ዛሬ ሰኔ 3 በፋግታ ወረዳ በረዶ ቀላቅሎ የጣለው ከባድ ዝናብ በሰብል ላይ ጉዳት ማድረሱ ተገለፀ።

በአዊ ብሄረሰብ አስተዳደር ፋግታ ወረዳ ዛሬ በረዶ ቀላቅሎ የጣለው ከባድ ዝናብ በአንዳንድ አከባቢዎች ሰብል ላይ ጉዳት እንዳደረሰ ፋግታ ኮሙዩኒኬሽን ሪፖርት አድርጓል።

ዝርዝር የጉዳቱ መጠን እንዲሁም አካባቢዎቹ አልተገለፁም።

@tikvahethiopia

"...ቱርክ በየትኛዉም ዘርፍ ከኢትዮጵያ ጎን ትቆማለች" - አምባሳደር ያፕራክ አልፕ

በኢትዮጵያ የቱርክ አምባሳደር ያፕራክ አልፕ የህዳሴዉ ግድብ ሶስትዮሽ ድርድር እና የኢትዮ ሱዳን የድንበር ዉዝግብ በሠላማዊ መንገድ ሊፈታ ይገባል አሉ።

አምባሳደሩ ይህን ያሉት ለኢትዮ ኤፍ ኤም 107.8 በሰጡት ቃለምልልስ ነው።

ቱርክ ከሱዳን እንዲሁም ከኢትዮጵያ ጋር መልካም ግንኙነት ያላት አገር መሆኗን የገለፁት አምባሳደሩ ፥ ጦርነት ለሁለቱም አገራት ስለማይበጅ ልዩነታቸዉን በዉይይት እንዲፈቱ ጠይቀዋል፡፡

አምባሳደር ያፕራክ አልፕ አገራቸዉ በየትኛዉም ዘርፍ ከኢትዮጵያ ጎን እንደምትቆምም አስታዉቀዋል፡፡

አገራቸዉ ከኢትዮጵያ ጋር ያላትን የንግድ ልዉዉጥ ወደ 1 ቢሊዮን ዶላር ለማድረስ እንደምትሰራም ገልፀዋል።

ቱርክ እና ኢትዮጵያ በርካታ ዘመናትን ያስቆጠረ ግንኙነት እንዳላቸዉ የገለፁት አምባሳደር ያፕረክ አልፕ፤ አሁን ላይ የአገራቱ አመታዊ የንግድ ልዉዉጥ 6 መቶ ሚሊዮን ዶላር ደርሷል ብለዋል፡፡

በሌላ መረጃ : ኢትዮጵያና ቱርክ በትራንስፖርቱ ዘርፍ በቴክኒካዊ ጉዳዮች ላይ በትብብር ለመስራት የሚያስችላቸውን መግባቢያ ስምምነት ተፈራርመዋል።

የትራንስፖርት ሚኒስትሯ ወ/ሮ ዳግማዊት ሞገስ ከቱርኩ የትራንስፖርት እና መሰረተ ልማት ሚኒስትር አዲል ካራይስማይሎግሉ ጋር ስምምነቱን መፈራረማቸውን በትዊተር ገጻቸው አሳውቀዋል።

#EthioFM #WeyzeroDagmawitMoges

@tikvahethiopia

#BREAKING

የኢትዮጵያ ብሔራዊ ምርጫ ቦርድ 6ተኛውን ሀገራዊ ምርጫ በገጠሙ የህትመት ችግር፣ የጸጥታ ሁኔታና የዳታ ችግር ምክንያት በሁለት ዙር እንደሚካሄድ አስታውቋል።

ሁለተኛው ዙር ምርጫም ጳጉሜ 1 ቀን 2013 ዓ.ም እንደሚሆን ቦርዱ ወስኗል።

በሁለተኛ ዙር ምርጫ የተካተቱት አካባቢዎችን ዝርዝር ሲገለፅ እናሳውቃችኃለን።

በሌላ በኩል፥ የደቡብ ምዕራብ ህዝበ ውሳኔ መራዘሙን ቦርዱ አስታውቋል።

የደቡብ ምዕራብ ህዝበ ውሳኔ ጳጉሜ 1 ቀን 2013 ይደረጋል ተብሏል።

PHOTO : Tikvah-Family
@tikvahethiopia

#Update

ድምፅ መስጫ ወረቀቶች በድጋሚ ህትመት የሚያስፈልጋቸው የምርጫ ክልሎች ከላይ በዝርዝር የተገለፁት ናቸው።

#ምርጫ2013 #TikvahFamily

@tikvahethiopia

#Update

ዛሬ በትግራይ ክልል ያለውን የሰብዓዊ ቀውስን በተመለከተ የአሜሪካ እና የአውሮፓ ሕብረት (EU) ከፍተኛ ባለስልጣናት በኦንላይን ውይይት አድርጋዋል።

