#Update

በኮልፌ አጠና ተራ የተነሳውን የእሳት አደጋ መቆጣጠር እንደተቻለ (እሳቱም እንደጠፋ) የኮልፌ አጠና ተራ ቲክቫህ አባላት ከቪድዮ ጋር አያይዘው አሳውቀዋል።

የአካባቢው ማህበረሰብ እንዲሁም ነጋዴዎች ከሱቆች እቃ በማውጣት ንብረት ለማትረፍ ጥረት ማድረጋቸውን አባላቶቻችን ገልፀዋል።

በእሳት አደጋው የደረሰውን ጉዳት ዝርዝር በሚመለከት በቀጥታ ጉዳዩ በሚመለከታቸው አካላት ይፋ ሲደረግ እናሳውቃለን።

Video : Tewachew (TikvahFamily Kolfe) - 75 MB
@TikvahethiopiaBot @tikvahethiopia

ዓለም ስለማይናማር ምን አለ?

#Australia

የአውስትራሊያ ውጭ ጉዳይ ሚኒስቴር ሚኒስትር ማራይዝ ፓይኔ ፤ በማይናማር ወታደራዊ ኃይሉ ስልጣን መቆጣጠሩ እና ሲቪል መሪዎች መታሰራቸውን የሚገልፁ ሪፖርቶች እንዳሳሰባቸው ገልፀዋል። ወታደሩ የህግ የበላይነትን እንዲያከብር ፣ ችግሮችን በህግ ብቻ እንዲያስተካከል፤ በአስቸኳይ የሲቨል መሪዎችን እና ሌሎችንም ያለህግ አግባብ ያሰራቸውን አካላት እንዲለቅ ጥሪ አቅርበዋል።

#UnitedStates

አሜሪካ በማይናማር እየሆነ ያለውን ጉዳይ በቅርበት እየተከታተለች መሆኑን ገልፃለች። የውጭ ጉዳይ ሚኒስትር አንቶኒ ብሊንከን ጉዳዩ በጣም እንዳሳሰባቸውን ገልፀዋል፤ ወታደሩም ውሳኔውን በአስቸኳይ እንዲቀለብስ አሳስባዋል። የማይማር ወታደር ሁሉንም የሲቪል መሪዎች እንዲፈታ፣ የበርማን ህዝብ ፍላጎት እንዲያከብር (Nov 8 የተካሄደውን ምርጫ ማለታቸው ነው) አሳስበዋል። ብሊንከን አሜሪካ ከበርማ ህዝብ ጎም እንደምትቆም ገልፀዋል።

#UnitedNation

የተባበሩት መንግስታት ድርጅት ሴክሬተሪ ጀነራል አንቶኒዮ ጉተሬዝ የማይናማር የሲቪል መሪዎች መታሰራቸውን በእጅጉ አውግዘዋል። ወታደሩ ስልጣን ጠቅልሎ መያዙ እንዳሳሰባቸው ገልፀዋል። ድርጊቱ በሀገሪቱ የዴሞክራሲ ሪፎርም ላይ ችግር ሊያስከትል እንደሚችልም ጠቁመዋል።

#India

የህንድ ውጭ ጉዳይ ሚኒስቴር የማይናማር ጉዳይ እንዳሳሰበው ገልጿል። ህንድ በማይናማር የዴሞክራሲያዊ ሽግግር እንደምትደግፍ ገልፃ ፤ የህግ በላይነት እና የዴሞክራሲያዊ ሂደት መከበር አለበት ብላለች፤ በሀገሪቱ ያለውን ሁኔታ በቅርብ እየተከታተለች እንደሆነ አሳውቃለች።

#Singapore

ሲንጋፖር በማይናማር እየሆነ ያለው ጉዳይ እንዳሳሰባት የሀገሪቱ ውጭ ጉዳይ ሚኒስቴር ገልጻል። ሁኔታውን በቅርብ እየተከታተለች እንደሆነም ገልፃለች።

#HumanRightsWatch

የHRW የኤዥያ ዳይሬክተር ብራድ አዳምስ በአስቸኳይ ያላምንም ቅድመ ሁኔታ ሳን ሱቺ እና ሌሎችም ያለህግ አግባብ የታሰሩ አካላት እንዲፈቱ ጠይቀዋል። የወታደሩ ድርጊት በህዳር ወር የተካሄደውን ምርጫ እና የማይናማር ህዝብ የራሱን መንግስት የመምረጥ መብት የሚጋፋ ነው ብለዋል።

@tikvahethiopia @tikvahethiopiaBOT

#FireAlert

በአዲስ አበባ ቦሌ ዘ ሃብ ሆቴል አካባቢ የእሳት አደጋ ተከሰተ።

አደጋው ከደቂቃዎች በፊት ታምሪን መኪና መሸጫ አካባቢ ዘ ሀብ ሆቴል ፊት ለፊት ባለ አንድ መኖሪያ ቤት መድረሱን ኢትዮ ኤፍ ኤም 107.8 ገልጿል።

አደጋውን በቁጥጥር ሰር ለማዋል የፌደራል ፖሊስ አባላት እንዲሁም የአካባቢው ሰዎች የተለያዩ ጥረቶችን በማድረግ ላይ ሲሆኑ የእሳት እና አደጋ ስጋት አመራር ኮሚሽን ሰራተኞች በቦታው ደርሰው አደጋውን በቁጥጥር ስር ለማዋል በጥረት ላይ ናቸው።

በሌላ በኩል ፦

በአዲስ አበባ ኡራኤል አካባቢ በመኖርያ ቤቶች ላይ ድንገተኛ የእሳት አደጋ ደርሷል።

የእሳት እና የአደጋ ስጋት ስራ አመራር ኮሚሽን በቦሌ ክፍለ ከተማ ኡራኤል አካባቢ በሚገኙ መኖርያ ቤቶች ላይ ድንገተኛ የእሳት አደጋ መድረሱን አስታውቋል።

ባሁኑ ሰአት የእሳት አደጋ ሰራተኞች እሳቱን ሙሉ በሙሉ ለመቆጣጠር ርብርብ እያደረጉ ይገኛሉ ተብሏል፡፡

ምንጭ፦ ኢትዮ ኤፍ ኤም 107.8
@tikvahethiopiaBot @tikvahethiopia

ምርጫ ቦርድ የፓርቲዎችን የምርጫ ምልክት ዛሬ ይፋ ያደርጋል !

የኢትዮጽያ ብሄራዊ ምርጫ ቦርድ የፓለቲካ ፓርቲዎችን የምርጫ መወዳደሪያ ምልክት ይፋ እንደሚያደርግ አስታውቋል።

የቦርዱ ኮሙኒኬሽን አማካሪ ወይዘሪት ሶሊያና ሽመልስ እንደገለጹት፤ እስካሁን መስፈርቱን አሟልተው ጠቅላላ የተመዘግቡት 53 የፖለቲካ ፓርቲዎች ሲሆኑ ከእነዚህም መካከል እስእካሁን የደረሷቸውን 48 የምርጫ ምልክቶች ናቸው።

እነዚህን ምልክቶችም አስቀድሞ በተያዘው የጊዜ ሰሌዳ መሰረት ቦርዱ ዛሬ ይፋ ያደርጋል ማለታቸውን የኢትዮጵያ ፕሬስ ድርጅት አስነብቧል።

@tikvahethiopiaBot @tikvahethiopia