መሀመድ አል-አሩሲ ለፌዴራል ፓርላማ ለመወዳደር እጩ ሆኖ ቀረበ።

በመካከለኛው ምስራቅና በአረቡ አለም የኢትዮጵያን ገፅታ ለመገንባት ከፍተኛ ጥረት እያደረገ ያለው መሀመድ አል አሩሲ በምርጫ 2013 ላይ ለመወዳደር መዘጋጀቱ ታወቀ፡፡

መሀመድ አል - አሩሲ ታላቁን የኢትዮጵያ ህዳሴ ግድብን በተመለከተ በግብፅ ወገን የተሰረጩ የተሳሳቱ አስተሳሰቦችን ለማረም ከፍተኛ ጥረት በማድረግ ኢትዮጵያዊ ግዴታውን በመወጣት ይታወቃል።

መሀመድ አል - አሩሲ "የብልፅግና ፓርቲን" በመወከል በአዲስ አበባ ከተማ ለህዝብ ተወካዮች ምክር ቤት እጩ ሆኖ መቅረቡ ተረጋግጧል ሲል የደቡብ ሬድዮ እና ቴሌቪዥን ድርጅት ዘግቧል።

@tikvahethiopiaBot @tikvahethiopia

ባለስልጣኑ ስልጣን ሊለቁ የፈለጉበት ምክንያት ምንድነው ?

የኢትዮጵያ ብሮድካስት ባለስልጠን ዋና ዳይሬክተር ዶክተር ጌታቸው ድንቁ በፍቃዳቸው ኃላፊነታቸውን እንደሚለቁ ገልፀዋል።

ዋና ዳይሬክተሩ ከስልጣን ሊለቁ የፈለጉበት ምክንያት ተብሎ በማህበራዊ ሚዲያ የሚሰራጨው መረጀ ግን ሀሰት መሆኑን ኢብባ አሳውቋል።

የባለስልጣን መስሪያ ቤቱ ምክትል ዳይሬክተር አቶ ወንድወሰን አንዱአለም ፥ በቅርቡ ዶክተር ጌታቸው ድንቁ የተቋሙን ሰራተኞች ሰብስበው ተቋሙን እንደማይመሩና ኃላፊነታቸውን በፍቃዳቸውን ለመልቀቀ መወሰናቸውን አሳውቀዋል ሲሉ ገልፀዋል።

ዶክተር ጌታቸው ኑሯቸውን በአሜሪካ አድርገው ለማስተማር እና ለመርምር ስራ ወደኢትዮጵያ መመለሳቸው የተገለፀ ሲሆን ምክትል ዳይሬክተሩ አቶ ወንድወሰን ፥ ዋና ዳይሬክተሩ ወደኃላፊነት ሲመጡ ለ2 ዓመት ብቻ ለመስራት እንደሆነ ተናግረዋል ብለዋል።

በማስተማር እና በምርምር ስራ ጊዜያቸውን ማሳለፍ የበለጠ እንደሚወዱ የተናገሩት ዶ/ር ጌታቸው ለሰራተኞችም ያሳወቁት ይህንኑ ነው ፤ ከዛ ውጭ የሚናፈሰው በሙሉ ሀሰተኛ መረጃ ነው ሲሉ አቶ ወንድወሰን አሳውቀዋል።

የኢትዮጵያ ብሮድካስት ባለስልጣን (ኢብቦ) ተጠሪቱ ለህዝብ ተወካዮች ምክር ቤት ሲሆን ጉዳዩ በቦርድ ውሳኔ እስከሚፀድቅ መልቀቂያቸው ተቀባይነት እስኪያገኝ ድረስ ኃላፊነታቸውን ለቀቁ ተብሎ መናገር እንደማይቻል ተገልጿል።

