ዶ/ር አብይ የአፍሪካ የመብት ተቋም በትግራይ ያለውን ሁኔታ እንዲመረምር ኢትዮጵያ ፍቃደኛ ናት አሉ።

የኢትዮጵያ ጠቅላይ ሚኒስትር ዐቢይ አህመድ በትግራይ ክልል በተካሄደው የሕግ ማስከበር ዘመቻ የመብት ጥሰት ተፈጽሟል በሚል ለሚቀርብ ቅሬታ የአፍሪካ የሰብዓዊ እና የሰዎች መብቶች ኮሚሽን ከኢትዮጵያ ሰብዓዊ መብቶች ኮሚሽን ጋር ሆኖ እንዲያጣራ መፍቀዳቸውን አስታውቀዋል።

ጠቅላይ ሚኒስትሩ ለአፍሪካ ሕብረት ሰላምና ጸጥታ ምክር ቤት ባቀረቡት ሀሳብ እንዳሉት ለአፍሪካውያን ተብለው በተቋቋሙ ተቋማት መጠቀም እንደሚገባ አስታውቀዋል፡፡

በዚህም መሰረት በትግራይ ክልል ተፈጽሟል በሚል ለሚወራው የሰብዓዊ መብት ጥሰት አፍሪካዊ ተቋም እንዲመረምር ኢትዮጵያ መፍቀዷን ገልጸዋል፡፡

ኢትዮጵያ በራሷ ግዛት ውሰጥ ሕግ ማስከበሯ ዓለም አቀፍ ተግሳፅ እንዳስከተለባት የገለጹት ጠቅላይ ሚኒስትሩ፤ አፍሪካውያን ችግሮቻቸውን በራሳቸው ለመፍታት እና ለማሸነፍ መነሳት እንዳለባቸውም ገልጸዋል፡፡ (AlAIN News)

@tikvahethiopiaBOT @tikvahethiopia

3ኛው ቀን የ12ተኛ ክፍል ብሔራዊ ፈተና በመላው ሀገሪቱ እየተሰጠ ይገኛል።

የካቲት 29 ቀን 2013 ዓ/ም የጀመረው የ12ኛ ክፍል ብሄራዊ ፈተና ዛሬ ሶስተኛ ቀኑን ይዟል።

ፈተናው በነገው ዕለት ይጠናቀቃል።

PHOTO : Addis Ababa Education Bureau & Somali Region Education Bureau
@tikvahethiopiaBot @tikvahethiopia

ኢሰመኮ ስለ ኤርትራ ወታደሮች ተሳትፎ ምን ይላል ?

"ኬላ" ከተሰኘው የአሐዱ ቴሌቪዥን ፕሮግራም ጋር ቆይታ ያደረጉት የኢትዮጵያ ሰብዓዊ መብት ኮሚሽን ኮሚሽነር ዶ/ር ዳንኤል በቀለ ተቋማቸው በትግራይ ጦርነት የኤርትራ ወታደሮች ተሳትፎ እንዳደረገ ያምናል ወይ ? ተብለው ተጠይቀው ምላሽ ሰጥተዋል።

ዶ/ር ዳንኤል ተቋማቸው አሁን ላይ የምርመራው ስራ ሳይጠናቀቅ ሙሉ መደምደሚያ ላይ ላለመድረስ ጥንቃቄ እንደሚያደርግ ገልፀዋል።

እስካሁን በተደረገው ምርመራ በምዕራብ ትግራይ የተወሰኑ የኤርትራ ወታደሮች/የኤርትራ ወታደር ዩኒፎርም የለበሱ ሰዎች/በአካባቢው የተመለከቷቸው ሰዎች የኤርትራ ወታደሮች ናቸው ብለው የገለጿቸው ሰዎች መኖራቸውን እንዳረጋገጡላቸው አሳውቀዋል።

አምንነስቲ ባቀረበው የአክሱም ሪፖርት ጉዳይም ፤ ኢሰመኮ እስካሁን ባደረገው ክትትል በአክሱም በተፈፀመው ክስተት የኤርትራ ወታደሮች ተሳታፊ መሆናቸውን የሚያመላክቱ ማስረጃዎች መሰብሰባቸውን ዶ/ር ዳንኤል ገልፀዋል።

ነገር ግን የስፋቱን መጠን፣ የተሳተፉት ሰዎች ብዛትና መጠን፣ የደረሰው የሰው ህይወት መጥፋት መጠን፣ የሰብዓዊ ጥሰቱ ምንነት እና አይነት ፣ የኤርትራ ወታደሮች የተሳትፎ መጠን፣ ቁጥራቸው ስንት ነው የሚለውን ኢሰመኮ ምርመራውን ስላላጠናቀቀ ዝርዝር ውስጥ መግባት እንደማይፈልግ ዶ/ር ዳንኤል ተናግረዋል።

ኢሰመኮ እያደረገ ባለው የምርመራና የክትትል ስራ ቦታው ላይ ተገኝቶ ሳያጣራና ሳያረጋግጥ መደምደሚያ ላይ መድረስ ስለሌለበት አሁንም በምርመራ ስራው መቀጠሉን ገልጾ ፤ ኮሚሽኑ የሚደርስበትን ግኝት ለህዝብ እንደሚያሳውቅ ዶ/ር ዳንኤል በቀለ ተናግረዋል።

@tikvahethiopiaBot @tikvahethiopia