በሳዑዲ አረቢያ ባሉ ዜጎቻችን ላይ የሚፈፀመውን በደል የሚቃወም ሰል በአሜሪካ ተደረገ።

በአሜሪካን ሃገር የሚኖሩ ኢትዮጵያውያንና ትውልደ ኢትዮጵያውያን በሳኡዲ አረቢያ በኢትዮጵያዊያን ላይ እየተፈጸመ ያለውን የሰብአዊ መብት ጥሰት መበቃወም ሰልፍ ወጥተዋል።

በአሜሪካን ሃገር በሚኖሩ ኢትዮጵያውያንና ትውልደ ኢትዮጵያውያን የተቋቋመው በኢትዮጵያ ዓለም አቀፍ የወጣቶች ህብረት አስተባባሪነት በሳኡዲ አረቢያ በኢትዮጵያዊያን ላይ እየተፈጸመ ያለውን የሰብአዊ መብት ጥሰት መበቃወም በዋሽንግተን የሳኡዲ አረቢያ ኤምባሲ ፊት ለፊት ሰልፍ ወጥተው ድምፃቸው አሰምተዋል።

ሰልፈኞቹ ባስተላለፉት መልዕክት ‘በኢትዮጵያውያን ላይ እየተፈጸመ ያለው የሰብአዊ መብት ጥሰት እንዲቆም' ጠይቀዋል፤ ‘ሕጻናትና ሴቶች ጥበቃን እንጂ የመብት ጥሰትን አይፈልጉም' ብለዋል።

ሰልፈኞቹ 'በሳዑዲ አረቢያ የሚገኙ ኢትዮጵያውያን እየደረሰባቸው ያለው በደልና ግፍ አይገባቸውም' ብለዋል።

በሳዑዲ አረቢያ የሚኖሩ ኢትዮጵያውያን "ሥቃያቸው ፣ እንግልታቸው እና መከራቸው እየበዛ መሆኑን ሪፖርት እያሰረጉ ይገኛሉ።

ሕፃናት እየሞቱባቸው እንደሆነ ፣ እህት ወንድሞቻቸውም እየተሰቃዩ እንደሆነ፣ ነፍሰ ጡር ሴቶች እየተሰቃዩ እንደሆነ እያሳወቁ ይገኛሉ።

መረጃው ከኢትዮጵያ ዳያስፓራ ኤጀንሲ እና የጀርመን ድምፅ ሬድዮ የተገኘ ነው።

@tikvahethiopia

የቀድሞ የህዳሴ ግድብ ስራ አስኪያጅ ኢ/ር ስመኘው በቀለ 3ኛ ዓመት መታሰቢ ተከናወነ።

የኢትዮጵያ ታላቁ ህዳሴ ግድብን ፕሮጀክት በመምራት በሀገሪቱ ታሪክ የማይፋቅ አሻራቸውን ያሳረፉት የቀድሞው የፕሮጀክቱ ስራ አስኪያጅ ኢ/ር ስመኘው በቀለ 3ኛ አመት መታሰብያ በትላንትናው ዕለት በጎንደር ከተማ ሀይሌ ሪዞርት ተከናውኗል።

በአባታቸው አባ በቀለ አይናለም ቤትም የፍታት ስርዓት ተዘጋጅቶ እንደነበር ተገልጿል።

ፕሮግራሙ ተዘጋጅቶ የነበረው ዘወትር በማትለያቸው እና በደጋፊያቸው #ሰሎሜ እንደነበር ጋዜጠኛ ኤልያስ መሰረት በማህበራዊ የትስስር ገፁ አሳውቋል።

@tikvahethiopia

የሚዲያ ሰራተኞቹ አዋሽ 7 እንደሚገኙ ታወቀ።

አካልን ነፃ የማውጣት ማመልከቻ አስገብተው የነበሩት 14 የመገናኛ ብዙኃን ሠራተኞች ወደ አዋሽ 7 መዘዋወራቸውን ፖሊስ ፍርድ ቤት አሳወቀ።

ፖሊስ ለልደታ ዘጠነኛ የፍትሐ ብሔር ችሎት ትላንት በጽሁፍ ባቀረበው ምላሽ ተጠርጣሪዎቹ በቦታ ጥበት ምክንያት አፋር ክልል፣ ፈንታሌ ወረዳ አዋሽ ሰባት ኪሎ ወደሚገኘው ቅርንጫፍ ወስጃቸዋለሁ ብሏል።

ለፈንታሌ ወረዳ ፍርድ ቤት በቀረበ አቤቱታ እስከ ሐምሌ 26 ድረስ ለምርመራ ጊዜ መፈቀዱን ፖሊስ አክሏል።

ለችሎቱ በማስረጃነት የተያያዘው ለፈንታሌ ወረዳ ፍርድ ቤት የቀረበው የፖሊስ ማመልከቻ እንደሚያመለክተው ጋዜጠኞቹ ሰኔ 29/2013 ዓ.ም የጊዜ ቀጠሮ ተጠይቆባቸዋል።

