የአምባሳደር ዲና ሙፍቲ ሳምንታዊ መግለጫ ፦

የውጭ ጉዳይ ሚኒስቴር ቃል አቀባይ አምባሳደር ዲና ሙፍቲ ዛሬ ጋዜጣዊ መግለጫ ሰጥተዋል።

አምባሳደር ዲና ፥ የተለያዩ ጉዳዮችን ያነሱ ሲሆን ፣ ከአሜሪካ ጋር የተፈጠረው አለመግባባት የመግለጫቸው ዋነኛ አጀንዳ ነበር፡፡

ቃል አቀባዩ ምን አሉ ?

- አሜሪካ የጣለችውን እገዳ በማስመልከት የኦሮሚያ ክልል ፕሬዜዳንት ሽመልስ አብዲሳ “የነቀዘ ስንዴ ነው የሚቀርብን” ማለት ያሰሙትን ንግግር በተመለከተ አምባሳደር ዲና ሙፍቲ ፥ “ግለሰቦች የመናገር መብት አላቸው ፤ ይህም የግል አስተያየትና ስሜታቸው ነው” ብለዋል፡፡

- የኦሮሚያ ፕሬዜዳንት አቶ ሽመልስ አብዲሳ “የነቀዘ ስንዴ” ሲሉ የተናገሩት ንግግር የመንግስት አቋም ሳይሆን የግላቸው አስተያየት መሆኑን አምባሳደር ዲና ገልፀዋል።

- በውጭ ጉዳይ ደረጃ “ጉዳዩን የማጋጋል ፍላጎት የለንም” ብለዋል ፤ “የተፈጠረው ጉዳይ በዲፕሎማሲያዊ መንገድ እንዲፈታ በጋራ ወዳጆቻችን በኩል እየተነጋገርን ነው ያለነው” ሲሉ አሳውቀዋል።

- የሴናተር ጂም ኢንሆፌ ጉብኝት በኢትዮጵያ እና በአሜሪካ መካከል የተፈጠረውን ጉዳይ ለመፍታት እየተኬደ ያለበት የዴፕሎማሲ መንገድ አካል ሊሆን እንደሚችል ጠቁመዋል ፤ "የአሜሪካ አቋም ይቀየራል ብለን ነው የምናምነው ፣ መቼና እንዴት የሚለው ግን እነሱን የሚመለከት ነው” ብለዋል።

- ሴናተር ጂም ኢንሆፌ ከጠቅላይ ሚኒስትር ዐቢይ አሕመድ እንዲሁም ከምክትል ጠቅላይ ሚኒስትርና የውጭ ጉዳይ ሚኒስትር ደመቀ መኮንን ጋር መገናኘታቸውን እና “ውጤታማ ጉብኝት” አድርገዋል ብለዋል።

ያንብቡ : telegra.ph/AL-AIN-06-02

#አልዓይን

@tikvahethiopia

በተለያዩ መንግስታዊ ላልሆኑ ድርጅቶች ተቀጥረው ለአጭር ግዜ የሰበዓዊ አገልግሎት ስራ ለሚሰሩ ግለሰቦች የሚሰጠው የቪዛ ጊዜ ተራዘመ።

ከዚህ ቀደም ለ1 ወር ይሰጥ የነበረ የNGO ቪዛ ከትላንት ጀምሮ ለ3 (ሦስት) ወር እንደሚሰጥ የኢሚግሬሽን እና ወሳኝ ኩነት ኤጀንሲ አሳውቋል።

ለተጨማሪ ግዜ ቪዛቸው እንዲራዘም ለሚጠይቁ ድርጅቶች ለኤጀንሲው ጥያቄ ሲያቀርቡ የሚራዘም ይሆናል ተብሏል።

ከዚህ ቀደም የሰብዓዊ አገልግሎት ስራ የሚሰሩ ግለሰቦች የ1ወር የቪዛ ጊዜ ይዘው ገብተው ስራቸውን ካልጨረሱና የይራዘምልን ጥያቄ ባቀረቡ ወቅት ይራዘምላቸው ነበር።

@tikvahethiopia

ዘምዘም ባንክ ለኢትዮጵያ የመጀመሪያው ከወለድ ነጻ ባንክ በመሆን አገልግሎት መጀመሩን ዛሬ አበሰረ።

ባንኩ የሸሪአን መርህን መሰረት ባደረገ መልኩ ሙሉ በሙሉ ከወለድ ነጻ የባንክ አገልግሎት እንደሚሰጥ የገለፀ ሲሆን አገልግሎቱን የሚሰጡት በባንክ ዘርፍ የዳበረ ልምድ ያላቸው ስመጥር ባለሞያዎች ናቸው ብሏል፡፡

ዘምዘም ባንክ ፥ የኮር ባንኪነግ ሲስተሙ ዘመናዊ እንደሆነ ገልፆ በሲስተም አቅራቢዎችና በሸሪአ ባለሞያዎች በኩል ማረጋገጫ ሰርተፍኬት እንዳለው አሳውቋል።

