#Ethiopia

የአውሮፓ ህብረት ውጭ ጉዳይ ሚኒስትሮች በ2021 የመጀመሪያቸው የሆነውን ስብሰባ ትላንት አካሂደዋል።

በስብሰባው የሩስያ ፖለቲካ ጉዳይ፣ ኮቪድ19 ስጋት፣በአፍሪካ ቀንድ ስላለው ሁኔታ ተነስቶ ውይይት ተካሂዶበታል።

የአፍሪካ ሁኔታን በሚመለከት፦

የህብረቱ የውጭ ጉዳይ ኃላፊ ጆሴፕ ቦሬል፥ "የአፍርካ ቀንድን ሁኔታ በጥልቀት አይተናል። በአካባቢው ሌላ ተጨማሪ አለመረጋጋት እንዳይፈጠር ጥረት ማድረግ የሚያስፈልግ መሆኑንም ተገንዝበናል። በኢትዮጵያ የትግራይ ክልል ስላለው ሁኔታና በኢትዮጳያና ሱዳን የደንበር ውዝግብ ላይ ለሚኒስትሮቹ ማብራሪያ ሰጥቻለሁ" ብለዋል።

ሁኔታውን በቅርብ ለማየትና ከሚመለከታቸው አክላት ጋር ለመወይየትም  የፊንላንድ የውጭ ጉዳይ ሚኒስተር ፔካ ሀቪስት የአውሮፓ ህብረትን ከፍተኛ ልኡክ በመምራት በዚህ ወር መጨረሻ ወደ አካባቢው የሚሄዱ መሆኑን አስታውቀዋል።

የአውሮፓ ህብረት፣በትግራይ ክልል በሰላማዊ ሰዎች ላይ የሚደርሱ ጉዳቶችና የሰብዊ መብት ጥሰቶች የሚያሳስቡት መሆኑን በመግለጽ  ተደጋጋሚ መገለጫዎችን ማውጣቱ ይታወሳል።

የእርዳታ ሰጭ ድርጅቶች በትግራይ ክልል ገብተው የርዳታ ስራቸውን በነጻ እንዲያከናዉኑ  እንዲፈቀድላቸው፣ጋዜጠኞችና የሰባዊ መብት ድርጅቶቸ ወደ ክልሉ ገበተው ያለውን ሁኔታ እንዲያዩና እንዲዘግቡ በአጠቃላይ በክልሌ የህግ የበላይነት እንዲከበርና የዜጎች መብት እንዲጠበቅ በመጠየቅ፣ ይህ መሆኑ እስከሚረጋገጥ ድረስ ለዚህ ወቅት የሚሰጠውን 90 ሚሊዮን ኢሮ የበጀት ድጎማ የሚያዘገይ መሆኑን ማስታወቁ አይዘነጋም።

መንግስት ግን የሚቀርብበትን ክስና ውንጀላ ሲያስተባብል መቆየቱን፤ በተለይ በአሁኑ ወቅት የዕርዳታ ድርጅቶች ወደ ክልሉ ገብተው የተራዶ ስራቸውን በነጻ እያከናወኑ  እንደሆነ እየገለጸ እንደሞገኝ #ዶቼቨለ ዘግቧል።

@tikvahethiopia

#UPDATE

በጅዳ ሹሜሲ የስደተኞች ማቆያ የነበሩ ዜጎች በዛሬው ዕለት ወደ አገር ተመለሱ።

ወደ ሳዑዲ አረቢያ ህጋዊ ባልሆኑ መንገዶች ሲገቡ ተይዘው በሳዑዲ የተለያዩ ቦታዎች በሚገኙ የስደተኞች ማቆያ ጣብያ ውስጥ የሚገኙና ላለፉት ወራት ከኮሮና ወረርሽኝ ጋር ተያይዞ ወደ አገር መመለስ ያልቻሉ የነበሩ ዜጎችን ወደ አገር የመመለስ ስራ መጀመሩ ይታወቃል።

