" ... በምርጫ ክልል ደረጃ ያለው የውጤት ድመራ እነዲቋረጥ እና የድመራ ሂደቱ በቦርዱ ኦፕሬሽን መዕከል በአዲስ አበባ እንዲከናወን ተወስኗል " - ብሄራዊ ምርጫ ቦርድ

የኢትዮጵያ ብሔራዊ ምርጫ ቦርድ መስከረም 20 ድምጽ አሰጣጥ ሂደት ካከናወነባቸው ቦታዎች መካከል ድጋሚ ምርጫ እንዲከናወን የተወሰነበት የምስቃን እና ማረቆ 2 ምርጫ ክልል አንዱ ነው።

በዚሁ ምርጫ ክልል የመራጮች ድምጽ አሰጣጥ በሰላም የተጠናቀቀ ቢሆንም ቦርዱ በእለቱ የተለያዩ አቤቱታዎችን ሲቀበል የዋለ መሆኑን ገልጿል።

በተጨማሪ ምርጫ ጣቢያዎች ላይ ድምጽ ቆጠራ ተጠናቆ ለምርጫ ክልል ከደረሰ በኋላ ምርጫ ክልሉ ሃላፊዎች #በጸጥታ_ስጋት የተነሳ ውጤት ድመራን ማከናወን እንደሚቸግራቸው ሪፓርት አድርገዋል።

ምርጫ ቦርድም ሁኔታውን ገምግሞ የምርጫ ክልል ላይ የውጤት ድመራን ማከናወን አስቸጋሪ ሊሆን እንደሚችል ተረድቻለሁ ብሏል።

በምርጫ ክልል ደረጃ ያለው የውጤት ድመራ እነዲቋረጥ እና የድመራ ሂደቱ በቦርዱ ኦፕሬሽን መአከል በአዲስ አበባ እንዲከናወን መወሰኑንም ቦርዱ ይፋ አድርጓል።

ቦርዱ ፤ ከፌደራል የጸጥታ አካላት ጋር በመተባበር የድምጽ አሰጣጥ ቁሳቁሶችን በሙሉ ወደ ማእከል እንደሚጓጓዙ ገልጿ ይህ ተግባራዊ እስኪደረግ ድረስ ቁሳቁሶች በህጉ መሰረት ታሽገው እንዲቀመጡ መመሪያ አስተላልፏል።

የእጩዎች ወኪሎች እና የፓርቲ ወኪሎች ውጤት ድመራው በማእከል በሚከናወንበት ወቅት ወኪሎቻቸውን በመላክ መታዘብ እንደሚችሉም ተገልጿል።

@tikvahethiopia

#EZEMA : የኢትዮጵያ ዜጎች ለማኅበራዊ ፍትህ (ኢዜማ) ጠቅላላ ጉባዔ የመጀመሪያ አስቸኳይ ስብሰባ ዛሬም ቀጥሎ እያካሄደ ይገኛል።

በዛሬው መርሃ ግብር ጉባኤው በፓርቲው መሪ [ፕ/ር ብርሃኑ ነጋ] ሪፖርት እና ምክረ ሀሳብ ቀርቦለት ካዳመጠ በኋላ ከብልፅግና ፓርቲ የቀረበው «የአብረን እንሥራ» ጥያቄ ላይ ውይይት እያደረገ እንደሚገኝ ተገልጿል።

ውይይቱን ተከትሎ ፓርቲው የሚወስነው ውሳኔ እየተጠበቀ ነው።

@tikvahethiopia

#ETHIOPIA😷

ሀገራችን ኢትዮጵያ 🇪🇹 ተጨማሪ 47 ዜጎችን በኮቪድ-19 ሳቢያ አጥታለች።

የኢ.ፌ.ዴ.ሪ የጤና ሚኒስቴር ይፋ ባደረገው ሪፖርት ባለፉት 24 ሰዓት ውስጥ 47 ሰዎች ሲሞቱ ከተደረገው 6,025 የላብራቶሪ ምርመራ ደግሞ 697 ሰዎች ለቫይረሱ ተጋላጭ ሆነው ተገኝተዋል።

የዛሬው ሪፖርት እንደሚያሳየን 771 ሰዎች በፅኑ ታመዋል።

ውድ ቤተሰቦቻችን በየዕለቱ በበሽታው ሳቢያ የሚሞተው የሰው ቁጥር በእጅጉ እየጨመረ በመሆኑ ጥንቃቄያችሁን ከመቼውም ጊዜ በላይ #እንድታጠናክሩ አደራ እንላለን።