ባንኩ ነገ ከጥዋት 3:30 ጀምሮ የመክፈቻ ስነስርአት እንዳለው ገልጿል።

@tikvahethiopia

#Ethiopia #COVID19

ኢትዮጵያ ባለፉት 24 ሰዓት ውስጥ ካደረገችው 5,003 የኮቪድ19 የላብራቶሪ ምርመራ 246 ሰዎች ለቫይረሱ ተጋላጭ ሆነው ተገኝተዋል፤ ይህም አጠቃላይ በቫይረሱ የተያዙ ሰዎችን ቁጥር 272,036 አድርሶታል።

በ24 ሰዓት 7 ሰዎች ህይወታቸው ያለፈ ሲሆን በአጠቃላይ የሟቾች ቁጥር 4,178 ደርሷል።

የኮቪድ-19 ክትባት የተከተቡ ዜጎች 1,838,569 ደርሰዋል።

@tikvahethiopia

#TigrayRegion

በትግራይ ክልል 23,066 ዜጎች የኮቪድ-19 ክትባት መከተባቸውን የትግራይ ጤና ቢሮ ገልጿል።

ሁሉም ክትባቱን የወሰዱ ዜጎች በመቐለ ብቻ የሚገኙ እንደሆኑ ተነግሯል።

አሁን ላይ ወደሌሎች የትግራይ ከተሞች፦ ማይጨው ፣ ውቕሮ ፣ ዓዲግራት፣ ኣክሱም ክትባቱ እንዲሰጥ ለማድረግ ስራዎች እየተሰሩ ነው።

ክትባቱን ለማስጀመር አስፈላጊው ስልጠና የተሰጠ ሲሆን ክትባቱ ወደከተሞቹ ተልኳል።

ዓዲግራት፣ ወቕሮና ማይጨው ከሳምንት በፊት ክትባቱ ተልኮላቸው ክትባቱ መሰጠት ተጀምሯል።

አጭር መረጃ፦

- በትግራይ 5 ወር ያህል ተቋርጦ የነበረው የኮቪድ-19 ምርመራ ከሁለት ወር በፊት የጀመረ ሲሆን በቫይረሱ ተጠርጥረው ምርመራ ከተደረገላቸው መካከል 37% በቫይረሱ ተይዘው ተገኝተዋል።

- አስቀድሞ የሚሰሩት የኮቪድ-19 መከላከል ስራዎች የሉም።

- በተፈናቃይ ካምፖች የኮቪድ-19 ስርጭት እጅግ አሳሳቢ ነው። እንደምሳሌ፦ ሽረ ላይ ባለየተፈናቃይ መጠለያ በአንድ ክፍል ውስጥ እስከ 4 ቤተሰብ መሪ በተጨናነቀ ሁኔታ ይኖረል።

- ክትባት ከአንድ ወር በፊት ተጀምሮ በዝቅተኛ ደረጃ እየተሰጠ ነው።

- 119 ሺ ዶዝ የኮቪድ-19 ክትባት ትግራይ የተላከላት ሲሆን ከ23 ሺህ በላይ ጥቅም ላይ ውሏል።

- በጦርነት ምክንያት የኮቪድ-19 ጉዳይ ትኩረት በማጣቱ ፣ በህብረተሰቡ ዘንድ በክትባቱ ላይ ጥርጣሬ በመኖሩ ክትባቱ የተቀዛቀዘ ነበር ፥ የተከታቢ ቁጥር አነስተኛ ስለነበር የክትባቱ አገልግሎት ጊዜ ወደማብቃት ተጠግቷል፤ ከቅርብ ጊዜ ወዲህ ግን መነቃቃት እያሳየ ነው።

- ቅድሚያ 55ና በላይ እድሜ ያላቸው፣ እንዲሁም ተጓዳኝ ህመም ላለባቸው እየተሰጠ ሲሆን ከሚቀር ተብሎም ዕድሜያቸው 40 ለሆናቸውም እየተሰጠ ነው።

- በተፈናቃይ ካምፖች ክትባት መሰጠት አልተጀመረም። #ከዶቼቨለ

@tikvahethiopia

#GERD🇪🇹

ሀገራችን ኢትዮጵያ የታላቁ ህዳሴ ግድብ ሁለተኛ ዙር የውሃ ሙሌት ለማከናወን ሁለት ወር ቀርቷታል።

በግድቡ አጠቃላይ አሁናዊ ሁኔታ ላይ እና በየዘርፉ ያሉ ምዑራን በግድቡ ላይ ያላቸውን ተሰትፎ ማሳደግ በሚያስችሉ ነጥቦች ላይ በአርባ ምንጭ ዩኒቨርሲቲ የምርምር ጉባኤ ተካሂዷል።

በዚህ ጉባኤ ላይ የውሃ፣ መስኖና ኢነርጂ ሚኒስትሩ ዶክተር ኢ/ር ስለሺ በቀለ ተገኝተው ስለታላቁ የህዳሴ ግድብ አጭር ማብራሪያ ሰጥተዋል።

ዶክተር ኢንጂነር ስለሺ በቀለ ምን አሉ ? ግድባችን በምን ሁኔታ ላይ ይገኛል ? ከላይ በተያያዘው ፋይል ያዳምጡ።

© ፋና ብሮድካስቲንግ (25 MB)

@tikvahethiopia