በዚሁ መሰረት በጅዳ "ሹሜሲ" የህገወጥ ስደተኞች ማቆያ ውስጥ የነበሩ የመጀመርያዎቹ 293 ኢትዮጵያውያን ወንድ ስደተኞች ዛሬ ማክሰኞ ጥር 18 ቀን 2013 ዓ.ም ወደ ኢትዮጵያ እንደተመለሱ በጅዳ የኢትዮጵያ ቆንስላ ፅ/ቤት አሳውቋል።

@tikvahethiopia @tikvahethiopiaBOT

አጫጭር መረጃዎች ኮቪድ-19 ፦

- ባለፉት 24 ሰዓት ውስጥ ብቻ በመላው ዓለም 15,879 ሰዎች በኮሮና ቫይረስ ሲሞቱ 528,698 ሰዎች በቫይረሱ መያዛቸው ሪፖርት ተደርጓል።

- በአሜሪካ በ24 ሰዓታት 4,045 ሰዎች በኮቪድ-19 ሞተዋል ይህም አጠቃላይ የሟቾችን ቁጥር 435,452 አድርሶታል።

- ብራዚል ውስጥ በ24 ሰዓት የ1,206 ሰዎች ሞት ሲመዘገብ 63,626 ሰዎች በበሽታው ስለመያዛቸው ተረጋግጧል።

- ዩናይትድ ኪንግደም ባለፉት 24 ሰዓት 1,631 ዜጎቿን በኮሮና ቫይረስ ምክንያት አጥታለች። በሀገሪቱ የተመዘገበው አጠቃላይ የሟቾች ቁጥር 100,162 ደርሷል።

- ሩስያ 564 ፣ ፈረሳይ 417፣ ስፔን 591 ፣ ጣልያን 541፣ ጀርመን 988፣ ሜክሲኮ 659 ፣ ደቡብ አፍሪካ 680 ፣ ኮሎምቢያ 381 ዜጎቻቸውን በ24 ሰዓታት ውስጥ በኮቪድ-19 የተነጠቁ ሀገራት ናቸው።

- በአህጉራችን አፍሪካ ባለፉት 24 ሰዓት 1,027 ሰዎች በኮቪድ-19 ሲሞቱ ከነዚህ መካከል 680 ሰዎች ከደቡብ አፍሪካ፣ 83 ከቱኒዚያ፣ 55 ከግብፅ፣ 15 ከሞሮኮ፣ 15 ከናይጄሪያ ይገኙበታል። በአህጉሪቱ የተመዘገበው አጠቃለይ የሟቾች ቁጥር ወደ 90 ሺህ እየተጠጋ ነው።

- በዓለም አቀፍ ደረጃ በኮሮና ቫይረስ የተያዙ ሰዎች 100,837,646 የደረሱ ሲሆን ከነዚህ መካከል 2,167,096 ሰዎች ሞተዋል፤ 72,864,912 ሰዎች ከበሽታው አገግመዋል።

* ውድ አባላት ኮቪድ-19 ዛሬም የሰዎችን ህይወት እየቀጠፈ ነውና ሳትዘናጉ እራሳችሁ፣ ቤተሰባችሁ ጠብቁ።

#Purpose #Tikvah

@tikvahethiopiaBot @tikvahethiopia

#Metekel

በመተከል ዞን የሽፍታ እንቅስቃሴ እያገዙ 'በሁለት ቢላዋ የሚበሉ' የጸጥታ መዋቅሩ አባላት አካሄዳቸውን ማስተካከል አለባቸው ሲል በፌዴራል መንግስት የተቋቋመው የተቀናጀ ግብረ ሃይል አሳሰበ።

ማሰበቢያው የተሰጠው በፌዴራል መንግስት የተቋቋመው የተቀናጀ ግብረ ሃይል በመተከል ዞን ለሚሰሩ የጸጥታ ሃይል አመራሮችና አባላት ስልጠና እየሰጠ ባለበት ወቅት ነው።

ግብረ-ሃይሉ በዞኑ ከሚገኙ የተለያዩ ማህበረሰብ ክፍሎች ጋር ባደረገው ውይይት በዞኑ በተከሰተው የጸጥታ ችግር ላይ አንዳንድ የጸጥታ ሃይል አባላት እጃቸው እንዳለበት መገንዘቡን አስታውቋል።

