#Oromia : ኢሰመኮ በምስራቅ ወለጋ ዞን ኪራሙ ወረዳ የሚገኙ ሲቪል ሰዎች ለደህንነታቸው አስጊ ሁኔታ ላይ የሚገኙ መሆናቸው የሚሳስብ ነው ብሏል።

በዚሁ ወረዳ ቦቃ ቀበሌ መስከረም 7 እና 8 /2014 ዓ/ም በደረሱ ሶስት ተያያዥ ጥቃቶች በአጠቃላይ 18 ሲቪል ሰዎች ተገድለዋል።

መስከረም 8 ቀን 2014 ደግሞ በውልማይ ቀበሌ በተፈፀመ ሌላ ጥቃት 11 ሰዎች መገደላቸውን ኢሰመኮ ከነዋሪዎች ሪፖርት እንደደረሰው አሳውቋል።

በኪራሙ ወረዳ ባለው አሳሳቢ የፀጥታ ሁኔታ ምክንያት ከተለያዩ የወረዳው አካባቢዎች ተፈናቅለው በኖሌ ቀበሌ ፣ በሀሮ እና ኪራሙ ከተሞች ተጠልለው የሚገኙ ከ40 ሺ በላይ ነዋሪዎች ለወራት አስቸኳይ ሰብዓዊ እርዳታና ሌሎች ድጋፎች ባለማግኘታቸው አስቸጋሪ ሁኔታ ውስጥ እንደሚገኙ ነዋሪዎቹ እንሰገለፁለት ኢሰመኮ አሳውቋል።

በአሁን ወቅት ኪራሙ ወረዳን ከቡሬና ነቀምቴ ከተሞች ጋር የሚያገናኙ ዋና ዋና መንገዶች ለተሸከርካሪ እንቅስቃሴ ተዘግተው እንደሚገኙ ኮሚሽኑ አረጋግጫለሁ ብሏል።

ኢሰመኮ የፌዴራል እና የክልሉ መንግስት የፀጥታ ኃይሎች በኪራሙ ወረዳ ላለው የፀጥታ ስጋት ዘላቂ መፍትሄ ለመስጠት እና በነዋሪዎች ላይ በተደጋጋሚ ጥቃት የሚያደርሱ ኃይሎችን ከህግ ፊት ለማቅረብ ተጨባጭ እርምጃዎችን እንዲወስዱ አሳስቧል።

በተጨማሪም በግጭት ምክንያት ከቤት ንብረታቸው የተፈናቀሉ ሰዎች ወደቀያቸው መመለሱ እንደተጠበቀ ሆኖ ተፈናቃዮች ለከፋ ሰብዓዊ ቀውስ ከመጋለጣቸው በፊት በአፋጣኝ ወረዳውን ከሌሎች አካባቢዎች የሚያገናኙ መንገዶችን እንዲከፈቱና አስፈላጊው ሰብዓዊ እርዳታ መድረሱን እንዲያረጋግጡ ኢስመኮ በጥብቅ አሳስቧል።

@tikvahethiopia

"... የህፃኑ አገዳደል የሁላችንም ስሜት የነካ ቢሆንም ህብረተሰቡ የተፈጠረውን ችግር በሰከነ መልኩ ሊያየው ይገባል" - የጎንደር ከተማ ፖሊስ

የጎንደር ከተማ ፓሊስ መምሪያ ፤ የእገታ ወንጀልን ለመከላከል ህብረተሰቡ እያደረገ ያለውን ጥረት አጠናክሮ እንዲቀጥል ጥሪ አቀረበ።

የመምሪያው ኃላፊ ኮማንደር አየልኝ ታክሎ ፥ መስከረም 3 ቀን 2014 ዓ/ም በከተማዋ የ13 ዓመት ህፃን የእገታ ወንጀል መፈፀሙን አመልክተዋል።

ለመምሪያው የእገታ ወንጀሉ ጥቆማ መስከረም 5 ቀን 2014 ዓ.ም እንደደረሰው የገለፁ ሲሆን ጥቆማው ከደረሰ ጀምሮ የክትትል ስራዎችን ሲያከናውኑ መቆየቱን አስታውሰዋል።

በኃላም በከተማ አስተዳደሩ የፀጥታ አካላትና የላይ አርማጭሆ ወረዳ የፀጥታ አካላት ስራ ተጠርጣሪዎች በህግ ቁጥጥር ስር ማዋል መቻሉን ገልፀዋል።

ይሁን እንጅ የታገተውን የ13 ዓመት ህፃን ለማስለቅ የተደረገው ጥረት ህፃኑን በህይወት ለመታደግ እንዳልተቻለ አመልክተዋል።

ኮማንደር አየልኝ ፥ "በድርጊቱም እንደ ፓሊስ መምሪያ ስሜታችን ክፉኛ ተጎድቷል" ብለዋል።

በተፈፀመው ድርጊትም ማዘናቸውን ገልፀዋል።

በድርጊቱ የተሳትፈዋል የተባሉ 2 ግለሰቦችን ፓሊስ በህግ ቁጥጥር ስር የዋለ ሲሆን በድርጊቱ የተሳተፉና ተባባሪ ግለሰቦች ሊኖሩ ይችላሉ በሚል ጥርጣሬ ምርመራው መቀጠሉን አሳውቀዋል።