Via Sheger FM 102.1
@tikvahethiopiaBot @tikvahethiopia

በመተማ ወረዳ ተላላፊ የውሻ በሽታ ተከሰተ።

በምዕራብ ጎንደር በመተማ ወረዳ ተላላፊ የውሻ በሽታ መከሰቱን የወረዳው እንሰሳት ሀብት ልማት ጽ/ቤት አስታውቋል።

በሽታው በተለያዩ ቀበሌዎች የተከሰተ ሲሆን በሰዎች ላይ ከፍተኛ ጉዳት እንዳያደርስ በጽ/ቤቱ በኩል የእብድ ውሻ ተላላፊ በሽታ/Rabbies/ ክትባት እየተሰጠ ይገኛል፡፡

አስካሁን ሸመለጋራ ቀበሌ፣ ኩመር አፍጥጥና ገንዳውሀ ብርሽኝ ቀበሌ ከ600 በላይ ወሻዎች ክትባት የተደረገላቸው መሆኑን የመተማ ወረዳ እንስሳት ሀብት ልማት ጽ/ቤት አሳውቋል።

ማህበረሰቡ በሽታው ከፍተኛ ጉዳት ሳያደርስ መከላከል እንዲቻል ወደ ተቋሙ በመምጣት ለውሻዎቹ ክትባቱን እንዲያደርግ ጥሪ እየቀረበ እንደሚገኝ የመተማ ወረዳ ኮሚኒኬሽን ገልጿል።

@tikvahethiopiaBot @tikvahethiopia

"በየመን በርካታ ኢትዮጵያውያን ህይወታቸው አልፏል" - አምባሳደር ዲና ሙፍቲ

በየመን በደረሰው የእስር ቤት ቃጠሎ በርካታ ኢትዮጵያውያን ህይወታቸው ማለፉን የውጭ ጉዳይ ሚኒስቴር አስታወቀ።

የሚኒስቴሩ ቃል አቀባ አምባሳደር ዲና ሙፍቲ በዛሬው ሳምንታዊ መግለጫ ፥ በአደጋው ህይወታቸው ያለፈ ኢትዮጵያውያን ትክክለኛ ቁጥር እየተጣራ ነው ብለዋል።

በኦማን መዲና ሙስካት የሚገኘው የኢትዬጵያ ኤምባሲም ጉዳዩን በቅርበት እየተከታተለው እንደሚገኝ ነው የተናገሩት።

ከዓለም አቀፉ የፍልሰተኞች ድርጅት ጋር በመተባበር ከአደጋው የተረፉትን ከአካባቢው ለማስወጣት ጥረት እየተደረገ እንደሚገኝ ማብራራታቸውን ኤፍ ቢ ሲ ዘግቧል።

@tikvahethiopiaBot @tikvahethiopia

በሐይቅ ከተማ የእሳት አደጋ ተከሰተ።

በሐይቅ ከተማ አስተዳደር ምክኒያቱ ባልታወቀ ሁኔታ የእሳት አደጋ ተከሰተ።

በቀበሌ 2 ከረሞፋ መስጅድ ግቢ ውሥጥ የእስልምና ጉዳዮች ጽ/ቤት ግቢ የልጆች ቁርአን መቅሪያ መድረሳ ቦታ ቃጠሎ ደርሶበታል።

ህብረተሰቡ ቃጠሎውም ወደ ሌሎች አከባቢዎች እንዳይሰራጭ በመከላከል ላይ ይገኛል።

የቃጠሎውን መንስኤ የሐይቅ ከተማ ፖሊስ እያጣራ መሆኑን የሐይቅ ከተማ አስተዳደር ኮሚኒኬሽን አሳውቋል።

@tikvahethiopiaBot @tikvahethiopia

#ምርጫ2013 አዲስ አበባ ፦

- ኢዜማን ወክለው በአዲስ አበባ ለህዝብ ተወካዮች ምክር ቤት የሚወዳደሩ እጩዎች ታውቀዋል።

- ባልደራስ ከመኢአድ እና አብን ጋር በምርጫው እርስ በእርስ ላለመፎካከር ስምምነት አድርገዋል።

በምርጫ 2013 #ኢዜማን ወክለው በየወረዳው ለፓርላማ ከሚወዳደሩት 23 እጩዎች መካከል የፓርቲው መሪ ፕ/ር ብርሃኑ ነጋ ፣ የፓርቲው ም/መሪ አንዷለም አራጌ፣ አቶ ግርማ ሰይፉ፣ የኢኮኖሚ ምሁሩ ፕ/ር በፈቃዱ ደግፌና አርክቴክት ዮሐንስ መኮንን ተጠቃሽ ናቸው።