የዛሬው ውይይት ቀደም ብሎ እንደተገለፀው በቀጥታ ተላልፏል።

በውይይቱ እነማን ተሳተፉ ?

- በተባበሩት መንግሥታት የአሜሪካ አምባሳደር የሆኑት ሊንዳ ቶማስ-ግሪንፊልድ፣
- የአሜሪካ የተራድኦ ድርጅት (ዩኤስኤአይዲ) ኃላፊ ሳማንታ ፓወር፣
- የተመድ የሰብአዊ ጉዳዮች ኃላፊ ማርክ ሎውኮክ
- የአውሮፓ ሕብረት የቀውስ አስተዳደር ኮሚሽነር ያኔዝ ሌነርቼክ
- የአሜሪካ የአፍሪካ ቀንድ ልዩ መልዕክተኛ ጄፍሪ ፌልትማን ተሳታፊ ሆነውበታል።

እነንማን ምን አሉ የሚለውን በዚህ ያንብቡ : https://telegra.ph/Tigray-06-10

በሌላ በኩል በአፍሪካ ቀንድ የአሜሪካ ልዩ መልዕክተኛ ጄፍሪ ፌልትማን ዛሬ በዚህ መድረክ ባሰሙት ንግግር ነገ የቡድን ሰባት (G7) አገራት ሰብሰባ እንደሚኖራው ገልጸው ፤ ከG7 አገራት አጀንዳዎች መካከል የኢትዮጵያ ጉዳይ አንዱ መሆኑን ገልጸዋል።

የኢትዮጵያ ጉዳይም የተባበሩት መንግሥታት (UN) የጸጥታ ም/ ቤት አጀንዳ መሆን አለበት ብለዋል። ፌልትማን ረሃብ የጦርነት መሳሪያ ተደርጎ መወሰዱ የተመድ የጸጥታ ምክር ቤት አጀንዳ ያደርገዋል ሲሉ ተደምጠዋል።

ተኩስ እንዲቆም፣ ያልተገደበ የሰብዓዊ እርዳታ እንዲደረስ እና የኤርትራ ጦር ከኢትዮጵያ እንዲወጣ ጫና ማድረጋችንን መቀጠል አለብን ብለዋል።

#BBC

@tikvahethiopia

'የNISS ጥቆማ መቀበያ 910 '

ዜጎች ማንኛውም አይነት ለሀገርና ህዝቦች ሰላምና መረጋጋት እንቅፋት የሚሆኑና ከሀገራዊ ምርጫው ጋር በተያያዘ የደህንነት ስጋት ሊፈጥሩ የሚችሉ አጠራጣሪ ሁኔታዎችን በአቅራቢያቸው ሲመለከቱ ለብሔራዊ መረጃና ደህንነት አገልግሎት አጭር የጥቆማ መስጪያ ቁጥር " 910 " በመጠቀም ጥቆማ መስጠት እንደሚችሉ ተገልጿል።

#EPA

@tikvahethiopia

#NewsAlert

የኦሮሚያ ፖሊስ ከሌሎች ፀጥታ ኃይሎች ጋር በመጣመር 95 የ "ኦነግ ሸኔ" ታጣቂ ቡድን አባላትን መደምሰሱን በይፋዊ የፌስቡክ ገፁ ላይ አሳወቀ።

የምስራቅ ኦሮሚያ እና የደቡብ ኦሮሚያ ዞን ኦሮሚያ ልዩ ኃይል ፖሊስ በመጣመር ከተለያዩ ጸጥታ ኃይሎች ጋር በመሆን ለተከታታይ 4 ቀናት በልዩ ሁኔታ ኦፕሬሽን ተካሂዷል ሲል ገልጿል።