ፖሊስ ተጠርጣሪዎቹ ፥ "በማኅበራዊ ድረ ገጽ ፤ ማለትም በፌስቡክ፣ በዩቲዩብ፣ በቴሌግራም እና ዋትስአፕን በመጠቀም በውጭ አገር ከሚገኙ ግብረ አበሮቻቸው ጋር በመሆን፤ ሕብረተሰቡ ላይ ጫና ለመፍጠር፤ ብሔር ብሔረሰቦች እንዲጋጩ፣ ሕዝቡ ተረጋግቶ ሥራውን እንዳይሰራ፤ ጦርነት ቀስቃሽ መልዕክቶችን አሰራጭተዋል" የሚሉትን ጨምሮ በተመሳሳይ ወንጀሎች ጠርጥሬያቸዋለሁ ሲል ለፈንታሌ ወረዳ ችሎት አመልክቷል።

የመገናኛ ብዙኃን አዋጁን በመጣስ ብሎም ሕገ መንግሥቱን በኃይል ለመናድ ሲንቀሳቀሱ በቁጥጥር ስር እንደዋሉ የሚያስረዳው ክሱ እነዚህን ወንጀሎች ለመመርመር ጊዜ ይሰጠኝ ሲል አመልክቶ ነበር።

ሐምሌ 12 ተጨማሪ የጊዜ ቀጠሮ ይሰጠኝ ሲል የጠየቀው ፖሊስ በተሰጠኝ ጊዜ ውስጥ አከናወንኩ ያላቸውን ተግባራት ዘርዝሮ ለችሎቱ አቀርቧል።

ያንብቡ : telegra.ph/BBC-07-27 [ቢቢሲ]

@tikvahethiopia

#AddisAbabaPolice

በህገ ወጥ መንገድ ሲዘዋወር የነበረ ከ170 ሺህ በላይ የአሜሪካ ዶላር ከብሄራዊ መረጃ እና ደህንነት አገልግሎት ጋር በመቀናጀት በቁጥጥር ስር ማዋሉን የአዲስ አበባ ፖሊስ አስታወቀ፡፡

በህገ ወጥ መንገድ የአሜሪካ ዶላር ሲያዘዋውር የነበረው የሰሌዳ ቁጥር ኮድ 3-57949 ኢት/ተሳቢ 17713 ኢት የሆነ ከባድ ተሽከርካሪ ሲሆን በቁጥጥር ስር የዋለው ሃምሌ 7 ቀን 2013 ዓ/ም በአቃቂ ቃሊቲ ክፍለ ከተማ ወረዳ 9 ቱሉ ዲምቱ ተብሎ በሚጠራው አካባቢ ነው፡፡

የአዲስ አበባ ፖሊስ እንዳስታወቀው ተሽከርካሪው ከአዲስ አበባ ወደ ጅቡቲ እየተጓዘ ነበር ፤ ቁጥጥር ስር ከዋለ በኋላ በተደረገበት ፍተሻ ከጋቢናው መቀመጫ ወንበር ጀርባ በሚገኝ ሳጥን ውስጥ በላስቲክ ተጠቅልሎ የተደበቀ 170 ሺህ 700 የአሜሪካ ዶላር በቁጥጥር ስር ዉሏል፡፡

ከጉዳዩ ጋር በተገናኘ አንድ ተጠርጣሪ ተይዞ ምርመራው እየተከናወነ ይገኛል።

የአ/አ ፖሊስ በአሁኑ ወቅት ህገ-ወጥ የገንዘብ እንዲሁም የጦር መሳሪያ ዝውውር የሃገርን ሰላም እና የተረጋጋ ኢኮኖሚን በማናጋት በህዝብ ኑሮ ላይ የሚፈጥረው ቀውስ ከፍተኛ መሆኑን በመረዳት ህብረተሰቡ መረጃ እና ጥቆማ በመስጠት ለፀጥታ አካላት የሚያደርገውን ድጋፍ አጠናክሮ እንዲቀጥል ጥሪውን አቅርቧል።

@tikvahethiopia

#Ethiopia 🇪🇹 #Tokyo2020

ኢትዮጵያ በቶኪዮ ኦሎምፒክ የመጀመሪያውን ዲፕሎማ አግኝታለች።

በወርልድ ቴኳንዶ የመጀመሪያ ተሳትፎን በኦሎምፒክ ያደረገው ሰለሞን ቱፋ 7ኛ ደረጃን በ መያዝ ዲፕሎማውን መረከቡን #EOC አሳውቋል።

Via @tikvahethsport