#ጥንቃቄ 😷 #TikvahFamily

@tikvahethiopia

' ጋዜጠኛው የት እንዳለ ማወቅ አልተቻለም '

የኢትዮጵያ ኢንሳይደር መስራች እና ጋዜጠኛ የሆነው ተስፋለም ወልደየስ ከትላንት ጀምሮ የት እንዳለ አይታወቅም።

ጓደኞቹ እና የስራ ባልደረቦቹ በአዲስ አበባ የነበረውን የሆራ ፊንፌኔ የኢሬቻ በዓል ከዘገበ በኃላ ሊያገኙት እንዳልቻሉ አሳውቀዋል።

ጋዜጠኛ ተስፋለም ወልደየስ ዛሬ በቢሾፍቱ የተከበረውን የሆራ ሀርሰዲ ኢሬቻ በዓል ለመዘገብ እቅድ እንደነበረውም ገልፀዋል።

Credit : Befekadu Z. H.T

@tikvahethiopia

#Ethiopia ነገ ምን ይጠበቃል ?

• ነገ ጥዋት ከ2:30 ጀምሮ 6ኛው የህዝብ ተወካዮች ምክር ቤት እና የፌዴሬሽን ምክር ቤት የምስረታና የመክፈቻ ጉባኤ ይካሄዳል።

• በሁለቱም ምክር ቤቶች አፈ ጉባኤ እና ምክትል አፈ ጉባኤ ይሰየማሉ።

• የምርጫ 2013 አሸናፊው የሆነው " ብልፅግና ፓርቲ " እጩ አድርጎ የሚያቀርባቸው የሀገሪቱ ጠቅላይ ሚኒስትር ሆነው ይሾማሉ።

• የህዝብ ተወካዮች ምክር ቤት የአፈ ጉባኤ፣ ምክትል አፈ ጉባኤ እንዲሁም እጩ ሆነው የሚቀርቡትን ጠቅላይ ሚኒስትር ሹመት ያፀድቃል ተብሎ ይጠበቃል።

• ሹመቱ የሚፀድቅላቸው ጠቅላይ ሚኒስትር በምክር ቤቱ ንግግር ያደርጋሉ።

• ምናልባትም ተደራራቢ ፕሮግራም ከሌለ የሚሾሙት ጠቅላይ ሚኒስትር ካቢኔያቸውን ያዋቅራሉ ፤ ይፋ ያደርጋሉ [ ይህ ፕሮግራም ምናልባት በቀጣይ ቀናት ሊሆን ይችላል ተብሏል ]

• በመስቀል አደባባይ ልዩ የመንግስት ምስረታ እና የተሿሚው ጠቅላይ ሚኒስትር በዓለ ሲመት ስነስርዓት ይካሄዳል።

ነገ ኢትዮጵያ 🇪🇹 ለምትመሰርተው አዲስ መንግስት ስነስርዓት ላይ ለመታደም የተለያዩ ሀገራት መሪዎች እና ባለስልጣናት አዲስ አበባ የገቡ ሲሆን እስካሁን ባለው መረጃ ፦
- የናይጄሪያ ፕሬዝዳንት ሙሀመድ ቡሃሪ
- የሴኔጋል ፕሬዝዳንት ማኪ ሳል
- የቀድሞ የናይጄሪያ ፕሬዜዳንት ኦሌሴንጎ ኦቦሳንጆ
- የአልጄሪያ የውጭ ጉዳይ ሚኒስትር ራማታን ላማምራ አዲስ አበባ ገብተዋል።

@tikvahethiopia

#ማሻሻያ

የኢትዮጵያ ብሔራዊ ባንክ ብድር ላይ ጥሎት በነበረው ገደብ ላይ ማሻሻያ አደርጓል።

ብሔራዊ ባንክ በቅርቡ ከብድር አቅርቦት ጋር በተያያዘ የጣለውን ገደብ ታሳቢ ያደረገ ማሻሻያ በማድረግ፣ ባንኮች አምስት የብድር ዓይነቶችን መፍቀድ እንደሚችሉ አስታውቋል።

ብሔራዊ ባንክ አርብ መስከረም 21 ቀን 2014 ዓ.ም. ለባንኮች ባስተላለፈው መልዕክት እንዳስታወቀው፣ ባንኮች የሰጡትን ብድር ለማስመለስ ሐራጅ ያወጧቸውን ንብረቶች ለመግዛት ለሚጠይቁ ገዥዎች ብድር መስጠት ይችላሉ፡፡

