የአጊቱ ጉደታ አስከሬን አዲስ አበባ ገባ።

የአጊቱ ጉደታ አስክሬን ዛሬ ኢትዮጵያ (አዲስ አበባ) ገብቷል።

የአዲስ አበባ ከተማ አስተዳደር ምክትል ከንቲባ ወ/ሮ አዳነች አቤቤን እና አቶ ጃንጥራር አባይን ጨምሮ ቤተሰቦቿ እና ሌሎች የመንግስት የስራ ኃላፊዎች ቦሌ አለም አቀፍ አየር ማረፊያ በመገኘት አስከሬኑን ተቀብለዋል፡፡

በጣልያን ሀገር ፍራሲሎንጎ ከተማ ፍየል እያረባች የፍየል ተዋጽኦዎችንና የቆዳ ቅባቶችን በመሸጥ የጠንካራ ሠራተኛነት ተምሳሌት የነበረችው አጊቱ ጉደታ መገደሏ ተገልጾ ነበር፡፡ ~ ኢብኮ

@tikvahethiopiaBot @tikvahethiopia

ዳግም ያገረሸው ግጭት ...

በኮንሶ ዞን ሰገን ዙሪያ ወረዳ ዳግም ባገረሸ ግጭት ጉዳት መድረሱን የአካባቢው ነዋሪዎች ተናገሩ።

በኮንሶ ዞን የሰላም እና እርቅ ኮሚቴ ሰብሳቢ በደቡብ ክልል የፌዴራል መንግስት የክልል አወቃቀር የሰላም አምባሳደር አባል የባላባት ካላ ገዛኸኝ፥ ጥቃት አድራሾቹ ሰገን ዙሪያ ወረዳ ውስጥ ገብተው (መልካና ዱካያ፣ ሰገን ገነት፣ አዲስ ገበሬ፣ ገርጬ፣) ባሉት 9 ቀበሌዎች ውስጥ ሲያጠቁ ነበር ብለዋል።

ጥቃት አድራሾቹ ቤቶችን እያቃጠሉ፣ ሰው እየገደሉ ነው ያሉት ሲሉ ገልፀዋል።

በቾ፣ አዲስ ገበሬ፣ መለጋና ዱካያ፣ ገርጬ፣ ሰገን ገነት፣ ሉልቱ፣ ሌሎችም ቦታዎች ላይ ከፍተኛ ጥቃት መፈፀሙን አስረድተዋል።

ካሉት 9 ቀበሌዎች ጥቃት ያልደረሰበት ብርብርሳ ብቻ ሳይሆን አይቀርምም ብለዋል።

ከዚህ ቀደም በዞኑ ውስጥ ያሉ ሌሎች ወረዳዎች እርቀ ሰላም ለማውረድ ቢሞከርም ለውይይት ፍቃደኛ ያልሆኑ አካላት መኖራቸው መሰናክል ሆኗል ብለዋል።

በተደጋጋሚ የሚያገረሸው ግጭት ዋነኛው መንስኤ "ልዩ ወረዳ" የመሆን ጥያቄ እንደሆነ ገልፀዋል።

የኮንሶ ዞን ከሰገን አካባቢ ህዝቦች ዞን ወጥቶ ለብቻው ከተደራጀ በኃላ የመዋቅር እና የአስተዳደር ጥያቄ አለን የሚሉ አሉ።

በመዋቅር እና አስተዳደር ጥያቄ ምክንያት በአካባቢው በተደጋጋሚ ግጭቶች ይከሰታሉ፣ ያገረሻሉ።

በዚሁ አካባቢ ከዚህ ቀደም በተቀሰቀሰ ግጭት የሰዎች ህይወት አልፏል፥ ከ70 ሺህ በላይ ሰዎች ከቤት ንብረታቸው ተፈናቅለዋል። ~ ቢቢሲ

@tikvahethiopia @tikvahethiopiaBOT

የኮንሶ ዞን መንግስት ምን ይላል ?

