የመስቀል አደባባይ ፕሮጀክት ነገ ይመረቃል።

2.6 ቢሊዮን ብር ወጥቶበት የተገነባው የመስቀል አደባባይ ፕሮጀክት ነገ እንደሚመረቅ ይጠበቃል።

ፕሮጀክቱ እስከ ማዘጋጃ ቤት የሚዘልቅ የመንገድ ግንባታን ያካተተ ነው።

በተለይ የመስቀል አደባባይ ፕሮጀክት በተጀመረበት ወቅት በአንዳንድ አካላት ከፍተኛ የሆነ ቅራኔ እና ተቃውሞ በማህበራዊ ሚዲያ ላይ ቀርቦ እንደነበር የሚዘነጋ አይደለም።

ከሰሞኑ በተሰራጨው የጠ/ሚ ዶ/ር ዐቢይ አህመድ "ቃልን በተግባር" በተሰኘ ዘጋቢ ፊልም ላይ ጠ/ሚስትሩ ይህንን ጉዳይ አንስተውት ነበር።

ጠ/ሚኒስትሩ ፥ ስራው ሲጀመር ቅራኔዎች እና ተቃውሞዎች እንደነበሩ አስታውሰዋል። አሁን ላይ ስራው ተሰርቶ መጠናቀቁን በመግለፅ ሁሉም ዜጋ ቦታውን የመጠበቅ ፣የማሳመር፣ የማስዋብ፣ ከዚህም የተሻለ ቦታ የመስራት ኃላፊነት እንዳለበት አስገንዝበዋል።

መስቀል አደባባይ ፥ የህዝብ በዓላት ፣ የሙዚቃ ኮንሰርት ፣ ሃይማኖታዊ በዓላት፣ የመንግስት ፕሮግራሞች፣ የተለያዩ አይነት ትርዒቶች ሊታዩበት በሚያስችል መልኩ የተሰራ ፕሮጀክት መሆኑን ገልጸዋል።

እስከ 1 ሚሊዮን ሰዎችን ማስተናገድ የሚችልበት አቅም እንዲኖረው መደረጉን ተናግረዋል።

በተጨማሪም የመስቀል አደባባይ ፓርኪንግ እጅግ ሰፊ እና ለአይንም ማራኪ ሆኖ የተሰራ እስከ 1450 ገደማ መኪና መያዝ የሚችል መሆኑን ገልፀዋል።

Photo Credit : Tikvah Family

@tikvahethiopia

#Afar

በአፋር ክልል በአሳይታ ከተማ በሼይኽ መሐመድ ሁሴን አል አሙዲን አማካኝነት ግንባታው ተጀምሮ በመሃል ግንባታው ለረጅም አመታት እንዲቋረጥ ተደርጎ የቆየው ግዙፉ የኢስላማዊ ማእከል የተቋረጠውን ግንባታ ዳግም ለማስጀምር እና ፕሮጀክቱን ለማጠናቀቅ እንዲቻል በዛሬው ዕለት በአሳይታ ከተማ የገቢ ማሰባሰቢያ እየተካሄደ ይገኛል።

በአሳይታ ከተማ ለሱልጣን አሊ ሚራህ መድረሳ ማስቀጠያ ዝግጅት ፦
- የአፋር ክልል ርዕሰ መስተዳድር አቶ አወል አርባ፣
- የፌዴራልና የክልል መጅሊስ አመራሮች ፣
- የአካባቢው ነዋሪዎች እንዲሁም ጥሪ የተደረገላቸው እንግዶች በተገኙበት ነው እየተካሄደ የሚገኘው።

መረጃው ከሀሩን ሚድያ እና ከኡስታዝ አቡበክር አህመድ የተገኘ ነው።

@tikvahethiopia

#Tigray

የዓለም አቀፉ የቀይ መስቀል ኮሚቴ (#ICRC) ከኢትዮጵያ ቀይ መስቀል ማህበር ጋር በመተባበር በትግራይ ክልል በጦርነቱ ለተጎዱ በላይላይ ማይጨው ወረዳ 5 ቀበሌዎች ለሚገኙ ለ5,251 ቤተሰብ ፣ እንዲሁም በዓድዋ ወረዳ 4 ቀበሌዎች ለሚገኙ 6,907 ቤተሰብ የዘር እና ማዳበሪያ ድጋፍ አድርጓል። ድጋፉ ወዳቋረጡት እርሻቸው እንዲመለሱ ያግዛቸዋል ተብሎ ታምኗል።

@tikvahethiopia

#EthiopianAirlines #OpenUniversity

ትላንት የኢትዮጵያ አየር መንገድ አቪየሽን አካዳሚ በእንግሊዝ ሀገር ከሚገኘው ኦፕን ዩኒቨርስቲ ጋር በመተባበር በቢዝነስ አድሚኒስትሬሽን በሁለተኛ ዲግሪ ያሰለጠናቸውን የአየር መንገዱን የማኔጅመንት አባላት አስመርቋል።

በምርቃት ስነስርዓቱ ላይ የኢትዮጵያ አየር መንገድ ዋና ስራ አስፈፃሚ የሆኑት አቶ ተወልደ ገብረማርያም ተገኝተው ለተመራቂዎቹ የ "እንኳን ደስ አላችሁ" መልዕክት አስተላልፈዋል።

