#Update

የአስቸኳይ ጊዜ አዋጁ ነገ በህዝብ ተወካዮች ም/ቤት ይፀድቃል።

በሃገር ህልውናና ሉአላዊነት ላይ የተደቀነውን አደጋ ለመከላከል በሚኒስትሮች ምክር ቤት የተዘጋጀ የአስቸኳይ ጊዜ አዋጅ ነገ ለም/ቤቱ ቀርቦ ውይይት ከተደረገበት በኃላ ይፀድቃል ተብሎ ይጠበቃል፡፡

በኢፌደሪ ህገ መንግስት አንቀጽ 93/1 ፦

• የውጪ ወረራ ሲያጋጥም ወይም ህገ መንግስታዊ ሥርዓቱን አደጋ ላይ የሚጥል ሁኔታ ሲከሰትና በተለመደው የህግ ማስከበር ስርዓት ለመቋቁም የማይቻል ሲሆን፣

• ማንኛውም የተፈጥሮ አደጋ ሲያጋጥም ወይም የህዝብን ጤንነት አደጋ ላይ የሚጥል በሽታ ሲከሰት፣ የፌዴራሉ መንግስት የሚኒስትሮች ም/ቤት የአስቸኳይ ጊዜ አዋጅ የማውጣት ሥልጣን እንዳለው ይደነግጋል፡፡

በዚሁ አንቀጽ 2(ሀ) የሕዝብ ተወካዮች ም/ቤት በሥራ ላይ ባለ ጊዜ የታወጀ ከሆነ በታወጀ በ48 ሰዓታት ውስጥ ለሕዝብ ተወካዮች ም/ቤት መቅረብ አለበት በሚል ተደንግጓል ፡፡

በዚህም በሚኒስትሮች ም/ቤት የተዘጋጀው የአስቸኳይ ጊዜ አዋጅ ነገ ለም/ቤቱ ቀርቦ ውይይት ከተደረገበት በኃላ ይፀድቃል ተብሎ ይጠበቃል፡፡

ምንጭ፦ የህዝብ ተወካዮች ምክር ቤት

@tikvahethiopia

#ሪፖርት

በትግራይ ግጭት ሁሉም አካላት ሰብዓዊ መብቶች ጥሰት ፈፅመው መገኘታቸውን የጋራ ሪፖርቱ አመላክቷል።

ተፈፅመዋል የተባሉ ጥሰቶች ፦

• ከሕግ ውጪ ግድያና ርሸና፣
• ማሰቃየት፣
• ወሲባዊና ጾታዊ ጥቃቶች፣
• በስደተኞች ላይ የተፈጸሙ ግፎች እንዲሁም ሰላማዊ ሰዎችን በኃይል ማፈናቀል ይገኙበታል።

በጋራ የምርመራ ሪፖርቱ ከቀረቡት ክስተቶች መካካል በጥቂቱ ፦

በማይካድራ "ሳምረ" በተባለ ቡድን የተፈጸመ ጥቃት ይገኝበታል ፤ ምንም እንኳን ቁጥሩን እርግጠኛ ለመሆን ባይቻልም ከ200 በላይ ሰዎች በዚህ ጥቃት ተገድለው በጅምላ መቃብሮች መቀበራቸውን ተመላክቷል።

የመከላከያ ሠራዊት እና የአማራ ልዩ ኃይል ከተማውን በተቆጣጠሩባቸው ቀጣይ ቀናት የትግራይ ተወላጅ የሆኑ የማይካድራ ከተማ ነዋሪዎች ላይ የበቀል ግድያዎች መፈጸማቸውን እና የፋኖ ሚሊሺያዎችም በግድያው መሳተፋቸውን ሪፖርቱ ያስረዳል።

በአክሱም ከተማ የኤርትራ ሠራዊት አባላት ከ100 በላይ ሲቪሎችን መግደላቸውን፤ በወቅቱ የኢትዮጵያ መከላከያ ሰራዊት አባላት ግድያዎቹ ሲፈጸሙ ጣልቃ ሳይገቡ መቅረታቸውን ሪፖርቱ ገልጿል።

በቦራ አምደውሃ ፣ በቦራ ጫማላ እና ማኢ ሊሃም ከተሞች ከ70 በላይ ሲቪሎች በመከላከያ ሠራዊት መገደላቸውን የጋራ ሪፖርቱ ገልጿል።

እነዚህን እና ሌሎች የግድያ ማስረጃዎችን በመያዝ የሕግ ትንታኔ የሰጠው የምርመራ ቡድኑ በዚህ ጦርነት ውስጥ "የጦር ወንጀሎች" ተፈጽመው ሊሆን እንደሚችል ጠቁሟል።

#EHRC #OHCHR

@tikvahethiopia

የጠቅላይ ሚኒስትሩ ምላሽ !

