#Gambella

በትላንትናው ዕለት ከጋምቤላ ከተማ 4 ኪሎ ሜትር ርቀት ላይ ከቀኑ 11 ሰዓት ከ30 አካባቢ ማንነታቸው ያልታወቁ 5 ግለሰቦች በከፈቱት ተኩስ የአንድ ሰው ህይወት ሲያልፍ ሁለት ሰው ላይ ከባድ ጉዳት መድረሱን የጋምቤላ ክልል የሰላምና ፀጥታ ጉዳይ ቢሮ ኃላፊ አቶ ቶማስ ቱት አስታወቁ።

ጉዳቱን ተከትሎ በከተማው በተከሰተው ግጭት የሁለት ሰዎች ህይወት ማለፉንና ሶስት ሰዎች ላይ ከፍተኛ ጉዳት መድረሱን ገልፀዋል።

በግጭቱ ባጠቃላይ የሶስት ሰዎች ህይወት ሲያልፍ አምስት ሰዎች ላይ ደግሞ ከባድ ጉዳት ደርሷል ብለዋል።

ጥፋተኞቹን ወደህግ ለማቅረብ የፀጥታ አካላት ያላሰለሰ ጥረት እያደረጉ ይገኛሉ ሲሉ ገልፀዋል።

ከግጭቱ ጋር ግንኙነት አላቸው የተባሉ አስር የሚደርሱ ግለሰቦች ቀደም ብሎ በህግ ቁጥጥር ስር ውለው ተገቢውን ማጣራት እየተከናወነ እንደሚገኝ አስረድተዋል።

ግጭቱ በተፈጠረበት በጋምቤላ ከተማ ያለው ሰላም ወደ ነበረበት እየተመለሰ መሆኑን የተገለፀ ሲሆን ህብረተሰቡ አካባቢውን ነቅቶ በመጠበቅ ከፀጥታ አካላት ጎን በመሆን አስፈላጊውን መረጃ እንዲሰጥ ጠይቀዋል።

ከጋምቤላ ከተማ ወደ ወረዳዎች የሚንቀሳቀሱ የህዝብ ማመላለሻ ተሸከርካሪዎች ወደ መደበኛ ስራቸው እንዲገቡ ተደርጓል፤ ለጊዜው በፀጥታ አካላት እጀባ እንዲሄዱ እየተደረገ ነው ብለዋል።

መረጃው የጋምቤላ ክልል ፕሬስ ሴክሬተሪያት ነው::

@tikvahethiopia

#Update

በአፋር ክልል ነፋስ ቀላቅሎ በጣለ ዝናብ ምክንያት ተቋርጦ የነበረው ኤሌክትሪክ አገልግሎት ሙሉ በሙሉ ጥገና ተደርጎ አገልግሎት መስጠት ጀምሯል።

በ23/12/2013 ምሽት ላይ ከፍተኛ የሆነ ንፋስ ቀላቅሎ በጣለ ዝናብ ምክንያት ተቋርጦ የነበረው የኤሌክትሪክ አገልግሎት ሙሉ በሙሉ ጥገና ተደርጎለት ፦
- ሠመራ፣
- ዱብቲ፣
- አይሳኢታ፣
- ሎጊያ እና ሚሌ ከተሞችን ኤሌክትሪክ እንዲያገኙ መደረጉን የአፋር ክልል የኤሌክትሪክ አገልግሎት አሳውቋል።

@tikvahethiopia

* TPLF

የ " ህወሓት ኃይሎች " ባለፉት ቅርብ ሳምንታት የአሜሪካ መንግሥት ዓለም አቀፍ የተራድኦ ድርጅት (USAID) የሆኑ የእርዳታ መጋዘኖችን መዝረፋቸው ተገለጸ።

የድርጅቱ የኢትዮጵያ ተልዕኮ ዳሬክተር ሾን ጆንስ ለኢትዮጵያ ብሔራዊ ቴሌቪዥን ጣቢያ እንደተናገሩት ፥ "የህወሓት አማጺያን በደረሱባቸው ስፍራዎች የሚገኙ የእርዳታ መጋዘኖችን ዘርፈዋል" ብለዋል።

የUSAID የኢትዮጵያ ተልዕኮ ዳይሬክተር ሾን ጆንስ ፥ "የታጠቁ ሰዎች ከዜጎች ምግብ ሰርቀዋል። ህወሓት በገባባቸውና ጦርነት በከፈተባቸው ሁሉም የአማራ አካባቢዎች መጋዘኖችን ዘርፏል፤ ተሽከርካሪዎች ዘርፏል። ውድመት ፈፅሟል" ሲሉ ተናግረዋል።

ሾን ጆንስ አክለው ፤ "በተለይ የህወሓት ኃይሎች በገቡባቸው የአማራ ክልል አካበቢዎች በርካታ የእርዳታ መጋዘኖቻችን ስለመዝረፋቸው እና መጋዘኖቹ ባዶ ስለመሆናቸው ማረጋገጫ አለን" ብለዋል።

በተጨመሪ ፥ "ህወሓት ሁኔታዎችን ያለአግባብ እየተጠቀመ እንደሆነ አምናለሁ። ከተረጂዎች ላይ በኃይል እርዳታ እየነጠቀ አንደሆነ ይሰማናል፤ የምናውቀው ሃቅ ግን የህወሓት ኃይሎች በገቡባቸው አካባቢዎች ሁሉ የእርዳታ መጋዘኖቻችን ዘርፈዋል" ብለዋል።

ባለፈው ሳምንት በተባበሩት መንግሥት ድርጅት የጸጥታው ምክር ቤት ውስጥ የአሜሪካ ተወካይ በተመሳሳይ "በአማራ ክልል ውስጥ የእርዳታ መጋዘን በህወሓት ኃይሎች መዘረፉን" ተናግረው እንደነበር ቢቢሲ አስነብቧል።

#EBC #BBC #AFP

@tikvahethiopia

የተፈናቃዮች ድጋፍ ሁኔታ በአማራ ክልል...