መረጃው የኢትዮጵያ አየር መንገድ ነው።

ያንብቡ : https://bit.ly/3wnTdUQ

@tikvahethiopia

#Tigray

"...የሚደርሱን ሪፖርቶች በምግብ እጥረት የተጎዱ የህፃናት ቁጥር በየጊዜው እየጨመረ መምጣቱን ያመላክታሉ" - ኢሰመኮ

የኢትዮጵያ ሰብዓዊ መብቶች ኮሚሽን (ኢሰመኮ) የተቀናጀ የምግብ ዋስትና ደረጃ ምደባ (Integrated Food Security Phase Classification) በቅርቡ ባወጣው ረፖርት እንደተጠቀሰው በትግራይ ክልል ያለው አሳዛኝ ሰብዓዊ ቀውስ ከፍተኛ የድንገተኛ አደጋ ስጋት ላይ መድረሱ በእጅጉ እንደሚያሳስበው ዛሬ ገልጿል።

ኮሚሽኑ ከክልሉ ከሚገኙ የጤና ተቋማት ደረሱኝ ባላቸው ሪፖርቶች በምግብ እጥረት የተጎዱ የህፃናት ቁጥር በየጊዜው እየጨመረ መምጣቱን ያመላክታሉ ብሏል።

ኮሚሽኑ የሰብአዊ እርዳታ ተደራሽነት በአፋጣኝ የማረጋገጥ አስፈላጊነትን እና በአብዛኛው ተደራሽ በሆኑ አካባቢዎች ጭምር ያለው የሰብዓዊ እርዳታ ድጋፍ እጥረት ለሟሟላት ተገቢ ጥረት መደረግ እንዳለበት በአፅንዎት አሳስቧል።

የኢሰመኮ ዋና ኮሚሽነር ዶ/ር ዳንኤል በቀለ ፥ ኮሚሽኑ ከዚህ ቀደም ያደረጋቸውን ጥሪዎች አስታውሰው "ሰብዓዊ መብት ጥሰት የፈፀሙ አካላትን ተጠያቂነት ለማረጋገጥ የሚደረገው ጥረት እንደተጠበቀ ሆኖ ፤ መቆየት የማይችለው አስቸኳይ ጉዳይ ግን አስፈላጊውን አቅምና ሀብት ሁሉ በማሰባሰብ የሰብዓዊ እርዳታን ተደራሽነት ማረጋገጥ እና ሰብዓዊ እርዳታ ለሚያስፈልጋቸው የህብረተሰብ ክፍሎች እርዳታ ማድረግ እንደሆነ" ገልፀዋል።

@tikvahethiopia

የአፋር ክልል ፕሬዜዳንት አወል አርባ ፥ ለሼይኽ መሐመድ ሁሴን አል አሙዲ ጥሪ አቀረቡ።

በሼይኽ መሐመድ ሁሴን አል አሙዲ አማካኝነት ለአፋር ህዝብ ሙሉ ወጪውን በመሸፈን ታላቁን የሱልጣን አሊ ሚራህ ኢስላማዊ ማዕከል ገንብቶ ለማስረከብ ቃል በመግባት ወደ ስራ ተገብቶ የነበረ ቢሆንም በ "ፖለቲካ አሻጥር" ምክንያት ይህ ፕሮጀክት ግንባታው ከሁለት አስርት አመታት በላይ ቆሟል።

የግዙፉን ማዕከል ሙሉ ወጪ ሸፍነው ለማስገንባት ስራውን ያስጀመሩት እውቁ የሃገራችን ባለሃብት ሼይኽ መሐመድ ሁሴን አል አሙዲ ብዙ ገንዘባቸውን ውጪ ካደረጉ ቡኃላ በፖለቲካ አሻጥር ግንባታው እንዲቆም እና እሳቸውም ፕሮጀክቱን ፋይናንስ ማድረግ እንዲያቆሙ በመግፋት ግንባታው እንዲቆም ተደርጓል።

ዛሬ በአሳይታ እየተካሄደ በነበረው የገቢ ማሰባሰቢያ ፕሮግራም ላይ የተገኙት የአፋር ክልል ርዕሰ መስተዳድር ክቡር አወል አርባ ለሼይኽ መሐመድ ሁሴን አል አሙዲ ጥሪ አቅርበዋል።

ይህ ፕሮጀክት በዋናነት ያስጀመሩት እና ብዙ የለፉለት ሼይኽ መሐመድ ሁሴን አል አሙዲ እንደመሆናቸው አሁንም ተቋም ተጠናቆ እውን ይሆን ዘንድ ትልቁን ድርሻ ቅድሚያ ለእሳቸው እንደሚሰጥ ገልፀዋል።

በክልሉ መንግስት ስምም ሼይኽ መሐመድ ሁሴን አል አሙዲ ዳግም ተመልሰው ሃገራቸው እንዲያለሙ በይፋ ጥሪ አቅርበውላቸዋል።

ሼይኽ መሐመድ ሁሴን አል አሙዲ ይህን ፕሮጀክት እንዳስጀመሩትና ብዙ እንደደከሙበት ሁሉ አሁን ላይ እንደ አዲስ ግንባታው ተጠናቆ ምኞታቸው ተሳክቶ ያዩት ዘንድ እሳቸውም የበኩላቸውን እንደሚያደርጉ ገልፀዋል።

በተጨማሪ ፥ "ለእናት ሃገራቸው እንዲያበቃቸው፣ ያሉበትን ሁኔታ አላህ እንዲያስተካክላቸው በዱዓ ልናግዛቸው ይገባል" ብለዋል።

መረጃው ከኡስታዝ አቡበርክ አህመድ የተገኘ ነው።

@tikvahethiopia