ጠ/ሚ ዶክተር ዐቢይ አህመድ ዛሬ የወጣውን የጋራ ሪፖርት በተመለከተ ምላሽ ሰጥተዋል።

TPLF በትግራይ ክልል በቀሰቀሰው ግጭት ወቅት የዘር ማጥፋት ተፈጽሟል በሚል ያናፈሰው የሐሰት ውንጀላ ተጨባጭ መሠረት እንደሌለው በቡድኑ የጋራ ምርመራ በግልፅ ተረጋግጧል ብለዋል።

ቡድኑ ባወጣው ሪፖርት መሰረትም መንግስት ረሃብን 'የጦርነት መሳሪያ' አድርጎ ይጠቀምበታል የሚለውን ተደጋጋሚ ክስ በአሳማኝ ማስረጃ ላይ ያልተመሰረተ ሲል መደምደሙ ይፋ ባደረገው መግለጫ ተመላክቷል ሲሉ ገልፀዋል።

ከዚሁ ጋር በተያያዘ በትግራይ ውስጥ ሆን ተብሎ መንግስት ለህዝቡ የሰብአዊ እርዳታ እንዳይደርስ ከልክሏል በሚል የቀረበውን ክስ የሚያረጋግጥ ማስረጃ እንዳላገኘ በሪፖርቱ እንደማለከተ አንስተዋል።

ጠቅላይ ሚኒስትሩ፤ ''እነዚህ ውንጀላዎች ውሸት መሆናቸውን እናውቃለን፣ ነገር ግን ጠላቶቻችን አለም አቀፉን ማህበረሰብ ለማሳሳት ደከመኝ ሰለቸኝ ሳይሉ ሰርተዋል'' ብለዋል።

በሪፖርቱ ላይ አንዳንድ ጥርጣሬዎች ቢኖሩንም ሪፖርቱን እንደ ጠቃሚ ሰነድ ተቀብለነዋል፤ ለተጎጂዎች መፍትሄ ለመስጠት፣ ተጠያቂነትን ለማረጋገጥ ይሰራል ብለዋል።

አክለውም የሁለቱ ተቋማት አመራሮች እና ሰራተኞች በጣም አስቸጋሪ በሆኑ ሁኔታዎች ውስጥ ሆነው ሙያዊና ተዓማኒ የሆነ የሰብአዊ መብት ምርመራ ለማካሄድ ላደረጉት ጥረት ምስጋና አቅርበዋል።

* ሙሉ ምላሻቸው ከላይ ተያይዟል።

#ENA

@tikvahethiopia

#US : በርካታ ትውልደ ኢትዮጵያዊያንና ኤርትራውያን በሚኖሩባት የቨርጂኒያ ምርጫ የሪፐብሊካን ዕጩ ግሌን ዮንከን አሸነፉ።

ግሌን ዮንከን ምርጫውን ማሸነፋቸውን ኤኤፍፒ ዘግቧል።

ቀድም ብሎ በዚህ ግዛት ላይ ዲሞክራቶች ከተሸነፉ የጆ ባይደን ቅቡልነት ማጣት አንድ ማሳያ እንደሆነ ተንታኞች ሲናገሩ ነበር።

ባለፈው የፈረንጆች ዓመት ጆ ባይደን ቨርጂኒያን በ10 ነጥብ የበላይነት አሸንፈው ነበር።

ከቨርጂኒያ ሌላ በኒው ጀርሲም በዲሞክቶችና በሪፐብሊካን መካከል ጥብቅ ፉክክር እየተደረገ ነው።

ጆ ባይደን ወደ ዋይት ሐውስ ከገቡ ወዲህ ፦
- የዋጋ ግሽበት መባባስ፣
- የተቀዛቀዘው የምጣኔ ሀብት ቶሎ አለማንሰራራት - ዝርክርክ የተባለው የአሜሪካ ከአፍጋኒስታን የወጣችበት መንገድ በሕዝብ ዘንድ ለዲሞክራቶች የነበረው ተስፋና እምነትን ሸርሽሯል እየተባለ መሆኑን ቢቢሲ በድረገፁ አስነብቧል።

መረጃው ከኤኤፍፒ እና ቢቢሲ የተውጣጣ ነው።

@tikvahethiopia

#AddisAbaba : ከዛሬ ጀምሮ በአዲስ አበባ አዲስ የነዋሪነት መታወቂያ የመስጠት አገልግሎት ቆሟል፡፡

የአ/አ ከተማ አስተዳደር ፥ " ለህዝቡን ድህንነት ሲባል በተለያዩ መንገዶች ወደ ከተማው የሚገቡ ጸጉረ ልውጦችን እና ሰርጎ ገቦችን ለመከላከል ሲባል የከተማ አስተዳደሩ ከዛሬ ጀምሮ በየትኛውም ወረዳ የነዋሪነት መታወቂያ አገልግሎት መስጠት ቆሟል " ብሏል።

የሀገር ህልውናና ሉዓላዊነት ላይ የተደቀነውን አደጋ ለመከላከል ከከትላንት ጥቅምት 23/2014 ዓ.ም ጀምሮ በመላ ሀገሪቱ የአስቸኳይ ጊዜ አዋጅ ተግባራዊ መደረጉ ይታወሳል::

በአስቸኳይ ጊዜ አዋጅ መምሪያ ዕዝ በአዋጅ መሰረትም የከተማው የነዋሪ መታወቂያ፣ የመንጃ ፈቃድ፣ የሰራተኛ መታወቂያ፣ ፓስፖርት ወይም ከነዚህ ተመጣጣኝ የሆነ መታወቂያ ሳይዙ መንቀሳቀስ የተከለከለ ነው ፡፡