ያንብቡ : telegra.ph/Gondar-City-Communication-09-24

@tikvahethiopia

#BenishangulGumuz : ወደ 9ኛ ክፍል የማለፊያ ዉጤት ይፋ ሆነ።

በቤኒሻንጉል ጉሙዝ ክልል የ8ኛ ክፍል ፈተና የወሰዱ ተማሪዎች ወደ 9ኛ ክፍል የማለፊያ አማካይ ውጤት ዛሬ ይፋ ሆኗል።

በዚህም ለወንዶች 30 ለሴቶች ደግሞ 29 መሆኑን የክልሉ ትምህርት ቢሮ አስታውቋል።

በ2013 የትምህርት ዘመን በክልሉ በ211 ትምህርት ቤቶች 13 ሺህ 631 ተማሪዎች የ8ኛ ክፍል ፈተና የወሰዱ ሲሆን 13 ሺህ 049 (95 ነጥብ 73 በመቶ) ተማሪዎች የማለፊያ ነጥብ አስመዝግበዋል።

በክልሉ ለፈተናው ከተቀመጡት አጠቃላይ ተማሪዎች ውስጥ 4 ሺህ 106 ተማሪዎች 50 እና በላይ አማካይ ውጤት አምጥተዋል።

ዘንድሮ በክልሉ የተመዘገበው ከፍተኛው አማካይ ውጤት 95 ነጥብ 21 ሆኗል።

በጸጥታ ችግር ምክንያት የ8ኛ ክፍል ፈተናውን መውስድ ያልቻሉ ተማሪዎች በቀጣይ ትምህርት ቢሮ በሚያስቀምጠው የጊዜ ሠሌዳ ፈተናውን እንደሚወስዱ ተገልጿል።

የ2014 ዓ.ም ትምህርት ጥቅምት 01/2014 ዓ.ም እንደሚጀምር የቤንሻንጉል ጉሙዝ ክልል ትምህርት ቢሮ አስታውቋል።

@tikvahethiopia

#GONDAR : ጥብቅ ማሳሰቢያ !

በጎንደር ከተማ የሚገኙ ሁሉም የህትመት ድርጅቶች ከከተማ አስተደደሩ እዉቅና ኖሮት እስካልተፈቀደ ድርስ ከየትም ቦታ የመጣ ማንኛዉም የመታወቂያ ህትመት እንዳይሰራ ከተማ አሰተዳደሩ በጥብቅ አሰስቧል።

@tikvahethiopia

" በደቡብ ሱዳን ከ10 ክፍለ ግዛቶች፣ 9ኙ አስጊ በሆነ ከፍተኛ ግጭት ውስጥ ተውጠዋል" - ተመድ

በደቡብ ሱዳን የሚገኘው የተባበሩት መንግሥታት የሰአብዊ መብት ኮሚሽን “አገሪቱ ለረጅም ጊዜ በከፍተኛ የሰብአዊ መብት ቀውስ እየተሰቃየች፣ ህዝቧም በድህነት፣ በአመጽና በደል ኡዙሪት ውስጥ ነው” ሲል አስጠነቀቀ።

ይህን አስመልከቶ የተጠናቀረው ሪፖርት ለመንግሥታቱ ድርጅት የሰብአዊ መብት ምክር ቤት ቀርቧል፡፡

የተመድ የሰብአዊ መብት ኮሚሽን እንደሚለው በደቡብ ሱዳን ከሚገኙ 10 ክፍለ ግዛቶች፣ 9ኙ አስጊ በሆነ ከፍተኛ ግጭት ውስጥ ተውጠዋል፡፡

ደቡብ ሱዳን ነጻነቷን ከተቀዳጀች 10 ዓመታት በኋላ፣ እኤአ 2013 ላይ የተጀመረው የእርስ በርስ ግጭት እንዲቆም፣ በርካታ የሰላም ስምምነቶች ቢደረጉም ፣ወደ ከፍተኛ ደረጃ የደረሱትን ግጭቶች ሊያቆሙ አልቻሉም፡፡

የኮሚሽኑ ሊቀመንበር የሆኑት ያስሚን ሱካበተለይ በዋረን እና ሌክስ ስቴትስ በሚባሉት ግዛቶች ያሉት ግጭቶች ልዩ ትኩረት የሚሹ ናቸው ብለዋል።