ኢዜማ ለአዲስ አበባ ከተማ ምክር ቤት ካቀረባቸው 138 እጩዎች መካከል ታዋቂው የኢኮኖሚ ተንታኝና የፓን አፍሪካ ንግድ ም/ቤት ፕሬዚዳንት ፣ አቶ ክቡር ገና ይጠቀሳሉ።

ባልደራስ ፣ መኢአድ እና አብን በምርጫ 2013 እርስ በእርስ ላለመፎካከል ስምምነት አድርገዋል።

የኢዜማ 23ቱ እጩዎች እነማን ናቸው ?
(በInstant View ይመልከቱ-በአዲስ አድማስ)

https://telegra.ph/Ethiopia-Election-2013-AA-03-08

2 የቢራ ፋብሪካዎች ታሸጉ።

የንግድና ኢንዱስትሪ ሚኒድቴር አላስፈላጊ የዋጋ ጭማሪ አድርገዋል ባላቸው 2 የቢራ ፋብሪካዎች ላይ እርምጃ መውሰዱን ዛሬ አስታወቀ።

2ቱ የቢራ ፋብሪካዎች ስማቸውን አልተገለፀም።

ንግድና ኢንዱስትሪ ሚኒስቴር አምራች ኢንዱስትሪዎች ምርቶቻቸውን በዓለም ዓቀፍ ገበያ ላይ ተወዳዳሪ እንዲሆኑ የተለያዩ የድጋፍ ማዕቀፎችን ዘርግቼ እየተንቀሳቀስኩ ብገኝም አንድአንድ የማኑፍክቸሪንግ ተቋማት አላስፈላጊ የዋጋ ጭማሪ አድርገዋል ብሏል።

ይህንንም ተከትሎ በተደረገ ክትትል ያልተገባ የዋጋ ጭማሪ አድርገው በተገኙ 2 የቢራ ፋብሪካዎች ላይ የማሸግ እርምጃ መወሰዱን አሳውቋል።

አምራች ኢንዱስትሪዎች ወደ ስራ ከመግባታቸው በፊት ቢዝነስ ፕላን ማዘጋጀት ሲኖርባቸው የራሳቸውን የትርፍ ህዳግ ለማስፋት ሲሉ እንደፈለጉ የዋጋ ጭማሪ ማድረግ ተገቢነት የሌለው እና ወንጀል መሆኑ ተገልጿል።

ሁሉም የማምረቻ ተቋማት እንደዚህ ያለህገወጥ ተግባር ከመፈጸም መቆጠብ እንዳለባቸው ማሳሰቢያ ተሰጥቷል።

@tikvahethiopia

የታለ (Yet’Ale) ፤ አሁን ሁሉን አቀፍ ፤ ፈጣን፤ አንድ የገበያ ቦታ በእጅዎት ላይ አለ::

ይግዙ:: ይሽጡ፤ ያትርፉ፤ተጨማሪ ገንዘብ ይሥሩ::

መተግበሪያውን አሁኑኑ ይጫኑ!

https://play.google.com/store/apps/details?id=com.inmp.yetale

በኢትዮጵያ ብቻ። Only in #Ethiopia.

