#EMA : ሲኤንኤን ፣ ቢቢሲ ፣ ሮይተርስ እና ኤፒ ማስጠንቀቂያ ተሰጣቸው።

የኢትዮጵያ መገናኛ ብዙኃን ባለስልጣን ለአራት የውጭ ሚዲያዎች የማስጠንቀቂያ ደብዳቤ ፅፏል።

እነዚህ ሚዲያዎች ሲኤንኤን (CNN)፣ ቢቢሲ (BBC)፣ ሮይተርስ (Reuters) እና አሶሺየትድ ፕሬስ (AP) ናቸው።

በማስጠንቀቂያ ደብዳቤው ላይ ሚዲያዎቹ ፦

- TPLFን ዓላማ ለማገዝ በኢትዮጵያ ላይ የሀሰት ዜናዎች እና የዜና ትንታኔዎችን ማዘጋጀታቸው እና ማሰራጨታቸው ፥

- የህግ ማስከበር ዘመቻውን የዘር ማጥፋት (Genocide) ዘመቻ አድርገው ሪፖርት ማድረጋቸው ፥

- በትግራይ ክልል የተፈጠረውን ሰብዓዊ ቀውስ ለመፍታት መንግስት የሚያደርገውን ጥረት የሚያበላሽ ዘገባዎችን መስራታቸው፣

- በትግራይ ክልል መንግስት ረሃብንን እና አስገድዶ መድፈር እንደጦር መሳሪያ እንደተጠቀመበት ሪፖርት ማድረጋቸው ፤

- በሀገሪቱ መሪ ተቋማት ላይ የስም ማጥፋት ሪፖርቶችን ማዘጋጀታቸው፤

- የሀገሪቱን መሪ በዓለም አቀፍ መድረክ ለማጣጣል እና ሀገሪቱን ከፍተኛ የዲፕሎማሲ ጫና ውሥጥ የሚከቱ ዜናዎችን ማዘጋጀታቸው ተገልጿል።

ተቋማቱ የጋዜጠኝነት መርህን አክብረው እንዲሰሩ መደበኛ እና መደበኛ ባልሆነ መልኩ ተደጋጋሚ ምክርና ማሳሰቢያ ሲሰጥ መቆየቱን የጠቀሰው ባለስልጣኑ፤ መገናኛ ብዙኃኑ ከድርጊታቸው ከመታቀብ ይልቅ አባብሰው መቀጠላቸውን አስታውቋል።

ለኢትዮጵያዊያን ደህንነት ሲባል የሚዲያ ተቋማቱ በቀጣይ ከዚህ ድርጊታቸው የማይታቀቡ ከሆነ ባለስልጣኑ በተሰጠው ስልጣን እና ሃላፊነት በመጠቀም የሰጣቸውን የሥራ ፈቃድ ለመሰረዝ እንደሚገደድ አስጠንቅቋል።

በኢመብባ ዋና ዳይሬክተር መሀመድ ኢድሪስ ተፈርሞ የወጣው የማስጠንቀቂያ ደብዳቤ ከላይ ተያይዟል።

@tikvahethiopia

#ካማላ_ሃሪስ

ፕሬዚዳንት ጆ ባይደን የጤና ክትትል ላይ በመሆናቸው ምክትላቸው ሥልጣን ተረክበዋል።

የአሜሪካው ፕሬዚዳንት ጆ ባይደን የጤና ክትትል እያደረጉ በመሆኑ ምክትላቸው የሆኑት ካማላ ሃሪስን ፕሬዝዳንትነት ሥራውን መረከባቸውን ዛሬ የዋይትሐውስ ቃላቀባይ በሰጡት መግለጫ አሳውቀዋል።

ፕሬዝዳንቱ የጤና ምርመራቸውን ለማድረግ ወደ ሆስፒታል ያቀኑት ዛሬ ሲሆን ከማደንዘዣው እስኪነቁ ድረስ ነው ምክትላቸው የፕሬዝዳንቱን ሥራ እንዲሰሩ የወከሉት።