ሆኖም የከተማችን ነዋሪዎች ሆነው በተለያዩ ምክኒያቶች መታወቂያ ያልወሰዱ ነዋሪዎች ካሉ በልዩ ሁኔታ በሚመለከተው አካል ተጣርቶ እና ተረጋግጦ ጊዜያዊ መታወቂያ የሚዘጋጅላቸው ይሆናል ተብሏል።

ምንጭ፦ የአዲስ አበባ ፕሬስ ሴክሬተሪያት

@tikvahethiopia

ኤርትራ የምርመራ ሪፖርቱን አልቀበልም አለች።

የኢትዮጵያ ሰብዓዊ መብቶች ኮሚሽን እና የተመድ የጋራ የምርመራ ቡድን ዛሬ ይፋ ያደረጉትን ሪፖርት ኤርትራ እንደማትቀበለው አሳውቃለች።

ዛሬ ከሰዓት የኤርትራ ውጭ ጉዳይ ሚኒስቴር መግለጫ አውጥቷል።

ኤርትራ በምርመራው ላይ የተሳተፉ አካላትን ገለልተኛነት ጉዳይ ያነሳች ሲሆን ምርመራው አካሄድና ትክክለኛነት እንዲሁም ህጋዊነት ላይ ጥያቄዎችን አንስታለች፡፡

ሪፖርቱ ላይ ኤርትራን የተመለከቱ መረጃዎች ተዛብተው መቅረባቸውን ኤርትራ የገለፀች ሲሆን ምርመራው ከምስክሮች ተዓማኒነት፣ ከተደረገበት ጊዜ እና ከሸፈናቸው ቦታዎች አንጻር ውስንነቶች ያሉበት ነው ብላለች።

የኤርትራን ጦር መዳኘትም ሆነ ለተጎጂዎች ፍትህ መስጠት ከተፈለገ የሚቻለ በኢትዮጵያ መንግስት እና በሌሎች በኤርትራ ህግ መሰረት ገለልተኛ እና እውነተኛ ምርመራን ለማድረግ በሚችሉ አካላት ነው ብላለች።

ኤርትራ ምንም ዐይነት ማረጋገጫና ተቀባይነት የሌላቸው ናቸው ያለቻቸውን የአክሱም ጭፍጨፋና ሌሎች ጾታዊና በኤርትራውያን ስደተኞች ላይ ተፈጽመዋል የተባሉ ጥቃቶችንም አንስታለች።

በእዚህም ጣምራ ሪፖርቱ ተቀባይነት እንደሌለው ገልፃ ፤ ኤርትራ ፈርማ ህግ ያደረገቻቸውን ዓለም አቀፍ የሰብዓዊ መብት ድንጋጌዎች ማክበሯን እንደምትቀጥል አስታውቃለች። እነዚህን ህጎች በሚጥሱ የሰራዊት አባላት ላይ አስፈላጊውን ምርመራ በማድረግ ተጠያቂ እንደምታደርግ ኤርትራ ገልፃለች።

* ሙሉ መግለጫው ከላይ ተያይዟል።

#አልዓይን
@tikvahethiopia

#AGOA

" አሜሪካ አጎዋን በተመለከተ ያሳለፈችውን ውሳኔ ልታጤነው ይገባል " - ኢትዮጵያ

የአሜሪካ መንግስት ኢትዮጵያ ከአሜሪካ ከቀረጥ ነጻ ዕድል (አጎዋ) ተጠቃሚነቷ ለማገድ ያስተላለፈችውን ውሳኔ እንድታጤነው ኢትዮጵያ ጠይቃለች።

የውጭ ጉዳይ ሚኒስቴር የአሜሪካን የአጎዋ ውሳኔ አስመልክቶ ዛሬ መግለጫ አውጥቷል።

ኢትዮጵያ ፥ አሜሪካ ያሳለፈችው ውሳኔ አግባብነት የሌለው እና የአሜሪካ መንግስት አነስተኛ ገቢ ያላቸውን ዜጎችን ተጠቃሚነት ለማረጋገጥ የሚያደርገውን ጥረት ግንዛቤ ውስጥ ያላስገባ መሆኑን ገልፃለች።

በውሳኔው ኢትዮጵያን ከአጎዋ ተጠቃሚነት ውጭ ማድረግ፤ ከግጭቱ ጋር ምንም አይነት ግንኙት የሌላቸውን ከ200 ሺህ በላይ ዝቅተኛ ገቢ ያላቸው የበርካታ ሴቶች ኑሮ ላይ ተጽእኖ ይኖረዋልም ብላለች።

እንዲሁም በግበዓት አቅርቦት ሰንሰለት የሚሳተፉትን የ1 ሚሊዮን ሰዎች ህይወት በእጅጉ እንደሚጎዳውም የገለፀው ኢትዮጵያ አሜሪካ ውሳኔውን እንድታጤነው ጥይቃለች።

#ENA

@tikvahethiopia