ኮንሶ ሰገን ዙሪያ ወረዳ የተከሰተውን ግጭት አስመልክቶ የዞኑ መንግስት ትላንት ምሽት ባሰራጨው መግለጫ ቀጠናው እንዲተራመስ የተሳሳተና ሀሰተኛ መረጃ እያሰራጩ የሚገኙ የፈጠራ ፌስቡክ አካውንቶች (በስም ጠቅሶ) አሉ ብሏል።

እነዚህ አካላት ሀሰተኛ መረጃዎችን በማደራጀት በቀጠናው ህብረተሰበሱ ሰላማዊ ኑሮ እንዳይኖር እርስ በእርስ እያጋጩት ነው ሲል ገልጿል።

ዞኑ በስም የጠቀሳቸውን የ1 የቴሌቪዥን ጣቢያ፣ 1 መፅሄት፣ 1 ድረገፅ (የፌስቡክ ፔጅ) እና 1 የሬድዮ ጣቢያ ፔጅ ሚዛናዊነቱን ያልጠበቀ መረጃ በማሰራጨት የተዛባ መረጃ በማሰራጨት ለኮንሶ ዞን እና ከደቡብ ክልል ውጭ ላሉ ህብረተሰቦች ተቆርቋሪ በመምሰል ለህገ ወጥ ስያሜ እውቅና በመስጠት ለ "ፀረ ሰላም ኃይል" ጉልበት እየሆኑ ነው ብሏል።

በአካባቢው ያለውን እውነታ በሩቅ ሆኖ ሳይሆን በአካል ቀርቦ መመልከት ተገቢ መሆኑን አስታውቋል ፤ ዞኑ በአካል ቀርበው እውነታውን መረዳት ለሚፈልጉ አካላት ሁሌም በሩ ክፍት መሆኑ ገልጿል።

(ዝርዝር መግለጫው ከላይ ተያይዟል)

@tikvahethiopiaBot @tikvahethiopia

#AAWSA

አዲስ አበባ ከተማ ስታዲየም ዙሪያ ባሉ አካባቢዎች የውኃ አገልግሎት መቋረጡን የአዲስ አበባ ውሃና ፍሳሽ ባለስልጣን አስታወቀ።

በመስቀል አደባባይ ፕሮጀክት ስራ ምክንያት 700 ሚሊሜትር ስፋት ያለው የውሃ መስመር ላይ ጉዳት በመድረሱ ነው ስታዲየም ዙሪያ ባሉ አካባቢዎች የውሃ አገልግሎት የተቋረጠው።

የመስቀል አደባባይ ፕሮጀክት ግንባታን እያከናወነ ያለው የቻይናው #ሲሲሲሲ ስራ ተቋራጭ ለውሃ መስመሩ ጥንቃቄ ሳያደርግ የግንባታ ስራ ሲያከናውን ነው ውሃ በሚያስተላልፈው የውኃ መስመር ላይ ከባድ ጉዳት ደርሷል፡፡

በዚህም ጋንዲ ሆስፒታል ፣ አምባሳደር አካባቢ ፣ ቦሌ ሮድ እስከ ደንበል በአጠቃላይ ስታዲየም ዙሪያ ያሉ አካባቢዎች የውሃ አገልግሎት ተቋርጣል፡፡

መስመሩን ጠግኖ ወደ መደበኛ ስርጭት ለማስገባት ርብርብ እየተደረገ መሆኑን ባለስልጣኑ ገልጾ ደንበኞች በትግስት እንዲጠብቁ መልዕክት አስተላልፏል።

@tikvahethiopia @tikvahethiopiaBOT

#Metekel

በቤኒሻንጉል ጉሙዝ ክልል የመተከል ዞን ጥቃት አሁንም ቀጥሏል። የሰዎች ህይወት እያለፈ ነው፥ንብረትም እየወደመ ነው።

• አዲስ ማለዳ ጋዜጣ ታኅሳስ 26 በጭላንቆ ቀበሌ 7 ንፁሃን ዜጎች እና 4 የመከላከያ አባላት ለቡለን ወረዳ አጎራባች ከሆነው ካማሺ ዞን ያሶ ወረዳ የገቡ የታጠቁ ኃይሎች በከፈቱት ተኩስ መገደላቸውን በቅዳሜው እትሙ አስነብቧል።

