#የእሳት_አደጋ_በሀዲያ_ዞን

በሀዲያ ዞን ምሻ ወረዳ በሶስት ቀበሌዎች ፦
- ኤራ ጌሜዶ፣
- ኩናፋ
- ጉና ሜጋቾ በደረሰ እሳት አደጋ 4 መቶ 36 የቤተሰብ አባላት መፈናቀላቸውን የዞኑ የአደጋ ስጋት ሥራ አመራር ጽ/ቤት አሳውቋል።

ፅህፈት ቤቱ አደጋው የተፈጥሮ እሳት አደጋ ነው ብሏል።

በደረሰው አደጋ ከ23 ሚሊየን ብር በላይ የሚገመት ንብረት መዉደሙ ተጠቁሟል፡፡

በአደጋው በሰው ህይወት ላይ የደረሰ ጉዳት የለም።

128 ዶሮዎች፣ 243 ኩንታል የተለያዩ የእህል ዘሮች ፣ 18 የንብ ቀፎዎች፣ የተለያዩ የቤት ቁሳቁሶች እና በአካባቢው የነበሩ የጓሮ አትክልቶች በድምሩ ከ23 ሚሊየን ብር በላይ የሚገመት ንብረት ወድሟል።

በሌላ መረጃ ፦

በምዕራብ ሶሮ ወረዳ በጃቾ ከተማ በደረሰ የእሳት አደጋ ከ250 ሺህ ብር በላይ የሚገመት ንብረት ወድሟል።

አደጋው ታህሳስ 18 ከምሽቱ 2፡30 በመብራት ኮንታክት የደረሰ መሆኑን የወረደው ፖሊስ ጽ/ቤት አስታውቋል።

አደጋው ህብረተሰቡና የፖሊስ አካላት ባደረጉት ርብርብ ወደ ሌሎች ሱቆችና መኖርያ ቤቶች ሳይሻገር በቁጥጥር ስር መዋሉን ተገልጿል።

(ሀዲያ ዞን ኮሚኒኬሽን)
@tikvahethiopiaBOT @tikvahethiopia

#UPDATE

የቤኒሻንጉል ጉሙዝ ክልል ምክር ቤት በአሶሳ ከተማ አስቸኳይ ጉባዔውን ማካሄድ ጀመሯል፡፡

ምክር ቤቱ በአስቸኳይ ጉባዔው ከመተከል ዞን የጸጥታ ችግር ጋር በተያያዘ የተጠረጠሩ የምክር ቤት አባላትን ያለመከሰስ መብት ያነሳል ተብሎ እንደሚጠበቅ የዞኑ ኮሚኒኬሽን አሳውቋል።

@tikvahethiopia @tikvahethiopiaBOT

#FDREDefenseForce

የልዩ ዘመቻ ኮማንዶ 2ኛ ብርጌድ አንደኛ ወጋገን ሻለቃ የሕወሓት ቡድን ሲያስወነጭፋቸው የነበሩት ተተኳሽ ሮኬቶች በመቐለ ከተማ በግለሰብ መጋዘን ውስጥ ተከማችቶ እንዳገኛቸው አሳወቀ።

በተደጋጋሚ ወደ ባሕር ዳር ፣ ጎንደር እንዲሁም አስመራ ሲወነጨፉ የነበሩት ተተኳሽ ሮኬቶች በግለሰብ መጋዘን ውስጥ ተከማችተው መገኘታቸውን ነው ኮማንዶው ያስታወቀው።

የልዩ ዘመቻ ኮማንዶ 2ኛ ብርጌድ አንደኛ ወጋገን ሻለቃ አደረኩት ባለው አሰሳ እና ፍተሻ በመጋዘን ውስጥ ያልተተኮሱ 13 ሮኬቶች እንዳገኘ ገልጿል ፣ 7 ሮኬቶች ደግሞ ከማስቀመጫው ሳጥን ወጥተው ተተኩሰው እንደነበርም አስታውቋል።

በተጨማሪም የተተኳሽ ሮኬት ማስወንጨፊያ ከባድ ተሽከርካሪ ከመቐለ ከተማ ዳርቻ ባለ ስፍራ ተደብቆ መገኘቱን ብሄራዊ ቴሌቪዥን ጣቢያ ዘግቧል።

@tikvahethiopiaBot @tikvahethiopia

#UPDATE

የቤሮ ወረዳ አስተዳዳሪ የሆኑት አቶ ዶንቴስ ባይኬስ በሾላ ቀበሌ በደረሰው የእሳት አደጋ 586 ሚሊየን 142 ሺህ ብር የሚገመት ንብረት መውደሙን ለኤፍ ቢ ሲ አስታወቁ።

የእሳት አደጋው መነሻ ከአንድ ጸጉር ቤት ውስጥ የተነሳ እሳት መሆኑን ነው የወረዳው አስተዳዳሪ ለኤፍ ቢ ሲ የተናገሩት።

በአደጋው ፦
• 1 ሺህ 840 መኖሪያ ቤቶች፣
• 547 የንግድ ቤቶች፣
• 37 የወርቅ ማህበራት፣
• 109 የወርቅ ማሽን #መውደማቸው ተገልጿል።

@tikvahethiopiaBOT @tikvahethiopia