በአሜሪካ ታሪክ ካማላ ሀሪስ የፕሬዝዳንትነት ስልጣን የያዙ የመጀመሪያዋ ሴት ሆነዋል።

አሜሪካን እስካሁን ከመሯት ፕሬዝዳንቶች ጆ ባይደን በእድሜ የመሪውን ደረጃ ይይዛሉ ፤ በነገው ዕለት 79 ዓመታቸውን ይደፍናሉ።

NB : በአሜሪካ ፕሬዘዳንትነት ታሪክ እኤአ ከ2002 እስከ 2007 ዓመት ስልጣነ ላይ የነበሩት ፕሬዘዳንት ደብሊው ቡሽ ለህክምና ክትትል ሆስፒታል ሲገቡ ስልጣናቸውን ለምክትላቸው ለመጀመሪያ ጊዜ አሳልፈው ሰጥተው ነበር።

@tikvahethiopia

#SouthOmoZone

በድርቅ ምክንያት ከብቶች እየሞቱ ነው።

በደቡብ ክልል በደቡብ ኦሞ ዞን ዳሰነች ወረዳ ላይ በተከሰተው የጎርፍ አደጋ ምክንያት 98 ሺህ ሄ/ር ለግጦሽ ሲውል የነበረው መሬት ሙሉ በሙሉ በጎርፍ በመያዙ በተከሰተ ድርቅ የአርብቶ አደሩ የኢኮኖሚ ምንጭ የሆኑ ከብቶቻቸው በግጦሽ ሳር እጦት እየሞቱ ነው።

በዛሬው እለት የዞኑ ም/ቤት ዋና አፈ ጉባኤ ምህረት አስራቱ የተመራ ቋሚ ኮሚቴ የመስክ ምልከታ በማድረግ ይህንን አረጋግጧል።

በአካባቢው ያለውን ሁኔታ የሚያሳይ ፎቶ ከላይ ተያይዟል።

Photo Credit : የደቡብ ኦሞ ዞን ኮሚኒኬሽን

@tikvahethiopia

ባይደን ወደ ፕሬዜዳንት ስልጣናቸው ተመለሱ።

ለ85 ደቂቃዎች ያህል በህክምና ክትትል ምክንያት የአሜሪካ ፕሬዜዳንትነት ስልጣናቸውን ለምክትላቸው ካማላ ሃሪስ አስረክበው የነበሩት የ79 ዓመቱ የአሜሪካ ፕሬዝዳንት ጆ ባይደን ወደ ፕሬዝዳንትነት መንበራቸው ተመልሰዋል።

ትላንት ካማላ ሐሪስ በአሜሪካ ታሪክ ለ85 ደቂቃዎች አገሪቱን በመምራት የመጀመሪያዋ ሴት ሆነዋል። በተጨማሪ የመጀመሪያዋ ጥቁር ደቡብ ኤስያዊት ሴት ፕሬዜዳንትም ሆነዋል።

ፕሬዝዳንቱ ሕክምና ላይ በነበሩበት ጊዜ ሐሪስ ከዋይት ሐውስ የምሥራቅ ክንፍ ካለው ቢሯቸው ሥራቸውን ሲያከናውኑ ነበር።

የጆ ባይደን ሐኪም ፕሬዝዳንቱ ደህና እንደሆኑ እና ወደ ሥራቸው መመለስ እንደሚችሉ ተናግረዋል።

የጆ ባይደን ሐኪም ኬቨን ኦኮነር ፤ ፕሬዜዳንቱ ጤናማና ጠንካራ ናቸው ያሉ ሲሆን ኃላፊነታቸውን በአግባቡ መወጣት ይችላሉ ብለዋል።

ባይደን ከሆስፒታል ወደ ዋይት ሐውስ ሲመለሱ "ጥሩ ስሜት ይሰማኛል" ብለው መናጋረቸውን የሀገሪቱ ሚዲያዎች ዘግበዋል።

@tikvahethiopia

#MekdalaTreasures

በመቅደላ ጦርነት ጊዜ በጀኔራል ናፒዬር ወታደሮች የተዘረፉ 13 የኢትዮጵያ ጥንታዊ የታሪክ አሻራ ማሳያ የሆኑ ታሪካዊና ሃይማኖታዊ ቅርሶች በዛሬው ዕለት አዲስ አበባ ገብተዋል።

