናዳ ተጠቃሽ ናቸው።

@tikvahethiopia

" ረዳት ኮሚሽነር ቢሰጥ ከሌሎች የፀጥታ ጓዶቻቸው ጋር በመሆን ሰራዊቱን በአግባቡ እየመሩ ይገኛሉ " - የአማራ ክልል ፖሊስ

የአማራ ክልል ፖሊስ ኮሚሽን ህብረተሰቡ በሀሰተኛ ወሬ እንዳይታለል አሳሰበ።

የአማራ ክልል ልዩ ኃይል ምክትል አዛዥ ረዳት ኮሚሽነር ቢሰጥ ጌታሁን ከህወሓት ጋር ግንኙነት ስለአላቸው በቁጥጥር ስር ውለዋል በሚል የሚነዛው ወሬ ሀሰተኛ መሆኑን አስገንዝቧል።

ኮሚሽኑ ወሬውን 'በሬ ወለደ' ወሬ ነው ያለ ሲሆን ፥ " በህወሓትና ለሆዳቸው ባደሩ ተላላኪ ቅጥረኞቹ አማካኝነት በማህበራዊ ሚዲያዎች ሲዘዋወር ተመልክተናል " ብሏል።

ጥቂት ግለሰቦችም ባለማወቅም ይሁን ባለማወቅ አጋርተውታል ሲል ገልጿል።

" እውነታው ግን ረዳት ኮሚሽነር ቢሰጥ ጌታሁን በአሁኑ ሰዓት ከሌሎች የፀጥታ ጓዶቻቸው ጋር በመሆን ሰራዊቱን በአግባቡ እየመሩ ይገኛሉ " ሲል አሳውቋል።

የአማራ ፖሊስ ኮሚሽን ፥ ሁሉም አካል መሰል የሀሰት ወሬዎችን ከማጋራቱ በፊት መረጃው ከሚገኝበት ቦታ ወይም ከመረጃው ጋር ቅርብ ግንኙነት ያላቸውን አካላት ስለወጣው መረጃ ትክክለኛነት በመጠየቅ መረዳት ይገባል ሲልም አስገንዝቧል።

ሁሉም የህብረተሰብ ክፍል ከሀሰት ወሬ እንዲጠነቀቅ መልዕክቱን አስተላልፏል።

@tikvahethiopia

#AddisAbaba

" መዋሸታችሁን አቁሙ፤ እዚህ ሁሉም ነገር ሰላም ነው ፤ አፍጋኒስታን እዚህ የለችም " - ላውረንስ ፍሪማን

ከ30 ዓመታት በላይ የአፍሪካን ፖለቲካዊ ኢኮኖሚ በመተንተን የማታወቁት አሜሪካዊው የአፍሪካ ፖሊሲ ተመራማሪ ላውረንስ ፍሪማን አዲስ አበባ ገብተዋል።

ላውረንስ ፍሪማን አዲስ አበባ መግባታቸውን ተከትሎ በአዲስ አበባ ስላለው ሁኔታ በትዊተር ገፃቸው ባሰራጩት መልዕክት ፥ " መዋሸታችሁን አቁሙ፤ እዚህ ሁሉም ነገር ሰላም ነው ፤ አፍጋኒስታን እዚህ የለችም " ብለዋል።

የኢኮኖሚ ተንታኝ እና ተመራማሪው የአሜሪካ መንግስት እና ምዕራባውያን በኢትዮጵያ ላይ ከከፈቱት የስነልቦና ጦርነት በቀር ሁሉም ነገር አዲስ አበባ ውስጥ የተረጋጋ ነው ብለዋል።

" ባርና ሬስቶራንቶች በምሽትም ጭምር ክፍት ናቸው ፤ ሆቴሎችም ስራ ላይ ናቸው " ያሉት ፍሪማን " ከአሜሪካ ወደ አዲስ አበባ የመጣሁበት አውሮፕላን መቀመጫዎች በመንገደኞች ለመሙላት የተቃረቡ እንደሆነ ታዝቢያለሁ " ሲሉ ፅፈዋል።

ፍሪማን ቦሌ ኤርፖርት ሲደርሱ ሁሉም ነገር እንደሁል ጊዜው ሰላማዊ እና የተረጋጋ እንደነበር የተናገሩ ሲሆን " መዋሸታችሁን አቁሙ በተሳሳተ መረጃ ማደናገራችሁን አቁሙ፤ የስርዓተ መንግስት ለውጥም እዚህ አያስፈልግም " ብለዋል።

Credit : ሸገር ኤፍ ኤም 102.1

@tikvahethiopia