በዞኑ የሚሰሩ የጸጥታ ሃይል አመራሮችና አባላት እንዲገመገሙና ሥልጠና እንዲወስዱ እየተደረገ መሆኑንም አሳውቋል።

ከጋንታ መሪ እስከ ብርጌድ አዛዥ የነበሩ 109 ፀረ-ሽምቅ፣ ልዩ ጥበቃና አድማ ብተና ልዩ ኃይሎች እንዲሁም በዞኑ በየደረጃው የሚገኙ 37 የፖሊስ አመራሮች ስልጠናውን መውሰድ ጀምረዋል።

የምዕራብ ዕዝ ምክትል አዛዥና የግብረ-ሃይሉ አባል ብ/ጄነራል ዓለማየሁ ወልዴ፤ የጸጥታ ኃይሉ የተለያዩ ብሄር ብሄረሰቦችን በእኩልነትና በተዓማኒነት የማገልግል ሃላፊነት አለበት ብለዋል።

ከዚህ በተቃራኒ የሚደረጉ ማናቸውንም አይነት ህገ-ወጥ እንቅስቃሴ በፍጥነት መቆም እንዳለበትም ነው ያሳሰቡት።

"የህዝብ አገልጋይ መስለው የሽፍታውን እንቅስቃሴ እያገዙ 'በሁለት ቢላዋ ለመብላት' ሲነቀሳቀሱ የነበሩ የጸጥታ መዋቅሩ አባላት አካሄዳቸውን ማስተካከል አለባቸው" ብለዋል።

"ማንኛውም የጸጥታ ኃይል ከህዝብ እና አገር በታች መሆኑን አስገንዝበው ፤ የተዘበራረቀ አስተሳሰብ የሚያራምዱ የጸጥታ መዋቅር አባላት ቆም ብለው መስመራቸውን ሊያጠሩ እንደሚገባ ማሳሰባቸውን ኢዜአ ዘግቧል።

@tikvahethiopia

ባለ 5 ሊትሩን ዘይት ከ360 ብር በላይ በሚሸጡ ነጋዴዎች ላይ እርምጃ መውሰድ ተጀመረ !

በዘይት ዋጋ ላይ ምክንያታዊ ያልሆነ የዋጋ ጭማሪ በሚያደርጉ ነጋዴዎች ላይ እርምጃ መውሰድ መጀመሩን የአዲስ አበባ ንግድ ቢሮ አስታውቋል፡፡

የቢሮው ምክትል ሃላፊ አቶ አከበረኝ ውጋገን በቅርቡ በዘይት ዋጋ ላይ የተከሰተው የዋጋ ጭማሪ ምክንያታዊ አለመሆኑን ተናግረዋል፡፡

ይህን ተከትሎም ዋጋውን ለማረጋጋት የንግድ ሚኒስቴር እና የአዲስ አበባ ንግድ ቢሮ ከሚመለከታቸው ባለድርሻ አካላት ጋር በመምከር ስምምነት ላይ መደረሱን ተናግረዋል፡፡

ስምምነቱም የዘይት ዋጋ ከ2 ወር በፊት ወደ ነበረበት የመሸጫ ዋጋ እንዲመለስ የጋራ ስምምነት ላይ ተደርሷል፡፡

ይሁን እንጂ በስምምነቱ መሰረት ዘይት ዋጋ ቅናሽ አለማሳየቱን በመዲናዋ ጉዳዩ ለመከታተል የተቋቋመው ግብረ ሃይል በዳረገው ቅኝት ማረጋገጡን አንስተዋል፡፡

በዚህ መሰረት ቢሮው ባለ 5 ሊትሩን ዘይት ከ360 ብር በላይ በሚሸጡ ነጋዴዎች ላይ እርምጃ መውሰድ መጀመሩን ነው የገለጹት፡፡

በዚህ መሰረት በትናንትናው ዕለት 240 በሚደርሱ የንግድ ተቋማት ላይ በተደረገ አሰሳ 10 የሚሆኑት ከስምምነቱ ውጪ ሲሸጡ መገኘታቸውን ተናግረዋል፡፡