#NationalBankofEthiopia

ብሔራዊ ባንክ ከባንክ ዉጭ ይዞ መንቀሳቀስ የሚቻለዉን የገንዘብ መጠን በድጋሜ ዝቅ ማድረጉ ተገለፀ።

ባንኩ ትናንት ካቲት 29 ጀምሮ ይህንንና መሰል ጉዳዮችን የያዙ መመሪዎች ላይ ማሻሻያ አድርጓል።

በማሻሻያዉ መሰረት ከባንክ ዉጭ ይዞ መንቀሳቀስ የሚቻለዉ የገንዘብ መጠን ለድርጅቶች ወደ 200,000 ብር እንዲሁም ለግለሰቦች ወደ 100,000 ብር ዝቅ እንዲል አድርጓል።

ባንኩ ተመሳሳይ የገንዘብ መጠን ገደብ የሚጥል መመሪያ ሲያወጣ በ6 ወራት ዉስጥ ለ2ተኛ ጊዜ ሲሆን ከ6 ወራት በፊት የወጣዉና እስካሁን ተግባራዊ ሲደረግ የቆዬዉ መመሪያ ከባንክ ዉጭ ሊኖር የሚችለዉ የገንዘብ መጠን 1.5 ሚሊዮን ብር የነበረ መሆኑ ይታወቃል፡፡

በተመሳሳይም የዳያስፖራ አካዉንት ባለቤቶች የገቢ ንግድ ላይ የሚሳተፉበት አካሄድ እንዲሁ ማሻሻያ ተደርጎበታል።

በዚህ መሰረት እነዚሁ ደንበኞች በአስመጭነት መሳተፍ የሚችሉት ባንኩ ቅዲሚያ ትኩረት እንዲያገኙ መርጫቸዋለሁ ባላቸዉ ዘርፎች ላይ የተወሰነ የዉጭ ምንዛሬ አቅርቦት እንደሚኖር ተገልጿል፡፡

እነዚህ ለተለያዩ የፋብሪካ ምርቶች በግብዓትነት የሚያገለግሉ ጥሬ እቃዎች ፣ መድሃኒቶች ፣ እንዲሁም በተለዬ አስፈላጊ የተባሉ የምግብ እና ምግብ ነክ ሸቀጦች ላይ ብቻ እንዲሆን ታስቦ መመሪዉን ማሻሻል እንዳስፈለገ የባንኩ ምክትል ገዥ አስረድተዋል፡፡

ምንጭ፦ አሀዱ ቴሌቪዥን
@tikvahethiopiaBot @tikvahethiopia

14 አፍሪካዊያን ስደተኞች ባህር ውስጥ ሰጥመው ሞቱ።

ወደ ጣልያን ሀገር ለመሻገር የሞከሩ 14 አፍሪካዊያን ስደተኞች ባህር ውስጥ ሰጥመው ህይወታቸው ማለፉን Al Ain News (አል ዓይን) CGTN አፍሪካን ዋቢ አድርጎ ዘግቧል።

ስደተኞች በጣልያኗ ላምፔዱሳ ደሴት በኩል ወደ አውሮፓ ለመሻገር በማሰብ በሁለት አነስተኛ መጓጓዣ መርከቦች አማካኝነት ሲጓዙ ነበር በሜድትራኒያን ባህር ላይ አደጋ የደረሰባቸው።

በዚህ የመስጠም አደጋ ምክንያት 4 ህጻናትን ጨምሮ በትንሹ 14 ስደተኞች ሲሞቱ 139 ያህሉ ደግሞ የቱኒዝያ ብሔራዊ ዘብ እንደታደጋቸው ተዘግቧል።

ነገር ግን ወደ በጣልያን አድርገው ወደ አውሮፓ ለመግብት በመርከቦቹ ምን ያህል ስደተኞች ጉዞ አንደጀመሩ እስካሁን አልታወቀም።

ተጨማሪ የሞቱ ሰዎች ሊኖሩ ይችላሉ በሚልም አስከሬን ፍለጋው እንደቀጠለ ተጠቁሟል።

ባሳለፍነው ሳምንት ከ 20 በላይ ስደተኞች ወደ መካከለኛው ምስራቅ ሀገራት ለመግባት በሚል ጉዞ የጀመሩ ስደተኞች ጅቡቲ ላይ በህገወጥ አዘዋዋሪዎች ተገፍትረው እንዲሰጥሙና እንዲሞቱ መደረጉ የሚታወስ ነው።