ብሔራዊ ባንክ ብድር ይፈቀዱ ያላቸው በሁለተኛና በሦስተኛ ወገኖች መካከል የሚደረግ ግብይትና ለባንክ ሠራተኞች የሚሰጥ አስቸኳይ ብድር መሆኑንም አስታውቋል፡፡

ቅድመ ሁኔታዎችን አሟልተው የመኖርያ ቤት ለመግዛት ወይም ለመገንባት ከታመነባቸውና ከፀደቁ ድርጅቶችና ከተቋም ሠራተኞች ለሚቀርቡ የብድር ጥያቄዎች፣ አዎንታዊ ምላሽ መስጠት የሚችሉ መሆኑን ብሔራዊ ባንክ ለባንኮች የላከው ማሻሻያ ያመለክታል፡፡

Credit : ሪፖርተር ጋዜጣ

@tikvahethiopia

#Egypt : ትላንት የግብፁ ፕሬዝዳንት አብደል ፋታህ አልሲሲ የኮንጎ ፕሬዝዳንት ልዩ መልዕክተኛ እና በአፍሪካ ህብርት የዴሞክራቲክ ሪፐብሊክ ኮንጎ ቋሚ ተወካይ የሆኑትን አምባሳደር ዣን ሌዮን ንጋንዱ ሉንጋን ተቀብለው አነጋግረዋል።

በስብሰባው ላይ የግብፅ የውጭ ጉዳይ ሚኒስትር ሳሜህ ሹክሪ እና በካይሮ የሚገኘው የዴሞክራቲክ ሪፐብሊክ ኮንጎ ኤምባሲ ተወካይም ተገኝተው ነበር።

ስብሰባው በአፍሪካ ውስጥ በጋራ ጥቅም ጉዳዮች ላይ ባተኮሩ በበርካታ ርዕሰ ጉዳዮች ላይ ያተኮረ እንደነበር ተሰምቷል።

ኮንጎ የአሁኑ የአፍሪካ ህብረት ፕሬዝዳንት ስትሆን ፤ በታላቁ የኢትዮጵያ ህዳሴ ግድብ ዙሪያ በግብፅ ፣ በሱዳን እና በኢትዮጵያ 🇪🇹 መካከል የሚደረገውን ድርድር እያስተባበረች እንደሆነ ይታወቃል።

@tikvahethiopia

#Update

ጋዜጠኛ ተስፋዓለም በፖሊስ ቁጥጥር ስር ነው።

የ "ኢትዮጵያ ኢንሳይደር" መስራችና ጋዜጠኛ ተስፋዓለም ወልደየስ በፖሊስ ቁጥጥር ስር እንደሚገኝ የፌደራል ፖሊስ አሳወቀ።

ፌዴራል ፖሊስ ይህን ያሳሰወቀው ለቢቢሲ ነው።

ጋዜጠኛ ተስፋዓለም ወልደየስ ከቅዳሜ መስከረም 22/2014 ዓ.ም ረፋድ ጀምሮ ያለበትን እንደማያውቁ የሥራ ባልደረቦቹ እና ጓደኞቹ መናገራቸው ይታወቃል።

የፌደራል ፖሊስ የወንጀል ምርመራ ቢሮ ምክትል ኃላፊ አቶ ሙሊሳ አብዲሳ ለቢቢሲ በሰጡት ቃል ፥ ጋዜጠኛ ተስፋዓለም ወልደየስ በፌደራል ፖሊስ እጅ ስር እንደሚገኝ አረጋግጠዋል።

ኃላፊው እንደተናገሩት ጋዜጠኛ ተስፋዓለም በአሁኑ ጊዜ "የፌደራል ፖሊስ የምርመራ ቢሮ የሜክሲኮ ማቆያ እንደሚገኝ" ገልጸው፤ "ምንም የሚፈጠር ነገር የለም። ያለውን ነገር እያጣራን ነው። ምንም የሚያሰጋ ነገር የለም" ሲሉ ተናግረዋል።

የወንጀል ምርመራ ቢሮ ምክትል ኃላፊው፤ ጋዜጠኛ ተስፋዓለም በምን ወንጀል ተጠርጥሮ በቁጥጥር ሥር እንደዋለ ዝርዝር መረጃ ከመስጠት ተቆጥበዋል።

ቢቢሲ ከታማኝ ምንጮቼ ሰማሁኝ እንዳለው ከሆነ ጋዜጠኛ ተስፋዓለም በፀጥታ ኃይሎች ቁጥጥር ስር ከዋለ በኋላ መኖሪያ ቤቱ ላይ ፍተሻ ተካሂዷል።

Credit : BBC

@tikvahethiopia