በዚህ ኦፕሬሽን ህዝቡን በመዝረፍ፣ በማሰቃየት እና በአሰቃቂ ሁኔታ ሲገድል የነበረ ያለውን የኦነግ ሸኔ ታጣቂ ቡድን ላይ የማያዳግም እርምጃ በመውሰድ 95ቱ ተደምስሰዋል ብዙዎቹን ቁስለኛ ሆነዋል ብሏል።

ልዩ የነው የተባለው ኦፕሬሽን ስራ የተሰራው በደቡብ ኦሮሚያ በጉጂ ዞን እና በቦረና ዞን ሲሆን ግንቦት 24 ፣ ግንቦት 25 ፣ ግንቦት 26 ፣ግንቦት 27 ቀን 2013 ዓ/ም ነው ተብሏል።

በኦፕሬሽኑ ሙት እና ቁስለኛ ከሆኑት የታጣቂ ቡድኑ አባላት በተጨማሪ ብዛት ያላቸው የተለያዩ የጦር መሳሪያዎች መማረኩን የክልሉ ፖሊስ ኮሚሽን አሳውቋል።

ፖሊስ ማረኩኝ ካላቸው የጦር መሳሪያዎች መካከል ፦ ብሬን፣ ክላሽ ፣ SKS (ኤስ ኬ ኤስ) M14 (ኤም14) ይገኙበታል።

በተጨማሪም፦ ሞተር ሳይክሎች፣ የተለያዩ መድኃኒቶች፣ የምግብ ሬሽን ኮሾሮ፣ ፓስታ፣ እና የተለያዩ የምግብ እቃዎችን መማረኩን ገልጿል።

የክልሉ ፖሊስ ኦፕሬሽኑ እንዲሳካ ላደረገው ህዝብ ምስጋና አቅርቧል።

በተጨማሪ የሶማሌ ክልል ፖሊስ በተለይ የዳዋ እና ሊበን ዞን ፖሊሶች ላደረጉት ትበብር ምስጋና አቅርቧል በይፋዊ የፌስቡክ ገፁ ላይ።

@tikvahethiopia

የሶማሊያ ወታደሮች ጉዳይ ?

ወደ #ኤርትራ ለሥልጠና ተልከው የነበሩ በሺዎች ሚቆጠሩ የሶማልያ ወታደሮች በትግራይ ውስጥ በተደረገው ውጊያ ተካፋይ ሆነዋል በሚል፣ በዚህ ሳምንት በወጣው ሪፖርት የተነሳ በሶማልያ መንግሥት ላይ የሚደረገው ግፊት እያየለ መምጣቱ ተነግሯል፡፡

የልጆቻቸው አድራሻ የጠፋባቸው የወታደሮቹ ቤተሰቦች የሱማሊያ ፕሬዚዳንት የሆኑትን መሀመድ አብዱላሂ መሀመድን (ፈርማጆን) ተጠያቂ ያደረጉ ሲሆን እሳቸው ግን ሪፖርቱን አስተባብለዋል፡፡

ቪኦኤ እንደዘገበው የተወካዮቹ ምክር ቤት ኮሚቴ የወታደሮችን አድራሻ በሚመለከት ምርመራ እንዲደረግ ጥያቄ ማቅረባቸው ተነግሯል፡፡

በተባበሩት መንግስታት (UN) የሰአብአዊ መብት ጉባኤ በዚህ ሳምንት የወጣው ዘገባ እንዳመለከተው “ለሥልጠና ወደ ኤርትራ ተልከው የነበሩ ወታደሮች በኢትዮጵያው የትግራይ ውጊያ ተሳታፊ ሆነዋል፡፡”

የሶማልያ መንግሥት ግን ወታደሮቹ ትግራይ ውስጥ የነበሩ መሆናቸውን አስተባብሏል፡፡

የሱማሊያ ኢንፎርሜሽን ሚኒስትር ኦስማን ዱቤ ትላንት ለሚዲያዎች በሰጡት መግለጫ ከሱማሊያ ወታደሮች ጋር የሚወጡት መረጃዎች ሀሰተኛ፣ መሰረተቢስ አሉባልታ፣ እና ፖለቲካዊ ፕሮፖጋንዳ ነው ብለዋል።

ያንብቡ : https://telegra.ph/SOMALIA-06-11

@tikvahethiopia