@tikvahethiopiaBot @tikvahethiopia

የ2ተኛው ቀን የ12ኛ ክፍል ፈተና ዛሬ ተሰጥቷል።

የ12ኛ ክፍል ሀገር አቀፍ ፈተና ትላንት የካቲት 29 ቀን 2013 ዓ/ም መጀመሩ ይታወቃል።

በዛሬው ዕለት የ2ኛው ቀን ፈተና በመላ ሀገሪቱ ሲሰጥ ውሏል።

ከፈተናው ሂደት ጋር በተያያዘ የተለያዩ አስተያየቶች ከተማሪዎች እና ከተማሪ ወላጆች እያደረሱን ይገኛሉ።

አንዳንድ ተማሪዎች ስልክ ይዞ የመገኘትም ነገር እንደነበረ ተፈታኞች ለቲክቫህ እያሳወቁ ነው።

በተለያዩ የቴሌግራም ግሩፖች ላይ ሞባይል ስልክ ይዘው የሚገቡ ተማሪዎች ፈተናውን በማንሳት እያሰረጩ እንደሆነና ይህንንም የሚገልፅ በቂ ማስረጃ እንዳላቸው የተማሪ ወላጆች እንዲሁም ተፈታኞች እየገለፁ ነው።

እኛም ጉዳዩ ለትምህርት ሚኒስቴር አካላት ለማሳወቅ ጥረት አድርገናል።

በቀጣይ ቀናት ፈተናዎች በሞባይል ስልክ ዙሪያ ከፍተኛ ቁጥጥር እንዲደረግ እያሳሰቡ ነው።

ባደረግነው ማጣራት ፈተና ይሰራጭባቸዋል ከተባሉት እንዲሁም ቴሌግራም ላይ ካየናቸው ግሩፖች አንደኛው ሙሉ በሙሉ ሲጠፋ ፣ አንደኛው ግሩፕ ስሙ ተቀይሯል ፤ ሌላኛው ደግሞ በውስጡ የነበሩት መልዕክቶች ጠፍተዋል።

ተማሪዎች እንዲሁም የተማሪ ወላጆች ስለሁለቱ ቀናት ስለነበረው የፈተና ሂደት በተመለከተ በአስተያየት መስጫው ላይ መልዕክት ማስቀመጥ ትችላላችሁ።

@tikvahethiopia

አቶ ልደቱ ከፖለቲካ ተሰናበቱ።

አቶ ልደቱ አያሌው በጤናዬ ላይ የተሰጠኝ የሀኪም ምክርና ትዕዛዝ እንዲሁም የሀገሪቱ አጠቃላይ የፖለቲካ ሁኔታ ለተሳትፎ የሚጋብዝና አበረታች ባለመሆኑ ፤ በተለይ የገዥው ፓርቲና መንግስት አፋኝነት እና ከፍተኛ የአምባ ገነንነት መንፈስ መላበስ የሚጠበቀውን ለውጥ ለሀገሪቱ የማያመጣ ከመሆኑ ባሻገር ለመግባባት ፍላጎት የሌለው በመሆኑ ከፖለቲካ ለመሰናበት ምክንያት ሆኖኛል ብለዋል።

አቶ ልደቱ በህይወት ለመቆየት የግድ ይህንን ውሳኔ መወሰን አለብኝ ብለዋል።

አቶ ልደቱ ፥ "ወደፊት የጤና ሁኔታዬ ተሻሽሎ እስከመጨረሻው በፖለቲካ ሒደቱ ለመቀጠል ለራሴ የገባሁትን ቃል ለመፈጸም ፈጣሪ ዕድል እንደሚሰጠኝ ተስፋ እያደርጋለሁ፤ ሀገራችን ኢትዮጵያ መልካሙ ሁሉ እንዲገጥማት ያለኝን ልባዊ ምኞት እገልጻለሁ" ብለዋል።

አቶ ልደቱ የስንብት መልዕክታቸውን በዝርዝር ያንብቡ👇
https://telegra.ph/Ato-Lidetu-Ayalew-03-09