• በወምበራ ወረዳ በጎንዲ በተባለ ቦታ ባለፈው ሳምንት ሀሙስ የጸጥታ ሀይሎችን ጨምሮ በግብርና ስራ ላይ የተሰማሩ 16 ሰዎች በተፈፀመባቸው ጥቃት ተገድለዋል። በንብረት ላይም ከፍተኛ ጉዳት ደርሷል።

• ጉባ ወረዳ ትናንት በደረሰ ጥቃት 11 ሰዎች ተገድለዋል።

• ትላንት ለሊት ድባጤ ወረዳ 'ቆርቃ ቀበሌ' በታጣቂዎች በተከፈተ ጥቃት ከ60 በላይ ንፁሃን መገደላቸውን የአይን እማኞች እና ከጥቃቱ ያመለጡ ሰዎችን ዋቢ አድርጎ ቪኦኤ ዘግቧል።

ከ25 በላይ ሰዎች ቆስለዋል፣ እጅግ ከፍተኛ ንብረት እንደወደመ ተነገሯል።

ቪኦኤ ሬድዮ ፥አንድ የአካባቢው የኮማንድ ፖስት አባል ጥቃቱ መፈፀሙን አረጋግጠዋል ብሏል። ነገር ግን የደረሰውን ጉዳት መጠን አልገለፁም፤አላረጋገጡም፣ መረጃም አልሰጡም።

የአካባቢው የቲክቫህ አባላት በተፈፀመው ጥቃት የሟቾች ቁጥር ከመቶ በላይ ነው ብለዋል።

• ትላንት እንዲሁም ዛሬ ከቻግኒ ወደ ግልገል በለስ በሚሄዱ መኪናዎች ላይ ጥቃት ተፈፅሞ ሁለት ሰው ሲገደል ሌሎች ቆስለዋል። ትላንት 1 ሰው ዛሬ 1 ሰው ተገድሏል።

አጠቃላይ ከላይ የተሰባሰቡት መረጃዎች የአይን እማኞችና ነዋሪዎች የሰጧቸው ሲሆኑ በመንግስት በኩል የተብራራ ዝርዝር መረጃ እስካሁን አልተሰጠም።

አሁንም አካባቢው ከፍተኛ የስጋት ቀጠና መሆኑን ነዋሪዎች እየገለፁ ነው።

ምንጭ፦ቢቢሲ፣ቪኦኤ፣አዲስማለዳ፣ዶቼ ቨለ
@tikvahethiopia

ጎንደር ለአስመራ ጥሪ አደረገች።

በጎንደር በድምቀት ለሚከበረው የጥምቀት በዓል ለአስመራ ህዝብ ጥሪ መተላለፉን የጎንደር ከተማ አስተዳደር ባህል ቱሪዝምና ስፖርት መመሪያ አስታውቋል።

ጎንደር ከአስመራ ህዝብ ጋር የነበራትን ጥንታዊ የጠበቀ ግንኙነት ለማስቀጠል እና አብሮነትን ለማጠናከር አስመራ በበዓሉ እንድትታደም መጋበዟን ነው ከከተማ አስተዳደሩ ባህል ቱሪዝም ስፖርት መመሪያ የተገኘው መረጃ የሚገልፀው።

ባህረ ጥምቀቱን ምክንያት በማድረግ ወደ ጎንደር የሚሄዱ እንግዶችም በቦታው ሲገኙ ከሃይማኖታዊ ክዋኔ በተጨማሪ የጎንደርን ጥንታዊ፣ ታሪካዊ እና ባህላዊ ቅርሶችን እንዲጎበኙ ዝግጅት ተደርጓል።

እንግዳ አክባሪው ፣ ፍጹም የኢትዮጵያዊነት እሳቤ እና አመለካከት ያለው የጎንደር ህዝብ እንግዶችን ለመቀበል ቅድም ዝግጀት ማጠናቀቁን ነው መምሪያው ያስታወቀው።

ባህረ ጥምቀቱን ለማክበር ሲደረግ የነበረው ሰፊ ዝግጅት መጠናቀቁን የጎንደር ከተማ ባህል ቱሪዝም እና ስፖርት መመሪያ አስታወቋል። ~ AMMA

@tikvahethiopia @tikvahethiopiaBOT