በጅማ ከተማ በደረሰ የእሳት አደጋ 6 ሚሊዮን ብር ግምት ያለው ንብረት ወደመ !

በጅማ ከተማ በደረሰ የእሳት አደጋ 6 ሚሊዮን ብር የሚገመት ንብረት መውደሙን ፖሊስ አስታወቀ።

የከተማው ፖሊስ መምሪያ እንደገለፀው አደጋው የደረሰው ዛሬ ንጋት አካባቢ 11 ሰዓት ከ30 ደቂቃ ላይ ነው።

በከተማው በቦቾ ቦሬ ቀበሌ መናኸሪያ አካባቢ በሚገኝ በሚገኝ አንድ የእንጨት ስራ ወጤቶች ማምረቻና መሸጫ የግል ድርጅት ላይ አደጋው መድረሱ ተገልጿል።

በአደጋው በድርጅቱ ተመርተው ለገበያ የተዘጋጁ ዘመናዊ የእንጨት ስራ ውጤቶች ሙሉ ለሙሉ ወድመዋል።

የወደመው ንብረት 6 ሚሊዮን ብር ግምት አለው እንደሆነ የተነገረ ሲሆን በሰዎች ላይ የደረሰ ጉዳት የለም።

በአካባቢው ነዋሪዎች፣ በጸጥታ አካላትና በእሳት አደጋ መከላከያ ሰራተኞች ትብብር በተደረገ ጥረት ቃጠሎው ወደ ሌሎች የንግድ ተቋማት ሳይዛመት በቁጥጥር ስር መዋሉን ፖሊስ ገልጿል።

የአደጋው መንስኤ እየተጣራ ነው። ~ENA

PHOTO : JIMMA TIKVAH FAMILY
@tikvahethiopia @tikvahethiopiaBOT

ከ850 በላይ ተማሪዎች መቐለ ዩኒቨርሲቲ ገብተዋል።

ዛሬ መቐለ ዩኒቨርሲቲ የዓዲግራት ተማሪዎችን ሲቀበል ውሏል።

የዓዲግራት ዩኒቨርሲቲ የ2012 ተመራቂዎች መቐለ ዩኒቨርሲቲ ገብተው ትምህርታቸውን እንዲከታተሉ መልዕክት መተላለፉ ይታወቃል።

ዛሬ እና ነገ ተማሪዎች የሚገቡ ሲሆን ጥር 2 ቀን 2013 ትምህርት ይጀመራል።

እስካሁን ድረስ ከ850 በላይ ተማሪ ግቢ ገብቷል።

ለተማሪዎች ትራንስፖርት / መኪና ለመመደብ እንቅስቃሴ እንደነበር ቢገለፅም ምንም የተመደበ መኪና የለም።

ወደ ግቢ የገቡ ተማሪዎች እንደገለፁት ከአዲስ አበባ በባስ 850 ብር ትኬት ቆርጠው ነው መቐለ የደረሱት።

ከአዲስ አበባ ውጭ ከመቐለ በቅርብ ርቀት ያሉ ከተሞች (ወልዲያ፣ ደሴ) የሚገኙ ተማሪዎች ደግሞ ኮንትራት መኪና በራሳቸው ይዘው መቐለ እንደገቡ ተሰምቷል።

የትራንስፖርት ክፍያው ውድነት እንዲሁም ትራንስፖርት አጥተው የተቸገሩ የቲክቫህ አባላት ተማሪዎች ቅሬታቸውን አቅርበዋል።

ገንዘቡ እጅግ ከፍተኛ በመሆኑና የትራንስፖርት እጥረት በመኖሩ ጉዟቸውን ፈታኝ እንዳደረገው አሳውቀዋል።

ምንም እንኴን እጥረት ቢኖርም ከአዲስ አበባ - መቐለ ትራንስፖርት አለ፤ መንገድ ላይም ምንም አይነት ችግር እንደሌለ ዛሬ መቐለ የገቡ ተማሪዎች ገልፀዋል።

@tikvahethiopiaBot @tikvahethiopia

"ለፖለቲካ ችግሮቻችንም ሆነ ለነፃ፣ ፍትሓዊና ዴሞክራሲያዊ ምርጫ የፖለቲካ ምህዳሩ መስፋቱ ወሳኝ ነው"-ኦፌኮ

ኦፌኮ ትላንት ባወጣው መግለጫ ለሀገራችን የፖለቲካ ችግሮችም ሆነ ለነፃ ፣ፍትሃዊና ዴሞክራሲያዊ ምርጫ የፖለቲካ ምህዳሩ መስፋት ወሳኝ መሆኑን አስገንዝቧል።

የፌዴራል ስርዓቱ ዴሞክራሲያዊ ሆኖ እንዲተገበር የክልሎች የራስን አስተዳደር ውስጥ ጣልቃ ገብነት እና የሞግዚት አስተዳደር እንዲወገድ በኢህአዴግ በሚመራው መንግስት ላይ ለዓመታት የመረር ትግል በማድረጉ አያሌ አባላቱ ፣ ደጋፊዎቹ ላይ ግድያ ፣ ማሰር ፣ ማሰቃየት፣ ማፈናቀል፣ እና ማሳደድ ወንጀሎች እንደተፈፀመባቸው አስታውሷል።