ትላንት የአማራ ክልል ፕሬዜዳንት ከተባበሩት መንግስታት የህፃናት መርጃ ማዕከል የኢትዮጵያ ሃላፊ አዴል ከድር ጋር ውይይት አድርገው ነበር።

በዚህ ውይይት ላይ ህወሓት በሀይል በወረራቸው አካባቢዎች ግማሸ ሚሊየን ዜጎች መፈናቀላቸውን 4 ሚሊየን የሚደርሱት ደግሞ አስቸጋሪ ሁኔታ ውስጥ መሆናቸውን ሪፖርት አቅርበዋል።

የክልሉ ፕሬዜዳንት ግማሽ ሚሊዮን ሰው እንደተፈናቀለ የገለፁት ወረራ በተደረገባቸው በሰሜንና ደቡብ ጎንደር ዞኖች እንዲሁም ዋግኸምራና ሰሜን ወሎ ዞኖች ነው።

በተጨማሪ ወረራ ተፈፅሞባቸወል ባሏቸው አካባቢዎች የማህበራዊ ተቋማት ትምህርት ቤቶች እና ጤና ተቋማትን ወድመዋል፤ ዜጎች ላይ ኢ-ሰብዓዊ ድርጊት ተፈፅሟል ሲሉ ሪፖርት አድርገዋል።

UNICEF አስፈላጊውን ድጋፍ እንዲያደርግ ጥሪ አቅርበዋል፡፡

የዩኒሴፍ የኢትዮጵያ ዳይሬክተር አዴል ኮድር በሰሜን ጎንደርና አካባቢው ጉብኝት ማድረጋቸውን ገልፀው በርካታ ህፃናት በምግብ እጥረት ፈታኝ ሁኔታ ውስጥ ናቸው ብለዋል፡፡

ታዳጊዎች በመጭው የትምህርት ዘመን በትምህርት ገበታ ለመታደም አሳሳቢ ሁኔታ መኖሩን ጠቁመዋል፡፡

ዳይሬክተሯ በቀጣይ ጊዜያት ወደ ሰሜንና ደቡብ ወሎ እንደሚሄዱም ገልፀዋል፡፡

ከተባበሩት መንግስታት እህት ድርጅቶችና ከሌሎች ረድኤት ድርጅቶች ጋር በመሆን ችግር ውስጥ ላሉ ዜጎች በአፋጣኝ እርዳታ እንዲደርሳቸው እንሰራለን ብለዋል፡፡

ከዚሁ ጋር በተያያዘ UNICEF በአማራ ክልል በጦርነት ለተጎዱ እና ለተፈናቀሉ ዜጎች ከ30 ሚሊዮን ብር በላይ የሚያወጡ የተለያዩ ቁሳቁሶችን ድጋፍ አድርጓል።

UNICEF ድጋፍ ያደረገው ለተማሪዎች ደብተርና ስኪርቢቶ፣ የንጽህና መጠበቂያ ቁሳቁስ እንዲሁም ፍራሾች እና ሌሎች ቁሳቁሶችን ነው።

ፎቶ፦ UNICEF & AMC

@tikvahethiopia

41 ሺህ ተፈናቃዮች የሚገኙባት ደባርቅ...

በደባርቅ 41 ሺህ በጦርነት ምክንያት የተፈናቀሉ ዜጎች ይገኛሉ። ከቀናት በፊት የUNICEF የኢትዮጵያ ኃላፊ አዴል ከድር ደባርቅ ከተማ በመገኘት ተፈናቃዮችን ተመልክተዋል። በዚህ ወቅት ፍራሾችን ፣ ከፍተኛ የኃይል ሰጪ ብስኩቶችን፣ ውሃ ፣ የአካባቢ ጽዳትና ንፅህና አቅርቦቶችን ጨምሮ በጣም አስፈላጊ የሚባሉ አቅርቦቶችን አስረክበዋል።

@tikvahethiopia

የኢትዮጰያ ኢንተርፕሩነርስ ማህበር ተቋቋመ።

በአገራችን ኢትዮጵያ የመጀመሪያ የሆነው አገር አቀፍ “የኢትዮጰያ ኢንተርፕሩነርስ ማህበር” ተቋቋመ፡፡

ኢንተርፕሩነርስ በስራ ፈጠራና ሀገር ግንባታው ዘርፍ ላይ ያላቸው ሚና ከፍተኛ መሆኑን ሁሉም ባለድርሻ አካላት ጠንቅቀው ቢረዱም ዘርፉ የሚጠይቀውን ግብዓትና እገዛ ግን በሚፈለገው ደረጃ አቅርበዋል ለማለት አያስደፍርም፡፡

ማህበሩ ኢንተርፕሩነርስ ሥራቸውን በሚጀምሩበት ወይም በሚሠሩበት ጊዜ የሚያጋጥማችውን ተግዳሮቶችን ለመቅረፍ እንዲሁም የሥራ ፈጠራን (ኢንተርፕሩነርሽፕን) ባህል ለማበረታታት ጠንክሮ እንደሚስራ መመስርቱን የተለያዩ ባለድርሻ አካላት በተገኙበት በኤልገሌ ሆቴሌ በተካሄደው ይፋዊ ማብሰሪያ መርሀ ግብር ላይ ተገልጿል።

@tikvahethiopia