#AviationAcademy

የኢትዮጵያ አየር መንገድ አቪዬሽን አካዳሚ በኮቪድ - 19 ወረርሽኝ ምክንያት አቋርጦት የነበረውን የገፅ ለገፅ ትምህርት መስጠት ጀምሯል።

በክፍል ውስጥ የሚማሩ ተማሪዎች ቁጥር በግማሽ እንዲቀንስ ተደርጓል፤ የተግባር ስልጠናውም አካላዊ ርቀት ተጠብቆ እየተሰጠ ነው ብሏል።

አካዳሚው የገፅ ለገፅ ትምህርቱን በሚሰጥበት ወቅት የኮቪድ-19 ወረርሽኝ ለመከላከል የሚያግዙ መንገዶችን የማይተገብሩ ሰልጣኞችን #እንከማባረር የሚደርስ እርምጃ እንደሚወስድ አሳስቧል።

አካዳሚው በኮሮና ቫይረስ ወረርሽኝ ወቅት የባከነውን የስልጠና ጊዜ ለማካካስ በሚል ተማሪዎቹን ጫና ውስጥ እንደማይከት ገልጾ ፤ በስልጠናው ተማሪዎች ማወቅ ያለባቸውን እውቀት ሁሉ እንዲያገኙ የስልጠና ጊዜው ወደፊት እንደሚገፋ አሳውቋል።

የኢትዮጵያ አየር መንገድ አቪዬሽን አካዳሚ ፦
- በአውሮፕላን አካልና ሞተር ጥገና
- በአብራሪነት
- በበረራ አስተናጋጅነት
- በማርኬቲንግ እና ሊደርሺፕ የኮቪድ-19 ወረርሽኝን ታሳቢ በማድረግ ለ1 ሺህ 500 ሰልጣኞች ስልጠና እየሰጠ ይገኛል ~(ኢቢኤስ፣የኢትዮጵያ አየር መንገድ)

@tikvahethiopiaBOT @tikvahethiopia

#UPDATEWolaitaSodo

1. የጊዜያዊ ገበያዉ ሥራ መጀመር ፦

በዎላይታ ሶዶ ከተማ መርካቶ ገበያ ቃጠሎን ተከትሎ ጊዜያዊ አማራጭ የገበያ ቦታ መዘጋጀቱ ተገልጾ ነበር።

በጊዜያዊ ገበያዉ ከ1,200 በላይ ቦታ ተዘጋጅቶ ከ1,000 በላይ የሚሆኑ ነጋዴዎች ቦታቸዉን ተረክበዉ ሥራቸዉን ጀምረዋል፡፡

ቦታቸዉን የተረከቡ ነጋዴዎች ለጊዜያዊ ጥላነት /ሼድ/ የሚሆኑ ቁሳቁሶችን በራሳቸዉ እያቀረቡ እየሠሩ ነው።

2. የፌደራል አደጋ ስጋት አመራር ኮሚሽን ድጋፍ ፦

በመርካቶ ገበያ በደረሰው አደጋ ለተጎዱ ወገኖች የፌደራል አደጋ ስጋት አመራር ኮሚሽን 2 ሺህ 4 መቶ 93.6 ኩንታል ስንዴ እና ሌሎች አልሚ ምግቦች እርዳታ አደርጓል።

በተደረገው እርዳታ በቤተሰብ ደረጃ 16 ሺህ 626 ሰዎች ተጠቃሚ ይሆናሉ ተብሏል።

3. የዞኑ አመራሮች ድጋፍ ፦

በመርካቶ በደረሰው የእሳት አደጋ ጉዳት የደረሰባቸው ወገኖችን መልሶ ለማቋቋም አጠቃላይ የወላይታ ዞን አመራሮች የ1 ወር ደመወዝ ድገፍ አደረጉ።

በአጠቃላይ ቃል የተገባው የአንድ ወር የአጠቃላይ አመራር ደመወዝ 12 ሚሊዮን 97 ሺህ 519 ብር ነው ተብሏል።

ምንጭ፦ የወላይታ ዞን እርሻና ተፈጥሮ ሃብት ልማት መምሪያ፣ ፌዴራል ስጋት አመራር ኮሚሽን፣ የወላይታ ሶዶ ከተማ አስተዳደር

@tikvahethiopia @tikvahethiopiaBOT

#EthioTelecom

ኢትዮ ቴሎኮም የሞባይል ጥቅል ክሬዲት አገልግሎት ለደንበኞቹ እያቀረበ ይገኛል።

አገልግሎቱን ለማግኘት A ፣ C ወይም L ወደ 810 መላክ ወይም *810# ላይ መደወል እንደሆነ ገልጿል።

ኢትዮ ቴሌኮም የሞባይል ጥቅል ክሬዲት አገልግሎት ለማግኘት የሚያስችሉ መስፈቶች ተከታዮቹ እንደሆኑ አሳውቋል ፦

• የቅድመ ክፍያ ሞባይል አገልግሎት ጊዜ ያላለፈባቸው።

• የሞባይል አገልግሎታቸው በማንኛውም ምክንያት ያልተቋረጠ።

• ከአሁን በፊት የወሰዱትን ክሬዲት በሙሉ አጠናቀው የከፈሉ።

• ከ3 ወራት ያላነሰ በኢትዮ ቴሌኮም ኔትዎርክ ላይ የቆዩ እንዲሁም በየወሩ የ30 ብር የሞባይል አየር ሰዓት በመሙላት ሲጠቀሙ የነበሩ አገልግሎቱን ማግኘት ይችላሉ።