እነዚህ ድርጅቶች ማስጠንቀቂያ የተሰጣቸው መሆኑን የገለጹት አቶ ወጋገን፣ ከዛሬ ጀምሮ 5 ሊትሩንን ዘይት 360 ብር በላይ በሚሸጡ ነጋዴዎች ላይ የማሸግ እርምጃ ይወሰዳል ነው ያሉት፡፡

ከዚህ ጎን ለጎን ነጋዴዎች ምርታቸውን ወደ ክልሎች ለማውጣት ሙከራ ያደርጋሉ የሚሉት ምክትል ሃላፊው ይህንን ለመቆጣጠር ከክልሎች ጋር በቅንጅት እየተሰራ መሆኑን አንስተዋል፡፡

በሌላ በኩል የዘይት አስመጪዎች እና አከፋፋዮች በተሰጣቸው የንግድ ፈቃድ ብቻ እንዲሰሩ ጥብቅ ቁጥጥር እንደሚደረግ አሳውቀዋል። ~ ኤፍ ቢ ሲ

@tikvahethiopia

የዛሬው የነአቶ ጃዋር የፍርድ ቤት ውሎ፦

(ጋዜጠኛ ስዩም ጌቱ~ዶቼ ቨለ ፣ ቪድዮና ፎቶ : OMN )

"...ቤተሰቦቻችን እንዳይገቡ በመከልከላቸውና ወንበሮቹ በደህንነት ሰዎች በመሞላታቸው ድርጊቱ ፍትህን የሚፈትንና እውነት እንዳይሰማ የሚደረግ ጥረት አድርገን ተረድተናል" -አቶ በቀለ ገርባ

"...መታወቂያ፣ቋንቋና የለበሱት ልብስ ታይቶ ቤተሰቦቻችን ወደ ችሎቱ እንዳይገቡ ተደርገዋል/ወደእስር ቤት ተወስደዋል"-አቶ ጃዋር መሃመድ

ዛሬ ጥዋት በፌዴራል ከፍተኛ ፍርድ ቤት ልደታ ምድብ ችሎት ችሎቱ በሚሰየምበት አዳራሽ ውስጥ ተከሳሾች እና ጠበቆቻቸው ከፀጥታ አካላት ጋር ረዘም ላለ ደቂቃ ሲሟገቱ ነበር።

ተከሳሾችና ጠበቆቻቸው በዚሁ ክርክር እና ውዝግብ ውስጥ እያሉ ከተባለው 3 ሰዓት ዘግይቶ የተሰየመው ችሎት ወደ ያዘው አጀንዳ ለመግባት ቢወጥንም ሁሉም ተከሳሾች ባሉበት ቆመው በችሎቱ ሂደት ቅሬታ እንዳላቸው ለፍርድ ቤቱ ያስረዳሉ።

ችሎቱ እንዳተሰየመ ቤተሰቦቻቸው ከችሎቱ ተሳትፎ መከልከላቸው ቅሬታ እንደፈጠረባቸው በመግለፅ ችሎቱ እንዴካሄድ ፍላጎት እንደሌላቸው በቆሙበት ለፍርድ ቤት አቤት ብለዋል።

አቶ በቀለ ገርባ፥"በታዘዝነው ሰዓት በአግባቡ ብንደርስም ክፍት መሆኑ የሚታወቀው ችሎት ቤተሰቦቻችን ውጪ በመከልከላቸውና ወንበሮቹ በደህንነት ሰዎች በመሞላታቸው ድርጊቱ ፍትህን የሚፈትን እና እውነት እንዳይሰማ የሚደረግ ጥረት አድርገን ለመረዳት ተገደናል" ሲሉ በነበረው ስሜት ችሎቱን ለማካሄድ በስነልቦና አለመዘጋጀታቸውን አስረድተዋል።

አቶ ጃዋር መሃመድ፥"መታወቂያ ቋንቋና የለበሱት ልብስ ታይቶ ቤተሰቦቻችን ወደ ችሎቱ እንዳይገኑ ተደርገዋል ወይም ወደእስር ቤት ተወስደዋል በዚህ አግባብ ችሎቱ መካሄድ የለበትም" ሲሉ ሞግተዋል።

ቀጣዩን ያንብቡ : telegra.ph/JM-01-27

@tikvahethiopia