“በመጋቢትና ሀምሌ ወራት ውስጥ በዋረን እና ሌክስ ስቴትስ ውስጥ ህጻናትን ጨምሮ ከ56 ሰዎች በላይ ተረሽነዋል፡፡ እንዲህ ያሉት ህገወጥ ግድያዎች በገዢው ፓርቲ አባል በሆኑ አስተዳዳሪዎች የሚፈጸም ሲሆን በሌሎች ዘንድ በስፋት የተስፋፋ ሲሆን ብዙዎቹ በሰአዊነት ላይ የተፈጸሙ ወንጀሎች ናቸው፡፡”

ሪፖርቱ በግዴታ እንዲሰወሩ የተደረጉ፣ ግርፋት፣ አስገድዶ መድፈር፣ ከግጭት ጋርየተያያዙ ወሲባዊ ጥቃቶችና እንዲሁም ለውትድርና በግዴታ የሚመለመሉ ህጻናት በመላው አገሪቱ የሚታዩ ናቸው ብሏል፡፡

በስፋት የተሰራጨው ህገወጥትነትና ጥቃት የተባባሰ ሲሆን ለብዙዎች ሞትና በሚሊዮኖች ለሚቆጠሩ ሰዎች መፈናቀል ምክንያት ሆኗል፡፡

ያንብቡ : telegra.ph/UN-09-24

Credit : VOA

@tikvahethiopia

#ETHIOPIA😷

ሀገራችን ኢትዮጵያ 🇪🇹 ተጨማሪ 40 ዜጎችን በኮቪድ-19 ሳቢያ አጥታለች።

የኢ.ፌ.ዴ.ሪ የጤና ሚኒስቴር ይፋ ባደረገው ሪፖርት ባለፉት 24 ሰዓት ውስጥ 40 ሰዎች ሲሞቱ ከተደረገው 9,468 የላብራቶሪ ምርመራ ደግሞ 1,352 ሰዎች ለቫይረሱ ተጋላጭ ሆነው ተገኝተዋል።

የዛሬው ሪፖርት እንደሚያሳየን 813 ሰዎች በፅኑ ታመዋል።

#ጥንቃቄ 😷 #TikvahFamily

@tikvahethiopia

#OROMIA : የኦሮሚያ ክልል አዲስ መንግስት ነገ ይመሰረታል።

ነገ መስከረም 15 ቀን 2014 ዓ.ም የጨፌ ኦሮሚያ ጉባኤውን የሚያካሄድ ሲሆን አዲሱ የኦሮሚያ ክልል መንግስት ይመሰረታል።

በነገው ጉባኤ ነባር የጨፌው አባላት ይሸኛሉ፤ አዲሶቹ ደግሞ ይተካሉ ፤ አዲሱ የክልሉ ርእሰ መስተዳደር ጨምሮ አዲስ የካቢኔ አባላት ይሰየማሉ።

@tikvahethiopia

የብቃት ምዘና ፈተና ውጤት ዛሬ አርብ ይፋ ሆኗል።

የኢፌዴሪ ጤና ሚኒስቴር ከነሀሴ 10 - 14/2013 ዓ.ም የተሰጠውን የብቃት ምዘና ፈተና የወሰዱ ተመዛኞች ከዛሬ መስከረም 14 ቀን 2014 ዓ.ም ጀምሮ hple.moh.gov.et ላይ በመግባት ሙሉ ስም እና የፈተና መለያ ቁጥር (Registration No) በማስገባት የፈተና ውጤታቸውን መመልከት እንደሚችሉ አሳውቋል።

በውጤታቸው ላይ ቅሬታ ያላቸው ተመዛኞች ውጤት ከተገለጸበት ዕለት አንስቶ ባሉት 10 (አስር) ተከታታይ የስራ ቀናት ፦
- በስልክ ቁጥር 0118275936/37 በመደወል ወይም
- በኢሜይል [email protected] ላይ ሙሉ ስም፣ ዲፓርትመንት፣ የመለያ ቁጥር እና የተማሩበትን የትምህርት ተቋም ስም በመሙላት ጥያቄያቸውን ማቅረብ እንደሚችሉ ሚኒስቴሩ ገልጿል።

በሌላ በኩል ጤና ሚኒስቴር የቀጣዩ ፈተና ምዝገባ በቅርብ ቀናት የሚካሄድ መሆኑን አሳውቋል።

ምዝገባው ለአዲስም ሆነ ነባር ተመዛኞች ሙሉ ለሙሉ በonline የሚካሄድ ሲሆን ተመዛኞች ይህንን አውቀው ዝግጅት እንዲያደርጉም አሳስቧል።

የግል የትምህርት ተቋማት ተመዛኞች ለፈተናው ለመመዝገብ የትምህርት ማስረጃዎቻቸው ህጋዊነቱን ማረጋገጥ (Authenticate) ማስደረግ ይጠበቅባቸዋል የተባለ ሲሆን ከምዝገባው በፊት በዚህ መልክ ራሳቸውን እንዲያዘጋጁ ማሳሰቢያ ተላልፏል።

@tikvahethiopia