ዛሬም በርካታ የኦፌኮ አባላትና ደጋፊዎች ከከፍተኛው አመራር እስከ ታችኛው እርከን ድረስ ለህዝብ ነፃነትና መብት ፀንተው በመቆማቸው የውሸት እና የፈጠራ ወንጀል ተለጥፎባቸው በተለያዩ ማጎሪያ ካምፖች፣ ፖሊስ ጣቢያዎች፣ ልዩ ኃል ካምፖች፣ በድርጅት ፅ/ቤቶች በመደበኛ እስር ቤቶች እና በመማሪያ ክፍሎች ሳይቀር ታስረው እየተሰቃዩ ይገኛሉ ብሏል።

ኦፌኮ መንግስት በኢፌዴሪ ህገ መንግስት እና በዓለም አቀፍ ህጎች የተደነገጉ ሰብዓዊና ዴሞክራሲያዊ መብቶችን በማክበር በተለያዩ አካባቢዎች በፖለቲካ አቋማቸው ያሰራቸውን አመራሮች እና አባላት፣ ደጋፊዎች በአስቸኳይ እንዲፈታ የፖለቲካ ፓርቲዎች በነፃነት እንዲንቀሳቀሱ ዋስትና እንዲሰጥ ጠይቋል።

በኃይል የተዘጉ ፅ/ቤቶች ተከፍተው ስራ እንዲጀምሩ ሁኔታዎችን እንዲያመቻች ጠይቋል።

ምርጫ የሚያስተባብሩ፣ የሚወዳደሩ እና የሚታዘቡ የፓርቲው አመራሮች፣አባላት እና ደጋፊዎች ታስረው ሌሎችም ከደረሰባቸው ማስፈራሪያ ተሰደው ፅ/ቤቶች በኃይል ተዘግተው ምርጫ ለመሳተፍ እንደሚቸገር መላው የኢትዮጵያ ህዝብ ይወቅልኝ፤ የሚመለከታቸው የመንግስት አካላትም እንዲያውቁት እንፈልጋለን ብሏል።

#OFC

"አሜሪካ የሰሜን ኮሪያ ትልቋ ጠላት ናት" - ኪም ጆንግ ኡን

የሰሜን ኮሪያው መሪ ኪም ጆንግ ኡን ዩናይትድ ስቴትስ የአገራቸው 'ትልቋ ጠላት' መሆኗን በመግለጽ ማንም የአሜሪካ ፕሬዝዳንት ቢሆን ፒዮንግያንግን በተመለከተ ዋሽንግተን ፖሊሲዋን ትቀይራለች ብለው እንደማይጠብቁ ገልፀዋል።

ኪም በገዢው የሠራተኛ ፓርቲ ብዙም ያልተለመደ ስብሰባ ላይ ንግግር ሲያደርጉ የሰ/ኮሪያን የኒውክሌር የጦር መሣሪያና የጦር አቅም እንደሚያሳድጉ ቃል ገብተዋል።

የኒውክሌር ሰርጓጅ መርከብ ዕቅድ ለመጠናቀቅ ጫፍ ደርሷል ብለዋል።

ኪም ጆንግ ኡን ይህን የተናገሩት ተመራጩ ፕሬዝዳንት ጆ ባይደን ስልጣናቸውን ለመቀበል በዝግጅት ላይ ባሉበት ወቅት ነው።

ተንታኞች ኪም አስተያየት የሰጡት ባይደን በቅርቡ ቃለ መሃላ በመፈጸም በሚመሠርቱት በአዲሱ የአሜሪካ አስተዳደር ላይ ጫና ለማሳደር ነው ብለዋል።

በሰሜን ኮሪያ የኒውክሌር መርሃ ግብር ዙሪያ በተደረጉ ውይይቶች ብዙም ተጨባጭ ውጤት ባይመጣም ኪም ከተሰናባቹ ፕሬዝዳንት ዶናልድ ትራምፕ ጋር መልካም ወዳጅነት ነበራቸው።

ኪም ባደረጉት ንግግር ፒዮንግያንግ "የጠላት ኃይሎች" ቀድመው በአገራቸው ላይ ጥቃት ሊሰነዝሩ ካላሰቡ ፒዮንግያንግ የኒውክሌር መሣሪያዎቿን ለመጠቀም አታስበም ብለዋል።

"አሜሪካ ለአገራቸን አብዮት ታላቋ ጠላታችን እና ትልቋ መሰናክል ነች ... ማንም ስልጣን ቢይዝ በሰሜን ኮሪያ ላይ ያለው የፖሊሲው አይቀየርም" ማለታቸውን የአገሪቱ መንግሥት ዜና ወኪል ዘግቧል። ~ BBC

@tikvahethiopiaBot

#ProfessorBeyenePetros

ታዋቂው ፖለቲከኛ እና ምሁር ፕሮፈሰር በየነ ጴጥሮስ በህይወት ዘመናቸው ላበረከቱት አስተዋፅኦ የምስጋና ስነ-ሰረዓት እየተካሄደላቸው ነው።

የምስጋና ስነስርዓቱ በአዲስ አበባ ነው እየተካሄደ የሚገኘው።

የፕሮፈሰሩ 70ኛ አመት የልደት በአል እና የረጅም ጊዜ ፖለቲካዊ እና ምሁራዊ አገልግሎት ይዘከራል ተብሏል።

ፕሮፌስር በየነ ጴጥሮስ ለሰላማዊ የፖለቲካ ማጎልበት ያላቸው ሚና ይነሳል ተብሎ ይጠበቃል።

በመድረኩ ላይ በታዋቂ ምሁራን ጥናታዊ ፅሁፍ ይቀርባል።

ምንጭ፦ የደቡብ ሬድዮ እና ቴሌቪዥን ድርጅት
@tikvahethiopiaBot @tikvahethiopia