ለክሬዲት አገልግሎት የተዘጋጁ የሞባይል ድምፅ እና ኢንተርኔት ጥቅሎች ዝርዝር ከላይ ባሉት 2 ምስሎች ተያይዟል።

* ኢትዮ ቴሌኮም 10% የአገልግሎት ክፍያ ቀጣይ ከሚሞሉት የአየር ሰዓት እንደሚቀንስ አስገንዝቧል።

@tikvahethiopiaBOT @tikvahethiopia

#AgituGudeta #EthiopiaEmbassyRome

በጣሊያን ውስጥ ከፍየል ወተት በምታዘጋጀው አይብና ለስደተኞች መብት ተቆርቋሪነቷ የምትታወቀው ኢትዮጵያዊቷ ስደተኛ አጊቱ ጉደታ ቤቷ ውስጥ ተገድላ መገኘቷን ፖሊስ ማሳወቁን በጣሊያን የኢትዮጵያ ኤምባሲ ለቢቢሲ አረጋገጠ።

የኤምባሲው ፐብሊክ ዲፕሎማሲ ሠራተኛ የሆኑት አቶ ደሳላኝ መኮንን እንደተናገሩት ትናንት ግድያው ከተፈጸመ በኋላ ፖሊስ ባደረገው ማጣራትና ምርመራ በአጊቱ ተቀጥሮ ይሰራ የነበረ ተጠርጣሪ ስደተኛ ወንጀሉን መፈጸሙን እንዳመነ ገልጸዋል።

በሮም የሚገኘው የኢትዮጵያ ኤምባሲም የአጊቱ ጉደታን ሞት በተመለከተ በፌስቡክ ገጹ ላይ የተሰማውን ጥልቅ ሐዘን ገልጾ፤ ግድያውን በተመለከተም ኤምባሲው ከጣሊያን የውጭ ጉዳይ ሚኒስቴር ጋር በመሆን በቶሎ ተጣርቶ ይፋ እንዲደረግና ወንጀለኛው ለፍርድ እንዲቀርብ በትኩረት የሚሰራ መሆኑን አመልክቷል።

የአጊቱ ግድያ በኢትዮጵያውያን ዘንድ ብቻ ሳይሆን በጣሊያኖችም ላይ ትልቅ ድንጋጤና ሐዘን የፈጠረ መሆኑን የገለጹት አቶ ደሳለኝ በተለይ በስደት ወደ ጣሊያን የሚመጡ ኢትዮጵያውያንና ሌሎች አፍሪካውያንን በመርዳት ስለምትታወቅ ወንጀሉ በስደተኞች ዘንድ ታላቅ ሐዘንን አስከትሏል ብለዋል።

ፖሊስ እንዳለው አጊቱ ጉደታ ትሬንቲኖ ውስጥ በሚገኘው ፍራሲሎንጎ በተባለው ስፍራ ባለው መኖሪያ ቤቷ ውስጥ ጭንቅላቷ ላይ ጉዳት ደርሶባት አስከሬኗ አግኝቷል።

ምርመራ እያደረገ እንደሆነ የገለጸው ፖሊስ የአጊቱ ጉደታ ሞት ጭንቅላቷ ላይ በመዶሻ በመምታት የተፈጸመ የግድያ ወንጀል ሳይሆን እንዳልቀረ ገልጿል።

ምንጭ፦ ቢቢሲ
@tikvahethiopia

የቅዱስ ጊዮርጊስ ስፖርት ማህበር ድጋፍ አደረገ።

የቅዱስ ጊዮርጊስ ስፖርት ማህበር ግምታቸው ከ5 ሚሊዮን ብር በላይ የሆነ ከ350 ሺህ በላይ ደብተሮች እና ሌሎች የመማሪያ ቁሳቁሶችን ድጋፍ ለሚፈልጉ ተማሪዎች አበረከተ።

ደብተሮቹ ላይ የክቡር ይድነቃቸው ተሰማ ፎቶግራፍ እና የክለቡ አርማ ያረፈባቸው ሲሆኑ መታሰቢያነቱም ለእሳቸው እንደሆነ ተገልጿል።

የቅዱስ ጊዮርጊስ ስፖርት ክለብ ማህበር ያሰባሰበው ቁሳቁስ ከፍተኛ መጠን ያለው በመሆኑ በአዲስ አበባ፣ በማይካድራ፣ በመቐለ ፣ በመከተል እና በሌሎች የሃገሪቱ ክፍሎች ለሚገኙ ትምህርት ቤቶችና ለተቸገሩ ተማሪዎች ተደራሽ ይሆናል ብሏል።

እንዲሁም ለተመረጡ የበጎ አድራጎት ድርጅቶች እና የተለያዩ ተቋማት ልገሳ አድርጓል ፦

- ለሜሪ ጆይ ኢትዮጵያ
- ለተስፋአዲስ የህጻናት ካንሰር መርጃ ድርጅት (TAPCCO)
- ለመከላከያ ሰራዊት
- ለታላቁ ሩጫ በኢትዮጵያ
- ለትኩረት በጎአድራጎት ማህበር
- ለህይወት የተቀናጀ የልማት ማህበር
- ለትምህርት ሚኒስቴር

መልዕክቱን የላከልን የቅዱስ ጊዮርጊስ ስፖርት ክለብ ነው።

@tikvahethiopia @tikvahethiopiaBOT