በኢትዮጵያ ቅርሶች አስመላሽ ኮሚቴ፣ በእንግሊዝ የሚገኘው የኢትዮጵያ ኤምባሲ ከሼሄራ ዛድ ፋውንዴሽን ጋር በመተባባር ባደረጉት ጥረት ባለፈው ዓመት ጳጉሜን 3 /2013 ዓ.ም በለንደን ለሚገኘው የኢትዮጵያ ኤምባሲ መመለሳቸው ይታወሳል።

ከተመለሱት ቅርሶች መካከል ፦
- በነሀስ የተለበጠ ጋሻ፣
- በቆዳ የተደጎሰ በእጅ የተፃፈ ጥንታዊ የብራና የፀሎት መፅሀፍ እስከነመያዣቸው፣
- በመጠን ተለቅ ያለ የብር መስቀል፣
- አነስተኛ መጠን ያለው የብር መስቀል፣
- ፅዋ ይወሰድበት የነበረ ዋንጫ እና ማንኪያ፣
- የጳጳሳት እና የካህናት አክሊል፣
- ሦስት ከቀንድ የተሰሩና በብር የተለበጡ የቀንድ ዋንጫዎች፣
- የአንገት ጌጥ (ሃብል)፣
- ክታብ እና የገበታ ስዕል ይገኙበታል፡፡

ምንጭ፦ ኤፍቢሲ

@tikvahethiopia

ፎቶ : የሰብአዊ መብት ተሟጋች የሆኑት እና በአሁን ሰዓት የኢትዮጵያ ሰብዓዊ መብቶች ኮሚሽንን በዋና ኮሚሽነርነት እየመሩ የሚገኙት ዶ/ር ዳንኤል በቀለ በርሊን ብራንድቡርግ የ2021 የጀርመን አፍሪካ ሽልማት ተቀብለዋል።

ዶ/ር ዳንኤል ሽልማቱን ያገኙት በህይወት ዘመናቸው ለሰብአዊ መብት መከበር ባደረጉት ከፍተኛ ትግል ነው።

ሽልማቱን የጀርመን አፍሪካ ፋውንዴሽን ፕሬዝዳንት ኡሺ አይድ እና የጀርመን አፍሪቃ ፋዉንዴሽን ዳኞች ፕሬዝዳንት ክላዉስ ሽቴከር በጋራ ለዶ/ር ዳንኤል በቀለ አበርክተዉላቸወዋል።

የጀርመን አፍሪቃ ፋውንዴሽን ፕሬዝዳንት ኡሺ አይድ ፦

" ሽልማቱ ለምሳሌ ኦሮሞ፣ አማራ፣ ትግሬ፣ ሶማሌ ወይም አፋር ዉስጥ ያሉና ሳይፈሩ ለሰብአዊ መብት መከበር ለሚቆሙ ሁሉ ማበረታቻ ሊሆን ይገባል። " ብለዋል።

የጀርመን አፍሪቃ ፋዉንዴሽን ዳኞች ፕሬዝዳንት ክላዉስ ሽቴከር ፦

" ዶ/ር ዳንኤል በቀለ ኢትዮጵያ አሁን ባለችበት አስቸጋሪ ሁኔታ የኃላፊነት እና ድፍረት ምሳሌ ናቸው። " ሲሉ አሞግሰዋቸዋል።

ዶ/ር ዳንኤል ምን ያህል በአስቸጋሪ ሁኔታ ዉስጥ ሆነዉ ሥራቸዉን እያከናወኑ እንደሆነም ሽቴከር ተናግረዋል።

ዶ/ር ዳንኤል በቀለ ፦

" ሽልማቱ  ለሰብአዊ መብቶች መከበር በየቀኑ ለሚሰሩ እና በአስቸጋሪ ሁኔታዎች ውስጥ እንዲሁም በፖለቲካዊ ተቃውሞ ውስጥ እንኳን ሆነዉ የእኩልነት መርህን ለሚጠብቁ ባልደረቦቻቸዉ ሁሉ ይሁን " ብለዋል።

#ዶቼቨለ

@tikvahethiopia